KULUSIYA 1:24 - Bible Zulgo

²⁴ Kinehe ka, iye ihər i ŋgeye a ba aɗaba mesewere are ana i sèwèr a agəra kurum a. Kamala na akahər ata Yesuw Kiristi a sèwèr are ya ka, iye tekeɗe, i sèwèr a are aɗaba gà mburma ŋgar mbaŋa. Gà mburma ata ka, ti ne kamala ba ŋgar a. Mesewere are ana i sèwèr a kamala taŋa ya ka, i zlèk a kurum aà mesewere are ana ki sèwèrekwe a aɗaba ŋgat a, na dite megemir ŋgar ma da aka miɗ aka miɗ a.

KULUSIYA 1:24 ပူးပေါင်းရင်းမြစ်များ

Markus 10:39

Ta gwaɗar aaka: «Haya, mìi sliŋa.» Yesuw a gwaɗa a tar: «Kaɗəŋ, pàrsa iɗəm tsa, kurum tekeɗe, ki ti sèwèrwim a are kamala ana i ti sèwèr a are ya mbaŋa.

Gà Ɓəzla Meslire 5:41

Gà ɓəzla meslire Mbulum ata tə dara i təv mayahaba gər tar ata ya, nda gà maŋgayaba, aɗaba ana Mbulum a gəs tar lele, a vəl a tar vatwa aà mesewere are agəra zləm Yesuw a.

RUMA 5:3

Ama gəzləŋ kwa a ndze a ndzəɗakkà ka, agəra taŋa ɗekɗek tsa. Ki ŋgeyekwe a ba mbaŋa ka, aɗaba mesewere are ana kwa ihər ki sèwèrekwe a ya. Aɗaba kà sərakwa, mesewere are ata ka, à zlèk a kwa, ki sinikikwe a dər ba aà magəsa gəzləŋ.

RUMA 8:17

Kàa nekwa gà ɓəza Mbulum kaɗəŋ. Kamala taŋa ya, ki ŋgetekewe a dukw ana ŋgwal ŋa, a tsik i sida ya, a gwa, i ta vile a a gà ɓəza gà ya. A ta vile a kwe a ka, kamala ana a vəl a Yesuw Kiristi ya mbaŋa. Aɗaba na kàa gə̀sakwa mesewere are ana Yesuw Kiristi a sèwèr a ka, ki ta ŋgetekewe a mezlibe ana tì zlibe a à ŋgat a mbaŋa.

1 Kurintiya 12:27

Taŋa kurum tserdze ka, kà nwim kamala ba Yesuw Kiristi ya mbaŋa. Ku mege weke ika magər kurum ka, aka ne dzerisl ba ŋgar.

2 Kurintiya 12:15

Kamala taŋa ya, ku mege i vile a gà dukw gà fit, nda gà bəla i vile a ba gà, i mìt a, na dite i zlèk a dər kurum a tekeɗe ka, a wir aà iye a tsa, i ŋgeye a ba ivaɗ. Wànà kà wayum iye hinne asa tsəna, aɗaba ana i waya kurum hinne, a za dər meweye ana i waya gà mìsle ŋgiɗ a kəla ya?

2 Kurintiya 6:10

Ku mege ta vile a mər a matsəɓatsəɓ a gəzləŋ hinne tekeɗe ka, mìi de a aka miɗ aka miɗ nda maŋgayaba lele hiywe. Mər ka, mì ne kamala gà ɓəzla matawak a, ama mər ihər mìi ge a Əbay à gà mburma hinne ika vatwa Mbulum seyiŋ ivaɗ. Mi ne kamala ana duwa mər a riŋ tsidze ya. Ama nda ndzer kəla ka, dukw tserdze a riŋ aà mər dukw ŋgar.

2 Kurintiya 7:4

I sər, kurum ka, gà ɓəzla megìse ndzer dukw ŋgar. Aɗaba taŋa, iye ihər i ndze a barbararra, aɗaba kurum ivaɗ. I huɗ mesewere are mər ana mìi sèwèr a ya tekeɗe, i ye a ba tsa, i ŋgeye a ba ivaɗ. Maŋgayaba gà ata a rèhiŋ a gəzləŋ ka, tsìsl lele.

EFESIYA 1:23

Gà mburma ŋgar ata ka, ti ne kamala ba Yesuw a. Ŋgwal dukw ŋgar ana tserdze ya ka, a riŋ i təv gà mburma ŋgar kamala ŋgwal dukw Mbulum ana fit dze ya ka, a riŋ i ahər ŋgar mbaŋa.

EFESIYA 3:1

Aɗaba taŋa na iye Pul, iye ihər i heme a a Mbulum agəra kurum. Ta gəs iye a daŋgay ka, aɗaba kurum ana gà Yahuda tsiye, agəra ana iye mala meslire Yesuw Kiristi ya.

EFESIYA 3:13

Aɗaba taŋa, iye ihər i ge a kurum a kamkam: Ma tə tsəɓ a kurum aɗaba ana iye ihər i sèwèr a are agəra kurum a tsa. Seyiŋ ivaɗ tsa, mesewere are gà ata ka, à zlèk a kurum hinne.

FILIPIYA 3:10

I waya ka, duwa ilik pəra. A sèsiŋ ka, masəra Kiristi nda ndzəɗa ŋgar ana a mbəl dərra i məməta ya ya. I waya asa ka, i ŋget a a mesewere ŋgar ana a sèwèr a mbaŋa, na dite i ne a kamala ŋgat ana a mət a.

KULUSIYA 1:18

Ŋgat Əbay ika gər gà mburma Mbulum mbaŋa. Ŋgat na a kwere a tar, kamala metsehe ana i gər mburma a kwere a ba mburma ya. Mesife awiya ŋa a dza ahər ba ka, i təv ŋgar mbaŋa asa. Aɗaba Mbulum a lah məmbə̀lara à ŋgat i məməta ya, na dite a ne à ŋgat Batsah ŋa ika gər gà duwa tserdze, ku mege awara tekeɗe ya.

2 TIMUTE 1:8

Aɗaba taŋa, tsik bazlam BATSAH kwa ŋana a mət aà dizl magə̀làwà ŋa ya a gà mburma ka, parakkà lele, ki ge dər magəɗa tsidze. Dite ku mege iye riŋ i daŋgay gədzə̀zlzla agəra ana i zezem a ŋgat a tekeɗe, ki ge dər hwarwa ika miɗ mburma tsa asa mbaŋa. Ama ka, hadzal ba yak aà mesewere are nda iye, aɗaba bazlam ŋgwal ŋana ivaɗ. Mbulum na a vilek ahər a ndzəɗa ya.

YAKUBA 1:2

A kurum gà damər gà ana ika vatwa Mbulum a. Na bəla gà dukw mesewere are ana ti dzik a à kurum pampam a, tàa le aà kurum ka, ŋgeywim ba ivaɗ.