FILIPIYA 2:27 - Bible Zulgo

²⁷ Ama dukw məməta ka, aka gəs ŋgat kaɗəŋ, aka à mimìte dər. Zàkwayiya ka, a ndze are tsehe a Mbulum, tsèkwìr aka mbəl. Ama ka, ŋgat ɗekɗek tsa na a ndzer are tsehe ya. Iye tekeɗe ka, Yàa ndzer are tsehe mbaŋa. A mbəl à ŋgat ka, aɗaba mesewere are ŋgiɗ ma tə səkah aka gər gà asa tsa.

FILIPIYA 2:27 ပူးပေါင်းရင်းမြစ်များ

Gà Ɓəzla Meslire 9:37

A ta megeha i dəba ŋa ya ka, a dəɗ a dukw məməta, a mət dər. Tə daha, ta bara ŋgat. Tə zla ŋgat, tə tsəl à ŋgat a ga ana ika gər biy ŋgiɗ a.

1 Kurintiya 10:13

Dukw ana Əbay sitene a dzik a dər à kurum a ka, a riŋ a dzik a à mburma tserdze dukw ŋgar. Ama Mbulum ana ŋgat mala ndzer a ka, à zlèk a kurum kamala ana a tsik a. Na bəla Əbay sitene a sasar a dzik a à kurum nda dukw ana a za ndzəɗa kurum a ka, Mbulum a viler a vatwa tsidze. Seyiŋ tsa, medzike ana ti dzik a à kurum, a le aà kurum a ya ka, Mbulum a vile a kurum a ndzəɗa, dite na ki mirwim a aba ya. A zlèk a kurum, na dite ka, Əbay sitene a bene a kurum asa tsiye.

2 Kurintiya 2:7

Ama kinehe ka, say pə̀lumar à bakal ŋgar, kà mùmaraha à arəv. Aɗaba na kàa gwimer kataya tsəka, à mìt a à arəv ndeyndey, a miyek a à madzala gà gər ika vatwa Mbulum a fit kweleŋ.

FILIPIYA 2:26

Aɗaba a waya madaha a təv kurum hinne, gər aka wiser, ki kìvwimeriŋa, aɗaba ana ŋgat a tsaraka ka, ta gwa là, kàa tsarakum dukw məməta ŋgar aaha a gəs ɗa ŋgat a ya.

FILIPIYA 2:28

Aɗaba taŋa i waya hinne na i mèhe a à ŋgat a təv kurum bise ya. Aləka kàa ŋgatumar, aka màha ka, ki ŋgeywim a ba, na dite i dəba ŋa ya, iye tekeɗe ka, i dzele a duwa asa tsiye.

FILIPIYA 2:30

Aɗaba a zeha ka, kwizikw, aka à mimìte, agəra mege megemir Yesuw Kiristi. A dzala i gər ŋgar ka, a gwa, ku mege i mìt a tekeɗe ka, à zlèk a iye. Kamala taŋa ya, a zla təv mendze ata ka, avukw kurum, na dite à ndìv a à mege megemir ŋa kamala ana zləmana kurum ki zlèkwim a iye ya.