GALATIYA 1:1 - Bible Zulgo

¹ Na wetse wakita aaha ka, iye Pul, mala meslire Yesuw Kiristi. Meslire ata i ge a ya ka, mburma na a slər ahər iye ya tsa. Dite kwets ti tike aɗəm iye metike ɓav tsa asa. Ama ka, Yesuw Kiristi na a slər ahər iye ya kəla, tar nda Mbulum Tsir kwa ana a mbəlara à ŋgat i məməta ya ya.

GALATIYA 1:1 ပူးပေါင်းရင်းမြစ်များ

Yuhana 10:30

Mər ka, ilik nda Tsir gà.»

Yuhana 20:21

Yesuw a gwaɗa a tar asa: «Mandza zayzay ma ge i təv kurum. I slir a kurum aà mege megemir gà, kamala Tsir gà ana a slərra iye a təv kurum a mbaŋa.»

Yuhana 5:19

Aɗaba taŋa, Yesuw a gwaɗa a tar aaka: «Iye ihər i gweɗe a kurum a nda ndzer, pàrsa iɗəm tsa: Iye Kəla ŋgar, i sle a aà mege duwa ilik nda ahər gà tsa, say i ge a ka, dukw ana i ŋgatar Tsir gà a gewa ya. Aɗaba dukw ana tserdze Tsir gà a gewa ya ka, iye Kəla ŋgar ŋa tekeɗe, i ge a kataya mbaŋa.

Gà Ɓəzla Meslire 22:10

I gwaɗar: BATSAH kwa ŋa ata a gweɗiŋ:

Gà Ɓəzla Meslire 3:15

Kərga taŋa ya, kə̀ kəɗum wele ana a vile a kwe a mesife ya. Ama Mbulum aka mbəlara à ŋgat i məməta ya, a mesife, dite mər kinehe tekeɗe, gà ɓəzla sida ŋa.

Gà Ɓəzla Meslire 9:6

Ama hitse aà mbulum, ka tsìmìɗ à ba a kwite ata ki de a ya. Kàa daha ka, ti ti tsikik riŋ dukw ana ki ge a ya.»

RUMA 1:1

Na a wetse wakita aaha ka, iye Pul, mala megemir Yesuw Kiristi. I wetseha ka, a kurum gà mburma Mbulum ana i Ruma ya. Mbulum a zeliŋ, a ne à iye mala meslire ŋgar, na dite i ɗif a à ŋgwal bazlam ŋgar aaha a mburma ya.

RUMA 10:9

Na kàa gə̀sakwa nda gəzləŋ, kàa tsikikwa ika miɗ mburma parakkà, Mbulum na a mbəlara à Yesuw i məməta ya, dite na a ne BATSAH kwa ŋa ya ka, Mbulum a ta mbil a à kwa mbaŋa.

RUMA 14:9

Aɗaba ŋgat a mət, a mbəlara iɗəm a ka, na dite a ne Batsah ŋa ika gər gà na tar riŋ nda are ya, nda gà na tàa mata ya tserdze.

1 Kurintiya 1:1

Na a wetse a kurumaha wakita aaha ka, iye Pul, iye ana i sàs a Mbulum, a zla iye, a ne à iye mala meslire Yesuw Kiristi ya. Mì wetse ka, mər nda Sastanas, damər kwa ana ika vatwa Mbulum a.

2 Kurintiya 1:1

Na a wetse a kurumaha wakita aaha ka, iye, Pul ana Mbulum a zla iye, a ne à iye mala meslire Yesuw Kiristi ya. Mì wetse ka, mər nda Timute, damər kwa ana ika vatwa Mbulum a. Mì wetseha ka, a kurum gà mburma Mbulum ana i Kurintiya ya, dite nda gà asiŋ gà ɓəzla magəsa Mbulum ŋgiɗ ana ta gəs nda gəzləŋ, ika ahəɗ Akaya ya tserdze.

GALATIYA 1:15

Ama ka, Mbulum a zla iye ya. A zla iye ka, daga piŋŋe, akahər ana tàa wa iye zukw tsiye. Kamala taŋa ya, a giŋ ŋgwal ŋa hinne, a zeliŋ, na dite i ger a meslire ya. Ama aka təv ana a tsahən ahər, i de a a kwite Damas a ka,

GALATIYA 1:17

Yàa da a Yeruzalem, aà mede a bəra gà na ti lèhiŋ aà mene gà ɓəzla meslire Yesuw Kiristi ya ɓav tsa asa mbaŋa. Ama ka, i mah ba tə̀lùwur ndaka tsèke ŋgiɗ tsara ivaɗ. I da aka ahəɗ Arabiya. Zàkwayiya ka, i màhara ba i fataya asa, i mbəɗara gər a Damas a.

EFESIYA 3:8

Iye ka, wele na kə̀la ŋa ika magər gà mburma Mbulum kwizikw a. Ama kə̀la ka, aka viliŋ vatwa aà metsìkè bazlam mipìsè ahəm ana a dere a ndàra i təv Yesuw Kiristi ya, a gà mburma ana gà Yahuda tsiye. Mipìsè ahəm ata batsah ŋa ya ka, gà mburma ti sle a aà masəra ŋa fit tsa, aɗaba ana a za ndzəɗa tar a.

2 TIMUTE 1:1

Na a wetsekaha wakita aaha ka, iye Pul, mala meslire Yesuw Kiristi. Mbulum a waya, na dite a zla iye aà meslire ŋgar ata ya. A slər iye ka, aà meɗìfè à mesife ana a tsik ahər, a gwa ka, a ta vile a kwe a nda ahər Yesuw Kiristi ya.

TITUS 1:3

Ama tits a təv ana a ndze aɗəm a ka, a pàt a kwa à mesife ata a gwa, i ta vile a kurum a ya, i huɗ bazlam ŋgar ana ŋgwal ŋa, gà ɓəzla meslire ŋgar ti tsik a. Na a viliŋ bazlam ata a ahər ka, Mbulum ana ŋgat mala məmbə̀là à kwa, a gweɗiŋ, ti tsik a gà asiŋ gà mburma ŋgiɗ mbaŋa ya.

IBƏRANIKWA 13:20

Mbulum, mala məvəla mandza zayzay a mburma, a hitsera à Yesuw BATSAH kwa ŋa i məməta ya, a ne dər batsah ŋa. A kesle a kwa kamala mala makəva gà təmaŋ ana à kiv a tar a. A ge dər kataya ka, aɗaba məməta Yesuw ana a mət a. Nda məmbəz ŋgar ana a dza dər a ka, a gəs masla nda kwa, dite na a de a aka miɗ aka miɗ, à ndìv a tsiye.

1 PIYER 1:21

Kə̀ gəsum Mbulum nda gəzləŋ kurum ka, aɗaba ŋgat, ŋgat ana Mbulum a mbəl dərra i məməta ya, dite a vəlar mezlibe ana gà mburma tì zlibe a à ŋgat hinne ya. Aɗaba taŋa ki slwim a aà məvəla gəzləŋ kurum a Mbulum ilik, na dite ki sirwim a dər ka, a ta mbil a kurum mbaŋa ya.

Sunwa Yuhana 1:18

Iye ka, wur ana a ndze a aà bəra nda gà mesife ya. Ama ka, Yàa mət, i dəba ŋa ya ka, Yàa mbəlara i məməta ya asa. I ndze a aà bəra nda mesife ka, aà biybiy. Iye ka, ndzəɗa ŋa ika gər məməta, nda gà ika gər təv mendze gà məməta ana tar mandza ŋa iɗəm a asa mbaŋa.

Sunwa Yuhana 1:5

Dite Yesuw Kiristi ana ŋgat mala sida nda ndzer ŋa ya tekeɗe ibam, mi pise a kurum ahəm, mə vəl a kurum matasla yam ata a gəzləŋ mbaŋa asa. Ŋgat ka, wele ana a lah məmbə̀lara i məməta ya. Ŋgat ka, Əbay ana ika gər gà Əbay gər ahəɗ tserdze ya. Ŋgat ka, a waya kwa, a dzeye à mesife ŋgar aɗaba kwa. Agəra ana a dza à məmbəz ŋgar ata ya ka, a beye dər à kwa i ahər bakal kwa ya.

Sunwa Yuhana 2:8

Wele ata a gweɗiŋ asa: «Wetse bazlam aaha a gawla Mbulum ana i kwite Samirna, a kesle a gà mburma Mbulum a. Ki wetse a ka, bazlam aaha: Bazlam ŋa na a tsik ka, wele ana malahalah ŋa ika gər gà duwa tserdze ya, dite ŋgat na à ndìv a à gà dukw ata tserdze ya mbaŋa asa. Wele ata ka, aka mət, ama aka mbəlara i məməta ya asa.