FILIPIYA 4:6 - Bible Zulgo

⁶ Ka tə dzalum duwa kwizikw tsidze. Ama ɗifwim à gà dukw ana tàa sle aà kurum tserdze ya ka, a ahər a Mbulum ivaɗ. Hamumar, mà zlak kurum, dite ki gwimer a kəkaaha mbaŋa.

FILIPIYA 4:6 ပူးပေါင်းရင်းမြစ်များ

Mata 10:19

Ama i təv ana ti de à kurum a aka miɗ seriye ya ka, ka tə dzalum gà gər agəra bazlam ana ki ti tsikwim a ter a, meme na mìi ta gweɗe a ter a ya tsa. Aɗaba Mbulum a ti ɗif a kurum a à dukw ana ki tsikwim a ya ka, ika miɗ tar i fata.

Mata 13:22

Gà mìsle ŋgiɗ pam asa ka, ti ndzikiɗ ba wur daw ata a dza aà huɗ adak a. Ti tsereke a bazlam Mbulum, ama madzala gà gər mesewere are a be a tar i gəzləŋ a hinne. Tar ihər ti dzele a gà gər aka limana, a bene a tar. Aɗaba taŋa gà dukw ata tserdze ya ka, ta bets a bazlam Mbulum i gəzləŋ tar a. Ta gis a ka, gà dukw ata ɗekɗek. Bazlam Mbulum a ge a ter a ŋgulum asa tsa.

Mata 6:34

Aɗaba taŋa, ka tə dzalum gà gər aka dukw ana a ta ge a ba ndidwe ya tsa. Aɗaba ndidwe ka, ki ta ŋgetwim a madzala gà gər ŋgiɗ pam asa. Madzala gà gər ana a vile a kurum a mesewere are a pat ata ya ka, aka sle ide.»

Mata 6:8

Aɗaba taŋa kurum ka, ka ta gwim kamala tar a tsa. Aɗaba ələk ki ti dzwìm a ba aà meheme ka, Mbulum Tsir kurum aka mbər mesire dukw ana a sle aà kurum, kà wayum a.

Luka 10:41

Əbay Yesuw a gwaɗar aaka: «Marta, Marta, kər ka, ki wisebe a à gər nda megemir hinne.

Luka 12:22

I dəba ŋa ya, Yesuw a gwaɗa a gà ɓəzla mazazama ŋgat ata asa: «Aɗaba taŋa na iye ihər i gweɗe a kurum a kinehe ka: Arəv ma da aà kurum a, ka dzalum dukw mezime ana mìi zim a ana là, kige tsa, mìi tiye akaba a ana, là tsa.

Luka 12:29

Aɗaba taŋa, kə̀ gə̀zlum ba gər aà mayaha dukw ana ki ti zimwim a ya, kige tsa, ki ti swim a ya tsa asa.

Luka 18:1

I dəba ŋa ya, Yesuw a tsik bazlam minew a gà ɓəzla mazazama ŋgat ata, aà meɗife a tar dər ka, say ta hama a Mbulum hiywe, ti ye ba tsidze.

Luka 18:7

Dite wànà Mbulum dze ana, a ti zlèk a gà mburma ana a pala tar, ti tiwer aaba a hawa mèkwède ya seyiŋ ivaɗ tsiye? Wànà a ge a mèhìnèkw aà mezleke tar a?

1 Kurintiya 7:21

Na bəla kər ɓele akahər ana Mbulum a zalak a ka, ka dzala duwa tsa. Ama na bəla vatwa a riŋ, na ki ndze a nda mezìwè gər yak ka, ki gis a taŋa pəra.

1 Kurintiya 7:32

Ama a sèsiŋ ka, ka dzalum duwa tsa. Wur ana məkəs ihər tsiye, a tike a madzala gà gər ŋgar ka, aka mege megemir BATSAH kwa ŋa ɗekɗek, na dite à tsehin ahər a lele ya.

2 Kurintiya 1:11

Meheme kurum ana kurum ihər ki hemwim a a Mbulum aɗaba mər a tekeɗe, a riŋ à zlèk a mər mbaŋa. Kaɗəŋ, gà mburma hinne na tar riŋ ihər ta heme a a Mbulum aɗaba mər a. I dəba ŋa ya, na Mbulum tekeɗe, aka gəs meheme tar ata ta hemer a ya ka, gà mburma hinne ti ta ger a kəkaaha mbaŋa, agəra ŋgwal ŋgar ana a ge a mər a.

EFESIYA 5:20

Gwim kəkaaha a Mbulum Tsir kwa, agəra gà dukw ana tserdze ya ka, nda zləm Yesuw Kiristi BATSAH kwa ŋa ya. Gwimer kəkaaha kəla pat.

EFESIYA 6:18

Hamum a Mbulum nda gəzləŋ ilik kəla pat, dite gwimer kamkam nda ndzəɗa Mezite Mesife ŋgar. Ka ti ywim ba tsa, ndzum nda metsehe, hamum a Mbulum kəla pat agəra gà asiŋ gà mburma ŋgar ŋgiɗ.

KULUSIYA 3:15

Matasla yam ana Yesuw Kiristi a vəl a kurum a ka, mà rah a gəzləŋ kurum lele. Aɗaba Mbulum a zal a kurum ka, na dite kà nwim ba ilik, ki ŋgetwim a mandza zayzay ata ya. Gwim kəkaaha a Mbulum kəla pat.

KULUSIYA 3:17

Dukw ana ki gwim a ya, ndəna ki tsikwim a tserdze ya ka, gwim nda zləm Yesuw Kiristi BATSAH kwa ŋa. Ki gwim kəkaaha a Mbulum Tsir kwa nda zləm ŋgar mbaŋa.

KULUSIYA 4:2

Ku mege ndeɗime tekeɗe ka, ndiɗikwime gər aà mahàmà a Mbulum, ka ti yum ba tsidze. I təv ana ki hemwimer a ya ka, gwimer kəkaaha mbaŋa,

1 TIMUTE 2:1

Malahalah dukw ana a sèsiŋ metsike a gà mburma Mbulum a ka, araha: Hamum a Mbulum agəra mburma tserdze. Ɗə̀vum a tar zləm a təv ŋgar, dite ka hamumar agəra tar. Gwimer kəkaaha, aɗaba tar ata tserdze ya mbaŋa.

1 TIMUTE 5:5

Ama madakwa məkəs ana wur ŋgar a riŋ tsa, biy mandza are tsehe ya ka, ŋgat a tike madzala gà gər ŋgar ka, a təv Mbulum ilik, a hemer a kəla pat i hawa i mèkwède, dite ka, mà zlak ŋgat.

1 PIYER 4:7

Ama kinehe ka, pat mandəvandəv gər ahəɗ aka à mendzera. Gwim metsehe, kaslum ba kurum lele, dite na ki slwim a aà mahàmà a Mbulum a.

1 PIYER 5:7

Gà dukw ana ta wise a kurum a gər tserdze ya ka, ɗifwimer dər a ahər, aɗaba ŋgat riŋ a ge a kurum a gər lele.