FILIPIYA 3:1 - Bible Zulgo

¹ Gà damər gà, i ndìv a à bazlam ŋa ka, nda magwàɗà a kurumaha ka: Ŋgeywim ba agəra ana kurum mandza ŋa i təv ilik ŋa nda gà BATSAH kwa ŋa ya. I ye a ba tsa, na aà mewetse a kurumaha gà bazlam ana i wetse a kurumaha akahər ata ya. I me a aka mewetse a kurumaha asa. Kamala taŋa ya na dite ki ndzwim a hiywe nda metsehe, duwa a ge a kurum a tsiye.

FILIPIYA 3:1 ပူးပေါင်းရင်းမြစ်များ

Mata 5:12

Ŋgeywim ba hinne, gəzləŋ kurum ma ndza ndzəɗakkà ivaɗ, aɗaba Mbulum a ta vile a kurum a dukw maya ba kurum i gər ŋa i mbulum ka, batsah ŋa. Ama sərum dər ka, tàa ge dukw ana ŋgwal ŋa tsiye hinne, a gà ɓəzla məma à guma Mbulum ana tə lah ahər ɗa ya ka, kataya mbaŋa.»

Luka 1:47

Dite gəzləŋ ga a riŋ a ŋgeye a ba agəra Mbulum mala məmbə̀là à iye.

RUMA 5:11

Ama taŋa ɗekɗek tsa. Ki ŋgeyekwe a ba hinne mbaŋa ka, aɗaba ana kà sərakwa ndzer, Mbulum a ndze a nda gà kwa ya. A ndze a nda gà kwa ka, aɗaba Yesuw Kiristi BATSAH kwa ŋana a ne à kwa gà masla ŋgar a.

2 Kurintiya 13:11

Gà damər gà, kinehe ka, bazlam gà aka ndəv a faha. Ndzum zayzay lele. Gəsum ahəm aà dukw ana i tsik a kurum a lele, dite ka simwim aba ika vatwa Mbulum. Bazlam kurum ma ge ka, ilik pəra. Ndzum ika magər kurum ka, zayzay lele. Na ki ndzwim a kataya ka, Mbulum ana ŋgat mala mawàyà kwa ya, nda məvəla a kwa matasla yam a gəzləŋ a ka, a ndze a i təv kurum mbaŋa.

EFESIYA 6:10

Ama dukw ana a zeha kinehe ka: Say mərum aba aà magəsa BATSAH kwa ŋana ndzəɗa ŋgar a za duwa tserdze ya.

FILIPIYA 3:3

Ama kwa na gà masàsà ŋa nda ndzer a, tsəka, tar tsa. Kamala taŋa ya, kwa na kà nekwa gà mburma Mbulum a. Kwa asa na kà hamawukwa a Mbulum nda ndzəɗa Mezite Mesife ŋgar a. Dite ki ŋgeyekwe a ba ka, agəra ana kwa mandza ŋa i təv ilik ŋa nda gà Yesuw Kiristi ya. Ama kwa ka, ki dzèkwe a are aà dukw ana mburma ta gewa, ta gweɗe a naha ka, ŋgwal ŋa ya tsa.

FILIPIYA 4:4

Ŋgeywim ba kəla pat, agəra ana kurum mandza ŋa nda gà Yesuw BATSAH kwa ŋa a təv ilik ŋa ya. I tsik a kurum a asa: Ŋgeywim ba.

FILIPIYA 4:8

Gà damər gà, araha na dukw ana a zeha aà metsike a kurum a: Dzalum aka dukw ana ŋgwal ŋa, mburma tə zləbawa dər a, nda gà aka dukw ana ndzer, ki dzèkwer a gurmits a bəɗ a asa, dite aka dukw ana pàrsa iɗəm tsa, tsəɗaŋŋa lele, gà dukw ana a tsahən aà mburma, tə zàmbaɗawa dər a asa mbaŋa. Gwim metsehe a mege gà dukw ata.

1 TESALUNIKE 4:1

Gà damər gà, dukw ana a zeha mìi tsik a kurum a ya ka, araha: Akahər ana àvə̀ɗaka mì ɗif a kurum ka, à mede ana a tsahən aà Mbulum a. Araha kaɗəŋ, mì sər ka, mede kurum aka ne kamala taŋa ya. Ama kinehe ka, mì ge a kurumaha kamkam hinne, nda zləm Yesuw BATSAH kwa ŋa: Zazamum ka, mede ata hiywe, səkahum dər aka miɗ aka miɗ asa.

1 TESALUNIKE 5:16

Ŋgeyewim ba ka, kəla pat.

YAKUBA 1:2

A kurum gà damər gà ana ika vatwa Mbulum a. Na bəla gà dukw mesewere are ana ti dzik a à kurum pampam a, tàa le aà kurum ka, ŋgeywim ba ivaɗ.

1 PIYER 3:8

Taŋa, i ndìv a à bazlam aaha nda magwàɗà a kurum tserdze: Ndzum ka, madzala gà gər kurum ma ge ka, ilik tserdze na ika magər kurum a. Ndzayum ba are tsehe, dite ka, wayum ba kurum lele, aɗaba kà nwim ka, nda gà damər na kurum ika vatwa Mbulum a. Zlakum ba ika magər kurum ilik ilik tserdze. Hənum ba à gər a bəɗ lele.

1 PIYER 4:13

Ama ŋgulum ka, ŋgeywim ba, aɗaba kàa mbər megìswim mesewere are ana Yesuw Kiristi a sèwèr a. Dite a pat ana gà mburma tì zlibe a à ŋgat parakkà aà are mburma tserdze, i fataya ka, ki ta ŋgeywim a ba hinne.

2 Piyer 3:1

Gà masla gà ana i waya kurum hinne ya. Araha naha ka, wakita masula ŋa ana i wetse a kurumaha ya. I huɗ gà wakita ata sula ya ka, a sèsiŋ məma a kurumaha a gər ka, à gà dukw ana kàa mbər mesirwim a, na dite ki dzelwim aaka gà gər lele asa ya.