GALATIYA 1:5 - Bible Zulgo

⁵ Zàmbaɗakwa à Mbulum ka, aà biybiy. *Amin.

GALATIYA 1:5 ပူးပေါင်းရင်းမြစ်များ

Mata 28:20

Dite ka dzeŋgwim a tar, ta gəs bazlam ana i tsik a kurum tserdze ya mbaŋa. Sərum dər lele, mə̀ məts a kurum gər tsa: Iye ŋa tekeɗe ka, i ndze a i təv kurum kəla pat, i zlèk a kurum haa aka təv gər ahəɗ ana à ndìv a ya.»

Mata 6:13

Kasla mər lele ika vatwa yak a, aɗaba Əbay sitene ma dzik a mər, ma ta bana mər a bakal tsa.> {Aɗaba kər ka, Əbay, mala ndzəɗa ana a kwere a gà duwa, mburma tì zlibe à kər a tserdze aà biybiy a. *Amin.»}

Luka 2:14

«Mezembeɗe mege ka, biy Mbulum ana ika gər mburma tserdze ya. Mandza zayzay ŋgar ika gər gà mburma ana tserdze ika gər ahəɗ, a waya tar a.»

RUMA 11:36

A ge riŋ tsəka, aɗaba ŋgat na a ge duwa tserdze ya. A kesliŋa, a ger a gər asa mbaŋa. A ge dukw ata ka, a ba ŋgar. Zàmbaɗakwa à ŋgat aà biybiy. *Amin.

RUMA 16:27

Zàmbaɗakwa dər aà biybiy. Ŋgat ilik na metsehe ŋgar a za dukw tserdze ya. Ki zèmbeɗekwe a dər ka, aɗaba Yesuw Kiristi. *Amin.

1 Kurintiya 8:13

Aɗaba taŋa, na damər gà a ge a bakal, aɗaba iye, agəra ana i pèpìɗ a slu ata ya ka, ŋgulum i pèpìɗ a tsidze. Aɗaba i waya tsa na damər gà a dzeye a ika vatwa Mbulum a ya.

EFESIYA 1:12

dite ka, gà mburma tserdze tə̀ zlə̀b à ŋgat ana BATSAH kwa ŋa ya aɗaba mər, mər gà malahalah gà mburma ana mì tike madzala gər mər fit a təv Yesuw Kiristi ya.

FILIPIYA 4:20

Gà mburma tə̀ zlə̀b à Mbulum Tsir kwa ka, aà biybiy. *Amin.

1 TIMUTE 1:17

Ku weke mà zàmbaɗa à Əbay Mbulum ana mekwere ŋgar a ndze a aà biybiy a. Ŋgat na nda gà mesife ana à ndìv a tsiye. Ŋgat ilik na Mbulum Batsah ŋa, mburma a sle aà meŋgeter a tsiye. Mezembeɗe ma ge ka, biy ŋgar ilik. *Amin.

2 TIMUTE 4:18

Ŋgat ka, a ta be a à iye i dukw ana ŋgwala tsiye tserdze asa mbaŋa. A kesle a iye lele, na dite i de a a təv mekwere ŋgar ana i gər ŋa ya ndzer a. Kamala taŋa ya, mezlibe ana tì zlibe a à ŋgat a ka, ma ne biy ŋgar aà biybiy. Zàmbaɗakwa à ŋgat. *Amin.

IBƏRANIKWA 13:21

I hemer a ka, dite mà zlak kurum, aà megemir ana ŋgwal ŋa tserdze, a waya ki gwimer a ya. Ŋgat ŋa nda gər ŋgar tekeɗe ka, ma ge megemir i gəzləŋ kwa nda ahər Yesuw, na dite mede kwa à tsehin ahər a ya. Mezlibe ma ge ka, biy Yesuw Kiristi aà biybiy. *Amin.

1 PIYER 5:11

Ŋgat ka, mala ndzəɗa, a ndze a aà biybiy. *Amin.

2 Piyer 3:18

Ama kurum ivaɗ ka, dum aka miɗ nda mazazama Yesuw Kiristi BATSAH kwa ŋana ŋgat mala məmbə̀là à kwa ya, na dite a ge a kurum a ŋgwal ŋa nda mesire kurum ana ki sirwim a ŋgat a ka, à sìkèh a aka miɗ aka miɗ bə̀ba ŋa. Mezlibe ŋgar ana gà mburma tì zlibe a à ŋgat a ka, tə̀ zlə̀b dər daga aà kinehe ya, haa aà biybiy. *Amin.

Yuda 1:25

Gekwar kəkaaha, aɗaba ŋgat ilik na Mbulum a. Dite ŋgat asa na a mbala à kwa nda ahər Yesuw Kiristi BATSAH kwa ŋa ya. Ku weke mà zlə̀b à ŋgat, a gweɗe a: Ŋgat ka, batsah Əbay. Mekwere ŋgar ana a kwere a ya ka, à ndìv a tsa, daga aà gər ana piŋŋe ya, ku mege kinehe ya, a ndze a ka, aà biybiy. *Amin.

Sunwa Yuhana 14:7

Gawla Mbulum ata a tsik a tar ka, nda magala ŋgəlakəkka. I huɗ mifefile ŋgar ata ya ka, a gwaɗa a tar: «Gwim magəɗa a Mbulum. Dzùmar gurmits a bəɗ, dite kà zlə̀bum à ŋgat. Aɗaba pat ŋgar ana a ta ge a seriye a mburma ya ka, aka à mendze aɗəm. Zàmbaɗum à ŋgat, aɗaba ana a ge gà gəza mbulum nda gər ahəɗ, nda gà batsah duluv, dite nda gà yam ana à ŋgìzere a i biye ya.»

Sunwa Yuhana 5:12

I huɗ malàhà dimis tar ata tì lèh a ya ka, ta wideye a dər ŋgəlakəkka, ta gwa: «Kəla Təmaŋ ata ta kəɗ a ka, a sle aà duwa tserdze. Dite duwa tserdze ka, biy ŋgar asa mbaŋa. Metsehe ŋgar a riŋ, a za gà duwa fit. Aɗaba ndzəɗa tserdze ka, i ahər ŋgar. Gà mburma tə̀ zlə̀b à ŋgat, tə̀ zàmbaɗa dər, ta gwa, ŋgat ka, BATSAH kwa ŋa kaɗəŋ.»

Sunwa Yuhana 7:12

I huɗ mezembeɗe tar ata ya ka, ta gwa: «*Amin. Ar ka, kataya kaɗəŋ, ndzəɗa tserdze ka, i ahər Mbulum. Metsehe ŋgar a riŋ a za duwa tserdze. Ŋgat ka, ndzəɗa ŋa. Gekwar kəkaaha, kà zlə̀bakwa à ŋgat, zàmbaɗakwa à ŋgat aà biybiy. Ku weke a gweɗe a, ŋgat ka, Batsah ŋa kaɗəŋ. Amin.»