KULUSIYA 3:12 - Bible Zulgo

¹² Mə məts a kurum gər tsa: Mbulum a pala kurum, na dite kà nwim gà biy ŋgar a. Ŋgat na a waya kurum a ya. Aɗaba taŋa, say mede kurum ma ge ka, ŋgwal ŋa, kamala i gà mburma ŋgar ana a ne à tar gà awiya ŋa ya. Gà asiŋ gà mìsle ŋgiɗ ti ndze a kurum are tsehe, kə̀ gəsum ba lele, Hənum ba à gər a bəɗ, ki gwim ŋgwal a gà mìsle ŋgiɗ, dite kə̀ gəsum gəzləŋ mbaŋa.

KULUSIYA 3:12 ပူးပေါင်းရင်းမြစ်များ

Mata 24:22

Na mege Mbulum mà nikiɗ ihər à pat mesewere are ŋa ata ya tsa àsla ka, ana ka, wura ilik a mbil a tsidze. Ama a nikiɗ à pat ŋa ka, agəra gà mburma ŋgar ana a pala tar a.

Mata 24:24

Aɗaba taŋa ka, gà na ti ne aba Kiristi ya, nda gà na ti ne aba gà ɓəzla məma à guma Mbulum nda pàrsa ya, ta hitsiŋa. Ta ge a gà dukw mene aà mburma pampam hinne, aà məbàzà dər za a gà na Mbulum a pala tar zləmana, na mege ti sle a ya.

Mata 24:31

Dite aləka mezleliŋ aka ɗe hinne ka, i slirre a gà gawla gà ya. Ti dere a ka, aà mayaha gər a gà na i pala tar a, daga ara aà zlile mbulum a tserdze.»

Markus 13:20

Na mege Əbay Mbulum mà nikiɗ ihər à pat mesewere are ata ya tsa àsla ka, ana ka, wura ilik a mbil a tsidze. Ama a nikiɗ à pat ŋa ka, agəra gà mburma ŋgar ana a pala tar a.

Markus 13:22

Aɗaba taŋa ka, gà na ti ne aba Kiristi ya, nda gà na ti ne aba gà ɓəzla məma à guma Mbulum nda pàrsa ya, ta hitsiŋa. Ta geye a gà dukw mene aà mburma pampam hinne, aà məbàzà dər za a gà na Mbulum a pala tar zləmana, na mege ti sle a ya.

Markus 13:27

I slirre a gà gawla Mbulum a. Ti dere a ka, aà mayaha gər a gà na i pala tar a, daga ara aà zlile mbulum a tserdze.»

Luka 1:78

Aɗaba Mbulum Tsir kwa ka, mawàyà mburma ŋgar nda lìfèɗìɗe bazlam i təv ŋgar ka, hinne. A ti dze a kwa aà dzaydzay ŋgar kalkal kamala biy pat ana à mbizere a ya.

Luka 18:7

Dite wànà Mbulum dze ana, a ti zlèk a gà mburma ana a pala tar, ti tiwer aaba a hawa mèkwède ya seyiŋ ivaɗ tsiye? Wànà a ge a mèhìnèkw aà mezleke tar a?

RUMA 1:7

Kamala taŋa ya, na i ge a kurumaha wusa tserdze, a kurum gà mburma ana Mbulum a waya kurum i Ruma ya. A zal a kurum ka, dite ka nwim gà mburma ŋgar. Gà Mbulum Tsir kwa nda Yesuw Kiristi BATSAH kwa ŋa, ta pise a kurum ahəm, ta vəl a kurum matasla yam a gəzləŋ zayya lele.

RUMA 13:14

Ama Yesuw Kiristi BATSAH kwa ŋa, ma ne ka, kamala dukw ahər kurum a. Ki ndzwim a ka, slìppè i ba ŋgar. Ka wiswim ba à gər nda dukw ana ŋgwala tsa, ba kurum a waya aà mege ya asa tsa.

RUMA 9:11

I təv ana aka wa tar zukw tsiye ka, Mbulum a tsik aɗaba gà ɓəza ata a ta we a ya, a gwaɗa a Rebeka: «Malahalah ŋana a ne a mala meslire a mala dəba.»*fc* Mbulum a tsiker kamala taŋa ya ka, aka na tàa wa tar zukw tsiye, dite ka, tàa mbər mege dukw ana ŋgwal ŋa ya, kige tsa na ŋgwal ŋa tsiye zukw tsa. A ge dər kataya ka, aà masəra dər, a gewa duwa ka, kamala ana ŋgat a waya ya. A pele a gà mburma ŋgar kataya, tits kamala ana a waya i gər ŋgar a, tsəka, aɗaba ŋgwal tar ana ta ge a ya tsa.

1 Kurintiya 13:4

Aɗaba taŋa, wur ana a waya mburma ya ka, ədəts à gis a gəzləŋ, a ge a dukw ana ŋgwal ŋa ya, a mìsle ŋgiɗ. A ge a are aka dukw mburma tsa, a ge a zlapa tsa. Ŋgakŋgakəkka à sìŋgìr a à ba ŋgar ɓav tsa asa mbaŋa.

2 Kurintiya 6:6

I huɗ mendze mər ana mìi ndze a ya, a sər ba ka, mər gà ɓəzla megemir Mbulum. Mər mì pat ka, à tsəɗaŋŋa. Mìi ge a ka, dukw ana ndzer a. Mì bàsawa gəzləŋ, mì gewa gər a mburma lele. Mezite Mesife Mbulum a vəlawa a mər ndzəɗa aà megemir. Mì wayawa gà asiŋ gà mburma ŋgiɗ tserdze nda gəzləŋ ilik.

GALATIYA 5:6

Na wura a riŋ aka gaw ba nda Kiristi ka, bəla ŋgat masàsà ŋa, kige tsa bəla masàsà ŋa tsa tekeɗe ka, a ge a ŋgulum tsa. Dukw ana a ge ŋgulum a ka, say megìse kwa ana kə̀ gə̀sakwa ŋgat nda gəzləŋ a. Dite megìse ata na a vile a kwe a ndzəɗa aà mawàyà gà mburma tserdze ya mbaŋa.

EFESIYA 1:4

Aɗaba taŋa, Mbulum aka mbər mipìlè kwa ana mandza ŋa i təv ilik ŋa nda gà Yesuw Kiristi ya daga piŋŋe, aka ana aka ge gər ahəɗ zukw tsiye. A pala kwa ka, aà mene gà mburma ŋgar, dite bakal ma ge riŋ i təv kwa ana ika miɗ ŋgar a tsa.

EFESIYA 4:2

Hənum à gər kurum a bəɗ kəla pat. Dzum akaba ahəm lìfèɗìɗe lele, dite gəsum gəzləŋ i təv gà dukw ana ŋgwal ŋa tsa ika magər kurum a. Ama ka, wayum ba kurum ilik ilik tserdze ivaɗ.

EFESIYA 4:24

Mbəɗum ibam, à ba ŋgiɗ nda mede awiya ŋa ana Mbulum a vəl, a ndzikiɗ ba biy ŋgar a. Mede ata ka, ndzer ŋa kalkal lele, a da a gər a Mbulum.

EFESIYA 4:32

Ki sirwim a ba a ahəm ka, lìfèɗìɗe lele, gà mburma na ti ndze a kurum a are tsehe ya ivaɗ. Pə̀lum aba à bakal ilik ilik tserdze, kamala Mbulum ana a pəl a kurum dər aɗaba kurum ana gà mburma Yesuw Kiristi ya.

FILIPIYA 1:8

Mbulum ka, a sər meme na i waya kurum hinne ya. Meweye ata i waya kurum a, a dara ka, i təv Yesuw Kiristi ya.

KULUSIYA 3:10

Kàa ŋgatum mede ana awiya ŋa ya ivaɗ. A ne ka, kamala awiya petek ana ŋgulàɗə̀ɗɗa kà dzum akaba ya. Mbulum na a vəl a kurum madzala gà gər ata ya. A riŋ a ne a dər awiya ŋa kəla pat, na dite ki nwim a kamala ŋgat a ya. Dite ka, ki ti sirwim a ŋgat lele, à sìkèh a aka miɗ aka miɗ mbaŋa.

1 TESALUNIKE 5:15

Na wura aka ge a kurum dukw ana ŋgwal ŋa tsiye ka, gwim metsehe, ka ta mumar aɗəm à bakal ŋa tsa. Ama hiywe geywim ba ka, dukw ana ŋgwal ŋa ya ika magər kurum, dite a gà asiŋ gà mburma tserdze mbaŋa.

2 TIMUTE 1:9

Ŋgat ka, aka mbala à kwa. A zal a kwa ka, a ne à kwa gà mburma ŋgar. A ge dər kataya ka, agəra ana ki gewakwar ŋgwal ŋa ya tsa. A ge taŋa ka, aɗaba ana a waya mege kataya ya pəra. Ŋgwal ŋgar ata a ge a kwa nda ahər Yesuw Kiristi ya ka, daga piŋŋe, akahər ana gər ahəɗ a riŋ zukw tsiye.

2 TIMUTE 2:10

Aɗaba taŋa, i simehe a mesewere are tserdze ka, agəra gà mburma ana Mbulum a pala tar a, dite tar tekeɗe ka, ta mbele a nda ahər Yesuw Kiristi, ti de a a təv mipìsè ahəm ŋgar nda təv maŋgayaba ŋgar ana a ndze a aà biybiy a.

TITUS 1:1

Na a wetse wakita aaha ka, iye Pul ana i ge a megemir Mbulum, dite iye mala meslire Yesuw Kiristi ya mbaŋa. Ama Mbulum a slər iye ka, dite i tsik a bazlam ŋgar a gà na a pala tar a, na dite ta gis a ŋgat nda gəzləŋ, ti sir a guma ŋgar ana ndzer ŋa, a ɗifekwe a à mede kwa ana à tsehin a aà Mbulum a tserdze ya mbaŋa.

1 PIYER 1:2

Daga piŋŋe, Mbulum Tsir kwa a sər dukw ana a ta ge a kurum a ya. A pala kurum ka, dite ka nwim gà mburma ŋgar, nda ndzəɗa Mezite Mesife ŋgar. A sasar ka, ki giswim a ahəm aà Yesuw Kiristi, à gwetseke aà kurum a məmbəz ŋgar, na dite ki ndzwim a tsəɗaŋŋa ika miɗ Mbulum a. Mbulum ma ge a kurum ŋgwal ŋgar hinne, dite mə vəl a kurum matasla yam a gəzləŋ kurum aka miɗ aka miɗ mbaŋa.

2 Piyer 1:10

Aɗaba taŋa, gà damər gà, mərum aba, ka miyakum à mege gà dukw ata tsidze, aɗaba mezele ana Mbulum a zal a kurum, a pala kurum a ka, ki gwim kataya. Na kàa gwim gà dukw ata ka, ki dzeywim a ika vatwa Mbulum a tsidze.

1 Yuhana 4:19

Kwa ihər ki weyekwe a gà Mbulum nda mburma ka, aɗaba Mbulum na a lah meweye kwa ya.

2 Yuhana 1:13

Ama mayahaba gər gà mburma ata a ne damər yak dəm ŋa, gà ɓəza ŋgar ana ti yahawuba gər a təv ŋgar a ka, ta ge a kurumaha wusa asa mbaŋa.

Sunwa Yuhana 17:14

Ti ta ge a gùvəl aà wele ana a ndzikiɗ ba Kəla Təmaŋ a. Ama ŋgat ka, a ti zè a tar nda ndzəɗa, à mbè aà teriŋa. Aɗaba ŋgat ka, batsah ŋa ika gər gà bàba ŋana, dite ika gər gà Əbay ŋa ana ta kwere a ya mbaŋa asa. Gà mburma ŋgar ti zezem a ŋgat ka, nda gəzləŋ ilik. A zal a tar, dite a pala tar ka, aà ti zezem a ŋgat. Kamala taŋa ya, tar tekeɗe, ti ta mbè aà ter a mbaŋa.»