FILIPIYA 2:30 - Bible Zulgo

³⁰ Aɗaba a zeha ka, kwizikw, aka à mimìte, agəra mege megemir Yesuw Kiristi. A dzala i gər ŋgar ka, a gwa, ku mege i mìt a tekeɗe ka, à zlèk a iye. Kamala taŋa ya, a zla təv mendze ata ka, avukw kurum, na dite à ndìv a à mege megemir ŋa kamala ana zləmana kurum ki zlèkwim a iye ya.

FILIPIYA 2:30 ပူးပေါင်းရင်းမြစ်များ

Gà Ɓəzla Meslire 20:24

Ama iye ka, Yàa dzala mesife gà tə tsa. Dukw ilik a sèsiŋ ka, say i ndìv a à meslire ana Yesuw BATSAH kwa ŋa a viliŋ a, tsam ka, tsway, tsəka, duwa a riŋ tsa. Mege megemir ŋa ka, kamala megweɗe ya: Metsìkè bazlam Mbulum ŋgwal ŋa ana mburma a ndzer a dər are tsehe ya.

RUMA 16:4

Akahər ata, mburma tàa à mekìɗe iye ka, tə daha, tə zlak iye. Ta gwa, ku mege ta misek a à mər tsa tekeɗe ka, mìi zlèk a ŋgat pəra. I ge a taraha wusa hinne. Ama ka, iye ɗekɗek tsa na a ge a ter a wusa ŋa ya, mər nda gà ɓəzla magəsa Mbulum ana ika magər gà na tar gà Yahuda tsiye tserdze mbaŋa.

1 Kurintiya 15:53

Aɗaba ba kwa ana kinehe à mìtiŋa, dite a gwineke a ya ka, say a ti ne a ba ana à mìt a asa tsa, a ndze a aà biybiy a.

1 Kurintiya 16:10

Na Timute aka ndzeha a təv kurum ka, gəsum ŋgat lele, na dite a ge a magəɗa tsiye. Aɗaba ŋgat ka, a gewa mege megemir BATSAH kwa ŋa kamala ana iye i gewa ya mbaŋa.

1 Kurintiya 16:17

Iye ihər i ŋgeye a ba ka, hinne, agəra ana gà Sitefanas nda Fartunatus, nda gà Akayus, tə dara a təv ga ya ya. Tə dara ka, avukw kurum ana ki dwimera, ki zlèkwim a iye zləmana ya.

2 Kurintiya 12:15

Kamala taŋa ya, ku mege i vile a gà dukw gà fit, nda gà bəla i vile a ba gà, i mìt a, na dite i zlèk a dər kurum a tekeɗe ka, a wir aà iye a tsa, i ŋgeye a ba ivaɗ. Wànà kà wayum iye hinne asa tsəna, aɗaba ana i waya kurum hinne, a za dər meweye ana i waya gà mìsle ŋgiɗ a kəla ya?

2 Kurintiya 4:12

Kamala megweɗe ya, mər ka, i ɗa məməta hiywe. Ama kurum ka, mesife awiya ŋana a riŋ a ge a megemir i təv kurum.

FILIPIYA 2:17

Megìse kurum ana kə̀ gəsum Mbulum a ka, a ne kamala dukw taf masakəŋa ana kà kə̀ɗumar a. Ama na bəla ta kiɗ a iye ka, a ne a kamala ana i dzar à məmbəz gà kamala dukw taf masakəŋana ya mbaŋa. I səkah dər aaka ka, aka biy kurum ana kà vəlumar a. Na kataya ka, i ta ŋgeye a ba hinne, dite maŋgayaba ata a ge a i təv kurum mbaŋa.

FILIPIYA 2:27

Ama dukw məməta ka, aka gəs ŋgat kaɗəŋ, aka à mimìte dər. Zàkwayiya ka, a ndze are tsehe a Mbulum, tsèkwìr aka mbəl. Ama ka, ŋgat ɗekɗek tsa na a ndzer are tsehe ya. Iye tekeɗe ka, Yàa ndzer are tsehe mbaŋa. A mbəl à ŋgat ka, aɗaba mesewere are ŋgiɗ ma tə səkah aka gər gà asa tsa.

FILIPIYA 4:10

I ge kəkaaha a BATSAH kwa ŋa, dite i ŋgayaba hinne agəra ana kà dzalum gà gər aka iye ya asa. Ku mege piŋŋe tekeɗe ka, kàa dzalum aka iye kaɗəŋ. Ama kàa ŋgatum vatwa aà mezleke iye tsa pəra, na dite a ndza hinne kamala taŋa ya ya.

FILIPIYA 4:18

Yàa ŋgat dukw ana kà slirwimiŋara nda ahər Apafaruditus a, aka ndzera aà iye ya. I samata dukw ata ka, a za i gər a dukw ana a sle aà iye ya. I dəba dukw ata kà slirwimiŋara ya ka, duwa aka sle aà iye ilik asa tsa. I ndze a ka, barbararra lele kuɗa. Gà dukw ata ka, gà ŋgwal ŋa ndzer, kamala dukw taf masakəŋa ana ta vile a a Mbulum, a ze a hwaŋŋà lele ika miɗ ŋgar, a tsahən ahər hinne ya.

FILIMUN 1:13

I waya zləmana ka, ma ndza ɗa i təv ga i daŋgay ana ta gəs iye aɗaba bazlam ŋgwal ŋa ata ya, mà zlak iye, avukw kər ana ki zlèk a iye ya.

Sunwa Yuhana 12:11

Ama gà damər kwa ata ka, tàa mba aà ŋgat. Ta mba ahər ka, aɗaba Kəla Təmaŋ ana a mburuɗ tar nda məmbəz ŋgar a. Ta mba ahər asa ka, aɗaba ana ti tsikewa bazlam Mbulum a mburma ya. Kamala taŋa ya, ta vəl gà mesife tar a ahər ka, a Mbulum. Ku mege ta mete a tekeɗe ka, ti dzele a tsa.