KULUSIYA 3:13 - Bible Zulgo

¹³ Sərum ba ika magər kurum lele. Na bəla wura aka ge a kurum dukw ana ŋgwal ŋa tsiye ka, ka ta mumar aɗəm à bakal ŋa tsa, pə̀lumar dər seyiŋ ivaɗ. Pə̀lum a ba à bakal kamala ana BATSAH kwa ŋa a pəl a kurum dər a mbaŋa.

KULUSIYA 3:13 ပူးပေါင်းရင်းမြစ်များ

Mata 5:44

Ama iye ka, iye ihər i gweɗe a kurum ŋa: Wayum gà ɓəzla mene are kurum ivaɗ. Hamum a Mbulum aɗaba gà na ti ne a kurum a are, ta ge a kurum a swalwa ya,

Mata 6:12

Pəl a mər à bakal mər, kamala ana mì pə̀lawa dər a gà na ta gewa a mər bakal a mbaŋa.

Markus 11:25

Ama kəla ka, i təv ana ki hemwim a a Mbulum a, bəla wura aka ge bakal i təv kurum a ka, pə̀lumar dər dzekwiŋ, dite Tsir kurum ana i gər ŋa ya, à pìl a kurum a à bakal kurum mbaŋa.

Luka 11:4

Pəl a mər à bakal mər, aɗaba mər tekeɗe ka, mìi pìl a dər a gà mburma ana tserdze, ta ge a mər a dukw ana ŋgwal ŋa tsiye. Kasla mər lele i təv gà na ta bene a mər zləmana ya, dite ka, mì dəɗ a bakal tsa.»

Luka 23:34

Yesuw a gwa: «Tsir gà, pəl a tar à bakal tar, aɗaba tə sər dukw ana ta ge a ya tsa.» Gà mburma ana tə ndwandway ŋgat a, tə dzaya ikaba petek ŋa ya ika magər tar, dite ta ge tsetse, ta gwa: «Ŋgada weke na a ŋget a ya?»

RUMA 15:7

Kamala taŋa ya, ki giswim a ba ika magər kurum ilik ilik tserdze, kamala ana Yesuw Kiristi a gəs kurum a mbaŋa. Na kàa gwim kataya ka, dite na mburma tekeɗe, tì zèmbeɗe a à Mbulum a.

2 Kurintiya 2:10

Na kàa pə̀lum à bakal a wele ata ka, iye tekeɗe, i piler a dər mbaŋa. Na bəla aka giŋ duwa biy na i piler a dər a ka, taŋa ka, Yàa pə̀lar dər nda ndzer dukw ŋgar. I pə̀lar dər ka, aɗaba kurum, ika miɗ *Kiristi.

2 Kurintiya 6:6

I huɗ mendze mər ana mìi ndze a ya, a sər ba ka, mər gà ɓəzla megemir Mbulum. Mər mì pat ka, à tsəɗaŋŋa. Mìi ge a ka, dukw ana ndzer a. Mì bàsawa gəzləŋ, mì gewa gər a mburma lele. Mezite Mesife Mbulum a vəlawa a mər ndzəɗa aà megemir. Mì wayawa gà asiŋ gà mburma ŋgiɗ tserdze nda gəzləŋ ilik.

GALATIYA 6:2

Zlàkayum ba nda təv dukw ana mibe ŋa ika magər kurum a ilik ilik tserdze. Na kàa gwim kamala taŋa ya ka, taŋa ka, kàa gəsum ahəm aà məpala ahəm *Kiristi kaɗəŋ.

EFESIYA 4:2

Hənum à gər kurum a bəɗ kəla pat. Dzum akaba ahəm lìfèɗìɗe lele, dite gəsum gəzləŋ i təv gà dukw ana ŋgwal ŋa tsa ika magər kurum a. Ama ka, wayum ba kurum ilik ilik tserdze ivaɗ.

EFESIYA 4:32

Ki sirwim a ba a ahəm ka, lìfèɗìɗe lele, gà mburma na ti ndze a kurum a are tsehe ya ivaɗ. Pə̀lum aba à bakal ilik ilik tserdze, kamala Mbulum ana a pəl a kurum dər aɗaba kurum ana gà mburma Yesuw Kiristi ya.

EFESIYA 5:2

Wayum mburma kəla pat i təv dukw ana tserdze ki gwim a ya, kamala *Kiristi ana a waya kwa, dite ka, a mət agəra kwa asa ya. A vəl mesife ŋgar biy taf kamala dukw ana ta kəɗ a Mbulum, a dar a gər a.

KULUSIYA 3:12

Mə məts a kurum gər tsa: Mbulum a pala kurum, na dite kà nwim gà biy ŋgar a. Ŋgat na a waya kurum a ya. Aɗaba taŋa, say mede kurum ma ge ka, ŋgwal ŋa, kamala i gà mburma ŋgar ana a ne à tar gà awiya ŋa ya. Gà asiŋ gà mìsle ŋgiɗ ti ndze a kurum are tsehe, kə̀ gəsum ba lele, Hənum ba à gər a bəɗ, ki gwim ŋgwal a gà mìsle ŋgiɗ, dite kə̀ gəsum gəzləŋ mbaŋa.

YAKUBA 2:13

Na wura ɗa ika magər kwa, mburma a ndzer are tsehe tsəka, wur ata tekeɗe, i təv ana Mbulum a ta ger a seriye ya ka, a ndzer a are tsehe tsa mbeete. Ama na mburma aka ndzek are tsehe ka, kər tekeɗe, ki ti ndze a are tsehe a Mbulum ika miɗ seriye mbaŋa.

1 PIYER 2:21

Aɗaba aà medzibe megemir ata na Mbulum a zal a kurum a, na mege kàa gwim dukw ana ŋgwal ŋa ya ya. Aɗaba Yesuw Kiristi nda gər ŋgar tekeɗe ka, aka sèwèr are hinne, agəra kurum mbaŋa. Taŋa ka, a ɗif a kurum a à vatwa mesewere are, dite ka, ki gwim kamala ana ŋgat a ge ya.