GALATIYA 4:9 - Bible Zulgo

⁹ Ama kinehe ka, kà sərum Mbulum kuɗa. Ŋgulum i gweɗe a ka, Mbulum aka sər kurum ivaɗ. Assàh, dite meme na ki mbiɗwim a gər a dukw sitene ana taf masakəŋa, ndzəɗa iɗəm tsiye asa ya? Aàmala na a sàs a kurum mene gà ɓele tar asa dze ya?

GALATIYA 4:9 ပူးပေါင်းရင်းမြစ်များ

Mata 11:27

Dite a gwaɗa a gà mburma ana a riŋ mayahaba gər ŋa i təv ŋgar a: «Ama Tsir gà aka dziŋ gà dukw a ahər tserdze. Wura a riŋ na a sər ka, weke na Kəla Mbulum a tsa, say Tsir ŋa, dite wura a riŋ na a sər ka, weke na Tsir ŋa ya tsa asa, say Kəla ŋgar ata, nda gà mburma ana Kəla ŋgar ata a sasar meɗife a tar dər tserdze ya.»

Luka 5:38

Ama ka, kataya tsa. Say mandza guzum himmè ŋana ka, a duwa kwiye ana awiya ŋa ya mbaŋa.

Yuhana 10:14

Iye ka, i ne mala makəva gà dukw ana ŋgwal ŋa ya. I sər gà təmaŋ gà. Gà təmaŋ gà tekeɗe, tə sər iye mbaŋa,

Yuhana 10:27

Gà mburma gà ka, tì dze a zləm a mifefile gà. Ti ne kamala gà təmaŋ ana tì dze a zləm a mifefile mala makəva tar a. I sər tar, dite tar tekeɗe, tar riŋ ti zezem a iye mbaŋa.

Yuhana 17:3

Wur ana aka ŋgat mesife ana à ndìv a tsiye ka, a sər, kər na Mbulum ndzer a, dite a sər, iye Yesuw Kiristi ana kà slərra iye ya mbaŋa.

RUMA 8:29

Gà na Mbulum a lah mipele tar, ti ne gà biy ŋgar akahər ata ya ka, a sasar na a ti ne à ter a kamala Kəla ŋgar a mbaŋa, na dite Kəla ŋgar tekeɗe, ma ne malkwara ika magər gà damər ŋgar ata hinne ya ya.

RUMA 8:3

Məpala ahəm Musa ka, a sle aà məvəla kwa mesife tsa, aɗaba ana kwa ka, gà mburma taf masakəŋa, ndzəɗa kwa a riŋ tsiye. Kwa ka, kà mbàkwa aà magəsa ahər ahəm tsa. Ama dukw ana məpala ahəm ata a sle aà mege ŋa tsiye ka, Mbulum nda ahər ŋgar ŋa aka ge. A ge taŋa ka, nda maslə̀rà Kəla ŋgar ana a slərra aka gər ahəɗ a, a ne mburma kamala kwa ya ya. Tàa dzik à ŋgat aà mege bakal kamala kwa mburma ya mbaŋa, ama ka, aka ge tsa. Dite i dəba ŋa ya ka, a mət aɗaba bakal kwa. Kamala taŋa ya na Mbulum a ge seriye bakal ana mburma a gewa ya.

1 Kurintiya 13:12

Ama kinehe ka, are kwa a de a aba ya zukw tsa, ki ŋgetekewe a a gà duwa ka, zìyye kamala kwataramà ana ki fir a iɗəm a ka, kùlàhtàhha are a slala iɗəm a tsiye tə̀ma. Aləka a ndze a a tə̀vəməŋa mba ka, ki hitsekwe a aka miɗ Mbulum dzìrìk, ki ŋgetekewer a ndzùzlzlwa lele kuɗa. Kinehe ka, kà sərakwa ŋgat fit kweleŋ zukw tsa. Ama a pat ana aka ndzera ya ka, ki sirekwe a ŋgat lele kuɗa, kamala ana ŋgat a sər kwa kinehe ya mbaŋa.

1 Kurintiya 15:34

Agəra taŋa, kinehe ka, pìɗekeywim i mekweye ya, ki gwim bakal asa tsa. Aɗaba i samata, gà asiŋ gà mìsle ŋgiɗ ika magər kurum a ka, tàa sər Mbulum zukw tsa. I tsik a kurum taŋa ka, dite gurɓə̀ts hwarwa ma ge a kurum.

1 Kurintiya 8:3

Ama wur ana à sìŋgìr a à ba ŋgar tsa, a waya Mbulum ivaɗ a ka, ŋgat na Mbulum a gweɗe ahər a parakkà, wele aaha ka, biy ga ya.

2 Kurintiya 11:20

I təv ana ti newa à kurum gà ɓele ya ka, kə̀ gə̀sawum gəzləŋ pəra. Na bəla ti ndzeke a aà kurum duwa ya nda wirwir a, nda gà bəla ta bene a kurum, dite ta fir aà kurum a kamala za ya, kige tsa asa, bəla ta ge a kurum a matawak ŋguɗuts ŋguɗuts ka, ki giswim a ter a gəzləŋ dze ana, meme na taŋa ya?

2 Kurintiya 4:6

I təv ana Mbulum a ge gər ahəɗ akahər ata ya ka, a gwa: «Dzaydzay mà də̀v i luvuŋ.» Ama Mbulum ŋa ka, taŋa ilik hiywe na a vəl dzaydzay ŋgar ata à div a i gəzləŋ mər a mbaŋa. A ge dər kataya ka, aà məpàtà à ndzəɗa ŋgar ana tì zlibe a dər, à div a ika miɗ Kiristi ya. Aɗaba taŋa na mər ihər mìi tsik a bazlam ŋgwal ŋa ata a mburma ya.

GALATIYA 3:3

Dite aàla na metsehe kurum a riŋ tsiye? Aɗaba akahər ata piŋŋe ka, kàa dzum ba aà mede kurum nda ndzəɗa Mezite Mesife Mbulum lele. Dite araha kinehe ka, a sàs a kurum mandəva dər nda ndzəɗa ba kurum dze ana, meme?

GALATIYA 4:3

I təv kwa kinehe tekeɗe ka, kataya mbaŋa. Akahər ana kà nekwa kamala gà ɓəza mba ya ka, kwa mandza ŋa kamala gà ɓele ya, na i ahər gà sitene ana ta kwere a gər ahəɗ a ya.

EFESIYA 1:17

I heme a ka, a Mbulum Tsir kwa Batsah ŋa ana tì zlibe a à ŋgat hinne, Yesuw Kiristi BATSAH kwa ŋa a ger a megemir a. I hemer a ka, dite ma ɗif a kurum à metsehe ŋgar. I dəba ŋa ya, mə̀ pàt a kurum aba, dite kà səkahum à masəra ŋgat lele.

2 TIMUTE 2:19

Ama gà mburma ana Mbulum a pala tar a ka, ndzer kaɗəŋ, pàrsa iɗəm tsa. Ti ne ka, kamala madzàha ga ana tə dzàha ɓəŋɓəŋ lele, a mbezle a tsiye. Dukw ana mewetse ŋa agəra tar a ka, ta gwa: «BATSAH kwa ŋa ka, a sər gà na ti ne ga mburma ŋgar a.»*fa* Dite a gwa asa ka: «Wur ana aka gwa, iye mburma Mbulum a ka, say mə miyak à mege dukw ana ŋgwala tsa a gewa ya.»

IBƏRANIKWA 7:18

Kamala taŋa ya, wetsèkèlek Mbulum a mbəɗ à məpala ahəm miviye ŋana ka, agəra ana ndzəɗa ŋa tsa, dite a ge a ŋgulum a mburma tsa asa ya.

2 Piyer 2:20

Na wura a sər Yesuw Kiristi BATSAH kwa ŋana a mbil a à kwa ya ka, aka be aà gà dukw ana ŋgwal ŋa tsa ika gər ahəɗ, à nis a à mburma ya. Ama zàkwayiya ka, à mbìɗ a gər aka mege dukw ata ŋgwal ŋa tsiye, dite gà dukw ata ta kwere a ŋgat asa ana, meme? Kamala taŋa ya, mandəvandəv mendze ŋgar ana i dəba taŋa ya ka, ŋgwal ŋa tsa ndeyndey, à zè a dukw ana ŋgwal ŋa tsa, a ge akahər ana a sər Yesuw Kiristi zukw tsiye ivaɗ.

1 Yuhana 5:20

Kà sərakwa dər asa ka, Kəla Mbulum a dara aka gər ahəɗ a ka, a vəl a kwa metsehe, na dite ka, kà sərakwa Mbulum ndzer ŋana ya. Kà ndzakwa i təv ilik ŋa nda gà Mbulum ndzer ŋana ka, agəra ana kà ndzakwa i təv ilik ŋa nda gà Yesuw Kəla ŋgar a mbaŋa, kàa gawakwa ba ya. Ŋgat na Mbulum ndzer ŋana ya, dite ŋgat asa na a vəl a kwa mesife ana à ndìv a tsa aà biybiy a asa mbaŋa.