KULUSIYA 3:15 - Bible Zulgo

¹⁵ Matasla yam ana Yesuw Kiristi a vəl a kurum a ka, mà rah a gəzləŋ kurum lele. Aɗaba Mbulum a zal a kurum ka, na dite kà nwim ba ilik, ki ŋgetwim a mandza zayzay ata ya. Gwim kəkaaha a Mbulum kəla pat.

KULUSIYA 3:15 ပူးပေါင်းရင်းမြစ်များ

Yuhana 14:27

Ama kinehe i de a aà kurum a ka, i vile a kurum a aba matasla yam gà a gəzləŋ kurum a. Ki ndzwim a dər ɗa barbararra lele. I vile a kurum a ka, kamala biy ana gər ahəɗ a vile a kurum a ya tsa. Ki gwim magəɗa, arəv ma da aà kurum a tsa.

Yuhana 16:33

I tsik a kurum gà dukw ata tserdze ya ka, dite kà ndzakwa nda gà iye, ki ŋgetwim a matasla yam a gəzləŋ zayya lele. Ika gər ahəɗ ka, ki sèwèrwim a are. Ama kə̀la ka, arəv ma da aà kurum a tsa, gəsum gəzləŋ, aɗaba Yàa mba aà gà dukw ana ika gər ahəɗ tserdze ya.»

RUMA 1:21

Ku mege tə sər Mbulum a riŋ tekeɗe ka, tì zlibe a à ŋgat kamala ana ŋgat Mbulum a tsa, dite ta ger a kəkaaha ɓav tsa asa mbaŋa. Kamala taŋa ya, madzala gà gər tar ana ti dzele a ya ka, taf masakəŋa. Ti ndze a ka, i lùvùŋ tìtìktìkka. Dite dukw ana ŋgwal ŋa ya ka, tə sər ɓav tsa asa.

RUMA 14:17

I təv kwa ana kà hənakwa à gər a bəɗ a Mbulum BATSAH kwa ŋa ya ka, bazlam dukw ana ti zim a ya, ndəna ti zim a tsiye, kige tsa, masà dukw mese ka, a ge a ŋgulum tsa. Dukw ana ŋgwal ŋa i *mekwere Mbulum ivaɗ ka, Mezite Mesife ŋgar ana a ge a megemir i təv kwa ya. A zlèk a kwa aà mege dukw ana ŋgwal ŋa ya ika magər kwa, a vile a kwe a zayya, nda maŋgayaba lele asa.

RUMA 15:13

Kinehe ka, iye riŋ i heme a a Mbulum, mala metsìkè dukw ana a tsik a ka, dite gà mburma ti dzele a ya, mə vəl a kurum maŋgayaba, mà rah a gəzləŋ kurum tsìsl lele, nda matasla yam zayya, agəra megìse kurum ana kàa gəsum ŋgat nda gəzləŋ a. Kamala taŋa ya, madzala gà gər kurum tekeɗe, fit a de a a təv Mbulum, nda ndzəɗa Mezite Mesife ŋgar.

RUMA 5:1

Kamala taŋa ya, Mbulum a ne à kwa gà ŋgwal ŋa ika miɗ ŋgar ka, aɗaba ana kə̀ gə̀sakwa ŋgat nda gəzləŋ kwa ya. Ama kinehe ka, ki ndzekwe a zayya nda gà Mbulum, agəra dukw ana Yesuw Kiristi BATSAH kwa ŋa a ge ya.

1 Kurintiya 10:17

Taŋa tapa ɗaf ata ka, ilik pəra. Kwa tserdze ka, hinne. Ama ki zimekwe a ka, taŋa ilik pəra. Aɗaba taŋa, ku mege kwa hinne tekeɗe ka, kwa tserdze kàa nekwa ba ilik.

1 Kurintiya 7:15

Ama kəla ka, na bəla wur ana ŋgat mala mazazama Yesuw tsiye, aka sasar mimìyàkà à biy ŋgiɗ aaha aka gəs a ka, tə da ikaba ya pəra. Biy ŋgiɗ aaha ta miyak dər a, ku mege məkəs, ku mege zal tekeɗe ka, ma dzala duwa tsa, aɗaba biy ŋgar ka, bakal ŋgar a riŋ tsa, a ziwe a gər ŋgar. Mbulum a zal a kurum ka, na dite ki ndzwim a nda zay lele ya.

2 Kurintiya 4:15

Mbulum a vəl a mər megemir ata ka, aɗaba kurum, dite a ta mbele a à gà mburma hinne, aɗaba ŋgwal ŋgar ana a ge a ter a ya. Kamala taŋa ya, gà na tar riŋ ta ger a kəkaaha, tì zèmbeɗe a à ŋgat a ka, tì sìkèh a aka miɗ aka miɗ lele mbaŋa.

2 Kurintiya 9:11

A ta pise a kurum a ahəm hinne, aà ka vəlum ahər a gà mìsle ŋgiɗ fə̀làh fə̀làh. Kamala taŋa ya, gà mburma hinne ti ta ge a kəkaaha a Mbulum, agəra dukw ana ki vilwim a ka, mìi de a ter a dərraha nda ahər mər a.

EFESIYA 4:16

Ŋgat na a gaw akaba gà mburma ŋgar fit a təv ilik ŋa, ti ne ba ilik, kamala dzerisl ba ana a gaw akaba slu ba mburma ya. Na dukw ana aà ba mburma tserdze a ge a megemir lele ka, asiŋ ba tekeɗe, a de a lele. Kərga taŋa ya, na gà mburma Yesuw Kiristi ya mbaŋa. Na gà mburma ata tàa waya ba ilik ilik tserdze ka, taŋa tì sìkèhiŋa, dite ti de a aka miɗ aka miɗ.

EFESIYA 4:4

Aɗaba gà mburma ti ne ka, ba Yesuw Kiristi ilik pəra. Mezite Mesife Mbulum tekeɗe, ilik, nda dukw ana Mbulum a zal a kurum dər, a vile a kurum a ya ka, ilik mbaŋa, tsəka, sula tsa.

EFESIYA 5:1

Kurum ka, gà ɓəza ana Mbulum a waya ya. Aɗaba taŋa, kurum tekeɗe, zlum ba kamala ŋgat a.

EFESIYA 5:20

Gwim kəkaaha a Mbulum Tsir kwa, agəra gà dukw ana tserdze ya ka, nda zləm Yesuw Kiristi BATSAH kwa ŋa ya. Gwimer kəkaaha kəla pat.

KULUSIYA 1:12

A sèsiŋ ka, ki gwim a kəkaaha a Mbulum Tsir kwa kəla pat nda gà maŋgayaba ata i gəzləŋ kurum mbaŋa asa. Aɗaba ŋgat na a vəl a kurum vatwa, na dite ki ta ŋgetwim a dukw ana ŋgwal ŋa, a ti dzeye a a gà mburma ŋgar a ya. Dukw ata ka, i təv dzaydzay ŋgar ana i gər ŋa, à div a hinne ya.

KULUSIYA 2:7

Ndzum ka, i ahər ŋgar, kamala dizl ɗaf ana nduŋŋa meŋgè zlile ŋa i biye ya. Megìse kurum ana kə̀ gəsum ŋgat nda gəzləŋ a ka, ma da aka miɗ aka miɗ, ma ge ɓəŋɓəŋ lele. Gəsum ka, dukw ana ti ɗif a kurum dər a, dite ka, ki gwim kəkaaha a Mbulum kəla pat mbaŋa.

KULUSIYA 3:17

Dukw ana ki gwim a ya, ndəna ki tsikwim a tserdze ya ka, gwim nda zləm Yesuw Kiristi BATSAH kwa ŋa. Ki gwim kəkaaha a Mbulum Tsir kwa nda zləm ŋgar mbaŋa.

1 TESALUNIKE 5:18

Ku mege ndeɗime tekeɗe ka, gwim kəkaaha a Mbulum. Aɗaba a sasar ka, gwim kataya, na kurum gà mburma ana mandza ŋa i təv ilik ŋa nda gà Yesuw Kiristi ya.

1 TIMUTE 2:1

Malahalah dukw ana a sèsiŋ metsike a gà mburma Mbulum a ka, araha: Hamum a Mbulum agəra mburma tserdze. Ɗə̀vum a tar zləm a təv ŋgar, dite ka hamumar agəra tar. Gwimer kəkaaha, aɗaba tar ata tserdze ya mbaŋa.

1 TIMUTE 6:12

Ne mala aka miɗ i təv magəsa gəzləŋ ana ika vatwa Mbulum a, kamala gà wele ana tì dzìr a ba aà mivele, ta mir aaba a sah lele ya. Gəs vatwa mesife ana à ndìv a tsa aà biybiy a nda gəzləŋ yak, dite ma ne biy yak. Aɗaba Mbulum a zalak ka, aà mesife ata akahər ata kà tsik ika miɗ mburma hinne, meme na kə̀ gəs bazlam Yesuw Kiristi nda ndzer a gəzləŋ yak a ya.

IBƏRANIKWA 13:15

Aɗaba taŋa kinehe ka, zàmbaɗakwa à Mbulum kəla pat nda təv Yesuw. Ma ne ka, kamala dukw taf masakəŋa ana ki vilekwer a ya. Kamala megweɗe ya ka: Zlə̀bakwa à ŋgat, ki tsikewekwe a zləm ŋgar a gà mburma kəla pat.

Sunwa Yuhana 7:12

I huɗ mezembeɗe tar ata ya ka, ta gwa: «*Amin. Ar ka, kataya kaɗəŋ, ndzəɗa tserdze ka, i ahər Mbulum. Metsehe ŋgar a riŋ a za duwa tserdze. Ŋgat ka, ndzəɗa ŋa. Gekwar kəkaaha, kà zlə̀bakwa à ŋgat, zàmbaɗakwa à ŋgat aà biybiy. Ku weke a gweɗe a, ŋgat ka, Batsah ŋa kaɗəŋ. Amin.»