FILIPIYA 3:6 - Bible Zulgo

⁶ Yàa zazam fəla gà Yahuda kalkal lele. Yàa ɗif dər a mburma tèrihhwè lele mbaŋa, i təv ana i sèwèr are a gà na tə zazam vatwa Yesuw a. Yàa nəs à məpala ahəm mər ilik tsidze. Nda təv fəla mər ka, iye ka, ŋgwal ŋa hinne.

FILIPIYA 3:6 ပူးပေါင်းရင်းမြစ်များ

Mata 23:25

A kurum gà ɓəzla medzeŋge məpala ahəm Mbulum aaha nda gà Farisa ya, kurum ka, gà ɓəzla mimbèhè are. Ama ka, tuwum ba kurum, aɗaba kurumF kà sərum are matsakaɗa gà kəzliyam, nda gà tasà kurum ka, lele. Dite aàla na gəzləŋ kurum kataya tsiye? Nda bəra ka, kù gwaɗum, mər gà ŋgwal ŋa, tsaatsa i huɗ ŋana ka, maràhà ŋa nda gà dukw ana ŋgwala tsiye, kamala megweɗe ya ka: Megeye akəl, nda dukw ana ba kurum a waya aà mege ya ɗekɗek.

Mata 5:20

Aɗaba taŋa asa, iye ihər i gweɗe a kurum a nda ndzer: Ki slwim a aà mede a mekwere Mbulum kataya tsa. Ki dwim a ka, say na ki gwim a dukw ana Mbulum a waya ya, a zè a dər biy gà ɓəzla medzeŋge məpala ahəm Mbulum nda biy gà *Farisa ya dzekwiŋ.»

Luka 1:6

Tar sula məma gà ŋgwal ŋana ika miɗ Mbulum, mede tar a tsahən ahər a. Tə zàmbaɗawa à dukw ana Mbulum a tsikewa, a palawa ahər ahəm a tserdze ya, nda gəzləŋ ilik.

Gà Ɓəzla Meslire 21:20

Tə tsaraka bazlam ata lele ka, tə dza ba aà mazàmbàɗà à Mbulum. Aləka i dəba ŋa ya, ta gwaɗa a Pul: «Samata kwaŋ, damər mər, i faha ka, gà Yahuda hinne na tàa gəs Yesuw a. Ama hiywe tar riŋ ta ge a iɗəm metsehe a məpala ahəm Musa ya.

Gà Ɓəzla Meslire 22:5

Gà Əbay gà ɓəzla mandəva kuɗa a Mbulum nda gà bàba ŋa ana ta kwere a gà gwala kwa ya tserdze, ti sle a aà mesire ka, dukw ana iye ihər i tsik a ya ka, ndzer kaɗəŋ. Akahər ata ka, Yàa wizeye wakita aà gà bàba ŋa ata ya, dite na ta viliŋ, i de a dər a təv gà bàba gà Yahuda ana i Damas a. Aɗaba na Yàa da ka, wakita ata a ne a sida gà, aà magə̀sara gà ɓəzla mazazama Yesuw ana i fataya, dite ka, aà medzewera tar a Yeruzalem a, tì sèwèr a tar are.»

Gà Ɓəzla Meslire 26:5

Daga piŋŋe, ku weke tə sər ka, iye gà *Farisa. Tar ŋa na ti tsikik a. I zezem a məpala ahəm Mbulum nda ndzer ŋa à gà Yahuda ya.

Gà Ɓəzla Meslire 8:3

Ama Sawul ka, a sasar medzeye à gà mburma Mbulum. A dawa aà ga aà ga tserdze, a yahawa gà ɓəzla magəsa Yesuw nda gəzləŋ, ku gà asləka nda gà məkəs tserdze, a gasawa tar, a dzawa tar a daŋgay.

RUMA 7:9

Akahər ana kà sərakwa məpala ahəm zukw tsiye ka, kà ndzawakwa kataya pəra, mewìsè gər a riŋ tsa. Ama i dəba ŋa ya, kà tsarakukwa məpala ahəm ka, bakal tekeɗe, a pàt aba i fataya kuɗa,

1 Kurintiya 10:32

Ki gwim a ka, dukw ana a vile a mendìfè sik a gà mìsle ŋgiɗ tsiye, ku mege gà Yahuda, ku mege gà Yahuda tsa, dite ku mege gà mayahaba gər gà mburma Mbulum tekeɗe ya.

1 Kurintiya 15:9

Iye ka, kəla ŋa na ika magər gà ɓəzla meslire Mbulum tserdze ya. I pə̀r aaba ka, i sle duwa tsa na ti zeliŋ a mala meslire Mbulum a. Aɗaba Yàa sèwèr are a gà mburma Yesuw akahər ata ka, hinne.

FILIPIYA 2:15

na dite ka, ki ndzwim a tsəɗaŋŋa, bakal a ge a i təv kurum tsidze ya. Ki nwim a gà ɓəza Mbulum ana ta ge a bakal asa tsiye ya. Kurum riŋ mandza ŋa ka, i liwiŋ gà ɓəzla məbànà mburma nda gà na ta ge a dukw ana ŋgwal ŋa tsa ika gər ahəɗ aaha ya. Kurum ika magər tar ka, kamala gà màwùsàwùs ana dzaydzay tì div a aà gəza mbulum ndaàvəɗ a.

FILIPIYA 3:9

Say mandza ŋa nda ŋgat ilik na i waya ya. Ama i ta gweɗe a ka, iye ŋgwal ŋa ika miɗ Mbulum, agəra dukw ana piŋŋe i ge ŋgwal ŋa, i zazam məpala ahəm gà Yahuda ya ka, i gweɗe a asa tsa. Ama kəla ka, duwa a riŋ ilik i sir a dər, i gweɗe a, iye ŋgwal ŋa ika miɗ ŋgar a ka, agəra ana i gəs Yesuw Kiristi nda gəzləŋ a. Mbulum na a ne à iye ŋgwal ŋa ya, aɗaba megìse ana i gəs ŋgat a.

1 TIMUTE 1:13

Aɗaba piŋŋe ka, Yàa tsik ahər dukw ana ŋgwala tsiye hinne, Yàa ndavayar hinne asa, Yàa sèwèr are a gà mburma ana ti zezem a ŋgat asa mbaŋa. Ama ku mege Yàa ge gà dukw ata kataya tekeɗe ka, Yàa ndze are tsehe a Yesuw Kiristi hinne. Aka giŋ dukw ana ŋgwal ŋa ya. Aɗaba akahər ata ka, Yàa gəs ŋgat nda gəzləŋ ilik zukw tsa. Dite i sər dukw ana i ge a ya tsa asa.