FILIPIYA 4:21 - Bible Zulgo

²¹ Gwimiŋ wusa a gà na Yesuw Kiristi a pala tar i faka, ti ne gà mburma ŋgar a ilik ilik tserdze. Gà damər kwa ana tar mandza ŋa ɗa i təv ga i faha ya, ta ge a kurumaha wusa mbaŋa.

FILIPIYA 4:21 ပူးပေါင်းရင်းမြစ်များ

Mata 5:47

Dite bəla ki giswim a ka, gà damər kurum ɗekɗek ana, aàmala na ki dzelwim a ka, waytsà maa ge dukw ana ŋgwal ŋa ya. Aɗaba ku gà na tə sər Mbulum tsiye tekeɗe ka, ta ge a kataya mbaŋa.

1 Kurintiya 1:2

Mì wetseha ka, a kurum gà mburma Mbulum ana i Kurintiya ya. Mbulum na a pala kurum, aà mandza i təv ilik ŋa nda gà Yesuw Kiristi ya. A zal a kurum, na dite kà nwim gà mburma ŋgar a. Mì geha wusa mbaŋa ka, a gà na ta heme a a Yesuw Kiristi BATSAH kwa ŋa ya tserdze, ku mege ika ahəɗ awara tekeɗe ya. Aɗaba ŋgat ka, Batsah tar ŋa, dite Batsah mər ŋa asa mbaŋa.

GALATIYA 1:2

Mər ka, nda gà asiŋ gà damər kwa ana tar ɗa i təv ga ya tserdze, na mì ge a kurumaha wusa, a kurum gà mayahaba gər gà mburma Mbulum ana ika ahəɗ Galatiya ya.

GALATIYA 2:3

Taŋa Titus ana mì da akaba məma ya ka, ŋgat kəla gà Girek, masàsà ŋa tsa. Ama ka, gà bàba ŋa ata tàa fə̀r aaka ndzəɗa, aà mene kamala na ŋgat gà Yahuda ya tsa.

EFESIYA 1:1

Iye Pul, wele ana Mbulum a zla kamala mala meslire Yesuw Kiristi ya. I wetseha wakita aaha ka, a kurum gà mburma Mbulum ana i Efesiya ya. I wetseha ka, a kurum ana kàa gəsum Yesuw Kiristi nda gəzləŋ lele, dite ka, kurum riŋ mandza ŋa i təv ilik ŋa nda gà ŋgat asa ya.

FILIPIYA 1:1

Na a wetse wakita aaha ka, iye Pul, mər nda Timute ana mər gà ɓəzla meslire Yesuw Kiristi ya. Mì wetseha ka, a kurum gà mburma Mbulum ana i Filipiya, kurum riŋ mandza ŋa i təv ilik ŋa nda gà Yesuw Kiristi ya. Mì wetseha ka, a gà bàba ŋa ana ika magər kurum a, dite a gà ɓəzla mazlàkà kurum gà mburma Mbulum tserdze mbaŋa.

FILIPIYA 4:7

Na kàa gwim kataya ka, Mbulum a vile a kurum a matasla yam a gəzləŋ zayya lele. A zè a dukw ana gà mburma ti sle a aà mesire nda metsehe tar a. Na kàa ŋgatum matasla yam ata ka, zayya a kesle a gəzləŋ kurum nda gà madzala gà gər kurum kuɗa, na dite duwa a ge a kurum a tsa, agəra ana kurum mandza ŋa i təv ilik ŋa nda gà Yesuw Kiristi ya.