FILIPIYA 2:7 - Bible Zulgo

⁷ Aka dzala aka təv mendze ata ŋgwal ŋa ya tsidze. A waya ka, a ge a meslire ivaɗ. Ta wa ŋgat ka, kamala ana ta wa mburma tserdze ya mbaŋa.

FILIPIYA 2:7 ပူးပေါင်းရင်းမြစ်များ

Mata 12:18

A gwa, Mbulum a gwa ka: «Araha na mala meslire gà ana i zla ŋgat a, dite ka, a ne mandərkwasla gà, maŋgayaba gà fit dze ka, ika gər ŋgar a. I slirehe a Mezite Mesife gà aka gər ŋgar. A ɗif a à mege seriye ga ana i ta ge a aka miɗ mba ya, a gà mburma ana ika gər ahəɗ tserdze ya.

Mata 20:28

Aɗaba iye, *wur ana a dara i təv Mbulum a tekeɗe, i dara ka, aà mazlàkà mburma ya, tsəka, mburma na mà zlak iye ya tsa. Iye i dzeye a à mesife gà ka, aà mumbùruɗà dərra mburma i bakal a.»

Markus 9:12

Yesuw a gwaɗa a tar: «Iliya à mère a dzekwiŋ kaɗəŋ. Aɗaba à mère a ka, à lèmbeɗe a à gà dukw ana ti de a ndaka vatwa Mbulum tsiye tserdze.» Yesuw a gwaɗa a tar asa: «Aàmala na mewetse ŋa a riŋ i wakita Mbulum mbaŋa ka, wur ana a dara i təv Mbulum a, à sèwèr a are hinne, dite gà mìsle ŋgiɗ ta ger a matawak hinne asa ya?

Luka 22:27

Weke na batsah ŋa kinehe ya? Wànà wele ana tì lèher a à ɗaf, mandza ŋa i bəɗ a ya, tsəna mala meslire ana a der a ɗaf a ivaɗ a? Wele ana ta viler a ɗaf tsiye, na batsah ŋa ya. Ama iye na kinehe, i ne ika magər kurum mala meslire ya.

Yuhana 1:14

Ŋgat ana tə zalar «Bazlam Mbulum» a, na a ne mburma ya, dite ka, a ndza ɗa ika magər mər zaakwa ya. Maa ŋgat a ndzəɗa ŋgar ana a za gà dukw tserdze, Mbulum a vəl a Kəla ŋgar ata mifèndèz ŋa, a da dərra i təv ŋgar a. Ŋgat ka, mala ndzer ŋa. A gewa ka, dukw ana ŋgwal ŋa ya ɗekɗek.

RUMA 1:3

Bazlam ŋgwal ŋa ata ka, aka gər Yesuw Kiristi, Kəla ŋgar ana ŋgat BATSAH kwa ŋa ya. Kà sərakwa, ta wa ŋgat ka, i gwala Dawda ana ŋgat Əbay akahər ata ya.

RUMA 15:3

Aɗaba Yesuw Kiristi tekeɗe ka, a sasar mawàyà ba ŋgar tsa. Seyiŋ tsa ivaɗ, a ndza ka, kamala ana ta wetse i wakita Mbulum ka, ta gwa ahər: «Tàa tsik dukw ana ŋgwala tsiye aà kər Mbulum. Ama bazlam tar ata ka, ta wala dər aà iye ya.»*fa*

RUMA 15:8

Kurum kà sərum, Yesuw Kiristi a dara ka, aà mazlàkà gà Yahuda aà mege dukw ata Mbulum a tsik i sida ya, a gà bàba gà tsir tar ana akahər ata ya, a gwa, i ta ge a nda ahər ŋgar a. Kamala taŋa ya, a ɗif a tar à dukw ana Mbulum a tsik i sida ya, ndzer kaɗəŋ, pàrsa iɗəm tsiye.

RUMA 8:3

Məpala ahəm Musa ka, a sle aà məvəla kwa mesife tsa, aɗaba ana kwa ka, gà mburma taf masakəŋa, ndzəɗa kwa a riŋ tsiye. Kwa ka, kà mbàkwa aà magəsa ahər ahəm tsa. Ama dukw ana məpala ahəm ata a sle aà mege ŋa tsiye ka, Mbulum nda ahər ŋgar ŋa aka ge. A ge taŋa ka, nda maslə̀rà Kəla ŋgar ana a slərra aka gər ahəɗ a, a ne mburma kamala kwa ya ya. Tàa dzik à ŋgat aà mege bakal kamala kwa mburma ya mbaŋa, ama ka, aka ge tsa. Dite i dəba ŋa ya ka, a mət aɗaba bakal kwa. Kamala taŋa ya na Mbulum a ge seriye bakal ana mburma a gewa ya.

2 Kurintiya 13:4

I təv ana tə ndwandway ŋgat aà dizl magə̀làwà ŋa ya ka, aka həna à gər ŋgar a bəɗ kaɗəŋ, a ne à ba ŋgar kamala ana ŋgat mbile ŋa ya. Ama kinehe ka, aka mbəlara i məməta ya, a riŋ a ndze a nda mesife, aɗaba ndzəɗa Mbulum kuɗa. Mər mandza ŋa ka, i təv ilik ŋa nda gà ŋgat. Kamala taŋa ya, mər tekeɗe, mì həna à gər a bəɗ, mì ne à ba mər gà mbile ŋa mbaŋa. Ama mər mìi ndze a kəla ka, nda mesife ŋgar mbaŋa. I təv ana maa ndzeha a təv kurum a ka, mìi ge a megemir nda ndzəɗa ana Mbulum a vəl a mər a.

2 Kurintiya 8:9

Kurum kà sərum ŋgwal ana Yesuw Kiristi BATSAH kwa ŋa a ge a kurum a. Ŋgat ka, Əbay ŋa hinne. Ama ku mege kataya tekeɗe, a ne à ba ŋgar mala matawak aɗaba kurum ivaɗ. A ge aba matawak kataya ka, dite na kurum ki nwim a gà Əbay ŋa i gəzləŋ kurum a.

GALATIYA 4:4

Ama i təv ana məpàslà ahər Mbulum a ndze aɗəm a ka, a slərra Kəla ŋgar a. Məkəs duwa na a wa ŋgat a. A zazam məpàslà ahər gà Yahuda mbaŋa,

FILIPIYA 2:6

Aɗaba ku mege tar nda Mbulum ilik tekeɗe ka, a sasar na a ne a kamala Mbulum a tsa.

IBƏRANIKWA 12:2

Ki dzèkwehe a are ka, a təv Yesuw ndàslsla kəla pat. Aɗaba megìse kwa ana kə̀ gə̀sakwa ya ka, ŋgat na à lèh a kwe a aka miɗ, haa a təv mendìsle kwa ya. Akahər ata ka, aka gəs gəzləŋ i təv ana a mət aà dizl magə̀làwà ŋa ya lele. Ku mege tàa ndaɗa aka ŋgat hwarwa tekeɗe ka, aka dzala hwarwa ata tsa, na dite a ŋget a maŋgayaba ana Mbulum a waya a viler a aka miɗ mba ya. Aɗaba taŋa na ŋgat mandza ŋa ika təv mendze *mekwere Mbulum ika tsèke ahər mezime ŋgar kinehe ya.

IBƏRANIKWA 13:3

Dzalum gà gər aka gà mburma ana i daŋgay a, kamala ana kurum ka, gà ɓəzla daŋgay i təv ilik ŋa nda gà tar a mbaŋa. Dzalum gà gər aka gà mburma ana ta ge a ter a matawak a, kamala ana kurum tekeɗe ka, ta ge a kurum a matawak i təv ilik ŋa nda gà tar a mbaŋa asa.

IBƏRANIKWA 4:15

Ŋgat na kà ndzekwar are tsehe, a geye ika kwa ya nda təv gà dukw ana mawùràba ŋa i təv kwa ya. Aɗaba ŋgat ka, aka sər aà mesewere are ya pampam mbaŋa, tàa dzik à ŋgat, ta waya madə̀ɗà à ŋgat a bakal kamala kwa ya. Ama ka, aka ge bakal ata tsidze.