KULUSIYA 3:10 - Bible Zulgo

¹⁰ Kàa ŋgatum mede ana awiya ŋa ya ivaɗ. A ne ka, kamala awiya petek ana ŋgulàɗə̀ɗɗa kà dzum akaba ya. Mbulum na a vəl a kurum madzala gà gər ata ya. A riŋ a ne a dər awiya ŋa kəla pat, na dite ki nwim a kamala ŋgat a ya. Dite ka, ki ti sirwim a ŋgat lele, à sìkèh a aka miɗ aka miɗ mbaŋa.

KULUSIYA 3:10 ပူးပေါင်းရင်းမြစ်များ

Yuhana 17:3

Wur ana aka ŋgat mesife ana à ndìv a tsiye ka, a sər, kər na Mbulum ndzer a, dite a sər, iye Yesuw Kiristi ana kà slərra iye ya mbaŋa.

RUMA 12:2

Ka tə zazamum mede gà mburma ana ta ge a dukw gər ahəɗ a tsa. Vəlum vatwa a Mbulum ivaɗ, ma da a gəzləŋ kurum, mə̀ mbəɗ dər, na dite ŋgiletittè ki nwim a gà awiya ŋa ya. Kamala taŋa ya na ki sirwim a dukw ana Mbulum a waya ya. Kamala megweɗe ya, ki sirwim a dər ka, dukw ana ŋgwal ŋa, a tsahən ahər, a de a ndaka vatwa ŋa kalkal a.

RUMA 13:12

Aɗaba ar ka, kamala həvəɗ ana wetititittè a de a iɗəm a, dzaydzay ŋa a dere a ya. Kinehe ka, məsakukwa à megemir luvuŋ. Ki ndzìkikwe a dukw ahər ana i təv dzaydzay ŋa ya, aà mege dər gùvəl aà luvuŋ, dite ka, ki mbèkwe ahəriŋa.

RUMA 13:14

Ama Yesuw Kiristi BATSAH kwa ŋa, ma ne ka, kamala dukw ahər kurum a. Ki ndzwim a ka, slìppè i ba ŋgar. Ka wiswim ba à gər nda dukw ana ŋgwala tsa, ba kurum a waya aà mege ya asa tsa.

RUMA 6:4

Aɗaba i təv ana ti tsilwiɓ à kwa a yam a ka, ka matakwa akaba nda gà ŋgat, dite ti le akaba kwa a biye nda gà ŋgat mbaŋa. A ge ba kataya ka, na dite kwa tekeɗe, Mbulum Tsir kwa a vile a kwe a mesife awiya ŋa ya, kamala ana a mbəlara à Yesuw Kiristi i məməta ya, nda ndzəɗa ŋgar ana a za duwa tserdze ya mbaŋa.

RUMA 8:29

Gà na Mbulum a lah mipele tar, ti ne gà biy ŋgar akahər ata ya ka, a sasar na a ti ne à ter a kamala Kəla ŋgar a mbaŋa, na dite Kəla ŋgar tekeɗe, ma ne malkwara ika magər gà damər ŋgar ata hinne ya ya.

2 Kurintiya 3:18

Taŋa, kwa ana tserdze kàa gə̀sakwa ŋgat a ka, kwa i luvuŋ ika miɗ Mbulum kamala ana petek ata a riŋ à kèhe a are kwa ya asa tsa. Kwa ihər ki ŋgetekewe a ndzəɗa BATSAH kwa ŋana ti zlibe a dər, a za duwa tserdze ya. Dite kwa asa tekeɗe, ki ti ndzìkìɗekwe a ba kamala ŋgat a. Kamala taŋa ya, ki ŋgetekewe a ndzəɗa nda mezlibe ŋgar mbaŋa, à sìkèh a aka miɗ aka miɗ. BATSAH kwa ŋa na a ge a taŋa ya. Tar nda Mezite Mesife Mbulum ka, i təv ilik ŋa.

2 Kurintiya 4:16

Aɗaba taŋa na ki zlèkwe a ihər madzala gà gər kwa tsidze ya. Aɗaba ku mege ndzəɗa ba kwa mà nikiɗ tekeɗe ka, Mbulum a vile a kwe a ndzəɗa awiya ŋa a gəzləŋ, aà mazazama vatwa ŋgar kəla pat.

2 Kurintiya 4:6

I təv ana Mbulum a ge gər ahəɗ akahər ata ya ka, a gwa: «Dzaydzay mà də̀v i luvuŋ.» Ama Mbulum ŋa ka, taŋa ilik hiywe na a vəl dzaydzay ŋgar ata à div a i gəzləŋ mər a mbaŋa. A ge dər kataya ka, aà məpàtà à ndzəɗa ŋgar ana tì zlibe a dər, à div a ika miɗ Kiristi ya. Aɗaba taŋa na mər ihər mìi tsik a bazlam ŋgwal ŋa ata a mburma ya.

2 Kurintiya 5:17

Aɗaba wur ana mandza ŋa i təv ilik ŋa nda Kiristi ya ka, aka ne mburma awiya ŋa. Mendze ŋgar ana piŋŋe ya ka, a riŋ asa tsa. Aka mbəɗ aba awiya ŋa.

GALATIYA 3:27

Ti tsilwiɓ à kurum a yam. Kamala taŋa ya ka, zlə̀lhaɗ kàa gawum ba nda gà Yesuw Kiristi, kàa zlum ba ŋgar.

GALATIYA 6:15

Aɗaba na wura masàsà ŋa, kige tsa bəla masàsà ŋa tsəka, a tsik a duwa tsa. Na ge a ŋgulum ka, say na ki nekwe a gà mburma ana tàa ŋgat mesife awiya ŋa i təv Mbulum a ya.

EFESIYA 2:10

Aɗaba ŋgat na a ge kwa ya. A vəl a kwa mesife awiya ŋana nda ahər Yesuw Kiristi, dite ki gekwa dər megemir ŋgwal ŋana. Mbulum a ge aba megemir ata ya daga piŋŋe ka, dite kwa ka zazamakwa ndaka vatwa ŋa lele.

EFESIYA 2:15

Aka mbete à məpala ahəm gà Yahuda ana piŋŋe ta gwaɗawa ka: «Ge naha,« kige tsa «ge naaka» ya. I dəba ŋa ŋa ya, a gaw akaba tar nda gà mburma ana gà Yahuda tsiye, fit a təv ilik ŋa. A gaw akaba tar ata ka, tar ka, gwala sula asa tsa. A ne à tar ba awiya ŋa, gwala ilik pəra, aɗaba ana tar mandza ŋa i təv ilik na nda gà ŋgat a. Kərga taŋa ya, a zla a tarra mendze lele aka magər a.

KULUSIYA 3:12

Mə məts a kurum gər tsa: Mbulum a pala kurum, na dite kà nwim gà biy ŋgar a. Ŋgat na a waya kurum a ya. Aɗaba taŋa, say mede kurum ma ge ka, ŋgwal ŋa, kamala i gà mburma ŋgar ana a ne à tar gà awiya ŋa ya. Gà asiŋ gà mìsle ŋgiɗ ti ndze a kurum are tsehe, kə̀ gəsum ba lele, Hənum ba à gər a bəɗ, ki gwim ŋgwal a gà mìsle ŋgiɗ, dite kə̀ gəsum gəzləŋ mbaŋa.

KULUSIYA 3:14

Ndeyndey ŋa ka, wayum ba ika magər kurum ilik ilik tserdze. Aɗaba na kàa wayum ba kataya ka, ki ndzwim a i təv ilik ŋa ndìɓèkke lele nda gəzləŋ ilik ŋa.

FILIMUN 1:6

Iye ihər i heme a a Mbulum ka, dite megìse kwa ana kə̀ gə̀sakwa ŋgat, kə̀ gawakwa ba a təv ilik ŋa ya ka, mà səkah a gəzləŋ yak mbaŋa. Kamala taŋa ya ka, ki sir a à gà dukw ana ŋgwal ŋa, Mbulum a vəl a kwa nda təv Yesuw Kiristi tserdze ya ka, lele.

IBƏRANIKWA 6:6

Dite i dəba ŋa ya, gà na tàa sər ihər a kataya, ta mbìɗ a dəba a Mbulum a ka, vatwa a riŋ na aà məma a tarra à gər a dəba ya, dite ta mbəɗ à gà gəzləŋ tar a asa tsa. Aɗaba ar ka, kalkal kamala ana tə zla Kəla Mbulum, tə ndwandway ŋgat aà dizl magə̀làwà ŋa masula ŋa ya asa. Dite tə ndaɗa aaka hwarwa nda mendeveyer pìslìɗìɗe ika miɗ mburma asa.

1 Yuhana 2:3

Na ki gekwe a dukw ana Mbulum a tsik a kwa ya ka, taŋa na a ɗif a kwa dər ka, ka sərakwa dər ŋgat ndzer kaɗəŋ a.

1 Yuhana 2:5

Ama na wura a ge a dukw ana Mbulum a tsiker a ka, ŋgat ka, a waya Mbulum nda ndzer lele. Kamala taŋa ya na ki sirekwe a dər, ki ndzekwe a i təv ilik ŋa nda gà Mbulum, ki gewekwe a ba ya.

Sunwa Yuhana 21:5

I dəba ŋa ya ka, wele ana mandza ŋa ika təv mendze Əbay ata ya, a gwa: «Tsarakum, araha i ta geye a gà duwa tserdze ka, gà awiya ŋa.» I dəba ŋa ya asa ka, a gweɗiŋ: «Wetse taŋa fit aka wakita, aɗaba bazlam aaha ka, ndzer, pàrsa iɗəm tsa.»