GALATIYA 1:9 - Bible Zulgo

⁹ Maa mbər metsike a kurum daga piŋŋe, dite kinehe tekeɗe, i me a aka metsìkè a kurum asa. I gwaɗa a kurum ka: Na wura a ɗif a kurum a à bazlam ŋgwal ŋa biy ŋgiɗ pampam aba nda biy ana kà lah metserekwim a ka, Mbulum mə vəlar mezelme.

GALATIYA 1:9 ပူးပေါင်းရင်းမြစ်များ

Gà Ɓəzla Meslire 18:23

A daha, a ndza zaakwa i fata ka, a mà à vatwa ŋgar ata asa ndaka ahəɗ gà Galatiya nda Firigiya. A vəl ndzəɗa a gà mburma Mbulum ana i fataya tserdze, i təv megìse tar ana ta gəs Yesuw a.

RUMA 16:17

Gà damər gà, i ge a kurum a kamkam: Gwim metsehe, kaslum ba kurum i təv gà na ta me a kurum a à ŋgwaza nda təv bazlam Mbulum, ti tsik a kurum a dukw ana kàa tsarakum ilik tsiye ya. Dite ka, ta gwitse a ikaba à kurum a, ki sirwim aba a ahəm asa tsa, gà mìsle ŋgiɗ tì dzèwe a ika vatwa Mbulum a. Ama ka, ka vəlum a tar are tsa, sìrìkwim i təv tar a diriŋ.

RUMA 9:3

aɗaba gà asiŋ ŋa ana i gwala gà, ta gəs Yesuw Kiristi tsiye. Iye nda gà tar ka, mər nda gà damər. Na mege a ge a ba ka, ŋgulum Mbulum mi viliŋ mezelme, mə̀ və̀rə̀zl ikaba à mər nda Yesuw Kiristi ya, aà məmbàlà à tar, avukw ana i mbil a zləmana ya.

2 Kurintiya 1:17

I təv ana i ɗifewa kurum à dukw ana i ta ge a ya ana, Yàa tsik a kurum nda arah sula ya? Awaŋ, aɗaba i təv ana i dzalawa dukw ana i gwa, i ta ge a ya ka, Yàa dzala gà gər kamala biy gà mburma gər ahəɗ a tsa. Wànà kà dzalum dze ana, i gweɗe a «haya», i dəba ŋa ya ka, i gweɗe a «awaŋ» asa ya? A ge a ba tsa na taŋa ya.

FILIPIYA 3:1

Gà damər gà, i ndìv a à bazlam ŋa ka, nda magwàɗà a kurumaha ka: Ŋgeywim ba agəra ana kurum mandza ŋa i təv ilik ŋa nda gà BATSAH kwa ŋa ya. I ye a ba tsa, na aà mewetse a kurumaha gà bazlam ana i wetse a kurumaha akahər ata ya. I me a aka mewetse a kurumaha asa. Kamala taŋa ya na dite ki ndzwim a hiywe nda metsehe, duwa a ge a kurum a tsiye.

FILIPIYA 4:4

Ŋgeywim ba kəla pat, agəra ana kurum mandza ŋa nda gà Yesuw BATSAH kwa ŋa a təv ilik ŋa ya. I tsik a kurum a asa: Ŋgeywim ba.