KULUSIYA 2:22 - Bible Zulgo

²² Na a dzeŋge a gà məpala ahəm ata ka, mburma ɗekɗek. A dara ka, i madzala gà gər tar a pəra, tsəka, i təv Mbulum a tsa. Aɗaba gà dukw ata tàa ləm ahər tserdze ya ka, ti ndze a tsa, ŋgulum ta ge a dər megemir pəra.

KULUSIYA 2:22 ပူးပေါင်းရင်းမြစ်များ

Yuhana 6:27

Ka ta gwim megemir aɗaba dukw mezime ana ika gər ahəɗ, a ndze a hinne tsiye tsa. Ama gwim ka, aɗaba dukw mezime ana, a ndze a hinne, à ndìv a tsa aà biybiy, a vile a mesife a mburma ya ivaɗ. Dukw mezime ata a ndze a hinne, à ndìv a tsiye ka, iye, *wur ana a dara i təv Mbulum a, na a ta vile a a mburma ya. Aɗaba Mbulum Tsir gà na a viliŋ ndzəɗa aà mege dukw ata ya.»

1 Kurintiya 6:13

Kurum kù gwaɗum: «Dukw mezime ka, aɗaba hitwis. Hitwis tekeɗe ka, aɗaba dukw mezime mbaŋa.» Haya, ar ka, kamala taŋa ya dukw ŋgar. Ama pat ŋgiɗ kəla ka, ku mege hitwis, ku mege dukw mezime tekeɗe, Mbulum a dzeye akaba à tar a sula məma fit mbaŋa. Ama i təv ba mburma ka, kataya tsa, aɗaba Mbulum a ge ka, aà mege mezelme nda təv muva tsa. A ge ka, na dite ki zèmbeɗekwe a dər à Yesuw Kiristi BATSAH kwa ŋa ya ivaɗ. Aɗaba ŋgat na a kesle a ba kwa ya mbaŋa.

KULUSIYA 2:21

Ka zlum dukw aaha tsa, kà mə̀ndzərum dukw ata tsa, dite bəla kà lə̀mum aà dukw ata tsa asa mbaŋa ya.

TITUS 1:14

Kwara akaba tar ka, dite tə̀ dza zləm aà gà ahəm hiyeŋ gà Yahuda ana tə ɗamawa taf masakəŋa ya asa tsa. Tə tə zazam məpala ahəm gà mburma ana ta miyak à dukw ana ndzer ŋa ya asa tsa.

2 Piyer 2:12

Ama gà mburma ata ta gewa ka, dukw ana nda madzala gà gər tar taf masakəŋa ya. Tar ka, kamala gà dukw dala ana ta weye a gà ɓəza, dite gà mburma ta gese a aà mibetseye ya. Ti tsik a dukw ana ŋgwal ŋa tsiye, aà gà dukw ana tə sər tsiye mbaŋa asa. Mbulum a ta bets a tar tìteh tìteh aà bəra ya kaɗəŋ, kamala na gà mburma ta batsawa gà dukw dala ata ya.

Sunwa Yuhana 17:18

Ama məkəs ata kə̀ ŋgatar a ka, a sasar à meɗife à batsah kwite ana a kwere a gà Əbay ana ika gər ahəɗ tserdze ya.»