KULUSIYA 3:23 - Bible Zulgo

²³ Mege megemir ana ki gwim a ya tserdze tekeɗe, gwim ka, nda gəzləŋ ilik. Gwim ka, kamala ana ki gwim a meslire batsah kwa ŋa ya, tsəka, a mburma tsa.

KULUSIYA 3:23 ပူးပေါင်းရင်းမြစ်များ

Mata 6:16

I dəba ŋa ya, a gwaɗa a tar asa: «Na ki gwim a ndəra ka, ka ta gwim kamala gà ɓəzla mimbèhè are ana ta mbehe a are a Mbulum a tsa. Aɗaba tar ta gewa ndəra ka, ɓìrìzl ɓìrìzl ta mbìɗ a à are tar kamala ana tar ka, gà məməta ŋa ya, dite gà mburma ta fə̀r aà tar, ta gwa aà tar ka, gà ɓəzla mege ndəra nda ndzer kaɗəŋ. Iye ihər i gweɗe a kurum a nda ndzer: Tar ka, tàa ŋgat dukw mayaba tar aka ndəv.

RUMA 14:6

Wur ana a dzele a kamala taŋa ya, a gweɗe a, pat ŋgiɗ a za biy ŋgiɗ a ka, a ge a dukw ata ka, a sasar aà mazàmbàɗà à BATSAH kwa ŋa. Ar ka, kalkal wele ŋgiɗ aaha a wele a ikaba gà pat a tsiye mbaŋa. Wur ana a zim a duwa zləməŋa pəra ya tekeɗe, a sasar aà mazàmbàɗà à BATSAH kwa ŋa mbaŋa, aɗaba a ge a dərraha kəkaaha a Mbulum nda dukw ana a zim a ya. Dite bəla wur ana a wele a ikaba dukw mezime ya, a gweɗe a, naha ka, awisl a ka, a sasar mazàmbàɗà à BATSAH kwa ŋa asa. Ŋgat tekeɗe, a ge a dərraha kəkaaha a Mbulum mbaŋa.

RUMA 14:8

Na i təv ana kinehe kwa riŋ ki ndzekwe a aà bəra ka, aà mazàmbàɗà à BATSAH kwa ŋa. Dite i təv ana ki metekwe a asa ya ka, ki zèmbeɗekwe a dər hiywe. Kamala taŋa ya, ku mege kwa riŋ nda are, kige tsa bəla kàa matakwa tekeɗe ibam a ka, kwa tserdze biy Yesuw Kiristi BATSAH kwa ŋa.

EFESIYA 5:22

Kurum gà məkəs, hənum à gər a bəɗ a gà zal kurum, kamala ana BATSAH kwa ŋa a waya ya.

KULUSIYA 3:17

Dukw ana ki gwim a ya, ndəna ki tsikwim a tserdze ya ka, gwim nda zləm Yesuw Kiristi BATSAH kwa ŋa. Ki gwim kəkaaha a Mbulum Tsir kwa nda zləm ŋgar mbaŋa.

1 PIYER 1:22

Kinehe ka, kàa barum bakal i gəzləŋ kurum a, aɗaba kàa gəsum ahəm a təv dukw ana ndzer a, na dite ki slwim a aà mawàyà gà asiŋ gà damər kurum ana ti zezem a vatwa Mbulum mbaŋa ya. Aɗaba taŋa, wayum ba ka, nda gəzləŋ ilik ŋa, kəla pat. Wirwir ma ge iɗəm tsa.

1 PIYER 2:13

Ama kurum gà mburma ana ki zezemwim a Yesuw Kiristi BATSAH kwa ŋa ya ka, hənum à gər kurum a bəɗ a gà Əbay gər ahəɗ. Gəsum ahəm aà batsah Əbay ana a kwere a mburma tserdze ya.

1 PIYER 2:15

Aɗaba a sàs a Mbulum ka, say ki gwim a dukw ana ŋgwal ŋa ya, na dite, bəla gà mburma ana tə̀ sər duwa tsa, ti niw Mbulum a ka, ma handaka a tar aka bazlam.