FILIPIYA 2:29 - Bible Zulgo

²⁹ Kamala taŋa ya, na bəla aləka aka ndzeha ka, gəsum ŋgat nda maŋgayaba lele, aɗaba ŋgat ka, damər kurum ana ika vatwa BATSAH kwa ŋa ya. Zlə̀bum à medzibe gà mburma ata kamala ŋgat a ya.

FILIPIYA 2:29 ပူးပေါင်းရင်းမြစ်များ

Luka 9:5

Na bəla kàa ndzwim a kwite ana ta waya kurum tsiye ka, tatakum a tar aba à ahəɗ tar à tsàpà kurum a, dite ka dum ba dukw kurum. Taŋa ka, kamala megweɗe ya: Maa be a kurum à ɗaf, sida ŋa ika gər kurum.»

Yuhana 13:20

Iye ihər i tsik a kurum a nda ndzer, pàrsa iɗəm tsa: Wele ana aka gəs mala meslire ana i slir a ya ka, a gəs taŋa ka, iye mbaŋa. Dite wele ana aka gəs iye ya ka, a gəs ka, wele ana a slərra iye ya mbaŋa asa.»

Gà Ɓəzla Meslire 2:46

Kəla pat ti yahawaba gər a təv ilik ŋa i ga Mbulum batsah ŋa na. Ti yahawaba gər aà mazəma ɗaf i gà ma tar ilik ilik tserdze. Tə zəmawa ka, nda gà maŋgayaba nda gəzləŋ ilik.

Gà Ɓəzla Meslire 28:10

I dəba ŋa ya, gà mburma ata i kwite ata ya tserdze, tə zlə̀b à mər hinne. Tə dzaya a mər gà duwa. I təv ana mìi meh a ba ya ka, tə dzaya a mər gà dukw ana a ge a mər a ŋgulum ika vatwa ya ya hinne.

Gà Ɓəzla Meslire 8:8

Gà mburma ana i kwite ata ya tserdze, ta ŋgaya ba hinne.

RUMA 10:15

Dite dze ana, na gà mburma Yesuw tàa slər mburma a təv tar tsəna, dite meme na gà ɓəzla meslire ata ta wile a aka mede aà metsike a tar a? Ama ka, tàa slər tar dukw ŋgar. Aka ge ba kamala ana a riŋ mewetse ŋa i wakita Mbulum ka, ta gwa: «Samata kwaŋ, na gà ɓəzla meslire na tə dara a təv tar, ti tsik a ter a bazlam ŋgwal ŋana ka, dite zayya a ŋgeye a ter a ba i gəzləŋ a.»*fe*

RUMA 16:2

A təv ana aka ndzeha ka, gəsum ŋgat nda zləm BATSAH kwa ŋa lele. Ki giswim a ka, kamala ana gà mburma Mbulum ta gewa ya. Zlakum ŋgat i təv dukw ana a sle ahər a ya tserdze. Aɗaba ŋgat mbaŋa ka, aka zlak mburma hinne, ku mege iye tekeɗe, aka zlak iye.

1 Kurintiya 16:10

Na Timute aka ndzeha a təv kurum ka, gəsum ŋgat lele, na dite a ge a magəɗa tsiye. Aɗaba ŋgat ka, a gewa mege megemir BATSAH kwa ŋa kamala ana iye i gewa ya mbaŋa.

1 Kurintiya 16:18

Tàa mìŋaha à arəv, kamala ana ta mà a kurumaha à arəv a mbaŋa. Medzìbe gà mburma ata ka, zlə̀bum à tar lele.

2 Kurintiya 10:18

Aɗaba Mbulum a waya ka, gà na tì zlibe a à ba tar a tsa, say à gà na ŋgat à zlibe a à tar a ivaɗ.

2 Kurintiya 7:2

Gəsum mər nda gəzləŋ kurum lele. Aɗaba mər tekeɗe, maa ge dukw ana ŋgwala tsiye, a wura ika magər kurum a ilik tsidze. Asa ka, wura aka dzeye ika vatwa Mbulum a agəra mər tsa, dite maa zla duwa aà wura ya nda wirwir a ɓav tsa asa mbaŋa.

FILIPIYA 2:28

Aɗaba taŋa i waya hinne na i mèhe a à ŋgat a təv kurum bise ya. Aləka kàa ŋgatumar, aka màha ka, ki ŋgeywim a ba, na dite i dəba ŋa ya, iye tekeɗe ka, i dzele a duwa asa tsiye.

KULUSIYA 4:10

Aristarkus ana mər mandza ŋa ɗa i daŋgay məma ya, a ge a kurumaha wusa mbaŋa. Dite Markus, kəla damər Barnabas tekeɗe, a ge a kurumaha wusa mbaŋa asa. Na aka ndzeha a təv kurum ka, gəsum ŋgat lele. Aɗaba Yàa mbər metsike a kurumaha aba ya piŋŋe, dukw ana kà gwim agəra ŋgat a.

1 TESALUNIKE 5:12

Gà damər mər, mər ihər mìi ge a kurumehe a kamkam hinne: Sərum ba nda gà na ta ge a megemir Mbulum ika magər kurum a. Tar ka, gà na BATSAH kwa ŋa a pala, a dza aɗəm tar ika magər kurum, dite ti ɗif a kurum à vatwa ŋgar a.

1 TIMUTE 5:17

Gà bàba ŋana tar riŋ ta ge a megemir ndaka vatwa ŋa ika magər gà mburma Mbulum a ka, zlə̀bum à tar hinne. Ta ŋgat dukw maya ba tar mbaŋa. Ndeyndey ŋa ka, gà na tar riŋ ti tsik a bazlam Mbulum, ti ɗif a à guma ŋgar a mburma ya.

IBƏRANIKWA 13:17

Gəsum ahəm aà gà na tə lah a kurum aka miɗ i təv magəsa Mbulum a. Dzum zləm a dukw ana ti tsik a kurum a ya. Aɗaba tar ka, gà ɓəzla makàslà kurum. Aləka dzìrìk ta hitse a aka miɗ Mbulum, ti tsiker a megemir tar ana ta geye ika gər ahəɗ a ya. Na kàa gəsum aà tar ahəm ka, ta ge a megemir Mbulum nda maŋgayaba ŋa. Ama na kàa gəsum aà tar ahəm tsəka, ta ge a megemir tar ka, turtur nda arəv ŋa, dite taŋa tekeɗe ka, a ge a kurum a ŋgulum ɓav tsa asa mbaŋa.

3 Yuhana 1:10

Aɗaba taŋa na Yàa daha a təv kurum ka, i ɗif a à bakal ŋgar ana a ge a ya tserdze parakkà ika miɗ mburma tserdze, kamala ana a ses aà iye pàrsa, a tsik aà iye dukw ana ŋgwala tsiye. Ama a geye a ka, gà dukw ata ɗekɗek tsa. Bakal ŋgar ana ndeyndey ŋa ya ka, a gəs gà mburma Mbulum ana tə dawara a təv ŋgar a tsa. Dite ŋgat asa ka, a riŋ kwìlekikkè a pele a ahəm a gà na a sàs a tar məvəla ahər a gà mburma ata ya, a delewe a tar i liwiŋ gà mburma Mbulum ata ya mbaŋa asa.