KULUSIYA 3:14 - Bible Zulgo

¹⁴ Ndeyndey ŋa ka, wayum ba ika magər kurum ilik ilik tserdze. Aɗaba na kàa wayum ba kataya ka, ki ndzwim a i təv ilik ŋa ndìɓèkke lele nda gəzləŋ ilik ŋa.

KULUSIYA 3:14 ပူးပေါင်းရင်းမြစ်များ

Yuhana 13:34

Araha, i tsik a kurum a məpala ahəm awiya ŋa. Dukw ana i tsik a ya ka, wayum ba kurum ilik ilik tserdze. Ki weywim a ba ka, kamala ana i waya kurum a mbaŋa.

Yuhana 15:12

Məpala ahəm gà ana i tsik a kurum a ka, araha: Wayum ba ilik ilik tserdze kamala iye ana i waya kurum a.

Yuhana 17:23

Iye i ndze a i təv tar, kamala ana kər ki ndze a i təv ga ya, dite ti ne ba ilik, ti ndze a i təv ilik ŋa tserdze. Dite gà mburma ana ti zezem a gər ahəɗ a ka, tə sər dər, kər na kà slərra iye ya ndzer a. Tə sər mbaŋa ka, kər kà waya gà mburma yak kamala ana kər kà waya iye ya mbaŋa.

RUMA 13:8

Na wura aka vəl a kurum gwèdèrè, bəla biy dukùla tserdze ka, pə̀lumar dukw ŋgar, ma zeha a təv kurum kwizikw tsidze. Say duwa ilik kə̀la ka, mawàyà ba na ma zeha a təv kurum a. Wayum gà asiŋ gà mburma ilik ilik tserdze aka miɗ aka miɗ. Aɗaba wur ana aka waya mburma ya ka, aka zazam məpala ahəm Mbulum tèrihhwè lele.

EFESIYA 1:4

Aɗaba taŋa, Mbulum aka mbər mipìlè kwa ana mandza ŋa i təv ilik ŋa nda gà Yesuw Kiristi ya daga piŋŋe, aka ana aka ge gər ahəɗ zukw tsiye. A pala kwa ka, aà mene gà mburma ŋgar, dite bakal ma ge riŋ i təv kwa ana ika miɗ ŋgar a tsa.

EFESIYA 4:3

Gwim metsehe, sələk ma ge ika magər kurum tsa. Kaslum ba kurum, madzala gər kurum ma ge ka, ilik, kamala ana Mezite Mesife Mbulum ana a ləm akaba à kwa ya. Ndzum nda zayzay lele ika magər kurum. Mendze kurum ma ge ka, ilik.

EFESIYA 5:2

Wayum mburma kəla pat i təv dukw ana tserdze ki gwim a ya, kamala *Kiristi ana a waya kwa, dite ka, a mət agəra kwa asa ya. A vəl mesife ŋgar biy taf kamala dukw ana ta kəɗ a Mbulum, a dar a gər a.

KULUSIYA 2:2

I mər aba kataya ka, aà məma a kurumaha à arəv, dite ka wayum ba ika magər kurum ilik ilik tserdze, ka gawum ba a təv ilik ŋa. A sèsiŋ asa mbaŋa ka, sərum dukw ana Mbulum a pàt a kwa dər ndərzayya aka gər Yesuw Kiristi ya lele, madzala gà gər kurum ma ta ge wàkit wàkit tsa, na dite ka, ŋgat a ge a kurum a ŋgwal dukw ana a za duwa tserdze ya. Dukw ata a pàt a kwa dər a ka, à Yesuw Kiristi.

1 TESALUNIKE 4:9

Gà damər mər, a ge a ŋgulum tsa na i wetse a kurumaha aka gər mawàyà ba kurum ana, ki weywim a gà asiŋ gà damər kurum a. Aɗaba Mbulum nda gər ŋgar na a ɗif a kurum à mawàyà ba ata ya.

1 TIMUTE 1:5

Ki tsik a ter a bazlam ata ka, dite ta waya mburma. Na aka sàs a tar mawàyà mburma ka, say gəzləŋ tar ma ge lele tsəɗaŋŋa, aruwaŋ ma ge iɗəm tsa. Ta gewa ka, dukw ana ŋgwal ŋa ya ɗekɗek. Dite ta gəs Mbulum nda gəzləŋ tar nda ndzer mbaŋa. Na tàa ge gà dukw ata fit ka, ta waya mburma kaɗəŋ.

IBƏRANIKWA 6:1

Aɗaba taŋa, tàkwa aka miɗ nda təv bazlam ana aka gər Yesuw Kiristi ya, dite ka, ka nekwa gà mburma ana tàa sime i huɗ bazlam ŋgar ata ya. Tsəka, dìndìleɓ dìndìleɓ ka ta mətsakwa aà bazlam ana kà lah megìsekwa aka gər Yesuw Kiristi ya tsa. Aɗaba kàa mbər medzèkweha aka ndəv, ki tèkwe a ka, aka miɗ aka miɗ nda mazlazla ŋa. Ki slekwe aà meɗekwaba a à dukw ana kàa mbər metserekekwe ya hiywe asa tsa. Kamala kà gwaɗakwa: Mbə̀ɗakwa à madzala gà gər ana ŋgwal ŋa tsiye, nda mimìyàkà à dukw ana ŋgwal ŋa tsa, a ne aka kwe a məməta ya, nda gà magəsa Mbulum nda gəzləŋ ilik a asa tsa.

1 PIYER 4:8

Kə̀la ka, duwa a riŋ ilik na a za gà dukw tserdze ya: Wayum ba kurum nda gəzləŋ ilik kəla pat aka miɗ aka miɗ. Aɗaba na kàa wayum mburma lele ka, matsəɓatsəɓ dukw bakal a ge a ika magər kurum asa tsa, à kèhe a ba fit kweleŋ.*fa*

2 Piyer 1:7

Na kàa hənum à gər a bəɗ ka, wayum ba lele, aɗaba kurum ka, nda gà damər na ika vatwa Mbulum a. I təv mawàyà ba kurum ata ya mbaŋa ka, wayum gà asiŋ gà mburma ilik ilik tserdze mbaŋa.

1 Yuhana 3:10

Ama wur ana a gewa dukw ana ŋgwal ŋa tsiye ika miɗ Mbulum, kige tsa a waya mburma tsəka, ŋgat ka, mburma Mbulum tsa. Kamala taŋa ya na ki sirekwe a dər ikaba ya, naha ka, gà ɓəza Mbulum, kige tsa gà ɓəza Əbay sitene ka, aà gà dukw ata ta geye a ya.

1 Yuhana 3:23

Məpala ahəm ŋgar ana a tsik a kwa ya ka, araha. A gwa ka: Gə̀sakwa Yesuw Kiristi ana Kəla ŋgar a nda gəzləŋ kwa, dite ka wayakwa ba ika magər kwa ilik ilik tserdze kamala na Kiristi a tsik a kwa ya mbaŋa asa.

1 Yuhana 4:21

Məpala ahəm Yesuw Kiristi ana a tsik a kwa ya ka, araha. A gwa ka: Na wura a waya Mbulum ka, ma waya mburma mbaŋa.