GALATIYA 5:2 - Bible Zulgo

² Iye Pul, iye ihər i gweɗe a kurum ŋa: Na a sàs a kurum, tə sàs ba kurum ka, taŋa dukw ana Kiristi a ge aɗaba kurum a, a ge a kurum a ŋgulum asa tsidze.

GALATIYA 5:2 ပူးပေါင်းရင်းမြစ်များ

Gà Ɓəzla Meslire 15:1

Aləka a ta megeha i dəba ŋa ya ka, gà mburma ana ta gəs Yesuw a, tə dara ika ahəɗ Yuda ya, tə da a kwite Antakiya. Tə daha, ti dzeŋge a gà na ti ne gà damər tar a. Ta gwaɗa a tar: «Na kàa sàsum ba kamala biy na məpala ahəm Musa a tsik a tsəka, ki slwim a aà mimbile i təv Mbulum tsa.»

Gà Ɓəzla Meslire 15:24

Mi tsaraka ka, gà mìsle ŋgiɗ pam tàa daha i təv mər a, tàa wise a kurum à gər nda bazlam hinne, tàa dza à kurum magəɗa. Ama bazlam tar ata ka, mər tsa na a slər dərraha tar a. Tar ŋa ta walabaha gər dukw tar.

Gà Ɓəzla Meslire 15:5

Ama gà asiŋ gà *Farisa ana ti ne gà ɓəzla magəsa Yesuw a, ta hitse aà mbulum, dite ta gwa: «Say sasakwa gà ɓəzla magəsa Yesuw ana tar gà Yahuda tsiye, dite tə̀ dza gurmits a bəɗ a məpala ahəm Musa.»

1 Kurintiya 16:21

Taŋa kinehe, iye ihər i wetse a kurumehe a nda ahər gà ŋa kuɗa. Iye Pul, i ge a kurumaha wusa mbaŋa.

2 Kurintiya 10:1

Iye Pul, a sèsiŋ i fèfil a kurum a aka gər ba gà. Kamkam kurum, aɗaba gà mìsle ŋgiɗ ika magər kurum tar riŋ ihər ta gweɗe a aà iye ka, akahər ana ŋgat ɗa mandza ŋa ika magər kwa ya ka, tiɓìzl a hənawakwa à gər a bəɗ. Ama i təv ana aka da aà kwa ya diriŋ a ka, ŋgakŋgakəkka, à fèfil a kwere a nda ndzəɗa ya kuɗa. Ar ka, kamala ana magəɗa kwa a ger a asa tsiye. Ama iye ka, a sèsiŋ i ge a ŋgwal ŋa a mburma ivaɗ, i fèfil a ter a ka, nda himmè bazlam, kamala *Kiristi ya mbaŋa.

GALATIYA 5:11

Gà damər gà, iye ka, na mege i ɗif a à bazlam Mbulum hiywe, nda metsìkè a mburma, sasayum ba, na dite Mbulum a ne à kurum a gà ŋgwal ŋa ika miɗ ŋgar a ka, ana ka, gà Yahuda ti sèwèriŋ a are tsidze, dite bazlam mandwàndwàyà Kiristi ana tə ndwandway aà dizl magə̀làwà ŋa ya tekeɗe ka, a tsìɓ a ter a tsa asa mbaŋa. Ama ka, i tsikewa kataya tsa.

GALATIYA 5:6

Na wura a riŋ aka gaw ba nda Kiristi ka, bəla ŋgat masàsà ŋa, kige tsa bəla masàsà ŋa tsa tekeɗe ka, a ge a ŋgulum tsa. Dukw ana a ge ŋgulum a ka, say megìse kwa ana kə̀ gə̀sakwa ŋgat nda gəzləŋ a. Dite megìse ata na a vile a kwe a ndzəɗa aà mawàyà gà mburma tserdze ya mbaŋa.

1 TESALUNIKE 2:18

Aɗaba taŋa na a sàs a mər məmbə̀ɗaha gər a təv kurum a. Iye Pul nda gər gà, i gwaɗawa, i dehe a, i ta fir aka kurumere a asa te ka, sik diŋ. Ama ka, Əbay sitene aka vəl a mər vatwa tsa.

FILIMUN 1:19

Taŋa iye Pul nda ahər gà ŋa na i wetse bazlam aaha ya. I pìlek a ndzer. Ama kə̀la ka, ŋgulum gwèdèrè yak ata ka, ka wiz asa tsa. Aɗaba mesife ana kə ŋgat a ka, i bazlam gà ya na ka tsaraka ya.

FILIMUN 1:9

Ama ka, i tsikik a kataya tsa. I dzala, i gwa ka, ŋgulum i gek a kamkam nda zèyezèye kitè ivaɗ, aɗaba ana kà waya mburma lele ya. Iye Pul ka, màndawal mburma, dite kinehe iye mandza ŋa i daŋgay gədzə̀zlzla ka, aɗaba Yesuw Kiristi.

IBƏRANIKWA 4:2

Aɗaba kwa tekeɗe ka, kàa tsarakukwa bazlam ŋgwal ŋana kamala ana akahər ata gà tsir kwa ata i kusak tə tsaraka ya mbaŋa. Ama bazlam ata ka, aka ge a tar ŋgulum ɓav tsa, agəra ana ku mege tàa tsaraka tekeɗe ka, tàa gəs a gəzləŋ tar tsiye.