KULUSIYA 3:11 - Bible Zulgo

¹¹ Aɗaba taŋa, duwa a riŋ na à dzik a ikaba kurum a pampam a asa tsa. Gà Yahuda nda gà na tar gà Yahuda tsiye ka, tar ka, ilik. Gà mburma ana tə sasa ba ya, nda gà na tàa sasa ba tsiye tekeɗe, pam tsa asa. Na mege kurum ka, gà slele, kige tsa, gà mburma ana i kusak tə sər duwa tsiye, nda gà bəla gà ɓele, kige tsa gà mburma ana ti ziwe a gər tar a tekeɗe, ar ka, pampam tsa asa mbaŋa. Mbulum à dzèye a ikaba tar a pampam asa tsəka, aɗaba ana Yesuw Kiristi a kwere a tar tserdze ya. Dite ŋgat asa na a riŋ mandza ŋa i gəzləŋ gà mburma ata a kwere a tar, ti ne gà biy ŋgar a.

KULUSIYA 3:11 ပူးပေါင်းရင်းမြစ်များ

Yuhana 14:23

Yesuw a gwaɗar aaka: «Wur ana a weye a iye ya ka, a ti dze a gurmits a bəɗ a dukw ana i tsik a ya mbaŋa. Tsir gà a ta weye a ŋgat, dite ka, mər məma mìi dere a, mìi ndze a nda gà ŋgat.

Yuhana 15:5

Iye i ne ka, kamala dizl ɗaf ata ya, dite kurum kà nwim ka, gà ɓəza ahər ŋana. Wur ana a ndze a i təv ga, iye tekeɗe, i ndze a i təv ŋgar a ka, ŋgat a ne ka, kamala ahər dizl ɗaf ata a we a hinne ya. Ama wur ana a ndze a i təv gà tsiye ka, a sle a aà mege duwa ilik tsidze.

Yuhana 17:23

Iye i ndze a i təv tar, kamala ana kər ki ndze a i təv ga ya, dite ti ne ba ilik, ti ndze a i təv ilik ŋa tserdze. Dite gà mburma ana ti zezem a gər ahəɗ a ka, tə sər dər, kər na kà slərra iye ya ndzer a. Tə sər mbaŋa ka, kər kà waya gà mburma yak kamala ana kər kà waya iye ya mbaŋa.

Gà Ɓəzla Meslire 15:17

I fataya ka, gà asiŋ gà mburma ŋgiɗ pam ti yehe a iye. Ama tar ka, gà mburma ana gà Yahuda tsiye. Zləma mburma tserdze na i zal a tar, dite ka, ti ne gà mburma gà ya.

Gà Ɓəzla Meslire 28:2

Gà mburma ana a riŋ i fataya, ta gwaɗa a mər: «Tàkwa a ma mər.» Mì da akaba. Mì daha ka, ta ge a mər gər hinne. I dəba ŋa ya, yam a dza. Mə̀tasl a ge a mər a hinne. Tə daha, ta vàt a mər akwa.

Gà Ɓəzla Meslire 28:4

Gà mburma ata i fataya, ta ŋgat a mesiwiɗ ata ndzàkwàlàkka aà Pul kataya ka, ta gwa: «Wele aaha ka, a ge a ka, mala məbatsa mburma. Ku aka bera i yam a tekeɗe, aka be i seriye Mbulum a ɓav tsa.»

RUMA 1:14

Aɗaba a viliŋ megemir ata ka, say i ɗif a à bazlam ŋgwal ŋana a gà mburma tserdze, ku mege gà awara tekeɗe ya. I ɗif a dər ka, a gà na zirìm zirìm, zìrìwe a ge a ter a ya, nda gà na tə duwayawa ba tar, zìrìwe a ge a ter a tsiye, dite nda gà na tə sər duwa hinne ya, nda gà na tə sər duwa tsidze ya asa mbaŋa.

RUMA 10:12

Mbulum a tsik bazlam ata ka, aɗaba gà mburma tserdze. Gà Yahuda nda gà na tar gà Yahuda tsiye, tar ika miɗ ŋgar ka, pampam tsa. Batsah ŋana ika gər tar ka, ilik. A pise a ahəm a gà na ta hemer a ya lele.

RUMA 3:22

Vatwa ata gà mburma ti ne a dər ŋgwal ŋa ika miɗ Mbulum a ka, aɗaba megìse tar ana ta gəs Yesuw Kiristi nda gəzləŋ a. Vatwa ata ka, biy gà na ta gəs ŋgat a tserdze, tsəka, biy gà Yahuda ɗekɗek tsa. Aɗaba i təv Mbulum ka, mburma tserdze kalkal ilik pəra.

RUMA 3:29

Kurum kà dzalum dze ana, Mbulum ana biy gà Yahuda ɗekɗek a? Dite gà asiŋ gà mburma ŋgiɗ ti dzer a gurmits a bəɗ ti tsidze ya? Awaŋ, ŋgat ka, Mbulum tar tserdze mbaŋa.

1 Kurintiya 12:13

Aɗaba aka ana ti tsilwiɓ à kwa a yam a ka, kwa tserdze kà nekwa kamala ba ilik a, nda ndzəɗa Mezite Mesife Mbulum ata ilik ŋa ya. Aɗaba ku mege gà Yahuda, ku mege gà na tar gà Yahuda tsiye, nda gà ku mege gà ɓele, nda gà na ti ziwe a gər tar a tekeɗe, Mbulum a vəl a kwa akaba Mezite Mesife ŋgar ka, ilik pəra.

1 Kurintiya 14:11

Ama na bəla iye i tsereke a ahəm tar ata tsəka, a giŋ a ŋgulum tsa. Taŋa ka, wele ata à fèfiliŋ a ndaka ahəm ŋgar ata ya, a ne à iye ka, kamala ana iye slele ya, dite iye asa tekeɗe, i ne ika miɗ ŋgar ka, kamala slele ya asa mbaŋa.

1 Kurintiya 7:19

Na bəla kər masàsà ŋa, kige tsa bəla masàsà ŋa tsa ika miɗ Mbulum ka, ilik, duwa a riŋ a ge a ŋgulum tsa. Dukw ana a ge a ŋgulum a ka, ta gəs ahəm aà Mbulum lele.

GALATIYA 2:20

Iye ka, mesife ana i ndze a dər kinehe ya ka, biy gà asa tsa. Ama ka, Kiristi na a ndze a nda mesife ŋgar i gəzləŋ gà ya. Mendze ana i ndze a ɗa ika gər ahəɗ kinehe ya ka, say nda magàsà Kəla Mbulum ata nda gəzləŋ. Ŋgat na a waya iye, dite a dzeye à mesife ŋgar aɗaba iye ya.

GALATIYA 5:6

Na wura a riŋ aka gaw ba nda Kiristi ka, bəla ŋgat masàsà ŋa, kige tsa bəla masàsà ŋa tsa tekeɗe ka, a ge a ŋgulum tsa. Dukw ana a ge ŋgulum a ka, say megìse kwa ana kə̀ gə̀sakwa ŋgat nda gəzləŋ a. Dite megìse ata na a vile a kwe a ndzəɗa aà mawàyà gà mburma tserdze ya mbaŋa.

EFESIYA 1:23

Gà mburma ŋgar ata ka, ti ne kamala ba Yesuw a. Ŋgwal dukw ŋgar ana tserdze ya ka, a riŋ i təv gà mburma ŋgar kamala ŋgwal dukw Mbulum ana fit dze ya ka, a riŋ i ahər ŋgar mbaŋa.

EFESIYA 2:14

Ŋgat na a zlakwara mendzeye lele aka magər kwa ya. Aɗaba piŋŋe ka, gà Yahuda nda gà na gà Yahuda tsiye ka, dzə̀ɓar ika magər tar pampam. Ama kinehe ka, aka sər ba à kwa, aka gaw akaba kwa a təv ilik ŋa kuɗa. Aɗaba piŋŋe ŋa ata ka, mene are ika magər kwa, kamala zlagam a. Ama kinehe ka, Yesuw Kiristi aka mbazla dər iɗəm nda məməta ŋgar a.

EFESIYA 2:15

Aka mbete à məpala ahəm gà Yahuda ana piŋŋe ta gwaɗawa ka: «Ge naha,« kige tsa «ge naaka» ya. I dəba ŋa ŋa ya, a gaw akaba tar nda gà mburma ana gà Yahuda tsiye, fit a təv ilik ŋa. A gaw akaba tar ata ka, tar ka, gwala sula asa tsa. A ne à tar ba awiya ŋa, gwala ilik pəra, aɗaba ana tar mandza ŋa i təv ilik na nda gà ŋgat a. Kərga taŋa ya, a zla a tarra mendze lele aka magər a.

EFESIYA 3:17

Iye ihər i hemer a asa ka, dite Yesuw Kiristi ma ndza i gəzləŋ kurum, aɗaba ana kàa gəsum ŋgat nda gəzləŋ a. Iye ihər i hemer a asa mbaŋa ka, dite ka wayum ba ilik ilik tserdze. Na kàa wayum ba ka, ki ŋgetwim a ndzəɗa ɓəŋɓəŋ lele kamala dizl ɗaf ana a ŋge zlile ya, nda gà kamala ga ana madzàha ŋa lele, a mbezle a tsiye.

EFESIYA 3:6

Dukw ata Mbulum a ɗif dər a ka, kurum gà mburma ana gà Yahuda tsiye tekeɗe, ki ta ŋgetwim a dukw ana a vile a a gà Yahuda ya mbaŋa. Kurum nda gà Yahuda ka, kàa nwim ba ilik. Aɗaba kurum tekeɗe, kurum i dukw ana Mbulum aka mbər megweɗe i sida ya ka, i ta vile a a gà mburma Yesuw Kiristi ya mbaŋa. A ta vile a a kurum a gà dukw ata tserdze ya ka, agəra ana kàa gəsum bazlam ŋgwal ŋana nda gəzləŋ kurum a.

EFESIYA 6:8

Ku ki gwim gà ɓele, ku ki gwim gà ɓele tsa tekeɗe ka, na kàa gwim megemir ŋa ka, sərum dər ndzer, Yesuw Kiristi BATSAH kwa ŋa a ta pìl a kurum aɗəmiŋa.

KULUSIYA 2:10

Ŋgat ka, Əbay ika gər gà gawla Mbulum nda gà Əbay tar ŋa ana tserdze ya. Na kurum riŋ mandza ŋa i təv ilik ŋa nda ŋgat ka, gà dukw ana i təv ŋgar a ka, tàa ne gà biy kurum mbaŋa.

1 Yuhana 5:20

Kà sərakwa dər asa ka, Kəla Mbulum a dara aka gər ahəɗ a ka, a vəl a kwa metsehe, na dite ka, kà sərakwa Mbulum ndzer ŋana ya. Kà ndzakwa i təv ilik ŋa nda gà Mbulum ndzer ŋana ka, agəra ana kà ndzakwa i təv ilik ŋa nda gà Yesuw Kəla ŋgar a mbaŋa, kàa gawakwa ba ya. Ŋgat na Mbulum ndzer ŋana ya, dite ŋgat asa na a vəl a kwa mesife ana à ndìv a tsa aà biybiy a asa mbaŋa.

2 Yuhana 1:9

Sərum der ka, wur aaha a zazamawa bazlam ana Yesuw Kiristi a dzeŋge a kwa ya tsa, hə̀rə̀ts hə̀rə̀ts à ses aakiŋa. Wele ata ka, wala a gəs Mbulum tsa. Ama wur ana a zezem a dukw ana Yesuw Kiristi a dzeŋge a kwa ya ka, ŋgat a gəs gà Mbulum Tsir kwa, nda Kəla ŋgar fit məma mbaŋa.