GALATIYA 5:1 - Bible Zulgo

¹ *Kiristi ka, aka be à kwa i məpala ahəm gà Yahuda ya, na dite araha kinehe ki ziwekwe a gər kwa ya. Aɗaba taŋa, mərum aba aà mendze kamala taŋa ya. Wura ilik ma ti ne à kurum gà ɓele asa tsidze.

GALATIYA 5:1 ပူးပေါင်းရင်းမြစ်များ

Mata 23:4

Aɗaba tar ka, ta gewe akaba a mibe dukw ana tserdze ya, ìŋgìɓ aka gər mburma. Ama tar ŋana kuɗa ka, idep tì zlèk ahər a mburma tsidze. Ku mege meme tekeɗe, tì lìm ahər a tsa.

Luka 5:38

Ama ka, kataya tsa. Say mandza guzum himmè ŋana ka, a duwa kwiye ana awiya ŋa ya mbaŋa.

Gà Ɓəzla Meslire 15:10

Aàmala na ki nwim a bakal à Mbulum nda məfàrà ndzəɗa aka gà mburma ŋgar, dite tə zla ka, say dukw ana mibe ŋa ya ya? Araha, kwets kwa ŋa ana i gwala kwa ya tekeɗe, kà mbàkwa aà mazla ŋa tsiye.

RUMA 6:14

Aɗaba taŋa, bakal ka, a sle a aà makwàrà kurum asa tsa, aɗaba ana ki dzelwim a gà gər aka məpala ahəm Musa, dite ma ne à kurum gà ŋgwal ŋa ika miɗ Mbulum asa tsiye. Ama ki dzelwim a ka, aka ŋgwal Mbulum ana a ge a kurum a.

RUMA 6:18

Kurum ka, gà ɓele bakal asa tsa, Mbulum aka beyera iɗəm à kurum a. Kàa nwim gà ɓele ŋgar aà mege dukw ana ŋgwal ŋa ya.

RUMA 7:3

Kamala taŋa ya, na bəla zal ŋgar a riŋ nda are mba hiywe, dite a miyek a à ŋgat, a de a a zal ŋgiɗ ka, aka ge muva na taŋa ya. Ama na zal ŋgar ata aka mət ka, a ziwe a gər ŋgar kuɗa, ku mege ma da a zal ŋgiɗ asa tekeɗe ka, aka ge muva, aka nəs à məpala ahəm asa tsa.

RUMA 7:6

Akahər ata ka, kwa gà ɓele məpala ahəm. Ama kinehe ka, Mbulum aka mbùrùɗara iɗəm kwa ya. Kwa ka, kamala gà məməta ŋa ya, na ika miɗ ŋgar a. Aɗaba taŋa kinehe kwa ihər ki zezemekwe a Mbulum ka, ndaka vatwa ana awiya ŋa ya, kamala ana Mezite Mesife ŋgar a ɗif a kwa dər a. Tsəka, ki zezemekwe a ndaka vatwa miviye ŋa ata, kamala ana mewetse ŋa a riŋ i wakita məpala ahəm ata ya asa tsa.

RUMA 8:15

Kamala taŋa ya, duwa a riŋ na ki gwim a dər magəɗa ika miɗ Mbulum a asa tsa. Aɗaba Mezite Mesife ŋgar ana a vəl a kurum a ka, aka ne à kurum gà ɓele tsa, a ne à kurum ka, gà ɓəza ŋgar ivaɗ. Mezite Mesife ŋgar ata ka, a riŋ mandza ŋa i gəzləŋ kwa. Aɗaba taŋa na kù gwaɗawakwa aà Mbulum ka, Tsir kwa ya.

RUMA 8:2

Aɗaba kwa ka, i ahər bakal ana a dzeye a à kwa ya asa tsa. Ndzəɗa Mezite Mesife ana a vile a kwe a mesife nda ahər Yesuw Kiristi ya, na a pəl à kwa i mazazama dukw bakal ata ya, dite ka, ŋgat a kwere a kwa kuɗa ya.

1 Kurintiya 15:58

Aɗaba taŋa, gà damər gà ana i waya kurum hinne ya. Ndzum ka, nda ndzəɗa ɓəŋɓəŋ lele, ka ti yum ba tsidze. Gwim megemir Yesuw BATSAH kwa ŋa ka, nda gəzləŋ ilik aka miɗ aka miɗ. Kurum kà sərum, megemir ana ki gwim a aɗaba ŋgat a ka, a ne a taf masakəŋa tsa.

1 Kurintiya 16:13

Ndzum ka, nda metsehe lele. Dite megìse kurum ana kə̀ gəsum ŋgwal bazlam ata nda gəzləŋ ilik a ka, ka dum dər aka miɗ aka miɗ. Arəv ma da aà kurum a tsa, gəzləŋ kurum ma ndza ka, ɓəŋɓəŋ lele.

1 Kurintiya 7:22

I gwa: Na bəla kər ɓele ka, ka dzala duwa tsəka, aɗaba ɓele ana Mbulum a zalar a ka, ndzəɗakkà a ndze a ka, a ziwe a gər ŋgar kuɗa, agəra ana mandza ŋa i təv ilik ŋa nda Yesuw Kiristi ya. Kamala taŋa ya mbaŋa, wele ana a ziwe a gər ŋgar, Mbulum aka zalar a ka, ŋgat aka ne ka, ɓele Yesuw Kiristi mbaŋa.

2 Kurintiya 11:20

I təv ana ti newa à kurum gà ɓele ya ka, kə̀ gə̀sawum gəzləŋ pəra. Na bəla ti ndzeke a aà kurum duwa ya nda wirwir a, nda gà bəla ta bene a kurum, dite ta fir aà kurum a kamala za ya, kige tsa asa, bəla ta ge a kurum a matawak ŋguɗuts ŋguɗuts ka, ki giswim a ter a gəzləŋ dze ana, meme na taŋa ya?

2 Kurintiya 3:17

Ama wele ana tə zalar BATSAH kwa ŋa i faha ya ka, tar magàwà ba ŋa nda Mezite Mesife Mbulum. I təv ana Mezite Mesife Mbulum iɗəm a ka, gà mburma ti ziwe a gər tar i fata kuɗa. Tar ti ne a kamala gà ɓele ya asa tsa.

GALATIYA 2:4

Ama gà mburma ana ta ge a duwa ka, nda pàrsa ya, tə dawaha aka magər tar, ta gwa, say mà sàs ba. Tə daha aka magər tar ka, sereh sèrèh sereh sereh nda wirwir, aà masamata vatwa kwa ana ki ziwekwe a dər gər kwa ya, aɗaba ana kwa mandza ŋa i təv ilik ŋa nda gà Yesuw Kiristi ya. A sàs a tar ka, na ki nekwe a gà ɓele məpala ahəm gà Yahuda asa ya.

GALATIYA 3:25

Ama kinehe ka, vatwa a riŋ, na ki gìsekwe a Kiristi nda gəzləŋ kwa ya kuɗa. Aɗaba kwa i ahər məpala ahəm gà Yahuda ata, à tètìk a kwe a ya asa tsa.

GALATIYA 4:26

Ama kwite Mbulum ndzer ŋana ka, taŋa Yeruzalem ana i mbulum i gər ŋa ya. Ŋgat ka, ɓele tə tsa. Aɗaba ŋgat na a ne kamala mama kwa ya.

GALATIYA 4:31

Kamala taŋa ya, gà damər gà, kwa kinehe ka, kàa nekwa kamala gà ɓəza ɓele ya tə tsa. Kwa ka, gà ɓəza məkəs ana ndzer ŋa ya.

GALATIYA 4:9

Ama kinehe ka, kà sərum Mbulum kuɗa. Ŋgulum i gweɗe a ka, Mbulum aka sər kurum ivaɗ. Assàh, dite meme na ki mbiɗwim a gər a dukw sitene ana taf masakəŋa, ndzəɗa iɗəm tsiye asa ya? Aàmala na a sàs a kurum mene gà ɓele tar asa dze ya?

GALATIYA 5:13

Gà damər gà, Mbulum a zal a kurum ka, dite ki ndzwim a nda mezìwè gà gər kurum, kàa beywim à məpala ahəm Musa ya. Na ki ziwim a gər kurum kamala taŋa ya ka, ka ta gwaɗum, mìi gewe a dukw ana ba mər a waya pəra ɓav tsa. Seyiŋ tsa, wayum ba ika magər kurum ilik ilik tserdze, dite ki geywim ba meslire ika magər kurum tserdze asa mbaŋa.

EFESIYA 6:14

Ama kinehe ka, hadzalum ba kurum ɓəŋɓəŋ lele, dànaywim ba nda ndzer kurum kamala kànda ana madànà ŋa ika dəmkul a, dite ma ge a kurum də̀ɗə̀ffa. Mede ana ndaka vatwa ŋa ya, ma ne ka, *andiw sayaw kurum ana ki geywim a dər ikaba ya.

FILIPIYA 1:27

Ama duwa ilik ma ta məts a kurum gər tsa kəla. Mede kurum ma ge ka, ŋgwal ŋa, kamala bazlam ŋgwal ŋa ana Yesuw Kiristi a ɗif dər a. A sèsiŋ ka, ku mege Yàa ŋgat vatwa aà madaha a təv kurum, kige tsa bəla Yàa ŋgat tsa tekeɗe ka, i tserekere a mendze kurum ana ki ndzwim a ndìɓèkke, kurum masəra ba ŋa ŋgwal ŋa lele, metsehe kurum ilik a. Dite kurum riŋ ihər ki mirwim a aba aà megemir bazlam ŋgwal ŋa ata kə̀ gə̀sakwa nda gəzləŋ ilik kamala gà ɓəzla gùvəl a asa mbaŋa.

1 TESALUNIKE 3:8

Na kurum ihər ki dwim a ika vatwa Mbulum lele ka, a ŋgeyewe a mər a ba i gəzləŋ hinne.

2 TESALUNIKE 2:15

Aɗaba taŋa, gà damər mər, mərum aba nda təv megìse kurum ana kə̀ gəsum Yesuw Kiristi nda gəzləŋ a. Dum dər aka miɗ aka miɗ nda metìkè madzala gà gər aka dukw ana mì ɗif a kurum dər a. Ku mege mì tsik a kurum nda bazlam, nda gà ku mege mì wetse a kurumaha aka wakita tekeɗe ka, gəsum, tikwim a gər lele.

IBƏRANIKWA 10:23

Mərakwa aba aà magəsa dukw ana Mbulum a tsik a kwa, kwa ihər ki ɗifekwe a dər a mburma ya, nda gəzləŋ. Madzala gà gər kwa tekeɗe, ma ta ge wàkit wàkit tsa. Aɗaba dukw ana Mbulum a tsik i sida ya, a gwa, a vile a kwe a ya ka, a vile a ndzer kaɗəŋ, dukw ŋgar, à ses a pàrsa tsidze.

IBƏRANIKWA 3:14

Kwa kinehe ka, gà mburma ana kə̀ ŋgatakwa akaba duwa nda gà *Kiristi ya. Ama kə̀la ka, na ki tèkwe a dər aka miɗ aka miɗ, ki ndzekwe a ɓəŋɓəŋ lele nda təv dukw ana kà lah megìsekwa malahalah ŋa ya, tsikw a təv mendìsle.

IBƏRANIKWA 3:6

Ama *Kiristi ka, kəla mala ga, kamala megweɗe ya ka, Kəla Mbulum. Dukw ana i ma ŋgar tserdze ya ka, i ahər ŋgar. A gewer megemir ndaka vatwa ŋa lele. Kwa tekeɗe, gà mburma ana i ma ŋgar a mbaŋa. Ama kə̀la ka, na ki tèkwe a dər aka miɗ aka miɗ tsikw a təv mendìsle, nda magəsa gəzləŋ, nda maŋgayaba nda təv dukw ana kà tikekwa aaka madzala gà gər a dzekwiŋ.

IBƏRANIKWA 4:14

Aɗaba taŋa ki ndzekwe a nda gà megìse ana kə̀ gə̀sakwa ya, a gəzləŋ ɓəŋɓəŋ lele, dite ki ɗifekwe a dər a mburma ŋgarra lele mbaŋa asa. Aɗaba batsah mala mandəva kuɗa a Mbulum ata ka, Yesuw Kəla Mbulum ana a tsəl a təv ŋgar a gər ŋa ya.

1 PIYER 2:16

kə̀ ŋgatum mezìwè gər kurum ka, aɗaba Yesuw Kiristi ana a pəl à kurum i bakal a ya. Na kàa ŋgatum mezìwè ger kurum kamala taŋa ya ka, ka ta kàhum bakal a gəzləŋ kurum asa tsa. Ama kə̀ gəsum ahəm aà Mbulum ivaɗ.

2 Piyer 2:19

Ta gweɗe a a gà mburma ata ka: Mìi vile a kurum a vatwa ana ki ziwwim a gər kurum a kuɗa. Ama tar ŋa ka, gà ɓele bakal, ti ziwe a ger tar ɓav tsa. Aɗaba kurum kà sərum, dukw ana a kwere a mburma ya, na a ne a ɓele à mburma ya.

Yuda 1:3

A kurum gà masla gà ana i waya kurum hinne ya. Ana ka, a sèsiŋ mewetse a kurumaha wakita hinne, agəra bazlam ŋgiɗ zləmana, aà meɗìfè a kurum dər ka, meme na Mbulum a mbəl à kwa tserdze ya. Ama i samata ka, ŋgulum i wetse a kurumaha kinehe, aɗaba mə vəl a kurum ndzəɗa, dite ki mirwim a aba nda təv bazlam ŋgwal ŋa ana kə̀ gəsum a ivaɗ. Mbulum a vəl ahər ka, a gà mburma ŋgar gà tsəɗaŋŋa ŋana. Bazlam ata ka, à mbìɗ a aba tsidze.

Sunwa Yuhana 2:25

Gəsum dukw ana ŋgwal ŋa, kà sinikwim dər ba ya, nda ndzəɗa ɓəŋɓəŋ lele, haa a pat ana i ta mère a ya.

Sunwa Yuhana 3:3

Dzalum gà gər ka, aka bazlam ŋgwal ŋa ana kà tsarakum akahər ata ya. Megìse kurum ata kə̀ gəsum ɓəŋɓəŋ lele ya ka, mə̀ məts a kurum gər tsa. Ama kinehe ka, mbəɗum à madzala gà gər kurum, dite kə̀ gəsum lele nda gəzləŋ ilik asa. Aɗaba taŋa, na kàa pìɗekwim tsəka, sərum dər, i ti dere a a təv kurum a ka, sèrèh kamala mala akəl a. Ki sirwim a pat ana i ti dere a a təv kurum a tsa.