FILIPIYA 2:3 - Bible Zulgo

³ Ka tə dzalum ka, ba kurum ɗekɗek tsa. Dite ka tə sə̀ŋgə̀rum à ba kurum ɓav tsa asa. Hənum à gər kurum a bəɗ tiɓìzl ivaɗ. Fə̀rum aà gà asiŋ gà mìsle ŋgiɗ kamala ana tar ka, gà ŋgwal ŋa hinne, tə za dər kurum a.

FILIPIYA 2:3 ပူးပေါင်းရင်းမြစ်များ

Luka 18:14

Yesuw a gwaɗa a tar asa: «Iye ihər i gweɗe a kurum ŋa: Mala dùwan aaha, aləka a da a ma ka, aka mbər mene ŋgwal ŋa ika miɗ Mbulum, bakal ŋgar aka pəl kuɗa. Ama Farisa aaha ka, ŋgat ka, a ne ŋgwal ŋa tsa. Aɗaba na wura a sasar, tə zalar batsah ŋa ka, Mbulum a ne a ŋgat kəla ŋa ivaɗ. Ama wur ana aka ne à ba ŋgar kwizikw ika miɗ mburma ya ka, Mbulum a ne a ŋgat batsah ŋa asa mbaŋa.»

RUMA 12:10

Wayum ba ika magər kurum, aɗaba ana kurum ka, nda gà damər ika vatwa Mbulum a. Ku weke mə̀ fə̀r aà damər ŋgar ka, hə̀zkə̀kə̀mma batsah ŋa kamala ana a za ŋgat ŋa ya.

RUMA 13:13

Mede kwa ma ge ka, ndaka vatwa ŋa lele, kamala gà mburma ana i təv dzaydzay ŋa ya. Ku kwayakwa aà guzum tsa, ka ti yahakwa dukw meèweke nda màŋgùlùhuɗ tsilikw tsilikw tsa. Ka ta gekwa dukw mezelme nda gà məkəs, kige tsa, nda gà asləka tsilikw tsilikw tsa asa. Ki gekwa maàga nda mege are aka dukw mburma tsa asa mbaŋa.

RUMA 2:8

Ama gà asiŋ gà biy ŋgiɗ ta gəsawa ahəm aà Mbulum tsidze. Ti niw a vatwa ndzer ŋana, dite ti zezem a ka, dukw ana ŋgwala tsiye ivaɗ. Tar ka, matsəɓatsəɓ Mbulum ika gər tar, à gis a tar i seriye ya.

1 Kurintiya 15:9

Iye ka, kəla ŋa na ika magər gà ɓəzla meslire Mbulum tserdze ya. I pə̀r aaba ka, i sle duwa tsa na ti zeliŋ a mala meslire Mbulum a. Aɗaba Yàa sèwèr are a gà mburma Yesuw akahər ata ka, hinne.

1 Kurintiya 3:3

Aɗaba kurum ka, hiywe kamala gà mburma ana ti dzele a aka dukw gər ahəɗ a mba. Kurum ihər ki gwim a are aka gà mìsle ŋgiɗ ika magər kurum, dite ki geywim aaba a maàga asa mbaŋa dze ana, meme? Na kurum ihər ki gwim a kataya asa ana, taŋa ana, kamala gà mìsle ŋgiɗ ana ti zezem a gər ahəɗ mba ya tsiye. Kaɗəŋ, taŋa ka, kà zùm aba nda gà tar tsidze.

2 Kurintiya 12:20

Iye ihər i ge a magəɗa aɗaba kurum ka, hinne, na bəla i təv ana i dehe a a təv kurum ka, i le aà kurum a ika vatwa ŋa, kamala ana i waya ya tsiye. Na aka ge kataya kaɗəŋ ka, mede gà ata i dehe a a təv kurum a tekeɗe, à tsehin aà kurum a tsa mbaŋa. I fataya ka, iye riŋ nda magəɗa hinne, aɗaba na bəla Yàa daha ka, i le aà kurum a, kurum riŋ ihər ki gwim a maàga, kige tsa, ki gwim a aba sələk nda gà matsəɓatsəɓ riŋ ika magər kurum, kige tsa mimbètsèba ahəm a riŋ ika magər kurum wùràpə̀ppa, dite kurum riŋ ihər ki ndzekwim a ba ikaba ya təv pampam, ki tsikwim a dukw ana ŋgwala tsiye aà gà mìsle ŋgiɗ, nda gà bəla ki lèvèkwim a ahəm aà mburma. Kige tsa asa, bəla kurum ihər ki gwim a aba a zlapa, nda gà bəla mewìsè bazlam a riŋ hinne ika magər kurum a.

GALATIYA 5:15

Ama na bəla ki geywim be a swalwa kamala gà dukw dala ana gà ŋgwala tsa, hə̀ràsə̀sa ta ŋgeleye a ba tar ŋa, kige tsa ta pepeɗe a ba ya ka, gwim metsehe lele, tsəka, ki ti dzeywimiŋa.

GALATIYA 5:26

Kà sə̀ŋgə̀rakwa à ba kwa tsa, dite ka tikekwa akaba matsəɓatsəɓ tsa, ki gekwa akaba are tsa asa mbaŋa.

EFESIYA 4:2

Hənum à gər kurum a bəɗ kəla pat. Dzum akaba ahəm lìfèɗìɗe lele, dite gəsum gəzləŋ i təv gà dukw ana ŋgwal ŋa tsa ika magər kurum a. Ama ka, wayum ba kurum ilik ilik tserdze ivaɗ.

EFESIYA 5:21

Kurum ana ki zlìbwim a à Yesuw Kiristi ya ka, hənum ba à gər a bəɗ.

FILIPIYA 2:14

I huɗ megemir kurum ana ki gwim a tserdze ya ka, ka sayum ahəm aà Mbulum tsa, kà mbetswim aba ahəm nda təv ŋgar ŋgùrà ŋgùrà nda maàga tsa asa mbaŋa,

KULUSIYA 3:12

Mə məts a kurum gər tsa: Mbulum a pala kurum, na dite kà nwim gà biy ŋgar a. Ŋgat na a waya kurum a ya. Aɗaba taŋa, say mede kurum ma ge ka, ŋgwal ŋa, kamala i gà mburma ŋgar ana a ne à tar gà awiya ŋa ya. Gà asiŋ gà mìsle ŋgiɗ ti ndze a kurum are tsehe, kə̀ gəsum ba lele, Hənum ba à gər a bəɗ, ki gwim ŋgwal a gà mìsle ŋgiɗ, dite kə̀ gəsum gəzləŋ mbaŋa.

KULUSIYA 3:8

Ama kinehe ka, miyakum aba à gà dukw ata tserdze ya: Gà matsəɓatsəɓ nda gà dukw ana ta wir aà kurum a tərfə̀ɗ tərfə̀ɗ a, nda mene are a gà mìsle ŋgiɗ. Ka tə ndavayum a gà mìsle ŋgiɗ tsa, dite ka tsikwim manəsa bazlam aà wura tsa asa mbaŋa.

1 TIMUTE 6:4

taŋa ŋgat ka, kamala mala hala gawla ana i liwiŋ mburma, à sìŋgìr a à ba ŋgar ka, tsaatsa, ŋgat ŋa a sər duwa tsidze ya. A sər i ŋgar ka, are mimbètsè ahəm, nda mayaha ahəm pìrèh pìrèh aà gà mburma ɗekɗek. Aɗaba wele ata aka ge gà dukw ata kataya ka, na ika magər tar nda gà mburma ka, say mene ba are, nda mege maàga kəla pat nda mandàvàyà ba, nda gà madzala gà gər gà dukw ana ŋgwal ŋa tsa masakəŋa taf nda təv mìsle ŋgiɗ a.

1 PIYER 3:8

Taŋa, i ndìv a à bazlam aaha nda magwàɗà a kurum tserdze: Ndzum ka, madzala gà gər kurum ma ge ka, ilik tserdze na ika magər kurum a. Ndzayum ba are tsehe, dite ka, wayum ba kurum lele, aɗaba kà nwim ka, nda gà damər na kurum ika vatwa Mbulum a. Zlakum ba ika magər kurum ilik ilik tserdze. Hənum ba à gər a bəɗ lele.

1 PIYER 5:5

A kurum gà gawla tekeɗe ka, gəsum ahəm aà gà bàba kurum ŋa mbaŋa. I tsik a ka, a gà mburma tserdze: Ka ta gwim aba zlapa tsa. Hənum aba à gər a bəɗ ika magər kurum. Hadzalum ba kurum aà mazlàkà ba ika magər kurum asa mbaŋa. Aɗaba ta wetse i wakita Mbulum ka, ta gwa: «Mbulum a niw a gà ɓəzla zlapa. Ama a ge a ŋgwal ŋa a gà na tàa həna à gər tar a bəɗ a.»*fa*