FILIPIYA 3:8 - Bible Zulgo

⁸ Ama kəla ka, ndzer kaɗəŋ, gà dukw ata ɗekɗek tsa, i fə̀r aà gà dukw ana tserdze ya ka, kamala dukw taf masakəŋa ya, aɗaba ana i sər Yesuw Kiristi Batsah ga ŋa ka, taŋa a zè a gà dukw ŋgiɗ tserdze. Aɗaba ŋgat ka, i miyek a à gà duwa tserdze. I fə̀r ahər ka, safar safar kamala gwastak ana masakəŋa ya, na dite i ta ŋget a Kiristi ya.

FILIPIYA 3:8 ပူးပေါင်းရင်းမြစ်များ

Luka 1:43

Iye dze ana, weke, na kər məmər Batsah ga ŋa dzə̀bàk ki dere a ka, a ma gà aaha ya ya?

Luka 11:20

Ama na bəla i delewe a gà sitene ata nda ndzəɗa Mbulum ka, taŋa ki slwim aà mesire a dər ka, *mekwere Mbulum aka dara a təv kurum a.»

Yuhana 14:20

Na pat ana Mezìtè Mesife Mbulum a dere a a təv kurum a, aka ndzera ka, ki ti sirwim a dər, mər ilik nda Tsir gà, iye riŋ i təv ŋgar, kurum tekeɗe, mandza ŋa i təv i ilik ŋa nda gà iye. Iye tekeɗe, iye riŋ mandza ŋa i gəzləŋ kurum.

Yuhana 14:7

Na kàa sərum iye ka, ki sirwim a Tsir gà mbaŋa. Daga aà kinehe ya, kà sərum ŋgat, dite kàa ŋgatumar.»

Yuhana 16:3

Ti ta ge a kataya ka, aɗaba ana tə sər Tsir gà tsiye, dite ka, tə sər iye tsa mbaŋa ya.

Yuhana 17:3

Wur ana aka ŋgat mesife ana à ndìv a tsiye ka, a sər, kər na Mbulum ndzer a, dite a sər, iye Yesuw Kiristi ana kà slərra iye ya mbaŋa.

Yuhana 17:8

Aɗaba Yàa tsik a tar bazlam ana kà tsikiŋ a zləm, ki gweɗiŋ, daha, tsik a tar a. Dite tàa gəs lele, tàa sər dər, i dara ka, i təv yak a ndzer. Dite tàa gəs iye, tə sər ka, kər na a slərra iye ya mbaŋa.

Yuhana 20:13

Gà gawla Mbulum ata ta gwaɗar: «Daala aaha, aàmala na ki tiwe a ya?» A gwaɗa a tar aakaha: «Tàa zla Batsah ga ŋa, dite i sər təv ana ti tike aɗəm a tsa asa.»

Yuhana 20:28

Tumas a gwaɗar aaka: «Tsaka kər kaɗəŋ Batsah ga ŋa, kər ka, Mbulum ana i gewar meslire ya.»

Gà Ɓəzla Meslire 20:24

Ama iye ka, Yàa dzala mesife gà tə tsa. Dukw ilik a sèsiŋ ka, say i ndìv a à meslire ana Yesuw BATSAH kwa ŋa a viliŋ a, tsam ka, tsway, tsəka, duwa a riŋ tsa. Mege megemir ŋa ka, kamala megweɗe ya: Metsìkè bazlam Mbulum ŋgwal ŋa ana mburma a ndzer a dər are tsehe ya.

RUMA 8:18

I sər ndzer, mesewere are ana kwa ihər ki sèwèrekwe a kinehe ya ka, ar ka, kamala ana dukw masakəŋa ya. A geye akaba a nda mezlibe ana Mbulum a ta vile a kwe a mba ya tsidze.

RUMA 8:39

Ku mege gà dukw ana i gər ŋa i Mbulum gà ndzəɗa ŋa ya, nda dukw ana ɗa i bəɗ a tekeɗe, ti sle a aà mege duwa tsa mbaŋa asa. Kamala taŋa ya, duwa a riŋ ilik ika magər gà dukw ana Mbulum a geye tar tserdze ya, na a ses a ikaba kwa nda meweye ŋgar ana a weye a kwa ya tsidze. Kà sərakwa meweye ŋgar ata ka, aɗaba Yesuw Kiristi BATSAH kwa ŋa.

1 Kurintiya 2:2

Ələk i dara a təv kurum a ka, i dzala, i gwa: Yàa daha aka magər kurum ka, i tsik a kurum a bazlam Yesuw Kiristi ɗekɗek, tsəka, i dzele a duwa ŋgiɗ tsa. I ɗif a kurum a dər ndeyndey ka, à məməta ŋgar ana a mət aà dizl magə̀làwà ŋa ya.

1 Kurintiya 9:10

A tsik taŋa ana, aɗaba kwa ivaɗ tsiye? A tsik ka, aɗaba kwa ndzer dukw ŋgar. Gà mala meslìgè daw nda mala masàsà ŋa ka, gà ŋgwal ŋa ndzer, na ti tike a madzala gà gər tar tserdze aka dukw ana ti ta ŋget a iɗəm dukw maya ba tar a, aka miɗ a mba ya.

2 Kurintiya 4:4

Tə tsaraka bazlam ŋgwal ŋa ata tsəka, aɗaba ana Əbay sitene, mala makwàrà gər ahəɗ aaha, aka ge à tar guluf i huɗ metsehe tar, dite ta gəs tsiye. Aɗaba a waya tsa na ta ŋget a a dzaydzay ana à div a i təv tar a ya. Dzaydzay ata a dara ka, i huɗ ŋgwal bazlam ata aka gər ndzəɗa Yesuw Kiristi ana tì zlibe a dər a. Aɗaba Mbulum nda gər ŋgar a pàt à ba ka, nda təv Kiristi.

2 Kurintiya 4:6

I təv ana Mbulum a ge gər ahəɗ akahər ata ya ka, a gwa: «Dzaydzay mà də̀v i luvuŋ.» Ama Mbulum ŋa ka, taŋa ilik hiywe na a vəl dzaydzay ŋgar ata à div a i gəzləŋ mər a mbaŋa. A ge dər kataya ka, aà məpàtà à ndzəɗa ŋgar ana tì zlibe a dər, à div a ika miɗ Kiristi ya. Aɗaba taŋa na mər ihər mìi tsik a bazlam ŋgwal ŋa ata a mburma ya.

GALATIYA 1:16

a pètiŋ à Kəla ŋgar, na dite i tsik a bazlam ŋgwal ŋana aka gər ŋgar, a gà mburma ana tə sər Mbulum tsiye tserdze ya. Akahər ata ka, maa fàfəl nda wura, aà mewize ihər bazlam a tsa asa.

EFESIYA 4:13

Na kamala taŋa ya ka, ki nekwe a ba ilik, aɗaba ana kàa gə̀sakwa ŋgat nda gəzləŋ tserdze, ŋgat ana Kəla Mbulum a, dite ka, kà sərakwa ŋgat a asa mbaŋa. Kərga taŋa ya na ki ɗekwiŋa, dite ki nekwe a gà mburma ana tàa sime ika vatwa Mbulum a nda ndzəɗa. Ama ki nekwe a ka, gà ŋgwal ŋa fit kamala ŋgat a.

FILIPIYA 1:1

Na a wetse wakita aaha ka, iye Pul, mər nda Timute ana mər gà ɓəzla meslire Yesuw Kiristi ya. Mì wetseha ka, a kurum gà mburma Mbulum ana i Filipiya, kurum riŋ mandza ŋa i təv ilik ŋa nda gà Yesuw Kiristi ya. Mì wetseha ka, a gà bàba ŋa ana ika magər kurum a, dite a gà ɓəzla mazlàkà kurum gà mburma Mbulum tserdze mbaŋa.

FILIPIYA 3:10

I waya ka, duwa ilik pəra. A sèsiŋ ka, masəra Kiristi nda ndzəɗa ŋgar ana a mbəl dərra i məməta ya ya. I waya asa ka, i ŋget a a mesewere ŋgar ana a sèwèr a mbaŋa, na dite i ne a kamala ŋgat ana a mət a.

FILIPIYA 3:12

I gweɗe a ka, Yàa ŋgat dukw ana i veve a ya ka, i tsik a tsa. Dite i gweɗe a asa ka, iye ka, ŋgwal ŋa, bakal a riŋ i təv ga tsəka, i gweɗe a tsa asa mbaŋa. Ama ka, i de a aka miɗ aka miɗ nda məmərà aba dzəŋdzəŋ, na dite i ŋget a gà dukw ata ya ivaɗ, aɗaba Yesuw Kiristi na a lah mezle iye, i ne mburma ŋgar a.

FILIPIYA 3:7

Akahər ata i dzala ka, i gwa: Gà dukw ata ka, a giŋ a ŋgulum, tì zlèk a iye. Ama kinehe, aɗaba Yesuw Kiristi ka, i fə̀r ahər kamala dukw taf masakəŋa ya, a giŋ a ŋgulum asa tsa.

2 TIMUTE 4:6

Aɗaba iye kinehe ka, i ne kamala dukw taf ana ta vile a a Mbulum a. Pat ana i miyek a à gər ahəɗ, ta kiɗ a iye ya ka, aka à mendze aɗəm.

IBƏRANIKWA 3:14

Kwa kinehe ka, gà mburma ana kə̀ ŋgatakwa akaba duwa nda gà *Kiristi ya. Ama kə̀la ka, na ki tèkwe a dər aka miɗ aka miɗ, ki ndzekwe a ɓəŋɓəŋ lele nda təv dukw ana kà lah megìsekwa malahalah ŋa ya, tsikw a təv mendìsle.

1 PIYER 2:7

Aɗaba kur ata a ne i təv kurum ana kə̀ gəsum nda gəzləŋ kurum a ka, dukw ŋgwal ŋa, a za dər gà dukw tserdze ya. Ama i təv gà mburma ana ta gəs tsiye ka, kataya tsa. Aɗaba a riŋ mewetse ŋa i wakita Mbulum ka, ta gwa: «Kur ata gà ɓəzla mazlazla ga tə zla, ti yà iɗəm a dala ya ka, tsaatsa ŋgwal kur te ibam. Na a ne madəŋ kur ivaɗ ka, taŋa.»

2 Piyer 1:2

I heme a a Mbulum, dite mà səkah a kurum à masəra ba kurum nda gà Yesuw Kiristi BATSAH kwa ŋa aka miɗ aka miɗ. Kamala taŋa ya, a pise a kurum a ahəm, à sìkèh a kurum a dər, a vile a kurum a matasla yam a gəzləŋ kurum mbaŋa.

2 Piyer 1:3

Kà sərakwa Mbulum ana a zal a kwa ya ka, aɗaba Yesuw Kiristi. A zal a kwa ka, na dite kə̀ ŋgatakwa magàwà akaba a təv mezlibe ŋgar ana tì zlibe a à ŋgat, ki zezemekwe a mendze ŋgar ana ŋgwal ŋa, a za gà dukw tserdze ya mbaŋa. Kamala taŋa ya, ŋgat nda ndzəɗa ŋgar ana hinne ya, a vəl a kwa dukw ana a sle aà kwe a tserdze ya, na dite araha, kə̀ ŋgatakwa mesife ana awiya ŋa ya, ki zezemekwe a ŋgat lele kamala ana a tsahən ahər mbaŋa ya.

2 Piyer 1:8

Na kàa gwim gà dukw ata aka miɗ aka miɗ kataya ka, mesire kurum ana ki sirwim a Yesuw Kiristi BATSAH kwa ŋa ya ka, à sìkèh a a gəzləŋ kurum, dite mendze kurum ana ki ndzwim a ya ka, à pèt a à dukw ana ŋgwal ŋa ya mbaŋa.

2 Piyer 3:18

Ama kurum ivaɗ ka, dum aka miɗ nda mazazama Yesuw Kiristi BATSAH kwa ŋana ŋgat mala məmbə̀là à kwa ya, na dite a ge a kurum a ŋgwal ŋa nda mesire kurum ana ki sirwim a ŋgat a ka, à sìkèh a aka miɗ aka miɗ bə̀ba ŋa. Mezlibe ŋgar ana gà mburma tì zlibe a à ŋgat a ka, tə̀ zlə̀b dər daga aà kinehe ya, haa aà biybiy. *Amin.

1 Yuhana 1:3

Dukw ana mì ŋgatar a, ndəna mì tsaraka ya, na mìi tsik a kurum a mbaŋa, na dite kurum tekeɗe ka, ki gewim a à ba nda gà mər i təv gà dukw ata. Magàwà ba ana ki gewekwe a ba ya ka, nda gà Mbulum Tsir kwa, dite nda gà Yesuw Kiristi Kəla ŋgar asa.

1 Yuhana 2:19

Gà mburma ata tə ndzawa piŋŋe ka, ika magər kwa ana kə̀ gə̀sakwa Mbulum a. Ama tə ndzawa ka, nda ndzer tsa. Aɗaba taŋa na tə da ika magər kwa ya ya. Na mege tə ndzawa ika magər kwa nda ndzer ka, ti de a i təv kwa ya tsa. Ama ta miyak à kwa, dite na kinehe kà sərakwa dər ndzer, ku wura ilik i liwiŋ gà mburma ata aka ndza nda gà mburma kwa nda ndzer ŋa ilik tsidze.

1 Yuhana 5:20

Kà sərakwa dər asa ka, Kəla Mbulum a dara aka gər ahəɗ a ka, a vəl a kwa metsehe, na dite ka, kà sərakwa Mbulum ndzer ŋana ya. Kà ndzakwa i təv ilik ŋa nda gà Mbulum ndzer ŋana ka, agəra ana kà ndzakwa i təv ilik ŋa nda gà Yesuw Kəla ŋgar a mbaŋa, kàa gawakwa ba ya. Ŋgat na Mbulum ndzer ŋana ya, dite ŋgat asa na a vəl a kwa mesife ana à ndìv a tsa aà biybiy a asa mbaŋa.