KULUSIYA 4:10 - Bible Zulgo

¹⁰ Aristarkus ana mər mandza ŋa ɗa i daŋgay məma ya, a ge a kurumaha wusa mbaŋa. Dite Markus, kəla damər Barnabas tekeɗe, a ge a kurumaha wusa mbaŋa asa. Na aka ndzeha a təv kurum ka, gəsum ŋgat lele. Aɗaba Yàa mbər metsike a kurumaha aba ya piŋŋe, dukw ana kà gwim agəra ŋgat a.

KULUSIYA 4:10 ပူးပေါင်းရင်းမြစ်များ

Gà Ɓəzla Meslire 12:12

A ta mesire aaba lele kamala taŋa ya, pàrsa iɗəm tsa kuɗa ka, a gəs vatwa i fataya tsara, a da a bəra Mariya, məmər Yuhana ana tə zalar Markus a. A daha ka, gà mburma a riŋ hinne mayahaba gər ŋa i fata, ta heme a a Mbulum i bəra məkəs ata.

Gà Ɓəzla Meslire 12:25

Gà Barnabas nda Sawul tə ndəv à meslire tar i Yeruzalem a ka, ta mbəɗ gər a dəba a Antakiya. Tə zla dər Yuhana ana tə zalar Markus a, aà ahər.

Gà Ɓəzla Meslire 13:13

A ta mege i dəba ŋa ya, gà Pul nda gà màndàla ŋgar tə da i kwite Pafus a, tə tsala a slə̀làh yam, tə da a kwite Perge ana ika ahəɗ Pamfiliya ya. Aləka ti ndzeha a fata ka, Yuhana Markus a miyak à tar a fata, a mbəɗ gər a Yeruzalem.

Gà Ɓəzla Meslire 13:5

Ti ndzeha a kwite ŋa a riŋ iɗəm i fata, tə zalar Salamis ka, tə dza ba aà metsìkè bazlam Mbulum i gà ga mahàmà a Mbulum gà Yahuda ana a riŋ i fata pampam a. I huɗ mesìweye tar ata tserdze ya ka, tar riŋ nda gà Yuhana Markus. Tə zla dər ŋgat aà ahər, dite mà zlàkawa tar aà megemir ŋa.

Gà Ɓəzla Meslire 19:29

Mewideye dukw tar ata dàhum dàhum a ɗe zləm i kwite fit. Gà mburma ata ta gasa gà Makaduniya duwa tə də̀ɗaha aka Pul a fata. Zləm tar ka, gà Gayus nda Aristarkus. Tə da à tar aka dàɓa a təv mayahaba gər mburma ana ta gewa iɗəm màhaw a.

Gà Ɓəzla Meslire 20:4

Tə da akaba nda gà Supatarus, kəla Pirus ana a dara i Bariya ya. Ama tar ka, diŋ. Tar nda gà Aristarkus, nda gà Sekundus gà Tesalunike, nda gà Gayus nda gà Timute gà Derbe, dite nda gà Tikikus, nda gà Tarufimus ana tə dara ika ahəɗ Asiya ya.

Gà Ɓəzla Meslire 27:2

Mì tsala akaba a slə̀làh yam ana a dara i Adaramitiya ya. A de a ndaà gùva ahəɗ Asiya ya, nda təv mandza ba tar ana tə dzawa ba ya. Mì da kuɗa. Ama mì da akaba nda gà wele duwa a riŋ, zləm ŋgar Aristarkus. A dara i Tesalunike ya, ika ahəɗ Makaduniya ya.

Gà Ɓəzla Meslire 4:36

Kərga Yasufa ana gà Levi, ta wa ŋgat i Kipurus, dite gà ɓəzla meslire Mbulum tə zalar Barnabas a, kərga megweɗe ya ka, «mala məmàha aà arəv a mburma» ya, a ge dər kataya mbaŋa.

RUMA 16:2

A təv ana aka ndzeha ka, gəsum ŋgat nda zləm BATSAH kwa ŋa lele. Ki giswim a ka, kamala ana gà mburma Mbulum ta gewa ya. Zlakum ŋgat i təv dukw ana a sle ahər a ya tserdze. Aɗaba ŋgat mbaŋa ka, aka zlak mburma hinne, ku mege iye tekeɗe, aka zlak iye.

RUMA 16:7

Dite ki gwimiŋ a wusa a gà mburma gà, gà Andaranikus nda Yuniyas asa mbaŋa. Mər nda gà tar ka, tàa dza akaba mər a daŋgay dze. Tar sula məma ka, gà ɓəzla meslire Mbulum. Mburma tə sər tar lele, ta waya tar hinne asa. Tar nda gà iye ka, tar na a lah megìse Yesuw Kiristi ya.

2 TIMUTE 4:11

Say Luka pəra na mandza ŋa ɗa i təv ga ya. Na ki dere a ka, ŋgulum ki dwimera nda Markus a məma. Aɗaba ŋgat ka, a sle a aà mazlàkà iye lele mbaŋa.

FILIMUN 1:23

Apafəras ana mər mandza ŋa ɗa i daŋgay məma, aɗaba Yesuw Kiristi ya ka, a gekaha wusa mbaŋa.

FILIMUN 1:24

Gà Markus nda Aristarkus, nda gà Demas, dite nda gà Luka ana tar ɗa i təv ga, mìi ge a megemir Mbulum dze ya ka, ta gekaha wusa tserdze asa mbaŋa.

1 PIYER 5:13

Gà mburma Mbulum ana ika ahəɗ Babila, Mbulum a pala tar kamala ana a pala kurum a, ta ge a kurumaha wusa. Dite Markus, kəla gà tekeɗe, a ge a kurumaha wusa asa mbaŋa.