FILIPIYA 4:9 - Bible Zulgo

⁹ Zazamum ka, gà dukw ana i ɗif a kurum dər, dite kà zazaɗum ba dər aba à dukw ana kà tsarakumara ika arah ga ya, kà ŋgatumar ka, meme na i ge a ya mbaŋa. Kamala taŋa ya, Mbulum ana a vile a kwe a matasla yam a gəzləŋ kwa ya ka, a ti ndze a nda gà kurum.

FILIPIYA 4:9 ပူးပေါင်းရင်းမြစ်များ

Mata 1:23

«Dəm gama ata a ta ŋget a kəla. A we a ka, ti ti zel a a kəla ŋa, *Emmanuwel,« kamala megweɗe ya: «Mbulum a riŋ a ndze a nda kwa.»*fa*

Mata 28:20

Dite ka dzeŋgwim a tar, ta gəs bazlam ana i tsik a kurum tserdze ya mbaŋa. Sərum dər lele, mə̀ məts a kurum gər tsa: Iye ŋa tekeɗe ka, i ndze a i təv kurum kəla pat, i zlèk a kurum haa aka təv gər ahəɗ ana à ndìv a ya.»

Mata 7:21

Yesuw a gwaɗa a tar asa: «Aɗaba gà na ti zeliŋ a nda bazlam ɗekɗek masakəŋa vìrìɗìɗɗe, ta gweɗe a ya ka, ti sle a aà mede a *mekwere Mbulum tsa. Say gà na ta ge a dukw ana a sàs a Mbulum Tsir gà ana i gər ŋa ya dzekwiŋ, na ti de a ya.

Luka 6:46

Yesuw a gwaɗa a tar i dəba ŋa ya asa mbaŋa: «Aàmala na kà zelewimiŋ ya, na kwets ki gwim a dukw ana i tsik a kurum a ya tsa taf a?

Luka 8:21

Ama Yesuw a gwaɗa a gà mburma ana i təv ŋgar i fataya: «Gà mama gà nda gà damər gà ka, gà mburma ana tar riŋ tì dze a zləm a bazlam Mbulum, dite ta gis ahər a ahəm a.»

Yuhana 13:17

Kinehe ka, kà sərum taŋa. Maŋgayaba ika magər kurum ka, hinne, na kàa tikwim gər a guma aaha ya.

Yuhana 15:14

Kurum ka, gà masla gà, na kàa gwim dukw ana i gwaɗa a kurum, gwim a.

Yuhana 2:5

Dite mama Yesuw a tsaraka kataya tsara ka, a daha, a gwaɗa a gà ɓəzla meslire ana i fataya: «Gwim gà dukw ana Yesuw a tsik a kurum a ya fit.»

Gà Ɓəzla Meslire 9:6

Ama hitse aà mbulum, ka tsìmìɗ à ba a kwite ata ki de a ya. Kàa daha ka, ti ti tsikik riŋ dukw ana ki ge a ya.»

RUMA 15:33

Mbulum, mala məvəla zayzay a mburma, ma ndza i təv kurum ilik ilik tserdze. *Amin.

RUMA 16:20

Kamala taŋa ya, Mbulum, mala məvəla zayzay a mburma, a vile a kurum a ndzəɗa bise, na dite ki hìnislwim a dər à ndzəɗa Əbay sitene ya. Yesuw Kiristi BATSAH kwa ŋa ma ge a kurum ŋgwal ŋa, mi pise a kurum ahəm.

1 Kurintiya 10:31

Dukw ana i tsiker a ya ka, araha: Na ki zimwim a dukw mezime, kige tsa ki swim a dukw mese, nda gà bəla ki gwim a dukw pampam, ku mege awara tekeɗe, gwim ka, dukw ana, dite ki zlìbwim a dər à Mbulum a.

1 Kurintiya 14:33

Aɗaba dukw ana a de a ndaka vatwa ŋa tsiye ka, a tsahən aà Mbulum tsidze. A sasar ka, na ki ndzekwe a zayya lele ika magər kwa ya ivaɗ. Ama gà məkəs ana ika magər kurum a ka, ta ge kamala gà asiŋ gà məkəs ŋgiɗ ana ta gewa ika magər gà mayahaba gər gà mburma Mbulum a mbaŋa.

1 Kurintiya 4:16

Aɗaba taŋa, iye ihər i ge a kurum a kamkam: Zazamum ka, mede gà ana i de a ya.

2 Kurintiya 13:11

Gà damər gà, kinehe ka, bazlam gà aka ndəv a faha. Ndzum zayzay lele. Gəsum ahəm aà dukw ana i tsik a kurum a lele, dite ka simwim aba ika vatwa Mbulum. Bazlam kurum ma ge ka, ilik pəra. Ndzum ika magər kurum ka, zayzay lele. Na ki ndzwim a kataya ka, Mbulum ana ŋgat mala mawàyà kwa ya, nda məvəla a kwa matasla yam a gəzləŋ a ka, a ndze a i təv kurum mbaŋa.

FILIPIYA 3:17

A kurum gà damər gà, kurum tserdze ka, gwim kamala iye ya. Fə̀rum aà gà na mede tar ŋgwal ŋa kamala mər ana mìi ɗif a kurum a à mede mər ana ŋgwal ŋa ya mbaŋa.

FILIPIYA 4:7

Na kàa gwim kataya ka, Mbulum a vile a kurum a matasla yam a gəzləŋ zayya lele. A zè a dukw ana gà mburma ti sle a aà mesire nda metsehe tar a. Na kàa ŋgatum matasla yam ata ka, zayya a kesle a gəzləŋ kurum nda gà madzala gà gər kurum kuɗa, na dite duwa a ge a kurum a tsa, agəra ana kurum mandza ŋa i təv ilik ŋa nda gà Yesuw Kiristi ya.

1 TESALUNIKE 1:6

Ama kurum kinehe ka, kàa dzum ba aà mazazama mede mər, nda biy BATSAH kwa ŋa. I təv ana kə̀ gəsum bazlam Mbulum a ka, ku mege mburma ti sèwèrewa a kurum dər akaba are hinne tekeɗe, ama kurum ka, kàa ŋgayum ba ivaɗ. Maŋgayaba ata ka, Mezite Mesife Mbulum na a vəl a kurum a.

1 TESALUNIKE 2:14

A kurum gà damər mər, kà nwim ka, kamala gà mburma Mbulum ana ika ahəɗ Yuda, ta gəs Yesuw Kiristi ya. Gà Yahuda ana i fataya ka, ta vəlawa a tar mesewere are hinne. Kamala taŋa ya, kurum kinehe tekeɗe, gà gwala kurum ihər tì sèwèr a kurum a are kataya mbaŋa.

1 TESALUNIKE 5:23

Mìi heme a a Mbulum ana a vile a kwe a matasla yam a gəzləŋ a, na dite ki nwim a gà mburma ŋgar, ki ndzwim a tsəɗaŋŋa kamala ŋgat ana a ndze a ya mbaŋa. Dite ma kasla mesife kurum nda madzala gà gər kurum nda gà ba kurum ŋa tserdze, na dite a pat ana Yesuw Kiristi BATSAH kwa ŋa à mère a ya ka, bakal a ge a i təv kurum tsidze ya.

2 TESALUNIKE 3:4

BATSAH kwa ŋa ka, a riŋ à zlèk a mər mbaŋa, na dite mìi gis a kurum lele, mì sir a dər ka, kurum ihər ki gwim a ka, dukw ana mì ɗif a kurum dər a haa kinehe, dite ki ta gwim a hiywe kamala taŋa ya mbaŋa asa ya.

2 TIMUTE 4:22

Iye ihər i heme a a BATSAH kwa ŋa, dite ma ndza i təv yak hiywe. Mbulum mi pisewa a kurum ahəm tserdze.

YAKUBA 1:22

Ama ka tə dzalum matsaraka bazlam Mbulum ka, nda zləm ɗekɗek tsa. Say ki gwim a dukw ana a tsik a kurum a ya mbaŋa.

2 Piyer 1:10

Aɗaba taŋa, gà damər gà, mərum aba, ka miyakum à mege gà dukw ata tsidze, aɗaba mezele ana Mbulum a zal a kurum, a pala kurum a ka, ki gwim kataya. Na kàa gwim gà dukw ata ka, ki dzeywim a ika vatwa Mbulum a tsidze.

1 Yuhana 3:22

A vile a kwe a dukw ana ki wizekwe a aà ŋgat a ya tserdze mbaŋa, aɗaba ana kàa gə̀sakwa məpala ahəm ŋgar, ki gekwer a ka, dukw ana a tsahən aà ŋgat mbaŋa ya.