KULUSIYA 2:19 - Bible Zulgo

¹⁹ Tar ka, a sàs a tar mandza i təv ilik ŋa nda gà Yesuw Kiristi ana ŋgat BATSAH kwa ŋa ya tsa, tàa miyak dər. Ŋgat na a ne gər ŋa ya, dite gà mburma Mbulum ka, ti ne kamala ba ŋgar a. Gà na tar i ahər ŋgar a ka, a vile a ter a dukw ana a sle a ter a ya tserdze. Aɗaba tar ti ndze a ka, ndzəɗakkà nda gəzləŋ ilik, agəra ŋgat. Kamala taŋa ya, tì sìkèh a ika vatwa ŋgar kamala ana Mbulum a waya ya. A yaha gər a gà mburma ŋgar ata ka, na dite ti ne ba ilik nda gà ŋgat a, kamala ba mburma ana madzàvà ŋa ikaba nda gà mile ya.

KULUSIYA 2:19 ပူးပေါင်းရင်းမြစ်များ

Luka 5:38

Ama ka, kataya tsa. Say mandza guzum himmè ŋana ka, a duwa kwiye ana awiya ŋa ya mbaŋa.

Yuhana 17:21

Iye riŋ i hemek a ka, dite tar ata tserdze tə ndza i təv ilik ŋa. Tə ndza i təv ma kamala kər ana mandza ŋa i təv ga ya, Tsir gà, dite iye tekeɗe, mandza ŋa slìpèhhe i təv yak. Tə ndza i təv ma kamala taŋa ya, dite ka, gà mburma ana ti zezem a gər ahəɗ a, ta gəs ka, kər ana kà slərra iye ya ndzer kaɗəŋ.

Gà Ɓəzla Meslire 4:32

Gà mburma Mbulum ka, tar mandza ŋa i təv ilik ŋa lele. Mawàyà ba tar ibam, nda gəzləŋ ilik ŋa asa. Wura ilik ika magər tar, aka fə̀r aà duwa ŋgar ka, kamala na biy ŋgar à gər ŋgar a tsa. Ama dukw ana tàa ŋgat a ka, ti dzèye ba a ika magər tar tserdze.

RUMA 11:17

Kamala taŋa ya, dizl duwa a riŋ, ŋgwal ŋa biy mezime, tə sàsara iɗəm tsèke ahər ŋgiɗ a. Tə daha, tə sàsara aɗəm ahər dizl ɗaf ŋgiɗ i dala ya taf masakəŋa, tə dzavaya aaka. Aɗaba taŋa, kurum gà mburma ana gà Yahuda tsa, kà nwim ka, kamala ahər dizl ɗaf ata, tə sasara i dala ya taf masakəŋa, tə dzava aaka ya. Dukw ŋgwal ŋa ana gà Yahuda ta ŋgat a ka, kurum kinehe tekeɗe, kàa ŋgatum mbaŋa, kamala ahər dizl ɗaf ana dzəŋdzəŋ a ŋgat ndzəɗa, a sara yam i ba batsah ŋana ya ya.

1 Kurintiya 1:10

Gà damər gà, iye ihər i ge a kurum a kamkam nda zləm Yesuw Kiristi BATSAH kwa ŋa: Bazlam kurum ma ge ka, ilik pəra, tsəka, wùràpə̀ppa ka ndzakum ba ikaba ya təv pampam tsa.

1 Kurintiya 11:3

Ama a sèsiŋ ka, ki sirwim a mbaŋa, Yesuw Kiristi ka, ika gər gà asləka gà mburma tserdze. Asləka ibam, ika gər məkəs. Dite Mbulum ka, ŋgat ika gər Yesuw Kiristi mbaŋa.

1 Kurintiya 3:6

Mər mì ne ka, kamala gà ɓəzla mifìte ya. Iye na i dza ba aà metsìkè bazlam Mbulum ika magər kurum, kamala wele ana a dzava duwa ya. Dite Apalus ŋgat ka, a daha, a səkah à megemir Mbulum ika magər kurum asa mbaŋa, kamala wele ana a dze a yam aà dukw ata ya, dite ka, ma ge ba ya. Ama Mbulum na mala meɗè dər ŋa, dite na a ge a ba ya.

EFESIYA 1:22

Mbulum a dza gà dukw tserdze aà huɗ sik ŋgar. A zla ŋgat, a tike ŋgat a Əbay gà dukw ata tserdze ya, a gwaɗar: «Kər kinehe ka, kàa ne Əbay gà mburma gà kuɗa.»

EFESIYA 1:23

Gà mburma ŋgar ata ka, ti ne kamala ba Yesuw a. Ŋgwal dukw ŋgar ana tserdze ya ka, a riŋ i təv gà mburma ŋgar kamala ŋgwal dukw Mbulum ana fit dze ya ka, a riŋ i ahər ŋgar mbaŋa.

EFESIYA 2:21

Aɗaba kur ata na ga a ndze a ɓərɓər, dite à rèh a lele ya. Kamala taŋa ya, ga ata ka, ma ne ga Mbulum ana a ndze iɗəm i fataya.

EFESIYA 4:3

Gwim metsehe, sələk ma ge ika magər kurum tsa. Kaslum ba kurum, madzala gər kurum ma ge ka, ilik, kamala ana Mezite Mesife Mbulum ana a ləm akaba à kwa ya. Ndzum nda zayzay lele ika magər kurum. Mendze kurum ma ge ka, ilik.

EFESIYA 5:29

Wura a riŋ na ba ŋgar a ze ahər a ka, a riŋ tsa. Ku weke a zim a dukw mezime, dite a gebe a gər lele seyiŋ ivaɗ, kamala Yesuw Kiristi ana a ge a gər a gà mburma Mbulum a.

FILIPIYA 1:27

Ama duwa ilik ma ta məts a kurum gər tsa kəla. Mede kurum ma ge ka, ŋgwal ŋa, kamala bazlam ŋgwal ŋa ana Yesuw Kiristi a ɗif dər a. A sèsiŋ ka, ku mege Yàa ŋgat vatwa aà madaha a təv kurum, kige tsa bəla Yàa ŋgat tsa tekeɗe ka, i tserekere a mendze kurum ana ki ndzwim a ndìɓèkke, kurum masəra ba ŋa ŋgwal ŋa lele, metsehe kurum ilik a. Dite kurum riŋ ihər ki mirwim a aba aà megemir bazlam ŋgwal ŋa ata kə̀ gə̀sakwa nda gəzləŋ ilik kamala gà ɓəzla gùvəl a asa mbaŋa.

KULUSIYA 1:10

Kamala taŋa ya, mede kurum ana ika vatwa Mbulum a, a ge a ka, kamala ana a sàs a Yesuw Kiristi BATSAH kwa ŋa ya. Ki gwim a ka, dukw ana a tsahən ahər a tserdze. Ki gwim a ka, dukw ana ŋgwal ŋa ya, kamala dizl ɗaf ana a we a hinne gwètsik gwètsik a. Dite ka, ki sìkèhwim a à masəra Mbulum aka miɗ aka miɗ mbaŋa.

KULUSIYA 1:18

Ŋgat Əbay ika gər gà mburma Mbulum mbaŋa. Ŋgat na a kwere a tar, kamala metsehe ana i gər mburma a kwere a ba mburma ya. Mesife awiya ŋa a dza ahər ba ka, i təv ŋgar mbaŋa asa. Aɗaba Mbulum a lah məmbə̀lara à ŋgat i məməta ya, na dite a ne à ŋgat Batsah ŋa ika gər gà duwa tserdze, ku mege awara tekeɗe ya.

KULUSIYA 2:2

I mər aba kataya ka, aà məma a kurumaha à arəv, dite ka wayum ba ika magər kurum ilik ilik tserdze, ka gawum ba a təv ilik ŋa. A sèsiŋ asa mbaŋa ka, sərum dukw ana Mbulum a pàt a kwa dər ndərzayya aka gər Yesuw Kiristi ya lele, madzala gà gər kurum ma ta ge wàkit wàkit tsa, na dite ka, ŋgat a ge a kurum a ŋgwal dukw ana a za duwa tserdze ya. Dukw ata a pàt a kwa dər a ka, à Yesuw Kiristi.

1 TESALUNIKE 3:12

Mìi heme a a BATSAH kwa ŋa, dite mawàyà ba kurum ana ki weywim a ba ika magər kurum nda gà asiŋ gà mburma tserdze ya, mà səkah, ma ge a kurum hayaffà, ma da aka miɗ aka miɗ, na dite ki weywim a ba ka, kamala ana mì waya kurum mbaŋa ya.

1 TESALUNIKE 4:10

Haya kaɗəŋ, kamala taŋa ya, kurum ihər ki weywim a gà mburma Mbulum ana ika ahəɗ Makaduniya ya tserdze mbaŋa. Ama ka, mìi ge a kurum a kamkam hinne asa, na dite mawàyà ba kurum ata ki weywim a ba ya, à sìkèh a aka miɗ aka miɗ a.

2 TESALUNIKE 1:3

Gà damər mər, ku mege meme tekeɗe, say mìi ge a kəkaaha a Mbulum kəla pat aɗaba kurum. Taŋa ka, ŋgwal ŋa na mìi ge a kamala taŋa ya, aɗaba megìse kurum ana kə̀ gəsum Mbulum nda gəzləŋ kurum a ka, a riŋ à sìkèh a hinne ya. Dite mawàyà ba kurum ana ki weywim a ba ika magər kurum a tekeɗe, a riŋ a de a aka miɗ aka miɗ kamala taŋa ya mbaŋa ya.

1 PIYER 3:8

Taŋa, i ndìv a à bazlam aaha nda magwàɗà a kurum tserdze: Ndzum ka, madzala gà gər kurum ma ge ka, ilik tserdze na ika magər kurum a. Ndzayum ba are tsehe, dite ka, wayum ba kurum lele, aɗaba kà nwim ka, nda gà damər na kurum ika vatwa Mbulum a. Zlakum ba ika magər kurum ilik ilik tserdze. Hənum ba à gər a bəɗ lele.

2 Piyer 3:18

Ama kurum ivaɗ ka, dum aka miɗ nda mazazama Yesuw Kiristi BATSAH kwa ŋana ŋgat mala məmbə̀là à kwa ya, na dite a ge a kurum a ŋgwal ŋa nda mesire kurum ana ki sirwim a ŋgat a ka, à sìkèh a aka miɗ aka miɗ bə̀ba ŋa. Mezlibe ŋgar ana gà mburma tì zlibe a à ŋgat a ka, tə̀ zlə̀b dər daga aà kinehe ya, haa aà biybiy. *Amin.