GALATIYA 4:8 - Bible Zulgo

⁸ Aka ana kà sərum Mbulum tsiye ka, kurum kà nwim gà ɓele gà dukw ana pampam a, tsəka, biy Mbulum ndzer ŋana tsa.

GALATIYA 4:8 ပူးပေါင်းရင်းမြစ်များ

Yuhana 1:10

Ŋgat ɗa ika gər ahəɗ. Ama ku mege Mbulum a ge gər ahəɗ nda ahər ŋgar tekeɗe ka, gà mburma ana iɗəm a, tə sər ŋgat tsa.

Gà Ɓəzla Meslire 14:12

Aɗaba gà mbulum tar ka, tàa ɗeye a tar zləm pampam. Gà biy ŋgiɗ *Dzawus, dite biy ŋgiɗ *Hermes, a ne mala sik Dzawus. Aɗaba taŋa, tə zal a Barnabas ka, Dzawus, dite tə zal a Pul ka, Hermes, aɗaba ta gwa aà Pul ka, mala sik ŋgar na à fèfil a ya.

Gà Ɓəzla Meslire 17:23

Aɗaba Yàa sùwaya i kwite kurum tserdze. Yàa ŋgat a gà təv ana kà tàwàlawum aɗəm gà duwa ya. Ama ka, Yàa le aà kur ana kà batsawum aaka gà duwa ya, mewetse ŋa ihər, kamala megweɗe ya ka: Aɗaba taŋa kurum riŋ ihər ki dzwìm a gurmits a bəɗ ka, a mbulum ana kà sərum ŋgat ŋa tsiye. Ama kinehe i dara ka, aà meɗife a kurum à ndzer ŋana kuɗa.

RUMA 1:23

Tar ka, ta miyak à mazàmbàɗà à Mbulum ana mezlibe ŋgar a riŋ hinne, dite ŋgat asa ka, a ndze a aà biybiy a. Tə zàmbaɗawa ka, a gà dukw ana ta geye nda ahər tar, ti ne dər kamala gà Mbulum tar a ivaɗ. Gà dukw ata ka, gà asiŋ ŋa ti ndzikiɗ ba gà mburma ana tar ka, ta mìt a ya. Dite gà biy ŋgiɗ ti ndzikiɗ ba gà ɗiyeŋ, gà biy ŋgiɗ ibam, tar ka, kamala dukw dala ana ti de a nda sik faɗ a. Dite gà biy ŋgiɗ asa mbaŋa ka, ti ndzikiɗ ba gà dukw ana ti de a nda huɗ a.

RUMA 1:28

Aɗaba gà mburma ata ti niw mazazama Mbulum, a sàs a tar masəra ŋgat tsiye ka, Mbulum a miyak à tar, na dite ti dzele a ka, metsehe tar ana taf masakəŋa, a da ndaka vatwa ŋa tsiye ya. Ta gewa ka, dukw ana a tsahən biy mege tsidze ya.

1 Kurintiya 1:21

Kaɗəŋ ndzer, gà mburma gər ahəɗ ka, Mbulum aka ɗif a tar à metsehe ŋgar ibam. Ama ka, tə sər ŋgat ŋa tsa. Aɗaba taŋa, Mbulum a waya məmbə̀là à mburma nda bazlam ana mər ihər mìi ɗif a dər a mburma ya. Gà mburma gər ahəɗ ka, tar ta gwa: Bazlam ata aka gər məməta Kiristi ana a mət aà dizl magə̀làwà ŋa ya ka, dukw falày taf masakəŋa. Ama Mbulum ŋgat ka, a sasar məmbə̀là à gà mburma ana ta gəs nda gəzləŋ tar a.

1 Kurintiya 12:2

Kurum kà sərum, akahər ana kàa gəsum Yesuw Kiristi nda gəzləŋ kurum zukw tsiye ka, kà zàmbaɗawum à gà fəla ana pampam tə sər bazlam tsa, kà nwim dər kamala mbulum a ya. Dukw ata ka, ədəts a gəs kurum, a fàr aka kurum ndzəɗa hinne kamala ana gəzləŋ ŋgar a waya ya.

1 Kurintiya 8:4

Aɗaba slu ana ta kəɗ, tə tàwàl dər duwa ya dze ana, wànà ki pèpìɗekwe a ya? Ama dukw ana iye i zlaŋa ya ka, araha: Kwa kà sərakwa dər dukw ana gà mburma gər ahəɗ ta ger a gər hirek hirek, ti ne dər mbulum tar a ka, mesife iɗəm tsa. Dite kà sərakwa mbaŋa, Mbulum ka, ilik, tsəka, biy ŋgiɗ a riŋ asa tsa.

GALATIYA 4:3

I təv kwa kinehe tekeɗe ka, kataya mbaŋa. Akahər ana kà nekwa kamala gà ɓəza mba ya ka, kwa mandza ŋa kamala gà ɓele ya, na i ahər gà sitene ana ta kwere a gər ahəɗ a ya.

EFESIYA 4:18

Madzala gà gər tar ka, i luvuŋ. Tə sər dukw ana ndzer ŋa ya tsa. Mesife awiya ŋa ana Mbulum a vəl a ka, a riŋ i təv tar tsidze, aɗaba ana kuvəl i zləm tar a, ndàasun ŋana ka, na tə sər duwa tsidze ya.

1 TESALUNIKE 1:9

Ku mege i ŋga, i təv ana mì dawa aɗəm a ka, ti tsikewa a mər nda ahər tar, meme na kə̀ gəsum mər lele ya. Ta gwaɗa a mər mbaŋa ka, kàa miyakum aba à gà fəla kurum ana ki gewim a, dite ka, kà dzàwum gurmits a bəɗ a Mbulum ana ndzer, ŋgat a riŋ nda gà mesife ya.

1 TESALUNIKE 4:5

Ki ndzwim a nda gà tar ka, kamala meèweke ba kurum ana ŋgwala tsa, dzə̀lùwùwùrwùr a kwere a kurum a tsa. Aɗaba na a gewa kamala taŋa ya ka, gà mburma ana tə sər Mbulum tsiye. Ama kurum ka, ki gwim dər kamala taŋa ya tə tsa.

2 TESALUNIKE 1:8

A dere a ka, ŋgar ŋgar, nda gà akwa məvata ŋa. A ti sèwèr a dər are a gà na ti niw Mbulum a, dite nda gà na tì dze a zləm a bazlam ŋgwal ŋa ana ti ɗif a dər aka gər ŋgar a tsiye mbaŋa.

1 PIYER 4:3

Mendze kurum ana ki ndzwim a ya ka, ka ta mətsum aà mege dukw ana gà na tə sər Mbulum tsa, ta gewa ya asa tsa, ide na taŋa ya. Aɗaba piŋŋe ka, kurum i bakal məburnun, nda meèweke, nda gà masà guzum ndzìrèffe ndzìrèffe, nda gà məmətsa aà megirive kəla pat, nda mazàmbàɗà à gà fəla kurum ana a tsahən aà Mbulum tsidze ya.

1 Yuhana 3:1

Fə̀rum kwaŋ, meme na Mbulum a waya kwa hinne ya, dite ka, a zal a kwa dər gà ɓəza ŋgar asa ya? Kàa nekwa ka, gà ɓəza ŋgar kaɗəŋ. Gà mburma gər ahəɗ aaha tə sər ka, kwa kàa nekwa gà ɓəza Mbulum tsəka, aɗaba ana tə sər Mbulum tsiye.