KULUSIYA 1:23 - Bible Zulgo

²³ Ama kə̀la ka, say na ki zezemwim a aka miɗ aka miɗ nda magəsa Mbulum nda gəzləŋ kurum kəla pat a. Ndzum ka, ɓəŋɓəŋ lele, madzala gà gər kurum ma ta ge wàkit wàkit tsa. Tikwim madzala gà gər kurum ka, aka dukw ana ka tsarakum i huɗ bazlam ŋgwal ŋana ya kəla pat. Bazlam ŋgwal ŋa ata ka, ti tsikeye a gà mburma ana ika gər ahəɗ a tserdze. Aɗaba Mbulum a slər iye, Pul, na dite i ɗif a dər a mburma mbaŋa ya.

KULUSIYA 1:23 ပူးပေါင်းရင်းမြစ်များ

Markus 16:15

I dəba ŋa ya, a gwaɗa a tar: «Kinehe ka, dum, ku mege a ŋga, ka tsikwim bazlam ŋgwal ŋa aaha a gà mburma ana tserdze ika gər ahəɗ a.

Luka 22:32

Ama kə̀la ka, Yàa hama a Mbulum agəra kər, dite ka, ka miyak à megìse ana kə̀ gəs ŋgat a kweleŋ tsa. Dite i təv ana, aləka, kàa màra a təv ga ya ka, ki ta vile a ndzəɗa a ba a gà damər yak mba.»

Luka 6:48

A ndzikiɗ ba ka, wele ana a dzèhe a ga ya. A le a biye ŋa, à zlèzlere a iɗəm nda kur a lele, na a mbezle a tsiye. Aləka yam aka dza a bəɗ ka, menènìze a de aɗəm a tsa, a ndze a sahsah lele, a mbezle a tsa, aɗaba mazlazla ŋara i biye ya nda kur a.

Yuhana 15:6

Wele ana ŋgat i təv ga tsiye ka, Mbulum a niw a ŋgat. A ne a kamala ahər dizl ɗaf ana tə sàs ihər a, tì yè a a dala, dite a kwile a ya. Na aka kula ka, ti yeher a gər, dite tì dzer a akwa, a weniŋa.

Gà Ɓəzla Meslire 1:17

Yudas piŋŋe ka, ika magər kwa. Tə zla ŋgat kamala kwa ya. Mege megemir kwa ka, ilik.

Gà Ɓəzla Meslire 1:25

dite ma ndza a təv mendze Yudas, aà megemir mala meslire yak a. A zle a megemir Yudas ana a miyak dər aba ya, a daba a təv mendze ŋgar ana a waya ya.»

Gà Ɓəzla Meslire 1:8

Ama ki ta ŋgetwim a ndzəɗa ka, i təv ana Mezite Mesife Mbulum a dere a a təv kurum a. Ki ti nwim a gà ɓəzla məma à bazlam gà i Yeruzalem, ika ahəɗ Yuda nda Samariya, dite ku mege i ŋga ika gər ahəɗ tserdze ya.»

Gà Ɓəzla Meslire 11:23

Aləka a ndzeha a fata, a ŋgat a Mbulum a pise ahəm a gà mburma ata ya ka, a ŋgaya ba hinne, a mà taraha à arəv tserdze, aà megìse tar ana ta gəs BATSAH kwa ŋa ya, ma da aka miɗ aka miɗ nda gəzləŋ ilik, ta miyak dər tsa.

Gà Ɓəzla Meslire 14:22

Tə daha, ta màha à arəv a gà mburma Mbulum ana i fataya, dite ka, ta bàs gəzləŋ, ta ŋgat ndzəɗa i təv megìse tar ana ta gəs Mbulum a. Ta gwaɗawa a tar: «Ki ta ŋgetekewe a təv mendze i mekwere Əbay Mbulum ka, ki sèwèrekwe a are hinne pampam dzekwiŋ.»

Gà Ɓəzla Meslire 2:5

Ama gà Yahuda a riŋ, tə ndzawa i Yeruzalem. Tə zazamawa fəla gà Yahuda ka, nda ndzer. Tə dayara ika gà ahəɗ ana tserdze ika gər ahəɗ fit a.

Gà Ɓəzla Meslire 20:24

Ama iye ka, Yàa dzala mesife gà tə tsa. Dukw ilik a sèsiŋ ka, say i ndìv a à meslire ana Yesuw BATSAH kwa ŋa a viliŋ a, tsam ka, tsway, tsəka, duwa a riŋ tsa. Mege megemir ŋa ka, kamala megweɗe ya: Metsìkè bazlam Mbulum ŋgwal ŋa ana mburma a ndzer a dər are tsehe ya.

Gà Ɓəzla Meslire 26:16

Ama hitse aà mbulum. I pàtak aba ka, dite ki ne a mala meslire gà. Ki ta me a à dukw ana kə ŋgatar və̀ɗəna ya, ndəna i ɗifek a dər aka miɗ mba ya.

Gà Ɓəzla Meslire 4:12

Ki slekwe a à mimbile ka, say nda təv ŋgar ilik. Aɗaba mege i ŋga ika gər ahəɗ tserdze, Mbulum aka vəl zləm ŋgar a wur a ilik, na dite ki slekwe a aà mimbile nda təv ŋgar a asa tsa.»

RUMA 10:18

Yaw taŋa ka, i wiziŋa. Wànà gà Yahuda dze ana, tàa tsik a tar bazlam ŋgwal ŋa ata ti tsiye? Haya, tàa tsik a tar ndzer dukw ŋgar. Ar ka, kamala ana a riŋ mewetse ŋa i wakita Mbulum ka, ta gwa: «Gà mburma tàa da aà metsìkè bazlam ata, ku mege a ŋga aka gər ahəɗ tserdze. Mifefile tar aka lə̀ma aka gər ahəɗ fit.»*fg*

RUMA 15:16

A giŋ ŋgwal ŋa ka, na a zla iye aà meɗè à zləm Yesuw Kiristi ika magər gà na tar gà Yahuda tsiye. Yàa vəl ba gà a ahər a Mbulum fit, aà meɗìfè à bazlam ŋgwal ŋa ana a dara i təv ŋgar a. I tsik a ka, a gà na gà Yahuda tsiye, na dite ta gis a ŋgat a. A sèsiŋ ti ne a kamala dukw taf ana ta vəlar, a tsahən ahər, dite Mezite Mesife ŋgar a palara iɗəm tar a.

RUMA 2:7

Kamala taŋa ya, gà asiŋ gà mburma ana ta gewa dukw ana ŋgwal ŋa ya, nda mayaha mezlibe ana Mbulum à zlibe a à tar, a sàs a tar a tsik aà ter a dukw ana ŋgwal ŋa ya,*fa* ta waya maŋgata mesife ana à ndìv a tsiye mbaŋa. Tar ka, Mbulum a vile a ter a mesife ata à ndìv a tsiye kaɗəŋ.

RUMA 5:5

Na ki dzelekwe aaka a gà gər kamala taŋa ŋa ya ka, biy taf masakəŋa tsa. Mbulum à mbìɗ a kwe a dəba tsa dukw ŋgar. Aɗaba a ɗif a kwa ka, à meweye ŋgar ana a waya kwa hinne ya. A ɗif a kwa dər kataya ka, nda ahər Mezite Mesife ŋgar ana a vəl a kwa ya.

1 Kurintiya 15:58

Aɗaba taŋa, gà damər gà ana i waya kurum hinne ya. Ndzum ka, nda ndzəɗa ɓəŋɓəŋ lele, ka ti yum ba tsidze. Gwim megemir Yesuw BATSAH kwa ŋa ka, nda gəzləŋ ilik aka miɗ aka miɗ. Kurum kà sərum, megemir ana ki gwim a aɗaba ŋgat a ka, a ne a taf masakəŋa tsa.

1 Kurintiya 3:5

Apalus dze ana, weke? Dite iye Pul ana, weke ɗar ɓav a? Mər ka, gà ɓəzla megemir Mbulum məfara ŋa, a slər mər a təv kurum, na dite ka, ki giswim a Yesuw Kiristi nda gəzləŋ kurum a ɗekɗek pəra. Kərga taŋa ya, mìi ge a ka, ku weke, kamala ana Mbulum a ɗifer dər a.

2 Kurintiya 10:1

Iye Pul, a sèsiŋ i fèfil a kurum a aka gər ba gà. Kamkam kurum, aɗaba gà mìsle ŋgiɗ ika magər kurum tar riŋ ihər ta gweɗe a aà iye ka, akahər ana ŋgat ɗa mandza ŋa ika magər kwa ya ka, tiɓìzl a hənawakwa à gər a bəɗ. Ama i təv ana aka da aà kwa ya diriŋ a ka, ŋgakŋgakəkka, à fèfil a kwere a nda ndzəɗa ya kuɗa. Ar ka, kamala ana magəɗa kwa a ger a asa tsiye. Ama iye ka, a sèsiŋ i ge a ŋgwal ŋa a mburma ivaɗ, i fèfil a ter a ka, nda himmè bazlam, kamala *Kiristi ya mbaŋa.

2 Kurintiya 11:23

Tar ta gweɗe a asa mbaŋa ka: «Mər ana gà ɓəzla megemir *Kiristi tsiye?» Ama iye tekeɗe ka, kamala taŋa ya mbaŋa asa. I za dər akaba tar kətəɓ kweleŋ kəla. Iye ihər i fèfil a taŋa ka, kamala ana Yàa be a dala ya. Aɗaba Yàa ge megemir ata ka, hinne, a za biy tar. Dite tàa tike iye a daŋgay ka, sik diŋ, a za biy tar asa. Ta gə̀zlawa iye hinne, i ndzawa ka, kamala ana iye i ɗa məməta ya sik diŋ, a za biy tar asa mbaŋa.

2 Kurintiya 3:6

Ŋgat na a vəl a mər ndzəɗa ata, na dite mì ne gà ɓəzla meslire ŋgar, mìi tsik a bazlam masəra ba ŋgar ata awiya ŋa, tə sər ba nda gà mburma ya. Masəra ba ŋgar awiya ŋa ata ka, ar ka, kamala məpala ahəm ana ta wetse akahər ata piŋŋe ya tsa. Ama ki zezemekwe a ka, Mezite Mesife Mbulum ivaɗ. Aɗaba məpala ahəm ana ta wetse akahər ata piŋŋe ya ka, a dzeye a à mburma a məməta ana ika miɗ Mbulum a. Ama Mezite Mesife Mbulum ka, a vile a ter a mesife ana à ndìv a tsa aà biybiy a.

2 Kurintiya 4:1

Mbulum a ge a mər ŋgwal ŋa hinne. A vəl a mər mege megemir aaha a ahər, na dite mìi tsik a bazlam ŋgwal ŋana a mburma ya. Aɗaba taŋa na mìi zle a ihər madzala gà gər mər a tsidze ya.

2 Kurintiya 6:1

Kamala taŋa ya, mìi ge akaba a megemir ka, i təv ilik ŋa nda Mbulum. Agəra taŋa, mìi ge a kurum a kamkam: Ŋgwal Mbulum ana a ge a kurum a ka, ma ne taf masakəŋa tsa.

GALATIYA 4:11

I dzala gà gər ka, hinne, na aɗaba gà dukw ata kurum ihər ki gwim a ya. Bəla megemir gà ana i ge ika magər kurum a ka, a ne a taf masakəŋa.

GALATIYA 5:5

Ama mər ka, mì tike madzala gà gər mər a təv Mbulum. Ŋgat na a ne à mər a gà ŋgwal ŋa ika miɗ ŋgar a, agəra megìse ana mì gəs Kiristi nda gəzləŋ a. Taŋa na kinehe mər ihər mìi veve a pat ana mìi be a aà seriye ya, nda ndzəɗa Mezite Mesife ŋgar a.

GALATIYA 5:7

Malahalah ŋa ka, kurum ihər ki dwim a aka miɗ aka miɗ nda mege gà dukw ana ŋgwal ŋa ya dze ana, weke na a pala a kurum ahəm aà mazazama gà dukw ata ndzer ŋa ya ya?

GALATIYA 6:9

Aɗaba taŋa, tàkwa aka miɗ aka miɗ nda mege dukw ana ŋgwal ŋa ya, ka ti yàkwa ba tsidze. Aɗaba na kàa yàkwa ba tsəka, aləka a təv məpàslà ahər Mbulum ana a tsik a ka, ki ta ŋgetekewe a dukw ana ŋgwal ŋa ya lele, kamala wele ana a pele a dukw ŋgar i bəɗ a ka, sik sik sik ŋgwal ŋa ya.

EFESIYA 1:18

I hemer a asa ka, dite mà hə̀ndə̀k a kurum are lele, kə ŋgatum a dukw ana a zal a kurum dər a mbaŋa. I hemer a asa mbaŋa ka, dite ka sərum dər, meme na dukw ata a ta vile a kurum a ka, ŋgwal ŋa hinne, a za gà dukw tserdze ya. A ta vile a dukw ata ka, a kurum nda gà mìsle ŋgiɗ ana gà mburma ŋgar a.

EFESIYA 2:21

Aɗaba kur ata na ga a ndze a ɓərɓər, dite à rèh a lele ya. Kamala taŋa ya, ga ata ka, ma ne ga Mbulum ana a ndze iɗəm i fataya.

EFESIYA 3:17

Iye ihər i hemer a asa ka, dite Yesuw Kiristi ma ndza i gəzləŋ kurum, aɗaba ana kàa gəsum ŋgat nda gəzləŋ a. Iye ihər i hemer a asa mbaŋa ka, dite ka wayum ba ilik ilik tserdze. Na kàa wayum ba ka, ki ŋgetwim a ndzəɗa ɓəŋɓəŋ lele kamala dizl ɗaf ana a ŋge zlile ya, nda gà kamala ga ana madzàha ŋa lele, a mbezle a tsiye.

EFESIYA 4:16

Ŋgat na a gaw akaba gà mburma ŋgar fit a təv ilik ŋa, ti ne ba ilik, kamala dzerisl ba ana a gaw akaba slu ba mburma ya. Na dukw ana aà ba mburma tserdze a ge a megemir lele ka, asiŋ ba tekeɗe, a de a lele. Kərga taŋa ya, na gà mburma Yesuw Kiristi ya mbaŋa. Na gà mburma ata tàa waya ba ilik ilik tserdze ka, taŋa tì sìkèhiŋa, dite ti de a aka miɗ aka miɗ.

KULUSIYA 1:25

Mbulum a zla iye ka, a ne à iye mala meslire kurum, kurum ana kə̀ gəsum ŋgat a. A gweɗiŋ ka, ɗif à bazlam gà a mburma tserdze parakkà, dite a kurum tekeɗe, a ge a kurum a ŋgulum mbaŋa.

KULUSIYA 2:7

Ndzum ka, i ahər ŋgar, kamala dizl ɗaf ana nduŋŋa meŋgè zlile ŋa i biye ya. Megìse kurum ana kə̀ gəsum ŋgat nda gəzləŋ a ka, ma da aka miɗ aka miɗ, ma ge ɓəŋɓəŋ lele. Gəsum ka, dukw ana ti ɗif a kurum dər a, dite ka, ki gwim kəkaaha a Mbulum kəla pat mbaŋa.

1 TESALUNIKE 3:3

Aɗaba a sàs a mər ka, wura ilik ma ta mà aà kurum a dəba ya, agəra mesewere are ana ki sèwèrwim a ika vatwa Mbulum a tsa. Aɗaba kurum kà sərum, vatwa ŋgiɗ a riŋ tsa, na dite kwa gà mburma Mbulum ki sèwèrekwe a are kamala taŋa ya ya.

1 TESALUNIKE 3:5

Aɗaba taŋa, i təv ana i sər, kurum ihər ki sèwèrwim a are ya ka, i sle aà magəsa gəzləŋ asa tsa. Kamala taŋa ya, i sləraha Timute a təv kurum ka, na dite i sir a dər, meme na ki ndzwim a ya ya. Wànà megìse kurum ana kə̀ gəsum Yesuw Kiristi nda gəzləŋ kurum ana, a de a aka miɗ aka miɗ a, tsəna, Əbay sitene aka bana kurum a. Na bəla kataya ka, taŋa megemir mər ana mì ge ika magər kurum a, a ne ka, taf masakəŋa.

1 TESALUNIKE 5:8

Ama kwa kinehe ka, gà mburma ana mandza ŋa i təv dzaydzay ŋa ndaàpat a, tsəka, kwa gà na i luvuŋ a tsa. Aɗaba taŋa, ka ta kwayakwa tsa, say kwarakwa ba kwa lele, tàkwa aka miɗ aka miɗ nda magəsa Yesuw Kiristi nda gəzləŋ kwa, dite nda mawàyà ba ana ka wayakwa dər ba ika magər kwa ilik ilik tserdze ya asa mbaŋa. Aɗaba mege dukw ata ka, a ne kamala ana kà dùwayakwa ba nda *andiw sayaw, na dite duwa a ndzekwe a asa tsiye ya. Tikekwa madzala gà gər kwa ka, aka pat ana Yesuw Kiristi a ta mbil a à kwa fit kweleŋ a. Aɗaba ar ka, kamala *tazak ana ti tikewa a gər i təv mege gùvəl a.

2 TESALUNIKE 2:16

Aɗaba Mbulum Tsir kwa a waya kwa. A ge a kwa ŋgwal ŋa. A vəl a kwa madzala gà gər aka ŋgwal dukw ana ka sərakwa, ki ta ŋgetekewe a aka miɗ mba ndzer a. Kamala taŋa ya, a riŋ à me a kwe a dərraha à arəv hiywe. Mìi hemer a ka, a tar nda Yesuw Kiristi BATSAH kwa ŋa,

1 TIMUTE 1:12

Iye ihər i ge a kəkaaha a Yesuw Kiristi BATSAH kwa ŋa, agəra ana a zla iye kamala mala ndzer a. I ger a kəkaaha asa ka, aɗaba aka ne à iye mala meslire ŋgar asa mbaŋa. Aka viliŋ ndzəɗa aà megemir ŋgar ata asa.

1 TIMUTE 2:7

Aɗaba taŋa na Mbulum a slərra iye ya, i ne mala meslire ŋgar a. A slərra iye ya ka, aà meɗife à dukw ata a mburma, i tsik a guma ŋgar ndzer ŋana a gà mburma ana gà Yahuda tsiye, dite ka, ta gəs nda gəzləŋ ilik. I tsik taŋa ka, ndzer, tsəka, pàrsa iɗəm tsa.

1 TIMUTE 3:16

Bazlam ndzer ŋa ata Mbulum a ɗif a kwa dər, dite meme na kinehe ki ndzekwe a ika miɗ ŋgar a ka, batsah bazlam kaɗəŋ ndzer. Wura a sle a aà mimbetse tsa: Bazlam ata ti tsik ka, aà Yesuw Kiristi ana a dara aka gər ahəɗ a, dite a ne mburma ya. Mezite Mesife Mbulum a ɗif dər ka, ŋgat na ŋgwal ŋa lele ya. Gà gawla Mbulum tserdze tàa ŋgatar. Gà mburma ti tsikewa bazlam ŋgar a gà mburma ana ika gər ahəɗ a tserdze. Ama gà asiŋ ŋa, ku mege i ŋga tserdze, tàa gəs ŋgat nda gəzləŋ. I dəba ŋa ya, tsəɗak Mbulum a zla ŋgat a təv mezlibe ŋgar ana tì zlibe a à ŋgat a.

TITUS 3:7

A ge dər kamala taŋa ya ka, na dite kə̀ ŋgatakwa mesife ana à ndìv a tsa, kà sərakwa dər ka, a ta vile a kwe a ndzer a. A ta ge a kataya ka, aɗaba ana Mbulum a ge a kwa ŋgwal ŋa nda ahər Kiristi ya, dite araha na kinehe kà nekwa tsəɗaŋŋa ika miɗ ŋgar a.

IBƏRANIKWA 10:38

Ama wele ana a gəs iye nda gəzləŋ, a ndze a tsəɗaŋŋa ika miɗ gà ya ka, a ŋget a mesife ana à ndìv a tsa, a ndze a aà biybiy a. Na bəla wura ilik aka mà a dəba ka, i ŋgeye a ba agəra ŋgat asa tsa.»*fe*

IBƏRANIKWA 3:14

Kwa kinehe ka, gà mburma ana kə̀ ŋgatakwa akaba duwa nda gà *Kiristi ya. Ama kə̀la ka, na ki tèkwe a dər aka miɗ aka miɗ, ki ndzekwe a ɓəŋɓəŋ lele nda təv dukw ana kà lah megìsekwa malahalah ŋa ya, tsikw a təv mendìsle.

IBƏRANIKWA 3:6

Ama *Kiristi ka, kəla mala ga, kamala megweɗe ya ka, Kəla Mbulum. Dukw ana i ma ŋgar tserdze ya ka, i ahər ŋgar. A gewer megemir ndaka vatwa ŋa lele. Kwa tekeɗe, gà mburma ana i ma ŋgar a mbaŋa. Ama kə̀la ka, na ki tèkwe a dər aka miɗ aka miɗ tsikw a təv mendìsle, nda magəsa gəzləŋ, nda maŋgayaba nda təv dukw ana kà tikekwa aaka madzala gà gər a dzekwiŋ.

IBƏRANIKWA 4:14

Aɗaba taŋa ki ndzekwe a nda gà megìse ana kə̀ gə̀sakwa ya, a gəzləŋ ɓəŋɓəŋ lele, dite ki ɗifekwe a dər a mburma ŋgarra lele mbaŋa asa. Aɗaba batsah mala mandəva kuɗa a Mbulum ata ka, Yesuw Kəla Mbulum ana a tsəl a təv ŋgar a gər ŋa ya.

IBƏRANIKWA 6:19

Dukw ata ki vevekwe a nda gəzləŋ ilik a ka, à gis a kwa lele, na dite gəzləŋ kwa à gìrìv a ika miɗ ŋgar asa tsiye. Aɗaba taŋa na ki tèkwe a a təv ŋgwal ŋa ata tsəɗaŋŋa, Mbulum iɗəm a. Suɓtùh ki pìtsekwe a nda liwiŋ petek ata a kaha biye hərmaga ata ŋgwal ŋa ya, aà mendze nda gà ŋgat i fata.

1 PIYER 1:3

Zàmbaɗakwa à Mbulum tsir Yesuw Kiristi BATSAH kwa ŋa. Ka ndzekwar are tsehe hinne, na dite a vəl a kwa mesife awiya ŋa ya. Kə ŋgatakwa ka, aɗaba Yesuw Kiristi ana a mbəlara i məməta ya ya. Agəra taŋa na kà sərakwa i gəzləŋ kwa ka, ki ta mbilekwere a i məməta ya mbaŋa ya.

1 PIYER 1:5

Mbulum a riŋ a kesle a kurum dzèŋŋe lele, aɗaba na kàa gəsum ŋgat nda gəzləŋ ilik a. Dite ku weke a sir a dər, i təv ana gər ahəɗ à ndìv a ya ka, Mbulum a ta mbele a à kurum ndzer a.

1 Yuhana 2:27

Ama kurum ka, Kiristi aka vəl a kurum Mezite Mesife Mbulum ana a ndze a i gəzləŋ kurum a. Aɗaba taŋa, mala medzeŋge a kurum ŋgiɗ pam ka, a riŋ asa tsa. Mezite Mesife ŋgar ata na a riŋ a dzeŋge a kurum a gà dukw tserdze kinehe kuɗa ya. Dukw ana a dzeŋge a kurum a ya ka, ndzer kaɗəŋ, pàrsa iɗəm tsa. Aɗaba taŋa na i tsik a kurum a: Gwim kamala ana a dzeŋge a kurum a ya, kamala megweɗe ya, ndzum i təv ilik ŋa nda Yesuw Kiristi kəla pat.

Sunwa Yuhana 2:10

Taŋa damər mesewere are kurum aaha ki sèwèrwim a kinehe ya, à sìkèh a aka gər kurum a ka, aka à mendze aɗəm. Ama kəla ka, ki gwim magəɗa tsa. Sərum dər ka, Əbay sitene a ta gese a gà mìsle ŋgiɗ ika magər kurum a, a daŋgay bise. A dzik a à kurum, ki ŋgetwim a mesewere are i huɗ mehinne kurwa ya. Bàsumaraha, na ku mege ta bets a kurum tekeɗe ya. Na kàa mərum aba kamala taŋa ya ka, i ti dzèye a kurum a gà dukw mayaba kurum, kamala megweɗe ya ka, mesife ana à ndìv a tsa aà biybiy a.