KULUSIYA 1:19 - Bible Zulgo

¹⁹ Aɗaba Mbulum a waya ka, Kəla ŋgar ma zla ba ŋgar nda ndzəɗa fit kweleŋ.

KULUSIYA 1:19 ပူးပေါင်းရင်းမြစ်များ

Luka 10:21

Aləka i dəba bazlam ata ya tsara ka, Mezite Mesife Mbulum a rah a ba a Yesuw nda maŋgayaba hinne. A hama a Mbulum, a gwaɗar: «A kər Tsir ga, kər ana ki kwere a gà gəza mbulum nda gər ahəɗ a. Iye ihər i gek a kəkaaha, aɗaba kər ka, kàa kaha duwa aà gà ɓəzla metsehe ya, nda gà na tə sər duwa hinne ya. Ama kinehe ka, kər ihər ki ɗif a dər a gà na tə sər duwa tsiye. Kataya Tsir gà, lele na ki ge a taŋa ya. Taŋa ka, kamala ana a sàsabak nda gər yak a.»

Yuhana 1:16

Kwa tserdze kàa ŋgatakwa Əbay ŋgar, dite a pisewa a kwa dər ahəm ka, sik diŋdiŋ màdzànàpa ŋa.

Yuhana 3:34

Aɗaba wele ana Mbulum a slərra ŋgat a ka, a me a ka, à bazlam ŋgar, aɗaba a vəlar Mezite Mesife ŋgar, a ràhar dər tsìsl a gəzləŋ.

1 Kurintiya 1:21

Kaɗəŋ ndzer, gà mburma gər ahəɗ ka, Mbulum aka ɗif a tar à metsehe ŋgar ibam. Ama ka, tə sər ŋgat ŋa tsa. Aɗaba taŋa, Mbulum a waya məmbə̀là à mburma nda bazlam ana mər ihər mìi ɗif a dər a mburma ya. Gà mburma gər ahəɗ ka, tar ta gwa: Bazlam ata aka gər məməta Kiristi ana a mət aà dizl magə̀làwà ŋa ya ka, dukw falày taf masakəŋa. Ama Mbulum ŋgat ka, a sasar məmbə̀là à gà mburma ana ta gəs nda gəzləŋ tar a.

EFESIYA 1:23

Gà mburma ŋgar ata ka, ti ne kamala ba Yesuw a. Ŋgwal dukw ŋgar ana tserdze ya ka, a riŋ i təv gà mburma ŋgar kamala ŋgwal dukw Mbulum ana fit dze ya ka, a riŋ i ahər ŋgar mbaŋa.

EFESIYA 1:3

Zàmbaɗakwa à Mbulum Tsir Yesuw Kiristi BATSAH kwa ŋa, aɗaba aka pisakwara ahəm a nda gà ŋgwal gà dukw ana tserdze ti ndze a aà biybiy i gər ŋa ya. A vəl a kwa gà dukw ata ka, a kwa ana mandza ŋa i təv ilik ŋa nda gà Yesuw Kiristi ya.

EFESIYA 1:5

Aɗaba Mbulum a waya kwa. Aka tsik daga piŋŋe, a gwa, i ti ne a à tar gà ɓəza gà nda ahər Yesuw Kiristi. Aɗaba taŋa na a ne bazlam ŋgar ana a dar a gər a.

EFESIYA 4:10

Wele ata na a tarra a bəɗ aka ahəɗ a, dite na a tsəl a gər ŋa diriŋ a, aà makwàrà gà dukw tserdze, ku mege i ŋga ya.

KULUSIYA 2:3

Ŋgat na a vile a kwa a vatwa, na dite ki nekwe a gà ɓəzla metsehe, ki slekwe a aà masəra duwa aka gər Mbulum a. Metsehe ata ka, ŋgwal dukw ana lele, à sìkim a ba nda siŋgwe tsiye.

KULUSIYA 2:9

Kà dzum aà tar zləm tsəka, aɗaba ana madzala gà gər Mbulum tserdze ka, i ba Yesuw Kiristi ya. Dukw ana a ne i təv Mbulum tserdze ya ka, i təv Yesuw Kiristi tekeɗe, kamala taŋa ya mbaŋa kaɗəŋ.

KULUSIYA 3:11

Aɗaba taŋa, duwa a riŋ na à dzik a ikaba kurum a pampam a asa tsa. Gà Yahuda nda gà na tar gà Yahuda tsiye ka, tar ka, ilik. Gà mburma ana tə sasa ba ya, nda gà na tàa sasa ba tsiye tekeɗe, pam tsa asa. Na mege kurum ka, gà slele, kige tsa, gà mburma ana i kusak tə sər duwa tsiye, nda gà bəla gà ɓele, kige tsa gà mburma ana ti ziwe a gər tar a tekeɗe, ar ka, pampam tsa asa mbaŋa. Mbulum à dzèye a ikaba tar a pampam asa tsəka, aɗaba ana Yesuw Kiristi a kwere a tar tserdze ya. Dite ŋgat asa na a riŋ mandza ŋa i gəzləŋ gà mburma ata a kwere a tar, ti ne gà biy ŋgar a.