GALATIYA 2:2 - Bible Zulgo

² I mbəɗ gər a fata ka, aɗaba Mbulum a gweɗiŋ, ge kataya. I ndzeha a fata ka, mì yahaba gər nda gà bàba ŋa ana ika magər gà mburma Mbulum a, kətsah a zlawak zaakwa. I ɗif a tar à bazlam ŋgwal ŋa na i tsikewa a gà na tə sər Mbulum tsiye ya. Aɗaba i waya megemir gà ana i gewa piŋŋe ya, tsikw aà na i da dər a təv tar tekeɗe ka, ma ne taf masakəŋa tsa.

GALATIYA 2:2 ပူးပေါင်းရင်းမြစ်များ

Mata 10:16

Aləka i dəba ŋa ya, Yesuw a gwaɗa a tar asa: «Araha, i slir a kurum ana kà nwim kamala gà təmaŋ, ndzəɗa kurum a riŋ tsa liɓèt a liɓèt a ya. Ama ki dwim a kəla ka, a liwiŋ gà mburma ana ti ne kamala gà də̀var a. Aɗaba taŋa, nwim ka, gà ɓəzla metsehe kamala gà mesiwiɗ ana slìrmiɗ slìrmiɗ ta kesle a ba tar aà gà məmba ya. Ki nwim a asa ka, kamala huɗgum ana a səraha duwa tsa, a ndzebe a tsìkeffe ya.

Gà Ɓəzla Meslire 15:12

I dəba bazlam ata ya tsara ka, gà Pul nda Barnabas tə dza ba aà maɗàmà gà dukw mene à mburma ana Mbulum a ge nda gà tar ika magər gà mburma ata tar gà Yahuda tsiye. Mayahaba gər gà mburma ata tserdze ya ka, tə ndza ɗikɗik, tə dza a tar aaka zləm.

Gà Ɓəzla Meslire 15:2

Ama gà Pul nda Barnabas ta gwaɗa a tar: «Taŋa ka, pàrsa.» I dəba ŋa ya, bazlam tar ata a zla tarra mimbètsè ahəm aka magər a. Tə dza akaba bazlam ŋgùra ŋgùra ŋgùra hinne. Aləka ta mà akaba à bazlam ika magər tar asa ka, ta gwa: «Ki slirekwe a gà Pul nda Barnabas, nda gà mìsle ŋgiɗ ana ɗa i kwite Antakiya ya, tə da a Yeruzalem a metsìkèha bazlam ata a gà ɓəzla meslire Mbulum nda gà bàba ŋa ana ika miɗ gà mburma Mbulum ana i fataya tserdze, dite ka, tə̀ sàs a tarra ikaba bazlam ŋa ya.»

Gà Ɓəzla Meslire 15:4

Aləka ti ndze a Yeruzalem ka, gà mburma Mbulum ana i fataya, nda gà bàba ŋa ana ika magər tar a, nda gà ɓəzla meslire Mbulum tserdze ta gəs tar lele, ta geye a tar wusa hinne. Dite gà wele aaha tə ɗama tar dukw ana Mbulum a ge nda gà tar a.

Gà Ɓəzla Meslire 18:9

A pat duwa ndaàvəɗ ka, sunwa a da aka Pul. Mbulum BATSAH kwa ŋa a gwaɗar: «Magəɗa ma gek tsa. Zazam metsìkè bazlam Mbulum pəra, ka ta miyak dər tsa.

Gà Ɓəzla Meslire 23:11

Aləka həvəɗ a ge ka, BATSAH kwa ŋa a hitse a tsaka Pul. A gwaɗar: «Arəv ma da à kər a tsa, mər aba, kàa ge sida ga i faha i Yeruzalem ka, ndzer lele. Ama a sèsiŋ ka, ki ta ge a i kwite Ruma kataya mbaŋa asa.»

Gà Ɓəzla Meslire 5:34

Ama *Farisa duwa a riŋ ika magər tar, zləm ŋgar Gamaliyel. Ŋgat ka, mala medzeŋge məpala ahəm Musa ana gà mburma ta gəsawa mifefile ŋgar lele ya. A hitse aka magər mayahaba gər ata, a gwaɗa a tar: «Gà ɓəzla meslire Mbulum tə da a bəra zaakwa dzekwiŋ.»

RUMA 9:16

Kamala megweɗe ya, Mbulum a zle a mburma ka, aɗaba ana a waya mege a tar ŋgwal a pəra, tsəka, agəra ana mburma ta waya ti ne a à ba tar ŋgwal ŋa nda ndzəɗa i təv ŋgar a tsa.

1 Kurintiya 1:23

Ama mər, mìi ɗif a ka, à bazlam ana aka gər Kiristi ata tə ndwandway aà dizl magə̀làwà ŋa ya. Mìi gweɗe a: Ŋgat na mala məmbə̀là à mburma ya. Bazlam ata ka, à tìrfìɗ a gəzləŋ a gà Yahuda tərfə̀ɗ tərfə̀ɗ, a tsahən aà tar tsidze. Dite gà asiŋ gà mburma ana tar gà Yahuda tsiye ka, tar ta fir ahər a kamala ana dukw falày taf masakəŋa ya.

1 Kurintiya 2:2

Ələk i dara a təv kurum a ka, i dzala, i gwa: Yàa daha aka magər kurum ka, i tsik a kurum a bazlam Yesuw Kiristi ɗekɗek, tsəka, i dzele a duwa ŋgiɗ tsa. I ɗif a kurum a dər ndeyndey ka, à məməta ŋgar ana a mət aà dizl magə̀làwà ŋa ya.

1 Kurintiya 9:24

Kurum kà sərum, gà mburma hinne na tì dzer a ba aà mivele sah lele ya. Ama ələk ti ndze a a təv ana tì tìz aɗəm a ya ka, mburma ilik pəra na à lèh a, à zè a dər gà biy ŋgiɗ aaha ya. Ŋgat ka, a ŋget a dukw maya ba ŋgar. Aɗaba taŋa, iye ihər i tsik a kurum ŋa: Mərum aba, kamala gà ɓəzla metìze ata ya, dite na ki ŋgetwim a dukw maya ba kurum a.

1 Kurintiya 9:26

Aɗaba taŋa, iye ihər i vel a ka, kamala wele ana a vel a sah lele ya. Dite iye tekeɗe ibam, i mir a à ba ika vatwa Mbulum kataya mbaŋa kamala wele ana duzl a ge a madugwazlà ahər a mburma ka, a me a a bəɗ taf masakəŋa tsiye.

2 Kurintiya 12:1

Kinehe ka, say i de a aka miɗ nda mege aba zlapa, ku mege i sər ka, a ge a ŋgulum a wura tsa tekeɗe ya. Ama asa ka, i fèfil a kurum a aka gər dukw ana BATSAH kwa ŋa a pètiŋ dər i sunwa ya ya.

GALATIYA 1:12

I tsaraka ka, i təv mburma ya tsa asa, dite kwets wura a sinikiŋ dər tsa asa mbaŋa. Ama Yesuw Kiristi à gər ŋgar na a ɗifiŋ dər a.

GALATIYA 1:16

a pètiŋ à Kəla ŋgar, na dite i tsik a bazlam ŋgwal ŋana aka gər ŋgar, a gà mburma ana tə sər Mbulum tsiye tserdze ya. Akahər ata ka, maa fàfəl nda wura, aà mewize ihər bazlam a tsa asa.

GALATIYA 1:6

Dukw ana kurum ihər ki gwim a ya ka, a giŋ hə̀ɓakə̀kka, kamala dukw mene aà mburma ya. Araha, Mbulum a zal a kurum ka, dite ka nwim gà mburma ŋgar, nda ŋgwal ŋgar ana a ge a kurum a. Ama kurum ka, ka miyakum à ŋgat bise tsara ana, meme? Kurum kà zazamum ka, bazlam ŋgiɗ ana kù gwaɗum, ŋgwal ŋa, tsaatsa ka, ŋgwala tsiye ivaɗ.

GALATIYA 2:6

I təv ana i ɗifewa a tar à bazlam ŋgwal ŋa ata i tsikewa ya ka, gà na ta fə̀rawa aà tar kamala gà bàba ŋa ika magər gà mburma Mbulum a ka, tàa tsikiŋ aaka bazlam ŋgiɗ awiya ŋa tsidze. Ama ku mege tar gà bàba ŋa, mege tar gà ɓəzla dəba tekeɗe ana, əla gà te ya. Aɗaba gà mburma tserdze ika miɗ Mbulum ka, ilik, tsəka, pampam tsa.

GALATIYA 2:9

Gà Zakup nda Piyer, nda gà Yuhana ana ta fə̀rawa aà tar kamala gà bàba ŋa ika magər tar a ka, tar tə sər, Mbulum na a viliŋ megemir ata a ahər nda ndzer a. Aɗaba taŋa na ta vəl a mər ahər nda Barnabas ədəts lele, kamala megweɗe ya ka: Mege megemir mər ka, ilik na mi ŋgeyer ba ya. Mər nda gà tar na mì dza akaba bazlam, mì gwa, mìi de a, mìi ta ge a megemir ika magər gà na gà Yahuda tsiye ya. Ama tar ka, tə da a təv gà Yahuda.

GALATIYA 5:7

Malahalah ŋa ka, kurum ihər ki dwim a aka miɗ aka miɗ nda mege gà dukw ana ŋgwal ŋa ya dze ana, weke na a pala a kurum ahəm aà mazazama gà dukw ata ndzer ŋa ya ya?

FILIPIYA 2:16

Dite kurum asa mbaŋa na ki tsikwim a ter a bazlam ana a vile a mesife a mburma ya ya. Na kàa gwim kamala taŋa ya ka, a pat ana Yesuw Kiristi à mère a ya ka, i ŋgeye a ba ika miɗ ŋgar, aɗaba kurum. Aɗaba i sir a dər, megemir gà ana i ge nda mawura ba ŋa tserdze ya ka, i ya ba ka, taf masakəŋa tsa.

FILIPIYA 2:29

Kamala taŋa ya, na bəla aləka aka ndzeha ka, gəsum ŋgat nda maŋgayaba lele, aɗaba ŋgat ka, damər kurum ana ika vatwa BATSAH kwa ŋa ya. Zlə̀bum à medzibe gà mburma ata kamala ŋgat a ya.

1 TESALUNIKE 3:5

Aɗaba taŋa, i təv ana i sər, kurum ihər ki sèwèrwim a are ya ka, i sle aà magəsa gəzləŋ asa tsa. Kamala taŋa ya, i sləraha Timute a təv kurum ka, na dite i sir a dər, meme na ki ndzwim a ya ya. Wànà megìse kurum ana kə̀ gəsum Yesuw Kiristi nda gəzləŋ kurum ana, a de a aka miɗ aka miɗ a, tsəna, Əbay sitene aka bana kurum a. Na bəla kataya ka, taŋa megemir mər ana mì ge ika magər kurum a, a ne ka, taf masakəŋa.

2 TIMUTE 4:7

Iye ka, Yàa ge megemir Yesuw Kiristi nda gəzləŋ ilik, kamala gà wele ana tì dzìr a ba aà mivele, ta mir aaba a sàh lele ya. Yàa ndəv à dukw ana Mbulum a gweɗiŋ, ge ya, kamala gà wele ata ta vel a a təv ana ti ndisl aɗəm a ya. Yàa gəs Yesuw Kiristi nda gəzləŋ ilik. Yàa məsak dər tsa.

IBƏRANIKWA 12:1

Kwa kinehe ka, kwa ihər ki ŋgetekewe a a gà mburma ata hinne, ti le a kwa tits, dite ti ɗif a kwe a dər, meme na ki gìsekwe a Mbulum a. Aɗaba taŋa, miyakukwa aba à gà dukw ana tserdze ta ŋgeye a kwa teztez a. Gwàtsakukwa aba à gà dukw bakal ana ta gese a kwa nda ndzəɗa ya mbaŋa. Kà mərakwa aba, kà tàkwa aka miɗ aka miɗ nda metìze sah lele, ka ndzekwa a təv ana ki tèkwe aɗəm a ya.