FILIPIYA 3:20 - Bible Zulgo

²⁰ Ama kwa ka, gà mburma ana i ga i bəra Mbulum a. Kwa ihər ki vevekwe a Yesuw Kiristi BATSAH kwa ŋana mala məmbə̀là à kwa ya, dite a dere a i gər ŋa ya, aà malə̀mà akaba nda gà kwa ya.

FILIPIYA 3:20 ပူးပေါင်းရင်းမြစ်များ

Mata 19:21

Yesuw a gwaɗar: «Na a sàsak magəsa Mbulum nda ndzer ka, daha, ka dzawa à gà dukw yak fit, dite kà dzaya siŋgwe ŋa a gà ɓəzla matawak. Na kàa ge dər kataya ka, ki ŋget a limana ana batsah ŋa, à ndìv a tsa i təv Mbulum a. I dəba ŋa ya ka dara, ka zezem iye kuɗa.»

Luka 12:21

Yesuw a gwaɗa a tar i dəba ŋa ya asa: «Kər gà taŋa ya mbaŋa, na wur ana a yehe a gər ka, a limana ɗekɗek a. Ama i təv Mbulum ka, a ŋget a duwa tsa.»

Luka 14:14

Na kàa ge dər kataya ka, ki ta ŋgeye a ba mba. Aɗaba tar ka, ti sle aà mimèk a dər aɗəm tsa. Mbulum na a ta mèk a dər aɗəm i təv ana gà na tàa ger ŋgwal ŋa, ti ta mbilere a i məməta a mesife ya.»

Gà Ɓəzla Meslire 1:11

ta gwaɗa a tar: «A kurum gà Galile, aàmala na ki ndzwim a i faha aà məfə̀rà aà gəza mbulum a? Yesuw ka, aka da ika magər kurum a, a gər ŋa. Ama à mère a mba ka, kataya mbaŋa asa, kamala naha a da à kurum a.»

1 Kurintiya 1:7

Aɗaba taŋa, dukw ana Mbulum a dze a a gà mburma ŋgar a tserdze ka, kàa ŋgatum, kuɗa duwa a ge a kurum a tsidze. Dite kurum riŋ ihər ki vevwim a ka, pat ana Yesuw Kiristi à mère a nda ndzəɗa ŋgar ana tì zlibe a dər a ka, nda gà maŋgayaba.

1 Kurintiya 15:48

Gà mburma gər ahəɗ ti ndzikiɗ ba ka, kamala Adama ata Mbulum a ge ŋgat nda ahəɗ a. Dite gà mburma ana ti ti ndze a i təv Mbulum i gər ŋa ya tekeɗe, ti ndzikiɗ ba ka, mìsle ŋgiɗ aaha a dara i mbulum i gər ŋa ya mbaŋa.

2 Kurintiya 4:18

Aɗaba kàa tikekwa madzala gà gər kwa aka dukw ana a ŋgeter a ba tsiye, tsəka, aka dukw ana mburma a ŋgeter a nda are ya tsa. Aɗaba gà dukw ana mburma ta ŋgeter a nda are ya ka, ti ndze a aà biybiy tsa. Ama ka, gà dukw ana mburma ta ŋgeter a nda are tsiye ivaɗ, na a ndze a aà biybiy a.

2 Kurintiya 5:8

Ama kaɗəŋ, ki ndzekwe a ɓəŋɓəŋ lele dukw ŋgar. A sàsakwa ka, ki miyekikwe a à ba aaha, na dite ki ti ndzekwe a i təv ilik ŋa nda gà BATSAH kwa ŋa ya.

GALATIYA 4:26

Ama kwite Mbulum ndzer ŋana ka, taŋa Yeruzalem ana i mbulum i gər ŋa ya. Ŋgat ka, ɓele tə tsa. Aɗaba ŋgat na a ne kamala mama kwa ya.

EFESIYA 2:19

Aɗaba taŋa kurum ana gà Yahuda tsiye ka, gà mbəlakw nda gà slele asa tsa. Ama kurum ka, kàa nwim gà ɓəza gà kwite ana ika ahəɗ ata ya, ilik nda gà mburma Mbulum. Aɗaba kurum kinehe tekeɗe ka, kàa nwim gà asiŋ ŋgar asa kamala tar a mbaŋa.

EFESIYA 2:6

A mbəl akabara à kwa i məməta ya ka, nda gà Yesuw Kiristi ya, aɗaba ana kwa mandza ŋa i təv ilik ŋa nda gà ŋgat a. A dza kwa i gər ŋa, nda gà Yesuw Kiristi, dite mekwere kwa ma ge ilik nda gà ŋgat tserdze.

FILIPIYA 1:10

Kamala taŋa ya, ki pelwim a ikaba gà dukw ana ŋgwal ŋa ti de a ndaka vatwa Mbulum a, dite a pat ana Yesuw Kiristi à mère a, a ge a seriye ya ka, ki ndzwim a tsəɗaŋŋa lele, bakal i təv kurum tsa.

FILIPIYA 1:27

Ama duwa ilik ma ta məts a kurum gər tsa kəla. Mede kurum ma ge ka, ŋgwal ŋa, kamala bazlam ŋgwal ŋa ana Yesuw Kiristi a ɗif dər a. A sèsiŋ ka, ku mege Yàa ŋgat vatwa aà madaha a təv kurum, kige tsa bəla Yàa ŋgat tsa tekeɗe ka, i tserekere a mendze kurum ana ki ndzwim a ndìɓèkke, kurum masəra ba ŋa ŋgwal ŋa lele, metsehe kurum ilik a. Dite kurum riŋ ihər ki mirwim a aba aà megemir bazlam ŋgwal ŋa ata kə̀ gə̀sakwa nda gəzləŋ ilik kamala gà ɓəzla gùvəl a asa mbaŋa.

KULUSIYA 1:5

Kurum ihər ki gwim a kamala taŋa ya ka, aɗaba ana kà tikwim madzala gà gər kurum aka ŋgwal dukw ana Mbulum a tike a kurum aba ya, i təv ŋgar i gər ŋa, kà sərum ka, ki ta ŋgetwim a ya. Ti ɗif a kurum à dukw ata Mbulum a gwa, i tike a aba ya aɗaba kurum a ka, i təv ana kà tsarakum bazlam ŋgwal ŋana ndzer a.

1 TESALUNIKE 1:10

Kinehe ka, kurum ihər ki vevwim a Kəla ŋgar ana à mère a i gər ŋa i mbulum a ya. Kəla ata ka, Yesuw, wele ana Mbulum a mbəlara à ŋgat i məməta ya ya. Ŋgat na a ta beye a à kwa i matsəɓatsəɓ Mbulum ana mandza ŋa ika gər gà ɓəzla bakal a. A ta ge a ka, a pat seriye ŋgar ana aka ndze aɗəm a.

1 TESALUNIKE 4:16

A pat ata ka, Mbulum à fèfil a nda magala ŋgəlakəkka, na dite dukuməŋa à dze ahər a ba ya. Əbay ana ika magər gà gawla Mbulum a, a zeliŋa, dite ta vèt a mezleliŋ Mbulum mbaŋa. I dəba ŋa ya ka, BATSAH kwa ŋa a terre a i gər ŋa i mbulum a kuɗa. Dite gà mburma ana ta mata ya, tàa gəs ŋgat nda gəzləŋ tar a ka, tar na ti lèh a aà mimbilera i məməta ya.

2 TIMUTE 4:8

Kinehe ka, dukw mayaba gà a riŋ a veve a iye i təv Mbulum. A viliŋ a ka, aɗaba ana i ne ŋgwal ŋa ika miɗ ŋgar a. Kamala taŋa ya, a pat ana Yesuw Kiristi BATSAH kwa ŋa, wele ana ŋgat mala masàsà ikaba seriye ya nda ndzer a, aka dara ka, à piliŋ a dukw mayaba gà fit. Ama ka, a iye ɗekɗek tsa. Gà na ta veve a ŋgat, à kiv a ter a hinne, ta waya ma dara a təv tar a tekeɗe, ta ŋget a dukw mayaba tar mbaŋa.

TITUS 2:13

Ndzakwa ka, nda mandza zləm, vavakwa pat ŋgwal ŋa ata Yesuw Kiristi, mala məmbə̀là à kwa à mère a ya. A mère a ka, nda mezlibe ŋgar ana tì zlibe a à ŋgat a. Ŋgat ka, Mbulum kwa batsah ŋa ana a za gà dukw tserdze ya.

IBƏRANIKWA 12:22

Ama kurum kà dumara ka, a təv kwite ana tə zalar kwite Siyuna ya. Kà ndzum ka, a kwite ana i gər ŋa, Mbulum a ndze a iɗəm nda gà mesife ya. Tə zal a kwite ata ka, Yeruzalem ana i gər ŋa ya. Gà gawla Mbulum ana ti ɗeme a ba tsiye, tar mayahaba gər ŋa, ta ŋgeye a ba ka, i fata.

IBƏRANIKWA 9:28

Kamala taŋa ya, Yesuw Kiristi tekeɗe, à mət ka, sik ilik pəra mbaŋa. A vəl ba ŋgar a Mbulum ka, na dite a beye a dər à gà mburma hinne i bakal tar a ya. I dəba ŋa ya ka, à mère a masula ŋa asa. A mère a ka, aà məpəla à tar i bakal tar a asa tsa. Ama ka, aà məmbə̀là à gà mburma ŋgar ana tar ihər ta bebe a ŋgat a.

Sunwa Yuhana 1:7

Gwim metsehe, a dere a ka, nda hulɓukw a.*fb* Ku weke a ŋgeteriŋa, ku mege gà na ta geyer suwal a tekeɗe ya. Gà slàla pampam ika gər ahəɗ tserdze, ti tiweye aaba a aɗaba ŋgat. A ta ge a ba ka, kamala taŋa ya kaɗəŋ ndzer. Amin.