KULUSIYA 1:28 - Bible Zulgo

²⁸ Yesuw Kiristi ata na mər ihər mìi tsik a bazlam ŋgar a mburma tserdze ya. Mìi tsik a ter a aba ya, mìi ɗif a ter a à duwa ka, nda metsehe ana Mbulum a vəl a mər a mbaŋa. Aɗaba a sàs a mər ka, gà mburma ti ne kamala ana Mbulum a waya ya, agəra ana tar mandza ŋa i təv ilik ŋa nda gà Yesuw Kiristi ya.

KULUSIYA 1:28 ပူးပေါင်းရင်းမြစ်များ

Mata 28:20

Dite ka dzeŋgwim a tar, ta gəs bazlam ana i tsik a kurum tserdze ya mbaŋa. Sərum dər lele, mə̀ məts a kurum gər tsa: Iye ŋa tekeɗe ka, i ndze a i təv kurum kəla pat, i zlèk a kurum haa aka təv gər ahəɗ ana à ndìv a ya.»

Mata 3:7

Ama Yuhana a fə̀r ka, gà asiŋ gà *Farisa nda gà *Saduki riŋ ti dere a a təv ŋgar a hinne mbaŋa. Aɗaba a sàs a tar ka, mà tsilwiɓ à tar a yam. A gwaɗa a tar: «A kurum gà ɓəza palas aaha. Weke na a gwaɗa a kurum ka, ki ta beywim a i matsəɓatsəɓ Mbulum ana a dere a mba ya seyiŋ a?

Mata 5:48

Ama nwim ka, gà ɓəzla mege dukw ana ŋgwal ŋa lele ya, kamala Mbulum Tsir kurum ana i gər ŋa, a wele a ikaba mburma ya tsiye.»

Markus 6:34

I dəba ŋa ya, Yesuw a tarra i slə̀làh yam a, a fə̀r aà gà mburma ata mbə̀rzə̀zza mayahaba gər ŋa ya ka, ti ndzer are tsehe hinne, aɗaba ti ne ka, kamala gà təmaŋ ana mala makəva tar a riŋ tsiye. Agəra taŋa, Yesuw a dza ba aà metsìkè a tar bazlam ŋgar ŋgiɗ pampam hinne.

Luka 21:15

Aɗaba iye ŋana i ti ɗif a kurum a à bazlam, nda metsehe ana ki ta bwim a dər aà gà ɓəzla gùvəl kurum a, dite ka, ti sle aà meŋgete a vatwa aà metsìkè kurum bazlam ŋgiɗ asa tsiye.

Gà Ɓəzla Meslire 10:36

Kà sərum bazlam ana Mbulum a sləraha a gà mburma Isərayel, dite a zla a taraha bazlam ŋgwal ŋa ana a vile a ter a matasla yam a gəzləŋ zayya lele, nda ahər Yesuw Kiristi ya, aɗaba ana ŋgat a ne Batsah ŋa i liwiŋ gà mburma tserdze ya.

Gà Ɓəzla Meslire 11:20

Ama a ta megeha i dəba ŋa ya, gà asiŋ gà ɓəzla magəsa Mbulum ŋgiɗ ana i gà kwite Kipurus nda Kirene ya ka, tə da a kwite Antakiya, dite ti tsikewa ŋgwal bazlam ana a ɗif à Yesuw BATSAH kwa ŋa ya, a gà mburma ana tar gà Yahuda tsiye mbaŋa.

Gà Ɓəzla Meslire 13:38

Aɗaba taŋa, sərum dər gà damər gà, mər ihər mìi ɗif a kurum a à məpala à bakal kurum ana, dite à pìl a ya ka, nda təv Yesuw. Na bəla kà zazamum ka, məpala ahəm Musa ka, bakal a ndze a ika gər kurum hiywe.

Gà Ɓəzla Meslire 17:18

Gà wele duwa a riŋ i kwite ata mbaŋa. Zləm tar gà *Epikuriya nda *Situkiya. Tar ka, gà ɓəzla meɗe à fəla ana ti ɗe a dər a mburma ya. A pat duwa, gà asiŋ ŋa ana i liwiŋ tar a, tə dza ba aà mege bazlam nda gà Pul asa. Gà mìsle ŋgiɗ ta gwaɗawa: «Dukùla na naha a ɗeme a dze ka, kà sərakwa tsiye?» Gà asiŋ ŋa ibam, ta gwaɗawa: «A ɗif a ka, à gà zləm mbulum ana kà sərakwa ilik tsiye.» Ti tsik ahər gà bazlam ata ka, aɗaba ana Pul a riŋ a tsik a ka, aà Yesuw nda mimbile ŋgar ana a mbəlara i məməta ya.

Gà Ɓəzla Meslire 17:3

A ɗif a tar dər, a gwaɗa a tar: «Mala məmbə̀là à mburma ana Mbulum a gwa, i slir a kurumehe a ya ka, say à sèwèr a are dzekwiŋ, dite i dəba ŋa ya, a ta mbilere a i məməta ya asa, kamala ana wakita Mbulum a tsik a.» A gwaɗa a tar asa: «Yesuw ata iye ihər i ɗif a kurum a dər a ka, ŋgat ŋa na a ne mala məmbə̀là à mburma ana Mbulum a gwa, i slir a kurumehe a ya.»

Gà Ɓəzla Meslire 20:31

Aɗaba taŋa, ndzum nda metsehe, sərum dər ka, Yàa gàsl aà metsìkè a kurum nda gà tuwa ilik ilik tserdze, ku ndaàvəɗ, ku ndaàpat, haa a ge mive makər.

Gà Ɓəzla Meslire 3:20

Dite i dəba ŋa ya, BATSAH kwa ŋa ata a slir a kurumere a pat awiya ŋa ana à mbìɗ a aba ya, ki vevwim a kinehe ya. A pat ana aka ndzera ya ka, a slir a kurumere a mala məmbàlà à kurum ata a zla daga piŋŋe agəra kurum a, kamala megweɗe ya, Yesuw Kiristi.

Gà Ɓəzla Meslire 5:42

I dəba ŋa ya, ti tsikewa bazlam ŋgwal ŋa aaha agəra Yesuw ana Mbulum a gwa, i slir a kurumehe a ya, i ga Mbulum batsah ŋana kəla pat kuɗa.

Gà Ɓəzla Meslire 8:35

Aləka i dəba ŋa ya, Filip a dza ba aà məma à bazlam ata a tsaraka i medzeŋge wakita Mbulum a, dite a tsiker bazlam ŋgwal ŋa ana a ɗif à Yesuw a.

Gà Ɓəzla Meslire 8:5

I liwiŋ tar a ilik ka, wele ana ndeɗiŋa tə zalar Filip a. A da a kwite Samariya. A daha, a ɗif à Yesuw, mala məmbàlà à mburma ana Mbulum a gwa, i slir a kurumehe a ya, a gà mburma ana i fataya.

Gà Ɓəzla Meslire 9:20

A dza ba aà metsìkè bazlam Mbulum i gà ga mahàmà a Mbulum gà Yahuda ana i fataya tsara. A ɗif à Yesuw a mburma, a gwa: «Ŋgat Kəla Mbulum.»

RUMA 16:25

Zàmbaɗakwa à Mbulum, aɗaba ŋgat ka, a sle a aà məvəla a kurum ndzəɗa i təv megìse ana kə̀ gəsum ŋgat a ɓərɓər lele. Ar ka, kamala ana i tsikewa a mburma i təv ana i màwa a tar à bazlam ŋgwal ŋana aka gər Yesuw Kiristi ya. Bazlam ata piŋŋe ka, makàhà ŋa. Ama kinehe ka, Mbulum aka pàt a kwa dər parakkà, a mà dər ka, kamala taŋa ya mbaŋa. Akahər ata piŋŋe ka, Mbulum aka tike aaka zlìmbits.

1 Kurintiya 1:23

Ama mər, mìi ɗif a ka, à bazlam ana aka gər Kiristi ata tə ndwandway aà dizl magə̀làwà ŋa ya. Mìi gweɗe a: Ŋgat na mala məmbə̀là à mburma ya. Bazlam ata ka, à tìrfìɗ a gəzləŋ a gà Yahuda tərfə̀ɗ tərfə̀ɗ, a tsahən aà tar tsidze. Dite gà asiŋ gà mburma ana tar gà Yahuda tsiye ka, tar ta fir ahər a kamala ana dukw falày taf masakəŋa ya.

1 Kurintiya 1:30

Ama kurum kinehe ka, Mbulum a zal a kurum, na dite a gaw akaba à kurum a təv ilik ŋa nda gà Yesuw Kiristi ya. Aɗaba Kiristi na a ne metsehe kwa ana a dara i təv Mbulum a ya. Nda təv Yesuw Kiristi mbaŋa asa na Mbulum a ne à kwa gà ŋgwal ŋa ika miɗ ŋgar a. Dite nda ahər ŋgar asa mbaŋa na a pəl a kwa à bakal, dite kà nekwa gà mburma ŋgar a.

1 Kurintiya 12:8

Kamala taŋa ya, mìsle ŋgiɗ ka, Mezite Mesife Mbulum a vəlar ndzəɗa aà metsìkè ŋgwal metsehe lele. Ama Mezite Mesife ata ilik pəra. A biy ŋgiɗ ka, a viler a ndzəɗa aà masəra vatwa Mbulum lele, aà dite a ɗif a dər a mburma parakkà ya.

1 Kurintiya 15:12

Ŋgwal bazlam ata mì ɗifewa dər a ka, araha: Mbulum a mbəlara à *Kiristi i məməta ya. Na kataya ana, dite meme na gà asiŋ gà mìsle ŋgiɗ ika magər kurum ta gweɗe a ka, mburma a mbilere a i məməta ya asa tsiye?

1 Kurintiya 2:15

Ama wur ana Mezite Mesife Mbulum a riŋ i gəzləŋ ŋgar a ka, a sir a ikaba à gà duwa ya tserdze, wànà naha ana, ŋgwal ŋa ya, tsəna, ŋgwal ŋa tsiye ya? Ama ŋgat ka, mburma ti sle a aà mesirereha ikaba à dukw ana a dzele a i gər ŋgar a tsa.

1 Kurintiya 2:6

Gà na tàa sime ika vatwa Mbulum a ka, i ɗif a ter a à dukw ana metsehe iɗəm a mbaŋa kaɗəŋ. Ama taŋa ka, metsehe gà mburma gər ahəɗ nda biy gà Əbay ana ta kwere a tar a iɗəm tsa kəla. Aɗaba ndzəɗa ata ka, à ndìv a aà tar a.

1 Kurintiya 4:14

Dukw ana i wetse i faha ya, i tsik taŋa ka, aà mandàɗà dər aka kurum hwarwa agəra dukw ana ki gwim a ya tsa. Awaŋ, i tsik a kurum kamala taŋa ya ka, aɗaba ana, kurum gà ɓəza gà, i waya kurum hinne ya. A sèsiŋ ka, i ɗif a kurum a à metsehe, dite ka, ki mwimere a aka vatwa ana ŋgwal ŋa ya.

2 Kurintiya 10:14

Kurum ka, ika ahəɗ ana Mbulum a ɗif a mər dər, dite a sləraha aɗəm mər aà metsike a kurum bazlam ŋgwal ŋa ata aka gər Kiristi ya mbaŋa. Kamala taŋa ya, i təv ana mì daha a təv kurum a, mì zazam ka, dukw ana Mbulum a tsik a mər a, tsəka, maa tàwàɗ ika kwiye ŋa ya tsa.

2 Kurintiya 11:2

Iye riŋ i ge a sələk aɗaba kurum ka, hinne, kamala biy Mbulum ana a riŋ a ge a sələk aɗaba kurum ana a waya kurum a mbaŋa. Kurum kà nwim ka, kamala dəm ana i ma gà, i waya i vile a a mìsle ŋgiɗ ilik pəra ya, kamala megweɗe ya, i vile a ka, a *Kiristi. I waya dəm ata ka, wura mə bana aà mendze nda ŋgat tsa. Ma ndza tsəɗaŋŋa, na dite i viler a ya.

2 Kurintiya 4:5

I təv ana mìi tsik a bazlam ŋgwal ŋa ata ya ka, mìi tsik a aka gər ba mər ŋa tsa. Mìi tsik a ka, aka gər Yesuw Kiristi. Mì gwaɗawa a tar ka, ŋgat na Batsah ŋa ika gər gà mburma tserdze ya. Mər mì ne ka, gà ɓəzla meslire kurum pəra, aɗaba Yesuw.

EFESIYA 3:8

Iye ka, wele na kə̀la ŋa ika magər gà mburma Mbulum kwizikw a. Ama kə̀la ka, aka viliŋ vatwa aà metsìkè bazlam mipìsè ahəm ana a dere a ndàra i təv Yesuw Kiristi ya, a gà mburma ana gà Yahuda tsiye. Mipìsè ahəm ata batsah ŋa ya ka, gà mburma ti sle a aà masəra ŋa fit tsa, aɗaba ana a za ndzəɗa tar a.

EFESIYA 5:27

Aɗaba a sasar tə dara aka miɗ ŋgar a ka, aruwaŋ ma ge aà tar tsa. Ku mege dukw ana ŋgwal ŋa tsiye tekeɗe, ma ge i təv tar tsidze. Dite gà mburma ti sle a metsike aà tar dukw ana ŋgwal ŋa tsiye asa tsa. Ti ndze a i təv mezlibe ŋgar ana ti zlibe a dər a.

KULUSIYA 1:22

Ama kinehe ka, Mbulum aka gəs masla nda kurum, aɗaba Kəla ŋgar ana a ne mburma, dite a vəl mesife ŋgar a. Aɗaba taŋa, na kinehe a ne dər à kurum gà tsəɗaŋŋa ŋa, a de à kurum a a təv Mbulum, ki nwim a gà mburma ŋgar ana gà ŋgwal ŋa ya, dite ka, wura a sle aà mimè a kurum a à bakal asa tsiye.

KULUSIYA 2:10

Ŋgat ka, Əbay ika gər gà gawla Mbulum nda gà Əbay tar ŋa ana tserdze ya. Na kurum riŋ mandza ŋa i təv ilik ŋa nda ŋgat ka, gà dukw ana i təv ŋgar a ka, tàa ne gà biy kurum mbaŋa.

KULUSIYA 2:3

Ŋgat na a vile a kwa a vatwa, na dite ki nekwe a gà ɓəzla metsehe, ki slekwe a aà masəra duwa aka gər Mbulum a. Metsehe ata ka, ŋgwal dukw ana lele, à sìkim a ba nda siŋgwe tsiye.

KULUSIYA 3:16

Vəlum vatwa a bazlam Yesuw Kiristi, tsìsl mà rah a gəzləŋ kurum lele, ka dzalum aaka gà gər hiywe. Ɗifwim aba à vatwa ika magər kurum. Ɗifwim aba dər aba nda zèyezèye, kamala ana Mbulum a vəl a kurum metsehe ya. Zàmbaɗum à Mbulum nda gà dimis pampam. Làhum gà dimis ana Mezite Mesife ŋgar a ɗif a kurum dər a. Làhum gà dimis ata a Mbulum, nda megèr kəkaaha i gəzləŋ kurum hinne.

KULUSIYA 4:12

Apafəras ana a dara i kwite kurum a tekeɗe, a ge a kurumaha wusa asa mbaŋa. Ŋgat ka, mala megemir Yesuw Kiristi. Ku mege ndeɗime tekeɗe ka, a hamawa a Mbulum aɗaba kurum. A mərawa aba ka, hinne. A hamawa ka, na dite ki ndzwim a ɓəŋɓəŋ lele, ki nwim a gà bàba gà mburma ika miɗ Mbulum, dite ki sirwim a dukw ana Mbulum a waya ya lele, ki dzwìmer a zləm a.

1 TESALUNIKE 4:6

Wura ilik ma ta ge bakal, a ge a wirwir aà damər ŋgar a nda təv məkəs ŋgar a tsidze. Aɗaba BATSAH kwa ŋa a ta vile a mesewere are ka, a gà na ta gewa gà medzibe gà dukw bakal ata kamala taŋa ya. Mì be a kurum à ɗaf, mì tsik a kurum aba taŋa ya ka, daga piŋŋe.

1 TIMUTE 3:16

Bazlam ndzer ŋa ata Mbulum a ɗif a kwa dər, dite meme na kinehe ki ndzekwe a ika miɗ ŋgar a ka, batsah bazlam kaɗəŋ ndzer. Wura a sle a aà mimbetse tsa: Bazlam ata ti tsik ka, aà Yesuw Kiristi ana a dara aka gər ahəɗ a, dite a ne mburma ya. Mezite Mesife Mbulum a ɗif dər ka, ŋgat na ŋgwal ŋa lele ya. Gà gawla Mbulum tserdze tàa ŋgatar. Gà mburma ti tsikewa bazlam ŋgar a gà mburma ana ika gər ahəɗ a tserdze. Ama gà asiŋ ŋa, ku mege i ŋga tserdze, tàa gəs ŋgat nda gəzləŋ. I dəba ŋa ya, tsəɗak Mbulum a zla ŋgat a təv mezlibe ŋgar ana tì zlibe a à ŋgat a.

1 TIMUTE 3:2

Ama wur ana a ge a megemir Mbulum ata ya ka, mede ŋgar ma ge ŋgwal ŋa lele nda təv gà mburma dze. Daala ma ge ihər ka, ilik. Ma ta kwaya à guzum tsa. Say ma ge ka, dukw ana ndaka vatwa ŋa lele ya. Dite gà mburma tə̀ zlə̀b à ŋgat. Say ma ge ka, mala məvəla ahər. Dite ma sər meɗìfè à metsehe a mburma lele mbaŋa.

IBƏRANIKWA 10:14

Kamala taŋa ya, Yesuw a vəl ba ŋgar a Mbulum sik ilik pəra. A vəl ka, na dite gà mburma ŋgar ti ne gà tsəɗaŋŋa ika miɗ Mbulum a. Mipele ata a pala tar a ka, a waya na ti sime ika miɗ Mbulum ɓərɓər lele, aà biybiy a asa.

IBƏRANIKWA 13:21

I hemer a ka, dite mà zlak kurum, aà megemir ana ŋgwal ŋa tserdze, a waya ki gwimer a ya. Ŋgat ŋa nda gər ŋgar tekeɗe ka, ma ge megemir i gəzləŋ kwa nda ahər Yesuw, na dite mede kwa à tsehin ahər a ya. Mezlibe ma ge ka, biy Yesuw Kiristi aà biybiy. *Amin.

2 Piyer 3:15

Sərum dər ka, Yesuw Kiristi BATSAH kwa ŋa à mère a bise tsəka, aɗaba aka vəl a kwa vatwa ana a sasar ki mbìɗekwe a à gəzləŋ kwa, dite a mbele a à kwa ya. Pul, damər kwa ana kà waya kwa ŋgat hinne ya tekeɗe ka, aka dzeŋge a kurum dukw ata i huɗ wakita ŋgar a mbaŋa kaɗəŋ. A tsik ka, nda metsehe ana Mbulum a vəlar a.