GALATIYA 2:9 - Bible Zulgo

⁹ Gà Zakup nda Piyer, nda gà Yuhana ana ta fə̀rawa aà tar kamala gà bàba ŋa ika magər tar a ka, tar tə sər, Mbulum na a viliŋ megemir ata a ahər nda ndzer a. Aɗaba taŋa na ta vəl a mər ahər nda Barnabas ədəts lele, kamala megweɗe ya ka: Mege megemir mər ka, ilik na mi ŋgeyer ba ya. Mər nda gà tar na mì dza akaba bazlam, mì gwa, mìi de a, mìi ta ge a megemir ika magər gà na gà Yahuda tsiye ya. Ama tar ka, tə da a təv gà Yahuda.

GALATIYA 2:9 ပူးပေါင်းရင်းမြစ်များ

Mata 16:18

Iye ihər i gweɗekiŋa: Kər ka, Piyer, kamala megweɗe ya ka, kuvəl. Ama i ti yehe a gər a gà mburma gà aka kuvəl ata kamala kur ana tì zlèzl a dər ga ya. Taŋa, gà ɓəzla mene are tar ka, ti sle a aà medzeye à tar tsa, ku mege ndzəɗa məməta tekeɗe, a sle a aà mimbè aà tar tsa mbaŋa.

Luka 22:8

Yesuw a slər gà Piyer nda Yuhana. A gwaɗa a tar: «Dum, ka ti dwim ɗaf Paska ana ki ti zimekwe a ya.»

Yuhana 1:42

I dəba ŋa ya, a laka Simun a təv Yesuw. Dite Yesuw a fə̀r ahər, a gwaɗar: «Kər ka, Simun, kəla Yuhana. Ti ta mbìɗek a à zləm, ti zelek a Kayfas», kamala megweɗe ya ka, Piyer. Taŋa ka, kuvəl.

Gà Ɓəzla Meslire 12:17

A ge a tar à ahər kə̀t kə̀t kə̀t, kamala megweɗe ya ka, kà fàfəlum tsa. Dite a dza ba aà maɗàmà a tar meme na Mbulum BATSAH kwa ŋa na a zlara ŋgat i ga daŋgay a. A gwaɗa a tar i huɗ bazlam ŋgar ata ya: «Ɗifwim dərraha a gà Zakup nda gà asiŋ gà damər kwa ana ika vatwa Mbulum a tserdze.» I dəba ŋa ya, a dara i ga ata i Yeruzalem a, a da ba a təv ŋa.

Gà Ɓəzla Meslire 15:13

I təv ana tə ndəv à mifefile tar ata tsara ya ka, Zakup a zəvar ahəm, a gwaɗa a tar: «Tsarakum dukw ana i tsik a ya, gà damər gà.

Gà Ɓəzla Meslire 15:7

I dəba mimbètsè ahəm tar ata ya ka, Piyer a hitse aà mbulum, a gwaɗa a tar: «Gà damər gà, kà sərum ka, Mbulum a zla iye piŋŋe i liwiŋ kurum a ka, aà metsìkè bazlam ŋgwal ŋana a gà mburma ana tar gà Yahuda tsiye, dite tar ibam, tə tsaraka mbaŋa, dite ta gəs nda gəzləŋ tar.

Gà Ɓəzla Meslire 4:36

Kərga Yasufa ana gà Levi, ta wa ŋgat i Kipurus, dite gà ɓəzla meslire Mbulum tə zalar Barnabas a, kərga megweɗe ya ka, «mala məmàha aà arəv a mburma» ya, a ge dər kataya mbaŋa.

RUMA 1:5

Mbulum a zla iye ka, aɗaba Kəla ŋgar ata, dite a ne à iye mala meslire ŋgar a. Kamala taŋa ya, a giŋ ŋgwal ŋa, na dite ka, i ɗif a à bazlam ŋgar a mburma, ku mege i ŋga, ika gər ahəɗ tserdze ya. A sasar ka, ta gəs ŋgat nda gəzləŋ, dite ta gəs ahər ahəm, tə̀ zlə̀b à Yesuw Kiristi.

RUMA 12:3

Mbulum aka giŋ ŋgwal ŋa, aka tike iye aà megemir ŋgar. Aɗaba taŋa, iye ihər i gweɗe a kurum a ilik ilik tserdze ka: Kà ɗwim à gər kurum, waytsà mər ŋa mà za biy na a tsahən aà mburma tsa. Ki dzelwim a ivaɗ ka, ku weke à fir aà ba ŋgar ka, meme na i ge a ya, dite i de a ndaka vatwa ana ŋgwal ŋa ya. Ki zezemwim a ka, dukw ana Mbulum a vəl a kurum i təv megìse ana kə̀ gəsum ŋgat a, na dite ki livwime a à gər kurum ka, dàyday a.

RUMA 15:15

Ama wakita aaha i wetse a kurumaha ya ka, gà asiŋ gà bazlam ŋgiɗ iɗəm ka, Yàa ndaha a kurum dərraha aà are parakkà, i waya ka, mə̀ mà a kurumara a gər a. I sle a aà mewetse a kurumaha kamala taŋa ya ka, aɗaba ŋgwal Mbulum ana a giŋ a.

1 Kurintiya 15:10

Ama ka, Mbulum aka giŋ ŋgwal ŋa, na dite ka, i ne mala meslire ŋgar kamala ana kurum ihər ki ŋgetwimiŋ a kinehe ya. Taŋa mege ŋgwal ŋgar ata a giŋ a ka, aka ne taf masakəŋa tsa. Seyiŋ tsa, Yàa ge megemir ka, hinne, a za biy gà ɓəzla meslire Mbulum ana tserdze ya ivaɗ. Ama ka, iye tsa na a ge megemir ata ya kəla. Mbulum nda ŋgwal ŋgar ata a giŋ a, na a ge megemir ata nda təv ga ya.

2 Kurintiya 11:5

Kurum kù gwaɗum aà gà mburma ata ka, waytsà tar ka, gà bàba gà ɓəzla meslire Mbulum kuɗa. Ama iye ka, i sər ndzer, tar ka, tə za dər iye tsa.

2 Kurintiya 12:11

Iye ihər i ge a zlapa kataya ka, aɗaba i ne à ba gà kamala ana iye mala falày masakəŋa taf a. Ama kəla ka, kurum na kà fàrum aka iye ndzəɗa aà mege à ba gà kataya ya. I ge a aba zlapa ka, aɗaba ana kàa zlə̀bum à iye tsiye. Ana ka, say kurum na ki zlìbwim a à iye ya ivaɗ, tsəna, kataya tsiye? Aɗaba ku mege iye ka, duwa taf masakəŋa tekeɗe, gà asiŋ gà ɓəzla meslire Mbulum kurum ata kə̀ gwaɗum, tar gà bàba ŋa ya ka, tə za dər iye tsidze.

2 Kurintiya 8:4

Ta ge a mər kamkam hinne, ta gwaɗa a mər: «Vəlum a mər vatwa aà metìkè aɗəm ahər mər te,« na tì zlèk a dər gà mburma Mbulum ana ika ahəɗ Yuda ya.

GALATIYA 1:16

a pètiŋ à Kəla ŋgar, na dite i tsik a bazlam ŋgwal ŋana aka gər ŋgar, a gà mburma ana tə sər Mbulum tsiye tserdze ya. Akahər ata ka, maa fàfəl nda wura, aà mewize ihər bazlam a tsa asa.

GALATIYA 1:18

Aləka, mive makər a da iɗəm a ka, dite i da a Yeruzalem kuɗa. I da ka, aà malə̀mà akaba nda gà Piyer. Mì ndza akaba ka, kwaskwa sula pəra.

GALATIYA 2:1

Mive kurwa gəra faɗ a da iɗəm a ka, mər nda Barnabas mì mbəɗ gər a Yeruzalem asa. Mì tike dər Titus aà mendzwil mbaŋa.

GALATIYA 2:2

I mbəɗ gər a fata ka, aɗaba Mbulum a gweɗiŋ, ge kataya. I ndzeha a fata ka, mì yahaba gər nda gà bàba ŋa ana ika magər gà mburma Mbulum a, kətsah a zlawak zaakwa. I ɗif a tar à bazlam ŋgwal ŋa na i tsikewa a gà na tə sər Mbulum tsiye ya. Aɗaba i waya megemir gà ana i gewa piŋŋe ya, tsikw aà na i da dər a təv tar tekeɗe ka, ma ne taf masakəŋa tsa.

GALATIYA 6:3

Na wura aka fə̀r aà ba ŋgar kamala ana ŋgat batsah ŋa ya, ama tsaatsa ka, mburma taf masakəŋa, a sle a aà duwa tsa, taŋa ka, a riŋ a bene a ba ŋgar ivaɗ.

EFESIYA 2:20

Kurum ka, kàa nwim gà kur mazlazla ga. Gà ɓəzla meslire Yesuw nda gà ɓəzla məma à guma Mbulum ka, tar ti ne madzàha ga. Dite Yesuw Kiristi ka, ŋgat a ne madəŋ kur ana dəŋdəŋ a.

EFESIYA 3:8

Iye ka, wele na kə̀la ŋa ika magər gà mburma Mbulum kwizikw a. Ama kə̀la ka, aka viliŋ vatwa aà metsìkè bazlam mipìsè ahəm ana a dere a ndàra i təv Yesuw Kiristi ya, a gà mburma ana gà Yahuda tsiye. Mipìsè ahəm ata batsah ŋa ya ka, gà mburma ti sle a aà masəra ŋa fit tsa, aɗaba ana a za ndzəɗa tar a.

KULUSIYA 1:29

Aɗaba taŋa na iye ihər i mir a aba aà megemir ŋa hinne, nda ndzəɗa Yesuw Kiristi ana a viliŋ a ba ya, na dite ka, araha, i ge a dər megemir ŋa mbaŋa ya.

1 TIMUTE 3:15

Aɗaba ku mege Yàa ndzeha bise tsa tekeɗe ka, wakita aaha a ɗifek a à dukw ana i tsikik a zləmana ya, dite ka, ki sir a dər ka, meme na gà mburma ti sle a aà mede ika magər gà mburma Mbulum ndaka vatwa ŋa lele ya. Na a ne gà mburma ata ka, gà na tar riŋ i huɗ mayahaba gər gà mburma Mbulum ana ŋgat a vile a ter a mesife ya. Gà mburma ŋgar ata na ndəzlzlà ti ne mendweŋe bazlam ŋgar ana ndzer a.

1 Yuhana 1:3

Dukw ana mì ŋgatar a, ndəna mì tsaraka ya, na mìi tsik a kurum a mbaŋa, na dite kurum tekeɗe ka, ki gewim a à ba nda gà mər i təv gà dukw ata. Magàwà ba ana ki gewekwe a ba ya ka, nda gà Mbulum Tsir kwa, dite nda gà Yesuw Kiristi Kəla ŋgar asa.

Sunwa Yuhana 3:12

Gà na tàa mba aà dukw bakal a ka, i ti ndweŋ a tar kamala mendweŋe ya, i batsah ga Mbulum gà, dite ti ndze a i fata ka, hiywe. I ta wetse aà ter a zləm Tsir gà Mbulum, nda zləm kwite ŋgar ŋa mbaŋa asa. Ama kwite ata ka, Yeruzalem awiya ŋa ana a slirre a i gər ŋa i təv ŋgar ŋa ya. Dite i wetse aà ter a zləm gà awiya ŋana mbaŋa.