Luka 1:19 - Bible Zulgo

¹⁹ Gawla Mbulum ata a gwaɗar aaka: «Iye ka, Gabriyel, iye ika miɗ Mbulum, i ger a megemir ŋgar. A slərra iye ya ka, aà məfàfə̀lak, dite aà meɗifek à bazlam aaha ŋgwal ŋa ya.

Luka 1:19 ပူးပေါင်းရင်းမြစ်များ

Mata 18:10

I dəba ŋa ya, Yesuw a gwaɗa a tar asa: «Gwim metsehe, aɗaba ka ta fə̀rum aà gà asiŋ gà mburma ana ta gəs iye nda gəzləŋ, dite ka, ti ne gà ɓəza i təv are kurum a ka, kamala za ya tsa. Aɗaba iye ihər i gweɗe a kurum a nda ndzer: Gà gawla Mbulum ka, tar riŋ kəla pat mandza ŋa ika miɗ Mbulum Tsir gà i gər ŋa, aɗaba tar mbaŋa.

Luka 1:20

Gà dukw ata ka, a ta ge a ba kamala ana i tsikik a tits kaɗəŋ. Ama kər ka, kàa gəs bazlam gà ata tsa. Aɗaba taŋa, ki ne a mandakazləm ŋa, ki fèfil a asa tsa, haa a pat ana gà dukw ata tàa ndzera ya dzekwiŋ.»

Luka 1:26

I dəba ŋa ya, Elisabet a ge kiye ndilik ka, Mbulum a slər gawla ŋgar Gabriyel a kwite duwa, tə zalar Nazaret, ika ahəɗ Galile.

Luka 2:10

Ama gawla Mbulum ata a gwaɗa a tar: «Ki gwim magəɗa tsa, aɗaba i dara ka, i zla a kurumara bazlam ŋgwal ŋa ana gà mburma tserdze ta ŋgeye a dər ba hinne ya.

Luka 21:36

Ka ndzwim are tsa, hamum kəla pat, dite ka, ka ŋgatum ndzəɗa aà mibe dər i təv gà dukw ata tserdze ti dere a ya. I dəba ŋa ya, ki ta hitswim a aka miɗ gà lele, iye, *wur ana a dara i təv Mbulum a kuɗa.»

IBƏRANIKWA 4:14

Aɗaba taŋa ki ndzekwe a nda gà megìse ana kə̀ gə̀sakwa ya, a gəzləŋ ɓəŋɓəŋ lele, dite ki ɗifekwe a dər a mburma ŋgarra lele mbaŋa asa. Aɗaba batsah mala mandəva kuɗa a Mbulum ata ka, Yesuw Kəla Mbulum ana a tsəl a təv ŋgar a gər ŋa ya.