FILIPIYA 2:6 - Bible Zulgo

⁶ Aɗaba ku mege tar nda Mbulum ilik tekeɗe ka, a sasar na a ne a kamala Mbulum a tsa.

FILIPIYA 2:6 ပူးပေါင်းရင်းမြစ်များ

Mata 1:23

«Dəm gama ata a ta ŋget a kəla. A we a ka, ti ti zel a a kəla ŋa, *Emmanuwel,« kamala megweɗe ya: «Mbulum a riŋ a ndze a nda kwa.»*fa*

Yuhana 1:18

Wura aka ŋgat a Mbulum ilik tsidze. Ama Kəla ŋgar ata mifèndèz ŋa tə ndzawa i təv ilik ŋa nda ŋgat a, na a ɗif a kwa dər a.

Yuhana 10:30

Mər ka, ilik nda Tsir gà.»

Yuhana 10:33

Gà Yahuda ata ta gwaɗar aaka: «A sàs a mər makàlàwà kər ka, agəra ana ki ge gà megemir ŋgwal ŋa ya tsa. Ama aɗaba ana ka ne bakal à Mbulum, kà tsik ahər dukw ana ŋgwal ŋa tsiye ya. Kər ka, mburma məfara ŋa, tsəka, Mbulum tsa. Ama ka, a sàsak mene à ba yak Mbulum.»*fa*

Yuhana 10:38

Ama na bəla iye riŋ i ge a megemir ŋgar ka, ku mege kàa gəsum bazlam gà tsa tekeɗe, gəsum iye, aɗaba megemir ana iye ihər i ge a ya, na dite ki sirwim a dər parakkà ka, Tsir gà a riŋ mandza ŋa i təv ilik ŋa nda iye, iye tekeɗe, iye riŋ mandza ŋa i təv ilik nda ŋgat mbaŋa ya.»

Yuhana 14:28

Kàa tsarakum dukw ana i gwaɗa a kurum ka: ya. Na kàa wayum iye ka, ŋgeywim ba hinne, aɗaba ana kàa sərum dər, i de a a təv Tsir gà, ŋgat ka, batsah ŋa, a za iye ya.

Yuhana 14:9

Yesuw a gwaɗar aaka: «Yàa ndza hinne na i təv kurum dze ana, kà sər iye tsa hiywe ya, Filip? Na wura aka ŋgetiŋ ka, a ŋgat taŋa ka, a Tsir gà mbaŋa. Aàmala na ki gweɗe a ka, say ɗif a mər à Tsir yak ŋa asa dzekwiŋ a?

Yuhana 17:5

Aɗaba taŋa kinehe ka, Tsir gà, zla iye a təv ndzəɗa ana tì zlibe a iɗəm à ma ya. Viliŋ ndzəɗa ana tə zləbawa à ma daga aà gər ana gər ahəɗ a riŋ zukw tsiye.

Yuhana 20:28

Tumas a gwaɗar aaka: «Tsaka kər kaɗəŋ Batsah ga ŋa, kər ka, Mbulum ana i gewar meslire ya.»

Yuhana 5:18

Gà bàba gà Yahuda tə tsaraka taŋa ka, ti yaha vatwa aà makə̀ɗà ŋgat. Ta kiɗ a ŋgat ka, aɗaba ana a nəs à məpala ahəm tar, a mbəl à mburma a pat mesìfìkà ba ya ɗekɗek tsa. Ta waya makə̀ɗà ŋgat ndeyndey ŋana ka, agəra ana a zal a Mbulum, a gwa ka: «Tsir gà», a geye akaba à ba ŋgar nda ŋgat a.

Yuhana 5:23

A ge dər kataya ka, dite gà mburma tserdze tə̀ zlə̀b à iye kalkal, kamala ana tì zlibe a à Tsir gà ya mbaŋa. Wele ana à zlibe a à iye Kəla ŋgar tsiye ka, taŋa ka, a zlibe a à Tsir gà ana a slərra iye ya ɓav tsa.

RUMA 9:5

Tar ka, i gwala gà bàba gà ɓəza Abəraham batsah tsir tar ana akahər ata ya. Yesuw Kiristi ibam, a ɗe aba kamala mburma ya ka, i gwala tar a mbaŋa. Ŋgat na Mbulum a. A ndze a ika gər gà dukw tserdze. Zàmbaɗakwa à ŋgat aà biybiy. *Amin.

2 Kurintiya 4:4

Tə tsaraka bazlam ŋgwal ŋa ata tsəka, aɗaba ana Əbay sitene, mala makwàrà gər ahəɗ aaha, aka ge à tar guluf i huɗ metsehe tar, dite ta gəs tsiye. Aɗaba a waya tsa na ta ŋget a a dzaydzay ana à div a i təv tar a ya. Dzaydzay ata a dara ka, i huɗ ŋgwal bazlam ata aka gər ndzəɗa Yesuw Kiristi ana tì zlibe a dər a. Aɗaba Mbulum nda gər ŋgar a pàt à ba ka, nda təv Kiristi.

2 Kurintiya 8:9

Kurum kà sərum ŋgwal ana Yesuw Kiristi BATSAH kwa ŋa a ge a kurum a. Ŋgat ka, Əbay ŋa hinne. Ama ku mege kataya tekeɗe, a ne à ba ŋgar mala matawak aɗaba kurum ivaɗ. A ge aba matawak kataya ka, dite na kurum ki nwim a gà Əbay ŋa i gəzləŋ kurum a.

1 TIMUTE 1:17

Ku weke mà zàmbaɗa à Əbay Mbulum ana mekwere ŋgar a ndze a aà biybiy a. Ŋgat na nda gà mesife ana à ndìv a tsiye. Ŋgat ilik na Mbulum Batsah ŋa, mburma a sle aà meŋgeter a tsiye. Mezembeɗe ma ge ka, biy ŋgar ilik. *Amin.

1 TIMUTE 3:16

Bazlam ndzer ŋa ata Mbulum a ɗif a kwa dər, dite meme na kinehe ki ndzekwe a ika miɗ ŋgar a ka, batsah bazlam kaɗəŋ ndzer. Wura a sle a aà mimbetse tsa: Bazlam ata ti tsik ka, aà Yesuw Kiristi ana a dara aka gər ahəɗ a, dite a ne mburma ya. Mezite Mesife Mbulum a ɗif dər ka, ŋgat na ŋgwal ŋa lele ya. Gà gawla Mbulum tserdze tàa ŋgatar. Gà mburma ti tsikewa bazlam ŋgar a gà mburma ana ika gər ahəɗ a tserdze. Ama gà asiŋ ŋa, ku mege i ŋga tserdze, tàa gəs ŋgat nda gəzləŋ. I dəba ŋa ya, tsəɗak Mbulum a zla ŋgat a təv mezlibe ŋgar ana tì zlibe a à ŋgat a.

TITUS 2:13

Ndzakwa ka, nda mandza zləm, vavakwa pat ŋgwal ŋa ata Yesuw Kiristi, mala məmbə̀là à kwa à mère a ya. A mère a ka, nda mezlibe ŋgar ana tì zlibe a à ŋgat a. Ŋgat ka, Mbulum kwa batsah ŋa ana a za gà dukw tserdze ya.

IBƏRANIKWA 1:3

Ŋgat a riŋ à pèt a à mezlibe Mbulum ana tì zlibe a dər a, nda təv dzaydzay ŋana i təv ŋgar a. Aɗaba ŋgat na a zla ba kalkal kamala Mbulum a, dite ŋgat na a riŋ à gis a gà dukw ana tserdze ya, nda bazlam ŋgar ana ndzəɗa ŋa ya. A làmbaɗa vatwa ana Mbulum à pìl a dər à bakal a mburma ya, na dite ti ne a gà tsəɗaŋŋa lele ika miɗ ŋgar a. I dəba ŋa ya ka, a da a mbulum kuɗa. A daha, a ndza aka tsèke ahər mezime Mbulum, mala ndzəɗa batsah ŋana a kwere a gà dukw tserdze ya.

IBƏRANIKWA 1:6

Ama i təv ana a sàs a Mbulum aà meslirra mandərkwasla Kəla ŋgar mifèndèz ŋana aka gər ahəɗ a ka, a tsik ahər, a gwa: «Say gà gawla gà ana i gər ŋa ya tserdze, tə̀ dzar gurmits a bəɗ.»*fc*

IBƏRANIKWA 1:8

Ama nda təv Kəla ŋgar ka, a gwaɗar: «Kər ka, Mbulum, mekwere Əbay yak ka, ma ndza aà biybiy, ki kwere a gà mburma yak ka, nda ndzer ŋa.

IBƏRANIKWA 13:8

Yesuw Kiristi ka, à mbìɗ a aba tsa. Mendze ana ndavana ya, ndəna mbakum a ka, i təv ŋgar ka, kalkal, tə za ba tsa. A ndze a ka, haa aà biybiy.

Sunwa Yuhana 21:6

A gweɗiŋ asa: «Gà bazlam ata tserdze ya ka, aka ge ba, aka ndəv. Iye na i lah aà megeye gà duwa tserdze ya. Iye riŋ daga aka na gà duwa tserdze tar riŋ zukw tsiye, dite ka, iye na i ti ndìv a à gà duwa tserdze ya asa mbaŋa. Ku mege weke, na bəla yam aka kəɗ ŋgat ka, ma dara, i viler a biy taf, a siŋa. Yam ata a dere a ka, i biye yam ana a vile a mesife a mburma ya.