Gà mìsle ŋgiɗ pam asa ka, ti ndzikiɗ ba wur daw ata a dza aà huɗ adak a. Ti tsereke a bazlam Mbulum, ama madzala gà gər mesewere are a be a tar i gəzləŋ a hinne. Tar ihər ti dzele a gà gər aka limana, a bene a tar. Aɗaba taŋa gà dukw ata tserdze ya ka, ta bets a bazlam Mbulum i gəzləŋ tar a. Ta gis a ka, gà dukw ata ɗekɗek. Bazlam Mbulum a ge a ter a ŋgulum asa tsa.
GALATIYA 1:4 - Bible Zulgo4 Yesuw Kiristi a mət ka, aɗaba kwa, na dite Mbulum a pəl a kwa dər à bakal gər ahəɗ aaha ŋgwala tsiye, dite mà fàr aka kwa ndzəɗa asa tsa. A ge dər kataya ka, kamala ana Mbulum Tsir kwa a waya ya. အခန်းကိုကြည့်ပါ။ |
GALATIYA 1:4
56 ပူးပေါင်းရင်းမြစ်များ
Aləka a tsik a tar aba ya kataya ka, a mbəɗ gər a zlawak asa. A daha, a hama kamala ana a lah ahər piŋŋe ya. A gwaɗa a Mbulum: «Tsir gà, na mege a ge a ba ka, zla aà iye mesewere are aaha ya, mi miyak à iye te. Ama ŋgulum ka, i sèwèr a are pəra kamala ana a sàsak a, tsəka, ma ti ne kamala ana iye i waya ya tsa.»
I dəba ŋa ya, Yesuw a gwaɗa a tar asa: «Iye nda gər gà ka, i sle a aà mege duwa ilik tsidze, say nda ndzəɗa Mbulum. I ge a seriye ka, kamala ana ŋgat a tsikiŋ a. Mege seriye ga ka, nda ndzer ŋa, aɗaba i zle ahər a tsa. Ama i ge a ka, dukw ana a sàs a wele ana a slərra iye ya, tsəka, biy na a sèsiŋ a tsa.
Ka tə zazamum mede gà mburma ana ta ge a dukw gər ahəɗ a tsa. Vəlum vatwa a Mbulum ivaɗ, ma da a gəzləŋ kurum, mə̀ mbəɗ dər, na dite ŋgiletittè ki nwim a gà awiya ŋa ya. Kamala taŋa ya na ki sirwim a dukw ana Mbulum a waya ya. Kamala megweɗe ya, ki sirwim a dər ka, dukw ana ŋgwal ŋa, a tsahən ahər, a de a ndaka vatwa ŋa kalkal a.
Məpala ahəm Musa ka, a sle aà məvəla kwa mesife tsa, aɗaba ana kwa ka, gà mburma taf masakəŋa, ndzəɗa kwa a riŋ tsiye. Kwa ka, kà mbàkwa aà magəsa ahər ahəm tsa. Ama dukw ana məpala ahəm ata a sle aà mege ŋa tsiye ka, Mbulum nda ahər ŋgar ŋa aka ge. A ge taŋa ka, nda maslə̀rà Kəla ŋgar ana a slərra aka gər ahəɗ a, a ne mburma kamala kwa ya ya. Tàa dzik à ŋgat aà mege bakal kamala kwa mburma ya mbaŋa, ama ka, aka ge tsa. Dite i dəba ŋa ya ka, a mət aɗaba bakal kwa. Kamala taŋa ya na Mbulum a ge seriye bakal ana mburma a gewa ya.
Tə tsaraka bazlam ŋgwal ŋa ata tsəka, aɗaba ana Əbay sitene, mala makwàrà gər ahəɗ aaha, aka ge à tar guluf i huɗ metsehe tar, dite ta gəs tsiye. Aɗaba a waya tsa na ta ŋget a a dzaydzay ana à div a i təv tar a ya. Dzaydzay ata a dara ka, i huɗ ŋgwal bazlam ata aka gər ndzəɗa Yesuw Kiristi ana tì zlibe a dər a. Aɗaba Mbulum nda gər ŋgar a pàt à ba ka, nda təv Kiristi.
Iye ka, i ge a zlapa ti tsidze, say i ge a ka, nda məməta Yesuw Kiristi BATSAH kwa ŋana a mət aà dizl magə̀làwà ŋa ata ya ɗekɗek pəra. Aɗaba məməta ŋgar ata ka, dukw gər ahəɗ a ne taf masakəŋa na aà are gà ya. Ar ka, kamala ana tə ndwandway gà dukw ata aà dizl magə̀làwà ŋa ya mbaŋa. Iye tekeɗe ka, i ne kamala wur ana, a mət ahər a fata ka, dite a miyak à dukw gər ahəɗ a mbaŋa.
Kəla pat a màwa a mərra a gər a, meme na kurum ihər ki gwim a megemir ŋgwal ŋa lele, aɗaba megìse kurum ana kə̀ gəsum Yesuw Kiristi nda gəzləŋ a ya. Dite asa ka, kurum ihər ki mirwim a aba sah hinne, aɗaba ana kà wayum ŋgat a, dite ki ndzwim a ɓəŋɓəŋ lele, nda metìkè madzala gà gər kurum a təv ŋgar a.
Ama na məmbəz gà dukw ata aka sle aà məbàrà tar kamala taŋa ya ka, məmbəz Kiristi à zè a taŋa fit kweleŋ nda ndzəɗa. Ŋgat ana aka ge bakal duwa ilik tsidze ya, a vəl ba ŋgar a Mbulum nda ndzəɗa Mezite Mesife Mbulum ana a ndze a aà biybiy a. Məmbəz ŋgar ata ka, a bere a bakal i gəzləŋ kwa ya lele, na dite ki gekwe a dukw ana a dzeye a à kwa asa tsiye. Ama ki gekwe a ka, megemir Mbulum ana ŋgat mala məvəla mesife a mburma ya ivaɗ.
Yesuw Kiristi nda gər ŋgar a zla bakal kwa aka ba ŋgar. Tə ndwandway ŋgat aà dizl magə̀làwà ŋa ka, dite ka, bakal ma kwara kwa asa tsa, kamala ana a kwere a gà məməta asa tsiye mbaŋa. Ama i təv mege dukw ana ŋgwal ŋa ya ka, taŋa kwa riŋ ka, nda gà mesife, aɗaba megìzle ana ta gə̀zl ŋgat, ta ger mbəlak a, na a mbəl à kurum a.*fg*
Yesuw Kiristi nda gər ŋgar a mət ka, aɗaba bakal kwa. A pəl dər à kwa i bakal a sik ilik pəra, gər melik tsara. Ŋgat ka, mala ndzer ŋa, bakal ŋgar a riŋ tsa. Ama a mət agəra gà mburma ana ta gewa bakal a, dite na à dzik a kwa a təv Mbulum a. Gà mburma ta kəɗ ŋgat. Ama Mezite Mesife Mbulum a mbəl à ŋgat a mesife asa.
Dite Yesuw Kiristi ana ŋgat mala sida nda ndzer ŋa ya tekeɗe ibam, mi pise a kurum ahəm, mə vəl a kurum matasla yam ata a gəzləŋ mbaŋa asa. Ŋgat ka, wele ana a lah məmbə̀lara i məməta ya. Ŋgat ka, Əbay ana ika gər gà Əbay gər ahəɗ tserdze ya. Ŋgat ka, a waya kwa, a dzeye à mesife ŋgar aɗaba kwa. Agəra ana a dza à məmbəz ŋgar ata ya ka, a beye dər à kwa i ahər bakal kwa ya.
Tə lah dimis awiya ŋana. I huɗ malàhà dimis tar ata tì lèh a ya ka, ta gwa: «Kər na ŋgwal ŋa ika miɗ Mbulum, ka sle aà mazla wakita ata, dite ki ŋgeheke a ihər dukw ata magàsà ŋa ya. Aɗaba kər ka, tàa kəɗ kər kamala dukw ana ta kəɗ a Mbulum taf masakəŋa ya. Məmbəz yak ana kà dza dər a ka, kà mbùrùɗar dərra mburma a Mbulum a. Ku mege tə dara ika gà ahəɗ ana pampam ika gər ahəɗ tserdze ya, gà na slala tar pam, nda gà təv gà mendze tar pampam, kige tsa gà ahəm tar tekeɗe, pampam a. Kàa ndzəkara tar a, kàa dzàɗa a Mbulum.
I dəba ŋa ya asa, i ŋgataha a gà mburma ana hinne, wura a sle a aà maɗàmà ŋa tsiye. Gà mburma ata tə dara ka, ika ahəɗ ana pampam ika gər ahəɗ a, ku mege gà na slàla tar pampam a tserdze, nda gà təv gà mendze tar pampam, kige tsa gà ahəm tar ibam, pampam a. Tar gà mandzàyà ŋa ka, ika miɗ təv mendze Əbay Mbulum, nda gà ika miɗ Kəla Təmaŋ ata mbaŋa. Gà petek ana ika tar a ka, herrè. Ku weke nda gà slàmbah tə̀ɓàh i ahər ŋgar, tì zèmbeɗe a dər à tar.
ကြော်ငြာတွေ