FILIPIYA 4:22 - Bible Zulgo

²² Gà asiŋ gà mburma Mbulum ana ɗa i faha ya tserdze, ta ge a kurumaha wusa mbaŋa asa. Ndeyndey ŋana ka, gà damər kwa ana ta ge a meslire i ga i bəra batsah Əbay gà Ruma ya.

FILIPIYA 4:22 ပူးပေါင်းရင်းမြစ်များ

Mata 5:47

Dite bəla ki giswim a ka, gà damər kurum ɗekɗek ana, aàmala na ki dzelwim a ka, waytsà maa ge dukw ana ŋgwal ŋa ya. Aɗaba ku gà na tə sər Mbulum tsiye tekeɗe ka, ta ge a kataya mbaŋa.

Gà Ɓəzla Meslire 20:38

Aɗaba dukw ana a dzala tar i təv Pul hinne ya ka, aɗaba ana a gwaɗa a tar: Ki ta ŋgetwimiŋ a asa tsiye. I təv ana à meh a ba ya ka, tə laka ŋgat tsìm a təv slə̀làh yam ana a de a dər a.

Gà Ɓəzla Meslire 9:13

Ama Ananiyas a gwaɗar aakaha: «Batsah ga ŋa, wele ata ka, Yàa tsarakaya mesewere are ŋgar ana a sèwèrewa a gà mburma yak i Yeruzalem a hinne.

RUMA 16:16

Ki geywim ba wusa ika magər kurum ilik ilik tserdze nda gəzləŋ ilik. Gà mburma Mbulum ana ti yahawaba gər ɗa ika ahəɗ aaha pampam a, ta ge a kurumaha wusa aaba aaba ilik ilik tserdze mbaŋa.

2 Kurintiya 13:13

Yesuw Kiristi BATSAH kwa ŋa mə vəl a kurum ŋgwal ŋgar ana a ge a kwa ya, aka miɗ aka miɗ. Meweye Mbulum ana a waya kwa ya tekeɗe, ma ndza i gəzləŋ kurum, dite Mezite Mesife ŋgar ibam, ma gaw akaba kurum a təv ilik ŋa asa mbaŋa.

FILIPIYA 1:13

Gà sliwdze ana ta kesle a ga Əbay a, nda gà asiŋ gà mburma ana ɗa i faha tserdze ya, tə sər kinehe, iye riŋ i daŋgay gədzə̀zlzla ka, agəra ana i ge a meslire Yesuw Kiristi ya.

IBƏRANIKWA 13:24

Gwim wusa a gà bàba ŋa na ika magər kurum gà mburma Mbulum tserdze ya. Ki gwim a gà mburma Mbulum ana tserdze ya mbaŋa asa. Gà damər kwa ana ika ahəɗ Italiya ya, ta ge a kurumaha wusa asa mbaŋa.

1 PIYER 5:13

Gà mburma Mbulum ana ika ahəɗ Babila, Mbulum a pala tar kamala ana a pala kurum a, ta ge a kurumaha wusa. Dite Markus, kəla gà tekeɗe, a ge a kurumaha wusa asa mbaŋa.

3 Yuhana 1:14

I dzala ka, iye ŋa i dehe a a təv yak bise ivaɗ, na dite ka, ki lìmime akabiŋa, aà məfàfə̀là akaba lele ya.