FILIPIYA 3:18 - Bible Zulgo

¹⁸ Aɗaba gà mburma riŋ hinne na mede tar à pèt a ka, tar gà ɓəzla mene are a Kiristi ana a mət aà dizl magə̀làwà ŋa ya. Yàa tsikeye a kurum gà dukw ata ka, sik diŋ. Ama kinehe ka, i tsik a kurum a asa hiywe. I tsik a kurum a ka, ɓə̀zl ɓə̀zl nda gà tuwa aà are.

FILIPIYA 3:18 ပူးပေါင်းရင်းမြစ်များ

Luka 19:41

Yesuw a ŋgat a kwite Yeruzalem ka, a tuwa kwite ata hinne.

Gà Ɓəzla Meslire 20:19

Yàa ge meslire BATSAH kwa ŋa nda mahə̀nà gər a bəɗ lele, dite tàa sèwèriŋ aɗəm are hinne asa nda gà tuwa, agəra gà Yahuda ana ti dewa aà iye ala ya.

RUMA 9:2

Kinehe ka, gəzləŋ a riŋ a wir aà iye a hinne, a misek a à mewire tsa,

1 Kurintiya 1:18

Aɗaba gà mburma ana tar ti dzeye a ya ka, tar ta fə̀r aà bazlam ata aka gər məməta *Kiristi ana a mət aà dizl magə̀làwà ŋa ya ka, kamala ana dukw falày taf masakəŋa ya. Ama kwa ana Mbulum a mbil à kwe a ya ka, kà sərakwa dər, taŋa na ndzəɗa Mbulum a.

1 Kurintiya 6:9

Kurum kà sərum ndzer: gà na ta gewa dukw ana ŋgwala tsiye ka, ta ŋget a təv mendze i *mekwere Mbulum ana a ta kwere a ya tsidze. Ka banum ba kurum tsa, sərum dər: gà mburma ana ta gewa mezelme nda təv muva ya, nda gà na ti dze a gurmits a bəɗ a dukw ana tə zalar mbulum tar a, nda gà na ta gewa muva ya, nda gà na ta waya mehinneha aà gà asləka ŋgiɗ kamala gà zal nda məkəs a,

2 Kurintiya 11:13

Tsaatsa, gà mburma ata ka, tar gà ɓəzla meslire Mbulum nda ndzer ŋa tsa. Tar ka, gà ɓəzla pàrsa. Ta bene a mburma nda wirwir, ti newa à ba tar kamala ana tar ka, gà ɓəzla meslire Kiristi ya.

2 Kurintiya 11:29

Na wura a riŋ mbile ŋa, ndzəɗa ihər tsa, na ika vatwa Mbulum a ka, taŋa iye tekeɗe, a wir aà iye a kamala wele ata ya mbaŋa. Na bəla wur ana ika vatwa Mbulum a, aka dəɗ a bakal ka, a wir aà iye a i gəzləŋ turturtur hinne.

2 Kurintiya 2:4

I təv ana i wetse a kurumaha wakita ata ya ka, nda madzala gà gər ŋa hinne, aɗaba gəzləŋ a wir aà iye a tusswa hinne, haa i tuwa ka, tuwa yemere tsàkw tsàkw hinne mbaŋa asa. I waya tsa na i vile a kurum a matsəɓatsəɓ a gəzləŋ a. Ama i wetse a kurumaha ka, dite ka sərum dər ka, i waya kurum hinne ivaɗ.

GALATIYA 1:7

Bazlam ŋgwal ŋana ar ka, kamala ana i ɗif a kurum dər a, tsəka, biy ŋgiɗ a riŋ na a dara i təv Mbulum a ka, a riŋ tsa. I tsik a kurum kataya ka, aɗaba ana i samata ka, gà mìsle ŋgiɗ a riŋ na wis wis ta wise a kurum a à gər a. A sàs a tar ka, manəsa à bazlam ŋgwal ŋa ana biy Yesuw Kiristi ya, ta waya ka, ti tsik a pam.

GALATIYA 2:14

Ama i samata, tə zazam vatwa bazlam ŋgwal ŋana ndzer a tsəka, i tsik a Piyer ika miɗ gà mburma Mbulum ata tserdze ya: «Kər ka, gà Yahuda. Ama ku mege kataya tekeɗe, kà ndzawa ɗa ka, kamala gà na tar gà Yahuda tsiye, haa kinehe. Kàa zazam məpala ahəm gà Yahuda tsəna, meme na ki gweɗe a a gà na tar gà Yahuda tsiye ka, mede tar ma ge kamala i gà Yahuda ya kinehe asa ya?

GALATIYA 2:21

Iye ka, i niw a ŋgwal Mbulum ana a ge a kwa ya tsidze. Na mege mburma a ne a ŋgwal ŋa ika miɗ Mbulum agəra ana a gewa dukw ana məpala ahəm a wiz ahər a ka, ana ka, kamala megweɗe ya: Kiristi a mət ka, taf masakəŋa, a ge a ŋgulum tsa. Ama kinehe ka, kataya tsa.

GALATIYA 5:21

Izittè ta ge a are aka dukw mburma, ta kweye a à guzum, ta gìrìv a dər hinne, zlarndaɗndaɗ ti zimeye ka, gà dukw ana ŋgwal ŋa ya, dite nda megeye gà medzibe gà duwa ŋgiɗ pampam asa kamala taŋa ya. Dukw ana i tsik a kurum piŋŋe ya ka, kinehe i me a aka metsìkè a kurum asa, i gwaɗa a kurum: Medzìbe gà mburma ana ta gewa gà dukw ata kamala taŋa ya ka, ti ta ŋget a təv mendze i *mekwere Mbulum ana a ta kwere a ya kwizikw tsidze.

GALATIYA 6:12

Na a gwaɗa a kurum, say ki seswim a ba kurum a ka, gà na ta waya, dite tə da a gər a gà mburma tserdze ya. Ta ge a dər kataya ka, na dite gà Yahuda ti sèwèr a ter a are asa tsiye. Aɗaba na bəla ti ndiɗik a gər aà metsìkè bazlam məməta *Kiristi ana a sèwèr are, a mət aà dizl magə̀làwà ŋa ya ka, ana ka, ta miyek a à tar tsa.

GALATIYA 6:14

Iye ka, i ge a zlapa ti tsidze, say i ge a ka, nda məməta Yesuw Kiristi BATSAH kwa ŋana a mət aà dizl magə̀làwà ŋa ata ya ɗekɗek pəra. Aɗaba məməta ŋgar ata ka, dukw gər ahəɗ a ne taf masakəŋa na aà are gà ya. Ar ka, kamala ana tə ndwandway gà dukw ata aà dizl magə̀làwà ŋa ya mbaŋa. Iye tekeɗe ka, i ne kamala wur ana, a mət ahər a fata ka, dite a miyak à dukw gər ahəɗ a mbaŋa.

EFESIYA 4:17

Dukw ana i tsik a kurum a ya ka, nda zləm BATSAH kwa ŋa. Ama iye ihər ge a kurum a kamkam, aà megweɗe a kurum ka: Kà zazamum mede gà mburma ana tə sər Mbulum tsiye asa tsa.

FILIPIYA 1:4

Meheme ata i hamawa aɗaba kurum a ka, nda gà maŋgayaba hinne.

1 TESALUNIKE 4:6

Wura ilik ma ta ge bakal, a ge a wirwir aà damər ŋgar a nda təv məkəs ŋgar a tsidze. Aɗaba BATSAH kwa ŋa a ta vile a mesewere are ka, a gà na ta gewa gà medzibe gà dukw bakal ata kamala taŋa ya. Mì be a kurum à ɗaf, mì tsik a kurum aba taŋa ya ka, daga piŋŋe.

2 TESALUNIKE 3:11

Mì tsik a kurum kataya ka, aɗaba na mì tsaraka ka, ta gwa là, gà mìsle ŋgiɗ ika magər kurum ka, ŋgəɗatstsa ti ndze a kataya, a sàs a tar megemir tsidze. Ama na a ne megemir tar ka, tsap tsap mandàbàya aka bazlam.

2 Piyer 2:10

Ama a ta vile a mesewere are ata ndeyndey ŋana ka, a gà na ta gewa dukw ana ŋgwal ŋa tsa, ti niw dər bazlam Əbay Mbulum a, ta waya mezezeme ka, dukw meèweke ba tar ɗekɗek a. Ga ɓəzla medzeŋge bazlam ata a mburma nda pàrsa ya ka, ta gewa magəɗa a wura tsidze. Ti ndze a ka, ŋgakŋgakəkka, tì sìŋgìr a à gər tar ka, hinne. Ta ge a magəɗa a gà dukw ana i gəza mbulum, gà ndzəɗa tar a riŋ hinne ya tsa asa, ti sewle aà teriŋa.

Yuda 1:13

Tar asa mbaŋa ka, kamala duluv ana i batsah dula, himbiɗ a ɓezle a dər tsuɗkur tsùɗkùr tsuɗkur tsuɗkur a. Bakal tar à pèt a ka, kamala matsakufa yam ana dzə̀dzàràgùffa a ndze a i dula ya. Tar ka, kamala gà mawusawus ana ta kəzlaha ika vatwa ya, tì sìweye aà gəza mbulum a. Mbulum ka, aka làmbaɗa a tar təv i luvuŋ ana ziŋziŋ hinne ya. Ti ndze a i fata ka, aà biybiy, ti sle a aà madàra iɗəm a tsidze.