FILIPIYA 4:8 - Bible Zulgo

⁸ Gà damər gà, araha na dukw ana a zeha aà metsike a kurum a: Dzalum aka dukw ana ŋgwal ŋa, mburma tə zləbawa dər a, nda gà aka dukw ana ndzer, ki dzèkwer a gurmits a bəɗ a asa, dite aka dukw ana pàrsa iɗəm tsa, tsəɗaŋŋa lele, gà dukw ana a tsahən aà mburma, tə zàmbaɗawa dər a asa mbaŋa. Gwim metsehe a mege gà dukw ata.

FILIPIYA 4:8 ပူးပေါင်းရင်းမြစ်များ

Mata 22:16

I dəba mandza akaba ahəm tar ata ya ka, tə slər gà mburma tar, tə da akaba nda gà mburma *Hiridus i ŋgal a təv Yesuw. Tə daha ka, ta gwaɗar: «Əbay, mì sər kər ka, mala ndzer ŋa, kər ihər ki ɗif a à vatwa Mbulum ka, nda ndzer ŋa, aɗaba ki ge a magəɗa a dukw ana gà mburma ti dzele a ya tsa, aɗaba ki ge a gər a gà mburma ana ti ne gà ŋgwal ŋa ika miɗ mburma ya tsa.

Markus 6:20

A ger magəɗa ka, aɗaba a sər, Yuhana a gewa ka, dukw ana ŋgwal ŋa ya, bakal ŋgar a riŋ tsa. Aɗaba taŋa, a kaslawa dər akaba ŋgat aà Hirudiya ya, i ga daŋgay. Bazlam Yuhana ana a tsikewa, a dzawar zləm a ka, a tsahən ahər ibam. Ama i huɗ bazlam ŋgar ata ya ka, a ndzə̀kawa ihər metsehe ya. A sər dukw ana a ge a ya tsa.

Luka 16:15

Ama Yesuw a gwaɗa a tar aaka: «Kurum ka, gà mburma ana ta ge a duwa ka, ika are mburma ya ɗekɗek a. Ama Mbulum ka, a sər gà gəzləŋ kurum. Aɗaba dukw ana gà mburma ta fir ahər a ŋgwal ŋa lele ndzer a ka, i təv Mbulum ka, ŋgwal ŋa tsa ndeyndey.

Luka 2:25

Ama wele duwa a riŋ, zləm ŋgar Simeyun, mandza ŋa i Yeruzalem i fata. Wele ata ka, ŋgwal mburma ndzer, a ge magəɗa a Mbulum. A babawa wele ana a ta mbil a à gà Isərayel a. Ŋgat ka, maràhà ŋa nda Mezite Mesife Mbulum i ba ŋgar.

Luka 23:50

Wele duwa a riŋ i fata mbaŋa, zləm ŋgar Yasufa. A dara i kwite gà Yahuda duwa a riŋ tə zalar Arimatiya. Wele ata ka, ŋgwal mburma ndzer, a riŋ a bebe a mekwere Əbay Mbulum ana a kwere a gər ahəɗ mba ya ka, lele. Ŋgat ka, i liwiŋ gà bàba gà mburma ana ta kwere a gà Yahuda ya. Ama ŋgat ka, aka gəs dukw ana gà asiŋ gà bàba gà mburma ŋgiɗ ti tsik aà Yesuw nda dukw ana ta ger a tsa.

Yuhana 7:18

Wur ana a tsik a bazlam ana a dara i madzala gà gər ŋgar a ka, a yehe a ka, meɗè zləm, dite gà mburma tə̀ zlə̀b à ŋgat. Ama wur ana a waya ka, mburma tə̀ zlə̀b à wele ana a slərra ŋgat a ka, ŋgat ka, mala ndzer, bakal i təv ŋgar tsidze.

Gà Ɓəzla Meslire 10:22

Ta gwaɗar aakaha: «Na a gwaɗa a mər, dum ka, Əbay gà sliwdze duwa, zləm ŋgar Kwarney. Wele ŋa ka, ŋgwal mburma lele, magəɗa Mbulum i ba hinne. Dite gà Yahuda tserdze ta waya ŋgat ka, lele mbaŋa. Gawla Mbulum ilik na a gwaɗar, ma zalakaha a təv ŋgar, dite ma tsaraka dukw ana ki tsiker a ya.»

Gà Ɓəzla Meslire 22:12

Ama i kwite ata ka, wele duwa a riŋ, zləm ŋgar Ananiyas. Wele ata ka, a gewa magəɗa a Mbulum lele. A dzawa gurmits a bəɗ a məpala ahəm kwa gà Yahuda mbaŋa. Gà Yahuda ana i fataya tekeɗe, ti zlibe a à ŋgat hinne asa.

Gà Ɓəzla Meslire 6:3

Aɗaba taŋa, gà damər gà, palum mburma təsəla ika magər kurum a, gà ɓəzla metsehe ana tàa rah nda Mezite Mesife Mbulum lele, wirwir i ba tar tsiye. Ka vəlakwa a tar megemir ŋa a ahər tar, ta ge.

RUMA 13:13

Mede kwa ma ge ka, ndaka vatwa ŋa lele, kamala gà mburma ana i təv dzaydzay ŋa ya. Ku kwayakwa aà guzum tsa, ka ti yahakwa dukw meèweke nda màŋgùlùhuɗ tsilikw tsilikw tsa. Ka ta gekwa dukw mezelme nda gà məkəs, kige tsa, nda gà asləka tsilikw tsilikw tsa asa. Ki gekwa maàga nda mege are aka dukw mburma tsa asa mbaŋa.

RUMA 13:3

Wur ana aka ge dukw ana ŋgwal ŋa ya ka, a ge a magəɗa a gà Əbay ata asa tsa. Say gà na tàa ge a dukw ata ŋgwal ŋa tsiye dzekwiŋ, na hìriɓ hìriɓ ta ge a ter a magəɗa ya. Aɗaba taŋa, na aka sàs a kurum mandza zay, ze magəɗa ŋgumna ka, gwim dukw ata ŋgwal ŋa ya, dite na ki ndzwim a barbararra nda gà tar lele ya.

RUMA 14:18

Na wura a ge a meslire a Yesuw Kiristi kataya ka, à tsehin a aà Mbulum, dite gà mburma tserdze tì zlibe a à ŋgat mbaŋa.

RUMA 2:29

Gà Yahuda ndzer ŋana ka, say wele ana Mbulum aka mbəɗ à gəzləŋ ŋgar a ivaɗ. Dite na a ne masàsà ba ndzer ŋana asa ka, masàsà ba biy Mezite Mesife Mbulum ana a da a gəzləŋ mburma ya, tsəka, nda mazazama məpala ahəm ana ta wetse i wakita ya tsa. Mbulum na a vile a mezlibe a medzibe gà mburma ata ya, tsəka, mburma tsa.

1 Kurintiya 4:5

Aɗaba taŋa, ka ta geywim aba seriye ika magər kurum ŋgaŋ ŋgaŋ kataya tsara tsa. Vavum pat ana Batsah kwa a tike məpàslà ahər ŋa ya ivaɗ. A pat ana aka màra ya ka, ŋgat na à pèt a à gà dukw ana makàhà ŋa i luvuŋ kinehe ya parzakkà lele ya. Dite gà dukw ana gà mburma ti dzele a i gà gəzləŋ tar a tekeɗe ka, a ta pèt a aba parakkà lele mbaŋa. A pat ata ka, Mbulum a ti zlibe a à ku mege weke kalkal kamala megemir ŋgar ana a ge ya.

2 Kurintiya 13:7

Ama a sàs a mər na mìi ne a à ba mər gà ŋgwal ŋa, dite aà gà mburma ta gwa aà mər, tar ka, gà ɓəzla meslire Mbulum a tsa kəla. Aɗaba dukw ana mər mì waya ya ka, mìi heme a a Mbulum, na dite ki gwim a dukw bakal asa tsiye. Ki gwim a ka, dukw ana ŋgwal ŋa ya, ku mege mì ne i təv gà mìsle ŋgiɗ ka, gà ɓəzla meslire Mbulum nda ndzer tsa tekeɗe ya.

2 Kurintiya 6:8

I huɗ mendze mər a ka, gà asiŋ gà mìsle ŋgiɗ tì zèmbeɗe à məriŋa. Gà biy ŋgiɗ ka, ti ndeveye a mər a pìslìɗìɗe. Gà asiŋ ŋa tì zlibe à məriŋa. Ama gà biy ŋgiɗ ti tsik a dukw ana ŋgwala tsiye aka gər mər. Ta fir aà mər a ka, kamala ana mər ka, gà ɓəzla pàrsa ya. Ama tsaatsa, mər mìi tsik a ka, dukw ana ndzer ŋa ya ivaɗ.

2 Kurintiya 8:18

Mìi slirehe a tar ka, nda mìsle ŋgiɗ ilik asa. Wele ata ka, gà mayahaba gər gà mburma Mbulum ana ɗa i faha ya tserdze, tə zləbawa à ŋgat, aɗaba ana a tsikewa bazlam ŋgwal ŋa aka gər *Kiristi ya ka, lele ya.

2 Kurintiya 8:21

Aɗaba a sàs a mər mege dukw ana ŋgwal ŋa ya, ika miɗ mburma mbaŋa, tsəka, ika miɗ BATSAH kwa ŋa ɗekɗek tsa.

GALATIYA 5:22

Ama megemir Mezite Mesife Mbulum ka, pam. Ar ka, kamala dizl ɗaf ana a we a dukw ŋgwal ŋa ya. Gà dukw ata ka, mawàyà ba ana gà mburma ta weye a ba ya. Maŋgayaba, nda matasla yam ana i gəzləŋ tar a. Ta gis a gəzləŋ i təv gà dukw ŋgiɗ a pampam. Ta gis a mburma lele, ta ge a ter a ka, dukw ana ŋgwal ŋa ya. Tar ka, gà mburma ana gà ndzer ŋa ya.

EFESIYA 4:25

Aɗaba taŋa, kà sàsum pàrsa asa tsa, ku mege weke ma tsik ndzer ŋgar a mburma.*fb* Aɗaba kwa ka, ilik na i təv Yesuw Kiristi ya.

EFESIYA 5:9

I tsik kataya ka, agəra gà dukw ana ŋgwal ŋa kalkal lele nda ndzer ŋa ya. Tar ka, i təv dzaydzay ŋa ata.

EFESIYA 6:14

Ama kinehe ka, hadzalum ba kurum ɓəŋɓəŋ lele, dànaywim ba nda ndzer kurum kamala kànda ana madànà ŋa ika dəmkul a, dite ma ge a kurum də̀ɗə̀ffa. Mede ana ndaka vatwa ŋa ya, ma ne ka, *andiw sayaw kurum ana ki geywim a dər ikaba ya.

FILIPIYA 3:1

Gà damər gà, i ndìv a à bazlam ŋa ka, nda magwàɗà a kurumaha ka: Ŋgeywim ba agəra ana kurum mandza ŋa i təv ilik ŋa nda gà BATSAH kwa ŋa ya. I ye a ba tsa, na aà mewetse a kurumaha gà bazlam ana i wetse a kurumaha akahər ata ya. I me a aka mewetse a kurumaha asa. Kamala taŋa ya na dite ki ndzwim a hiywe nda metsehe, duwa a ge a kurum a tsiye.

KULUSIYA 4:5

Gwim metsehe aɗaba mede kurum ana ki dwim a ya. Ma ge ka, ŋgwal ŋa lele, na nda təv gà mburma ana tàa gəs Mbulum nda gəzləŋ zukw tsiye. Ku mege ndeɗime, megìse kurum mə̀ pàt, ki gwim taŋa hiywe.

1 TESALUNIKE 4:12

Na kàa gwim dər kataya ka, gà na tàa gəs Yesuw Kiristi nda gəzləŋ tar zukw tsiye, ti zlibe a à kurum. Dite kurum tekeɗe, dukw mezime kurum riŋ mbaŋa, ki ŋgeleywim a aba duwa ya ɓav tsa asa mbaŋa.

1 TIMUTE 2:2

Hamumar agəra gà Əbay gà bàba ŋana, nda gà asiŋ ŋana tar riŋ ta kwere a mburma pampam asa mbaŋa. Hamumar ka, na dite ki ndzekwe a barbararra zayzay lele ya. Ki gekwe a magəɗa a Mbulum, dite ka, mede kwa tekeɗe, a ge a ika miɗ ŋgar lele ya.

1 TIMUTE 3:11

Mede gà məkəs tar ibam, ma ge ka, ilik mbaŋa asa. Ti ti tsik manəsa bazlam aà mburma tsa. Ama ta gəs gəzləŋ i təv guzum a, tə ta kwaya tsa. Say megemir tar ma da ka, ndaka vatwa ŋa lele nda təv dukw tserdze, ta gawuwa ahəm sula tsa.

1 TIMUTE 3:4

Say ma sər magəsa gà mburma ana i ga i ma ŋgar a lele. Ma ɗif à metsehe a gà ɓəza ŋgar, ta gəs ahər ahəm, ta hənar à gər a bəɗ lele asa.

1 TIMUTE 4:12

Aɗaba na kər gawla, gà ɓəza mba ya ka, wura ma ta fə̀r aà kər ka, kamala kəla ndirkiz a ndeyndey ɓav tsa. Ama say ki ɗif a à vatwa a gà ɓəzla mazazama Yesuw Kiristi ivaɗ. Tə dəɗ aka bazlam yak ana ki tsik a ya, mege nda gà dukw ana ki ge a ŋgwal ŋa ika miɗ tar tekeɗe ya, bəla nda təv mawàyà mburma ya, kige tsa nda təv guma ana kə̀ gəs nda gəzləŋ yak ika miɗ Mbulum a, ku mege nda təv gəzləŋ yak ana lele, aruwaŋ iɗəm tsiye tserdze mbaŋa. Na kàa ge kataya ka, mede yak a ɗe a ter a à vatwa, dite na ti zezem a vatwa ata ŋgwal ŋa ya.

1 TIMUTE 5:10

Dite megemir ŋgar ana a ge a ya, gà mburma tə sər dər ka, ŋgwal ŋa lele, kige tsa na aka gala gà ɓəza ŋgar nda metsehe lele ya, nda gà bəla a gewa gər a gà mbəlakw ana tə dawaha a ma ŋgar a, dite bəla a barawa ahəɗ aà sik a gà mburma Mbulum ana tə dawaha mbaŋa ya, kige tsa na bəla a zlàkawa gà ɓəzla mesewere are asa ya. Na kàa ŋgatar, a gewa gà megemir ana ŋgwal ŋa ya kataya ka, wetse ŋgat kuɗa.

1 TIMUTE 5:2

Ki ɗe a dər a gà màndawal gà məkəs tekeɗe ka, kamala ana ki tsik a ka, a gà mama yak a. Dite a gà daala gà məkəs ibam ka, kamala ana ki tsik a ka, a gà damər yak gà dəm ŋana ya mbaŋa. Hwarwa ma ta ge a tar tsidze.

TITUS 1:8

Ama ma ne ka, mala mege gər a gà mbəlakw lele ivaɗ. Ma waya ka, mege dukw ana ŋgwal ŋa ya, ma ne mala metsehe, ma ge dukw ana ndzer a ika miɗ Mbulum tsəɗaŋŋa, bakal ihər tsa. Ma kwara ba ŋgar lele.

TITUS 2:14

Ŋgat a dzeye à mesife ŋgar aɗaba kwa. Kamala taŋa ya na a pəl a kwa dər à bakal kwa tserdze ya. A bara aà kwa bakal kwa ya, na dite kà nekwa gà mburma ŋgar ana gà biy ŋgar, ta vile a ba aà mege gà megemir ana ŋgwal ŋa lele ya.

TITUS 2:2

Tsik a gà mburma ana gà màndawal ŋa ya ka, tə ta kwaya tsa. Mede tar ma ge ka, ŋgwal ŋa, dite gà mburma tì zlibe à ter a ya. Tə dzala gà gər ka, ndaka vatwa ŋa, ta gəs Mbulum a gəzləŋ tar lele. Ta waya gà asiŋ gà mburma ŋgiɗ nda gəzləŋ ilik ŋa, ta gəs gəzləŋ i təv meslè duwa ya tserdze.

TITUS 2:7

Ama kər ka, ge dukw ana ŋgwal ŋa ya ɗekɗek pəra, na dite gà asiŋ gà gawla ata tàa fə̀r aà kər i təv gà dukw ana ki ge a ŋgwal ŋa tserdze ya ka, ti zezem a kamala biy yak ata ki ge a ya mbaŋa. I təv ana ki dzeŋge a ter a ya ka, dzeŋge a tar ndaka vatwa Mbulum nda gəzləŋ ilik ŋa. Ka ti tsik a tar aɗəm dukw ana taf masakəŋa ya tsa.

TITUS 3:14

Gà asiŋ gà mburma ma ana ta gəs Yesuw Kiristi kamala ma ya tekeɗe ka, say ti sinike ba aà mege dukw ana ŋgwal ŋa ya kəla pat mbaŋa, na dite ka, ti sir a dər, tì zlèk a gà na duwa aà tar tsiye ya. Na tàa ge dər kamala taŋa ya tsəka, megìse tar ana ta gəs a ka, a ge a ŋgulum ɓav tsa.

IBƏRANIKWA 11:2

Aɗaba akahər ata Mbulum a gəs mburma lele ka, agəra megìse ata ta gəs ŋgat nda gəzləŋ tar a.

IBƏRANIKWA 13:18

Hamum a Mbulum kəla pat, aɗaba mər. Mì sər ndzer, madzala gà gər mər aka da à mər a mege bakal tsa. Aɗaba a sàs a mər, mìi ge a ka, dukw ana ŋgwal ŋa ya, na i huɗ gà dukw ana mìi ge a tserdze ya ya.

YAKUBA 1:27

Dukw ana Mbulum Tsir kwa ana i gər ŋa a waya ki zezemekwe a nda ndzer ŋa ya ka, araha: Mege gər a gà ɓəzla matawak ana wur tar a riŋ tsiye, nda gà madakwa gà məkəs ana ti sèwèr a are hinne ya. Dite wur ana a ge a kataya ka, ma kasla ba ŋgar mbaŋa, i təv gà bakal ana ika gər ahəɗ ti sle aà mibene a ŋgat asa tsiye.

YAKUBA 3:17

Ama metsehe ana ndzer ŋa a dere a i təv Mbulum i gər ŋa ya ka, pam, tsəka, duwa a riŋ ihər manəsa ŋa tsa. A ndze a ka, tsəɗaŋŋa. Na wura a ndze a nda gà medzibe metsehe ata i gəzləŋ ŋgar ka, a zlere a mandza zayzay a, nda masə̀ràba ya, nda gà magəsa aba ahəm a. Dite ŋgat asa ka, mburma a ndzer a are tsehe hinne. A ge a ka, dukw ana ŋgwal ŋa ya kəla pat. A wele a ikaba mburma ya tsa. Melèvekè nda məbànà mburma i təv ŋgar tsa asa mbaŋa.

1 PIYER 1:22

Kinehe ka, kàa barum bakal i gəzləŋ kurum a, aɗaba kàa gəsum ahəm a təv dukw ana ndzer a, na dite ki slwim a aà mawàyà gà asiŋ gà damər kurum ana ti zezem a vatwa Mbulum mbaŋa ya. Aɗaba taŋa, wayum ba ka, nda gəzləŋ ilik ŋa, kəla pat. Wirwir ma ge iɗəm tsa.

1 PIYER 2:12

Mendze kurum ana ki ndzwim a i liwiŋ gà na tə sər Mbulum tsiye ka, bakal ma ge iɗəm tsa, ndzum lele. Aɗaba ku mege gà na ti tsik aà kurum a dukw ana ŋgwala tsiye tekeɗe ka, ta fə̀r aà mede kurum nda megemir kurum ka, lele asa mbaŋa. Dite bəla Mbulum à hìndìk a ter a dər are, tì zèmbeɗe a dər a pat ana a dere a a təv tar a.

1 PIYER 4:8

Kə̀la ka, duwa a riŋ ilik na a za gà dukw tserdze ya: Wayum ba kurum nda gəzləŋ ilik kəla pat aka miɗ aka miɗ. Aɗaba na kàa wayum mburma lele ka, matsəɓatsəɓ dukw bakal a ge a ika magər kurum asa tsa, à kèhe a ba fit kweleŋ.*fa*

2 Piyer 3:1

Gà masla gà ana i waya kurum hinne ya. Araha naha ka, wakita masula ŋa ana i wetse a kurumaha ya. I huɗ gà wakita ata sula ya ka, a sèsiŋ məma a kurumaha a gər ka, à gà dukw ana kàa mbər mesirwim a, na dite ki dzelwim aaka gà gər lele asa ya.

1 Yuhana 3:18

Gà ɓəza gà, aɗaba gà dukw ata kataya ya ka, ka ta wayakwa gà damər kwa ana ika vatwa Mbulum a ka, nda bazlam ana ki fèfilekwere a ika arah taf masakəŋa ya pəra tsa. Ama ki weyekwe a tar ka, nda ndzer ŋa ara i gəzləŋ kwa ya mbaŋa, dite meweye kwa ata ki weyekwe a tar a ka, mə̀ pàt nda təv megemir kwa ana ki gekwe a ter a ŋgwal ŋa ya.

1 Yuhana 3:3

Ku weke na aka tike madzala gà gər ŋgar a təv Yesuw Kiristi ana a ge a duwa kamala taŋa ya ka, a kesle a ba ŋgar i təv gà bakal a tserdze, kamala Kiristi ana aka ge bakal tsiye mbaŋa.

1 Yuhana 4:1

Gà masla gà, gà ɓəzla məma à guma Mbulum ana nda pàrsa ya ka, tar riŋ ika gər ahəɗ pampam hinne. Aɗaba taŋa, ka ta gəsum bazlam wur ana a gweɗe a kurum a ka, i tsik a kurum a bazlam Mbulum nda ndzəɗa Mezite Mesife ya bise tsara tsa. Say ki ndzekwim a bazlam ŋgar ata ka, nda metsehe, na dite ki sirwim a dər ka, a tsik ana, nda ndzəɗa Mezite Mesife Mbulum kaɗəŋ a, tsəna, pàrsa ya ya.