FILIPIYA 3:19 - Bible Zulgo

¹⁹ A təv ana mandza aà bəra tar aka ndəv a ka, Mbulum a dzeye a à tar, ti de a a akwa ana a mbete a tsiye, aɗaba ana ti zezem a ŋgat tsiye. Tə zazamawa ka, dukw ana gəzləŋ tar a waya ya ɗekɗek pəra. Ta gewa ka, dukw ana zirìm zirìm a ndeɗe aka ter a hwarwa ya. Dite ka, ta ge a dər zlapa ivaɗ asa. Tə dzalawa ka, aka dukw gər ahəɗ ɗekɗek asa mbaŋa.

FILIPIYA 3:19 ပူးပေါင်းရင်းမြစ်များ

Mata 16:23

I dəba ŋa ya, Yesuw ə̀ba a fə̀r ahər, a gwaɗar: «Kər Piyer, madzala gà gər yak ata ka, mà da i təv ga ya, aɗaba kər kà ne ika miɗ gà ka, kamala Əbay sitene ya. Kər ka, a sàsak medzeye à iye ika vatwa ya. Aɗaba madzala gà gər yak ata kà dzala ya ka, biy mburma, tsəka, biy Mbulum tsa.»

Mata 25:41

Dite i dəba ŋa ya asa ka, i gweɗe a a gà na ika tsèke ahər gùla gà ya:

Luka 12:19

I dəba ŋa ya, i gweɗebe a a ba gà: Kàa ŋgat limana biy na ki zim a mive diŋ a. Ama kinehe ka, sifik ba kuɗa, ka zəm naha. Ka sa aakaha duwa, dite kə ŋgaya ba.>

Luka 16:19

I dəba bazlam ata ya ka, Yesuw a gwaɗa a tar asa: «Wele duwa a riŋ, ŋgat mala limana, gà dukw ŋgar a riŋ hinne. A dùwayawa ba ka, nda petek ana ŋgwal ŋa hinne, à sìkim a ba tsiye. Dite kəla pat a zəmawa tekeɗe, dukw mezime ana ŋgwal ŋa ya mbaŋa.

Luka 18:4

Aka ndza hinne, a sàs a wele ata aà meger seriye ŋgar tsa. I dəba ŋa ya, a dzala a gwa:

RUMA 16:18

Medzìbe gà mburma ata ta ge a megemir ka, a *Kiristi BATSAH kwa ŋa tsa. Ta ge a ka, dukw ana a tsahən aà gəzləŋ tar a ɗekɗek pəra. Ta mèhe a à arəv a gà mburma nda himmè bazlam gìŋgefkèffe ka, nda dukw pàrsa masakəŋana, dukw ana ti tsiker a ika arah a. Kamala taŋa ya, ta bene a dər gà mburma ana tə səraha aka bazlam ŋa tsiye.

RUMA 6:21

Dite akahər ana ki gewim dukw ana ŋgwala tsiye dze ana, kə ŋgatum dər là? Na gà dukw ata ta maya a kurumara à gər a kinehe ka, hwarwa a ge a kurum a hinne, aɗaba mege gà dukw ata ka, mburma ta mete a dər ivaɗ.

1 Kurintiya 3:3

Aɗaba kurum ka, hiywe kamala gà mburma ana ti dzele a aka dukw gər ahəɗ a mba. Kurum ihər ki gwim a are aka gà mìsle ŋgiɗ ika magər kurum, dite ki geywim aaba a maàga asa mbaŋa dze ana, meme? Na kurum ihər ki gwim a kataya asa ana, taŋa ana, kamala gà mìsle ŋgiɗ ana ti zezem a gər ahəɗ mba ya tsiye. Kaɗəŋ, taŋa ka, kà zùm aba nda gà tar tsidze.

1 Kurintiya 5:2

Dite ka, kurum riŋ ihər ki sìŋgìrwim a à ba kurum ivaɗ asa dze ana, meme na taŋa ya? Ama ka, ŋgulum ki tiwwim a ba kurum ivaɗ, na ki delewim a wele ata ika magər kurum a ya.

1 Kurintiya 5:6

Aàmala na ki gwim a zlapa kataya dze ya? Ŋgwala tsa na taŋa ya. Kurum kà sərum ti tsiye, na bazlam ata ta gwa ka, giɗe ana a kwasawa à duwa ya, ku mege tə ndà aaka kwizikw tekeɗe ka, a kwese a dər hinne ya? Kamala taŋa ya, bakal ŋa, ku mege kwizikw tekeɗe ka, wànə̀nə̀nna à sìkèh a aka miɗ aka miɗ, haa a nis a à mayahaba gər kurum fit kweleŋ.

2 Kurintiya 11:12

Yàa gəs siŋgwe i ahər kurum a tsa. Ama aka miɗ mba tekeɗe, i ta gis a tsa mbaŋa. Aɗaba a sèsiŋ ka, i hìndìk a aka bazlam a gà mburma ana tì sìŋgìr a à ba tar, ta gis a siŋgwe i ahər kurum a, dite ta gweɗe a, waytsà mər ka, gà ɓəzla meslire Mbulum, mìi ger a megemir ka, kalkal kamala ana iye Pul i ge a ya.

2 Kurintiya 11:15

Aɗaba taŋa, na gà ɓəzla mazlàkà ŋgat tar ihər ti ne a à ba tar kamala ana tar gà ɓəzla meslire Mbulum a ka, ma ne aka kurum kamala dukw mene aà mburma ya ɓav tsa. Ama a pat mandəvandəv gər ahəɗ ka, ti ta ŋget a ŋgwal duwa tsa, kalkal megemir tar ana ta gewa ya mbaŋa.

GALATIYA 6:13

Ama gà mburma ata ta waya masàsà ba hinne ya tekeɗe, tar ŋa ka, ti tike gər a məpala ahəm gà Yahuda tèrihhwè ɓav tsa. Ama a sàs a tar ki seswim a ba kurum ka, na dite ti sìŋgìr a à ba tar aɗaba kurum a.

FILIPIYA 2:21

Gà asiŋ gà mburma tserdze tə dzalawa ka, ba tar ɗekɗek, tsəka, tə dzalawa aka megemir Yesuw Kiristi tsa.

KULUSIYA 3:2

Kamala taŋa ya, dzalum gà gər ka, aka gà dukw ana tar riŋ i təv Mbulum a, tsəka, aka dukw ana ika gər ahəɗ a tsa.

2 TESALUNIKE 1:9

Mesewere are tar ana ti ti sèwèr a ya ka, Mbulum a dzeye à ter a aà biybiy. A pele a ter a ahəm, dite na ti sle a aà mada a təv Yesuw Kiristi BATSAH kwa ŋa tsiye ya. Tar ka, ta ŋget a a ndzəɗa ŋgar ana ika gər gà duwa tserdze ya tsa. Dite ti ti ndze a i təv mezlibe ŋgar ana tì zlibe a dər a tsa asa mbaŋa.

2 TESALUNIKE 2:12

Aɗaba taŋa na seriye Mbulum a ta gis a gà na ta gəs dukw ana ndzer a tsa, ta ŋgeye a ba ka, aà mege dukw ana ŋgwala tsa tserdze ya.

2 TESALUNIKE 2:8

dite ka, mala mene are a Mbulum ata à pèt a aba kuɗa. Ama i təv ana Yesuw BATSAH kwa ŋa à mère a nda ndzəɗa ŋgar ana ika gər gà duwa tserdze ya ka, a dzeye a iɗəm à ŋgat a nda ndzəɗa mesife ŋgar ana a vizl aakara tìrr i bazlam ŋgar a kamala himbiɗ a ya.

1 TIMUTE 6:5

Ama bazlam ana ti tsik a ika magər tar biy maàga ya ka, à ndìv a tsa, vìrìɗìɗɗe kəla pat. Aɗaba metsehe tar ana ti dzele a ya ka, kəzlah aka ndaha ika vatwa ya, dite ka, tə sər dukw ana ndzer a tsa asa. Aɗaba gà taŋa ti dzele a i tar ka, na tàa zazam vatwa Mbulum ka, limana tar a ge a riŋ ka, hinne.

2 TIMUTE 3:4

Ti dzewe a à mburma a gà ɓəzla mene are tar. Dite tar ka, dukw ana tàa tsik i sida ya, tàa gwa, mìi ge a ya ka, ta ge a tsa. Tì sìkèh a à ba ka, hinne, ta weye a Mbulum tsa. Ta weye a ka, ba tar ɗekɗek ivaɗ.

YAKUBA 4:16

Ama kinehe ka, kurum riŋ ihər ki gilwim a à gər hinne, nda mege zlapa ana, taŋa dze ana, lele yà? Mege zlapa ana kataya ka, lele tsa.

2 Piyer 2:1

Akahər ata ka, gà ɓəzla məma à bazlam Mbulum ana nda pàrsa ya ka, tar riŋ ika magər gà mburma Mbulum gà Isərayel hinne. Ama kinehe ka, gà ɓəzla pàrsa ti ti ɗe a aba ika magər kurum kataya mbaŋa. Ti dere a, ta pèt a aba ka, nda wirwir, na ti dzeŋge a guma pàrsa tar ana ti dzeye a dər à mburma ya. Ti niw a Yesuw Kiristi BATSAH kwa ŋana a mbala à tar i bakal tar piŋŋe ya. Aɗaba gà dukw ata ta geye a kataya ka, seriye Mbulum a ta gis a tar ka, bise tsara, a dzeye à ter a fit kweleŋ.

2 Piyer 2:13

Mbulum a vile a ter a mesewere are kamala na tar ti sèwèr a gà mburma ya mbaŋa. Gà mburma ata, a sàs a tar ka, mazəma gər ahəɗ, nda mazazama meèweke ba tar ɗekɗek pəra. Ku mege nda pat ndərzayya ika miɗ mburma tekeɗe ka, ta ge a kataya pəra. Mendze tar ana ti ndze a ŋgwal ŋa tsiye ka, à nis a à zləm kurum. I təv ana tar mandza ŋa i təv kurum, ki zimwim akaba a dukw mezime i təv ilik ŋa ya ka, ti ndeɗe aka kurum a hwarwa masakəŋa. Ta bene a kurum nda wirwir. Tar ka, ta ŋgeye a ba hinne, agəra mibene tar ata ta bene a kurum a.

2 Piyer 2:3

Gà ɓəzla medzeŋge a mburma nda pàrsa ata ka, ta geye a are aka dukw mburma hiywe pəra. Ta bene a kurum nda wirwir, tì ses a pàrsa, na dite ki dzwìm a ter a siŋgwe ya. Daga piŋŋe, Mbulum ana ŋgat mala masàsà ikaba seriye mburma ya ka, aka hadzal ba aà mege a tar seriye. Pat ana a dzeye a à tar fit a ka, aka à mendze aɗəm.

Yuda 1:10

Ama gà ɓəzla pàrsa ata ka, ti tsik a dukw ana ŋgwal ŋa tsiye aà gà dukw ana tə sər tsiye ya. Tar ti zezem a ka, dukw meèweke ba tar ɗekɗek, metsehe tar a riŋ tsa. Ti ne ka, kamala dukw dala ya. Kamala taŋa ya na ti dzeye à ba tar a.

Yuda 1:16

Gà mburma ata Anuhu a tsik aà tar bazlam ata ya ka, kaɗəŋ. Tə sayawa ahəm nda təv mburma ka, kəla pat. Gəzləŋ tar a ndzawa zayya tsidze. Ta gewa ka, dukw ana ba tar a waya ya. Tì sìkèh a à ba tar nda zlapa. Tì yè a liɓir a bəɗ a mburma ka, nda bazlam lìfèɗìɗe nda wirwir. Ta bene a tar, na dite ta ŋget a duwa kamala ana a sàs a tar a.

Yuda 1:4

I tsik taŋa ka, aɗaba gà asiŋ gà mburma ana tə sər Mbulum tsiye, tàa lèlekwera nda wirwir a lìlikw lìlikw a liwiŋ mayahaba gər kurum gà mburma Mbulum a. Gà mburma ata ka, gà ŋgwal ŋa tsa. Aɗaba tar riŋ ti yehe a vatwa aà məmbə̀ɗà à ŋgwal Mbulum ana a ge a kwa ya. Ta gwa: Mbulum aka vəl a mər vatwa aà mege dukw ana a sàs a mər a. Ku mege bakal awara tekeɗe ka, mìi ziwe ahər a gər mər pəra. Kamala taŋa ya, ti niw Yesuw Kiristi ana ŋgat ilik Əbay kwa ana a kwere a kwa mbaŋa ya. Akahər ata piŋŋe ta wetse i wakita Mbulum ka, ta gwa, meme na seriye Mbulum a ta gis a gà medzibe gà mburma ata ya.

Sunwa Yuhana 18:7

Ta vəl a tar mesewere are hinne, arəv ma da dər aà tar a dùwaɗ, kamala Əbay tar ana ta ŋgat hinne, ta gewa məburnun a mbaŋa. Ta gwaɗawa i gər tar ka:

Sunwa Yuhana 19:20

I təv ana tar ihər ta ge a gùvəl ata ya ka, gà wele ata nda gà sliwdze ŋgar a, ta gasa gà dukw dala ata nda wele ana a gwa aà ba ŋgar ka, waytsà iye mala məma à guma Mbulum, tsaatsa pàrsa ya fit. Aɗaba ŋgat na a geye gà dukw mene aà mburma ika miɗ dukw dala ata ya. Kamala taŋa ya, a banawa gà na lambà dukw dala ata aà ba tar, dite bəla ku mege gà na tə dzawa gurmits a bəɗ a mendzikiɗe ba ŋgar a ya. Gà wele ata nda gà sliwdze ŋgar a, ta gasa gà dukw dala ata nda mala məma à guma ŋgar a ka, tə dza à tar a magər akwa kamala a duluv a, nda are kataya. Ama akwa ata ka, ar ka, kamala dukw ana a wene a wàfùfùffa ya.

Sunwa Yuhana 21:8

Ama gà na ta ge a magəɗa ya, nda gà na ta gəs bazlam Mbulum nda ndzer tsiye, dite nda gà na gəzləŋ tar manəsa ŋa ya, gà ɓəzla məbatsa mburma nda gà ɓəzla megeye muva, nda gà mèdè, kige tsa, gà na tə zàmbaɗawa à gà fəla tar a, nda gà ɓəzla pàrsa, gà tar ata tserdze ya ka, tì dzèwe a ter a a akwa ana kamala duluv a, a wene a wàfùfùffa ya. I fata kuɗa, na məməta masula ŋa ya.»

Sunwa Yuhana 22:15

Ama gà na tar ti ne kamala gà kəra ya, nda gà ɓəzla mèdè, nda gà na ta gewa muva ya, kige tsa, gà na ta batsawa mburma ya, nda gà na tə dzawa gurmits a bəɗ ka, a fəla tar a, nda gà ɓəzla pàrsa ana ta waya masàsà pàrsa ya ka, bàlaarì tar ti ndze a ka, i bəra, ti de a a ŋgwal kwite ata tsidze.