Luka 1:17 - Bible Zulgo

¹⁷ A ti ɗif a à vatwa Mbulum nda Mezite Mesife ŋgar, dite nda ndzəɗa asa kamala biy Iliya, mala məma à guma Mbulum ana akahər ata ya. Ŋgat asa na a ta mewe akaba a à gà tsir nda kəla ya. Ŋgat mbaŋa na a ti ɗif a à metsehe a gà mburma ana ta gəs bazlam Mbulum tsiye. Dite a ti ne a ter a gà ɓəzla mazazama Mbulum kalkal lele kuɗa ya. Kərga taŋa ya, a ti lèmbeɗe a à gəzləŋ a gà ɓəzla mazazama Mbulum, dite ka, ta veve a Batsah tar ŋa kəla pat a.»*fc*

Luka 1:17 ပူးပေါင်းရင်းမြစ်များ

Mata 11:14

Ama na a sàs a kurum dukw ana i tsik a kurum a ya ka, Yuhana a ne ka, Iliya, wele ana ta wetse i wakita Mbulum piŋŋe, ta gwa ahər, a dere a mba ya.

Mata 14:4

Aɗaba taŋa, Yuhana a gwaɗawar ka: «Məpala ahəm Mbulum aka vəl vatwa aà mazla məkəs damər yak tsa.»

Mata 3:3

Aɗaba Yuhana ka, wele ana Ezaya mala məma à guma Mbulum a tsik ahər akahər ata ya. A gwa ka: «Mburma ŋa a riŋ i kusak, à fèfil a ŋgəlakəkka, a gweɗe a: «*fa*

Mata 3:4

Yuhana ata a ndzawa ka, nda gà petek ŋguz zlìgwèmè, madànà ŋa i magər ba ya nda kwiye. Dukw mezime ŋgar ka, say məpapəɗa heyew, nda mazəma amum ana i dala ya ɗekɗek.

Luka 1:16

Ŋgat na a mbìɗ a à mazlàŋà gà gər gà asiŋ gà ɓəza Isərayel aka miɗ Mbulum Batsah tar ŋa ya ya.

Luka 1:76

Araha, kinehe kər ka, kəla gà, ki ti ne a mba ka, mala məma à bazlam Mbulum ana batsah ŋa i gər ŋa ya. Aɗaba kər na ki ti lèh a aka miɗ BATSAH kwa ŋa, aà malàmbàɗar vatwa ŋgar a.

Yuhana 1:13

Ti ne gà ɓəza Mbulum ka, a wa tar kamala ana mburma ti dzele a, ta we a ba ya tsa. Ti ne gà ɓəza Mbulum ka, agəra ana a vəl a tar mesife awiya ŋa ya.

Yuhana 1:34

Yuhana a gwa asa ka: «Yàa ŋgat a gà dukw ata ndzer, pàrsa iɗəm tsa. Aɗaba taŋa, na iye ihər i tsik a kurum a parakkà, ŋgat na Kəla Mbulum a.»

Yuhana 3:28

Kurum nda gər kurum ka, kurum gà ɓəzla sida gà, na Yàa gwa ka, iye ka, *Kiristi, mala məmbə̀là à mburma ana Mbulum a gwa, i ti slir a kurumehe a ya ya. Ama iye ka, Mbulum na a slərra iye, i làhara aka miɗ a pəra.

Gà Ɓəzla Meslire 10:33

Aɗaba taŋa na i slər aka kəraha mburma tsara ya. Ama kər tekeɗe ka, kàa gasa aba tsa, kàa dara tsara kaɗəŋ. Kinehe ka, mər tserdze mayahaba gər ŋa ika miɗ Mbulum, mìi veve a matsaraka dukw ana BATSAH kwa ŋa a gwaɗak, ti tsik a mər a, mìi tserekiŋa.»

RUMA 9:23

Dite a gà asiŋ ŋa ibam, a sasar à pèt a ter a à ndzəɗa ŋgar ana a za duwa tserdze, tì zlibe a dər a. A waya mege a tar ŋgwal ŋa, a zal a tar dər ka, daga piŋŋe na aà ta ŋgat ndzəɗa ŋgar ata ya.

KULUSIYA 1:12

A sèsiŋ ka, ki gwim a kəkaaha a Mbulum Tsir kwa kəla pat nda gà maŋgayaba ata i gəzləŋ kurum mbaŋa asa. Aɗaba ŋgat na a vəl a kurum vatwa, na dite ki ta ŋgetwim a dukw ana ŋgwal ŋa, a ti dzeye a a gà mburma ŋgar a ya. Dukw ata ka, i təv dzaydzay ŋgar ana i gər ŋa, à div a hinne ya.

2 TIMUTE 2:21

A riŋ ika magər gà mburma kamala taŋa ya mbaŋa. Gà biy ŋgiɗ ka, gà ŋgwal ŋa. Gà biy ŋgiɗ ibam, gà ŋgwala tsa. Aɗaba taŋa, na wele ana aka dara i liwiŋ gà mburma ata ya ka, aka bara ba ŋgar tsəɗaŋŋa lele, idep dukw bakal duwa i təv ŋgar asa tsa. A ge a megemir Mbulum ka, kəla pat ndaka vatwa ŋa lele. A ne a ka, kamala maŋgara dukw ata ŋgwal ŋa, a ge a ŋgulum a mala ga ya. Aɗaba dukw ata a ge a dər ka, dukw ana ŋgwal ŋa ya ɗekɗek.

1 PIYER 2:9

Ama kurum ka, gà gwala Mbulum ana a pala kurum a. Dite kurum gà ɓəzla mandəva kuɗa ŋgar ana ki gwim a meslire a batsah Əbay a. Kurum ka, gà tsəɗaŋŋa, kurum gà mburma ŋgar ana a ndzəkara kurum i luvuŋ a, a da à kurum a təv dzaydzay ŋgar ana a də̀v hinne kamala dukw mene aà mburma ya.*fd* Dite a pala kurum ka, aà ka nwim gà mburma ana ki tsikwim a dukw ana a ge ŋgwal ŋa, a za gà dukw tserdze ya, a mburma.

1 Yuhana 2:28

Gà ɓəza gà, i tsik a kurum a asa ka, ndzum nda gà ŋgat i təv ilik ŋa, na dite, a pat ana à mère a ya ka, gəzləŋ kwa a ge a magəɗa tsiye, dite a ndze a hiywekukwà nda hwarwa ŋa ɓav tsa asa, na aka dara ya.

Sunwa Yuhana 20:4

I dəba ŋa ya asa ka, i ŋgataha a gà təv mendze gà Əbay. Gà mburma a riŋ mandza ŋa ikəka. Mbulum a vəl a tar ndzəɗa aà mege seriye a gà mburma ŋgiɗ. Dite ka, i ŋgataha a gà mezite gà mburma ana tə sasaya ika tar gər a ya mbaŋa. Tə sasaya ika tar a ka, aɗaba ana ti tsikewa parakkà, Yesuw ka, BATSAH kwa ŋa, dite agəra ana ti ɗifewa à bazlam Mbulum a mburma ya asa mbaŋa. Aɗaba tar ka, tàa dza gurmits a bəɗ a dukw dala ata, kige tsa, a mendzikiɗe ba ŋgar ŋa tsidze. Dite tàa gəs lambà ŋgar aà mege aka yemere tar, ku mege aà ahər tar ɓav tsidze. I ŋgat a tar ka, tar riŋ nda mesife. Tar nda gà Yesuw ka, gà Əbay, ta kwere a mive dəbuw.