GALATIYA 4:7 - Bible Zulgo

⁷ Kamala taŋa ya, kurum ka, gà ɓele sitene asa tsa, kurum ka, gà ɓəza Mbulum Tsir kwa ivaɗ. Ama na kurum gà ɓəza ŋgar ka, taŋa ka, ki ŋgetwim a gà dukw ana tserdze a ta vile a a gà ɓəza ŋgar a mbaŋa.

GALATIYA 4:7 ပူးပေါင်းရင်းမြစ်များ

Mata 6:24

Aləka, i dəba ŋa ya, a gwaɗa a tar asa: «Wura a sle aà megewe akaba a megemir gà mburma sula tsa. Aɗaba pat ŋgiɗ ka, a ge a swalwa a mìsle ŋgiɗ, a weye a biy ŋgiɗ lele. Kige tsa, à gis a ahəm aà biy ŋgiɗ aaha lele, i ŋgiɗ ka, à gis ahər a tsa, kùrtìtìk a niw a bazlam ŋgar. Kamala taŋa ya, kurum tekeɗe, ki slwim a aà megemir a Mbulum, dite ka, a siŋgwe asa sula sula tsa.»

GALATIYA 3:26

Kamala taŋa ya, kurum tserdze ka, kàa nwim gà ɓəza Mbulum, aɗaba ana kàa gəsum Yesuw Kiristi nda gəzləŋ, dite kurum a riŋ mandza ŋa i təv ilik ŋa nda ŋgat a.

GALATIYA 3:29

Ama na kurum gà mburma Kiristi ka, kamala megweɗe ya: Kurum ka, gà ɓəza Abəraham mbaŋa. Na kataya ka, ki ta ŋgetwim a dukw ana Mbulum a tsik i sida ya, a gwa, i ta vile a a gà Abəraham nda gà ɓəza ŋgar a tserdze mbaŋa.

GALATIYA 4:31

Kamala taŋa ya, gà damər gà, kwa kinehe ka, kàa nekwa kamala gà ɓəza ɓele ya tə tsa. Kwa ka, gà ɓəza məkəs ana ndzer ŋa ya.

Sunwa Yuhana 21:7

Wur ana aka mba aà dukw bakal gər ahəɗ a ka, a ŋget a gà dukw ata. Iye i ti ne a Mbulum Tsir ŋgar, dite ŋgat tekeɗe, a ti ne a kəla gà mbaŋa.