KULUSIYA 2:23 - Bible Zulgo

²³ Malahalah ŋa, gà mburma ti dzele a ka, ta gweɗe a: Məpala ahəm ata ka, kamala dukw ana a vile a metsehe a mburma hinne ya, aɗaba ana ta fàr akaba ndzəɗa aà mazazama fəla tar tèrihhwè, nda mahə̀nà à gər a bəɗ, nda gà məvəla ba mesewere are hinne mbaŋa. Ama tsaatsa, gà məpala ahəm ata ka, taf masakəŋa, biy na a ge a ŋgulum a mburma, dite ka, a kwere a dər meèweke ba ŋgar ɓav tsa.

KULUSIYA 2:23 ပူးပေါင်းရင်းမြစ်များ

RUMA 13:14

Ama Yesuw Kiristi BATSAH kwa ŋa, ma ne ka, kamala dukw ahər kurum a. Ki ndzwim a ka, slìppè i ba ŋgar. Ka wiswim ba à gər nda dukw ana ŋgwala tsa, ba kurum a waya aà mege ya asa tsa.

EFESIYA 5:29

Wura a riŋ na ba ŋgar a ze ahər a ka, a riŋ tsa. Ku weke a zim a dukw mezime, dite a gebe a gər lele seyiŋ ivaɗ, kamala Yesuw Kiristi ana a ge a gər a gà mburma Mbulum a.

KULUSIYA 2:18

Aɗaba taŋa, ka tə dzum zləm a dukw ana gà mburma ta gweɗe a ka, waytsà gà mər ŋa, dite a sàs a tar metsike a kurum aà dukw ana ki gwim a ya tsa. Ama gà mburma ata ta gweɗe a ka, say məvəla ba mesewere are, nda mazàmbàɗà à gà gawla Mbulum, na ŋgwal ŋa ya. Dite ti tsikewa ka, aka gər dukw ana ta gwa, waytsà mi ŋgatar i sunwa ya ya kəla pat pəra. Medzìbe gà mburma ata ka, ŋgakŋgakəkka tə sə̀ŋgə̀rawa à ba tar taf masakəŋa, nda madzala gà gər gà mburma ana ika gər ahəɗ a ɗekɗek.

KULUSIYA 2:22

Na a dzeŋge a gà məpala ahəm ata ka, mburma ɗekɗek. A dara ka, i madzala gà gər tar a pəra, tsəka, i təv Mbulum a tsa. Aɗaba gà dukw ata tàa ləm ahər tserdze ya ka, ti ndze a tsa, ŋgulum ta ge a dər megemir pəra.

KULUSIYA 2:8

Gwim metsehe, aɗaba wura ma ta bana kurum nda madzala gà gər ŋgar ana taf masakəŋa, a gweɗe a kurum a ka, waytsà i sər duwa hinne ya tsa. Aɗaba metsehe ata a dara ka, i madzala gà gər fəla tar ana ta ge a ya, nda gà i təv gà Əbay sitene ana ika gər ahəɗ a ɗekɗek pəra, tsəka, a dara i təv Yesuw Kiristi ya tsa.

1 TIMUTE 4:3

Ama tar ta gweɗe a a mburma ka, mazla daala ka, lele tsa, ta pele a ter a ahəm. Ta gweɗe a asa ka, mazəma dukw aaha, kige tsa dukw aaka ka, lele tsa, awisl. Tsaatsa, Mbulum a ge gà dukw ata ka, dite mburma tə zəm. Ama gà na ta gəs Yesuw Kiristi, tə sər gà dukw ana nda ndzer a ka, ta ge kəkaaha a Mbulum, dite tə zəm, a ge a duwa tsa.

1 TIMUTE 4:8

Na wura a ge a màhaw ika dàɓa, à tètìɗ a à mile ŋgar ka, taŋa ka, a ge a ŋgulum a slu ba ŋgar zaakwa. Ama wur ana à tètìɗ a à magəsa ahəm aà Mbulum ika vatwa Mbulum kəla pat a ka, taŋa ka, a ger a ŋgulum hinne dze. Aɗaba a ge a ŋgulum ka, a mesife ŋgar ana kinehe ika gər ahəɗ a, dite a ta ge a ŋgulum a mesife ana ika miɗ à ndìv a tsa aà biybiy a asa mbaŋa.