IBƏRANIKWA 11:35 - Bible Zulgo

³⁵ Agəra megìse ana gà məkəs duwa ta gəs Mbulum nda gəzləŋ a ka, tàa ŋgat a gà mburma tar ana ta mata ya asa, i təv ana ta mbəlara i məməta ya ya.*fy* Gà asiŋ gà mburma ŋgiɗ ti sèwèr are hinne nda ahər gà ɓəzla mene are tar ana ta ge a ter a matawak a, haa ta mata dər. A sàs a tar ka, ti niw Mbulum, dite ta miyak à tar. Ama ta waya na ti niw a ya tsa. Ta ge dər kataya ka, aɗaba ta veve a pat ana ti ta mbilere a i məməta ya asa, dite ta ŋget a mesife ana ŋgwal ŋa i gər ŋa, à zè a taŋa ya.

IBƏRANIKWA 11:35 ပူးပေါင်းရင်းမြစ်များ

Mata 22:30

Aɗaba aka təv ana gà məməta ta mbilere a i biye ya ka, gà asləka nda gà məkəs ti zle a ba asa tsa. Ama ti ndze a ka, sùlàɗə̀ɗa kamala gà gawla Mbulum ana i mbulum a.»

Markus 12:25

Aɗaba aka təv ana gà məməta ta mbilere a i biye ya ka, gà asləka nda məkəs ti zle a ba asa tsa. Ama ti ndze a ka, sùlàɗə̀ɗa kamala gà gawla Mbulum ana i mbulum a.»

Luka 14:14

Na kàa ge dər kataya ka, ki ta ŋgeye a ba mba. Aɗaba tar ka, ti sle aà mimèk a dər aɗəm tsa. Mbulum na a ta mèk a dər aɗəm i təv ana gà na tàa ger ŋgwal ŋa, ti ta mbilere a i məməta a mesife ya.»

Luka 20:36

Aɗaba tar ka, ta mete a asa tsa. Ti ndze a ka, kamala gà gawla Mbulum a. Tàa ne gà ɓəza Mbulum, aɗaba tàa mbəlara i məməta ya aka ndəv.

Yuhana 5:29

Tàa tsaraka ka, ta hitsere a i gà dive tar a. Gà na tàa ge dukw ana ŋgwal ŋa ya ka, ta mbil a, dite ta ŋget a mesife ana à ndìv a tsa aà biybiy a. Ama gà na tàa ge dukw ana ŋgwal ŋa tsiye ka, ta mbilere a i tar ka, aà mehìtsè aka miɗ seriye Mbulum pəra.»

Gà Ɓəzla Meslire 22:29

Gà mburma ana ndeɗiŋa ta gìzl a ŋgat, ta gwa, mə̀ fàfəl ndzer ŋa zləmana ya, ti lèlekw i təv ŋgar a, ta miyak à ŋgat tsara. Əbay gà sliwdze ata tekeɗe, a ge magəɗa hinne, aɗaba ana a tsaraka Pul ka, gà Ruma ya, dite ka, aka mbər medzewe ŋgat nda tsitsirɓe ndeɗiŋa asa ya.

Gà Ɓəzla Meslire 23:6

Ama Pul a samata ka, gà mburma ata mayahaba gər ŋa ya, tàa tə̀rə̀ts ba ikaba ya. Gà *Saduki pam, gà *Farisa tekeɗe, pam. Aɗaba taŋa, a fàfəl nda ndzəɗa, a gwaɗa a tar: «Gà damər gà, iye ka, gà Farisa, gwala gà tekeɗe ka, gà Farisa ndzer. Ta giŋ a seriye kinehe ka, aɗaba ana i gwa ka, gà məməta ti sle aà məmbə̀lara i məməta ya asa ya.»

Gà Ɓəzla Meslire 24:15

Aɗaba i sər ndzer, kamala tar ana tə sər a mbaŋa, Mbulum a mbilere a à gà ɓəzla bakal nda gà na gà ŋgwal ŋa ya tserdze i məməta ya.

Gà Ɓəzla Meslire 4:19

Ama gà Piyer nda Yuhana ta gwaɗa a tar aaka: «Kurum ŋa dzalum dukw ana a ne ndzer ŋa ika miɗ Mbulum a dzekwiŋ. Wànà ŋgwal ŋa mì gəs ana, bazlam kurum a, tsəna, biy Mbulum a?

Gà Ɓəzla Meslire 9:41

Piyer a daha, a gəs ŋgat i ahər a, a zlak ŋgat, a hitse dər aà mbulum. I dəba ŋa ya ka, Piyer a zalaha a gà ɓəzla magəsa Yesuw nda gəzləŋ, nda gà madakwa gà məkəs ata tserdze ya, ta mbəɗaha gər a təv ŋgar a ga ata. Tə daha ka, a gwaɗa a tar: «Araha, wele kurum aaha ka, aka mbəl.»

1 Kurintiya 15:54

I təv ana ba kwa à mbìɗ a ba ŋgiɗ kamala taŋa ya ka, taŋa dukw ana mewetse ŋa a riŋ i wakita Mbulum a, a ge a ba kuɗa. Ta gwa ka: «Məməta a riŋ asa tsa, Mbulum aka dzeye dər fit kweleŋ.

FILIPIYA 3:11

Na Yàa ge kataya ka, ku mege meme, iye tekeɗe ka, i ta mbilere a i məməta ya, kamala ŋgat a mbaŋa asa.