FILIPIYA 2:22 - Bible Zulgo

²² Ama Timute ka, kà sərum mede ŋgar ana ŋgwal ŋa ya. Mər nda ŋgat məma, mì tsikewa bazlam ŋgwal ŋa ana biy Yesuw Kiristi ya, a mburma. A zlàkawa iye aà megemir kamala kəla ana à zlèk a tsir ŋgar a.

FILIPIYA 2:22 ပူးပေါင်းရင်းမြစ်များ

Gà Ɓəzla Meslire 16:2

Ama gà damər ŋgar ana ika vatwa Mbulum i kwite Listira nda gà na i Ikuniya ya, ta waya Timute hinne.

RUMA 5:4

Na bəla kàa simekwaha a mesewere are ata ka, gəzləŋ kwa a ŋget a ndzəɗa, a ndze a ɓəŋɓəŋ lele. Na kàa ŋgatakwa ndzəɗa kataya ka, ki dzèkwe a madzala gà gər kwa a təv Mbulum, ki sirekwe a dər ka, ŋgat na a ta gekwe a dukw ana a tsik i sida ya ya.

1 Kurintiya 16:10

Na Timute aka ndzeha a təv kurum ka, gəsum ŋgat lele, na dite a ge a magəɗa tsiye. Aɗaba ŋgat ka, a gewa mege megemir BATSAH kwa ŋa kamala ana iye i gewa ya mbaŋa.

1 Kurintiya 4:17

A sèsiŋ ka, ki gwim a kamala taŋa ya. Aɗaba taŋa na i sləraha Timute a təv kurum mbaŋa ya. Dite ma daha ka, mə̀ mà aka meɗìfè kurum à mede gà ana i dawa ika vatwa Yesuw Kiristi ya. Dukw ana i dzeŋge a kurum a ya ka, kamala ana i dzeŋgewa a gà mburma tserdze, ku mege i ŋga ya mbaŋa. Ŋgat ka, kəla gà ana mandərkwasla ŋa ika vatwa Mbulum a. Dite ŋgat asa ka, a ge a megemir Mbulum ndaka vatwa ŋa lele asa mbaŋa.

2 Kurintiya 2:9

I wetse a kurumaha wakita ata, i waya ka, i dzik dər à kurum, aà mesèmete ka, wànà kurum ihər ki gwim a dukw ana i tsikewa a kurum a ya, tsəna, ki gwim a tsiye ya. Araha, kàa tàtə̀kum a wele ata ka, hinne. Ama kinehe ka, say pə̀lumar à bakal ŋgar kuɗa pəra na a zeha ya.

2 Kurintiya 8:22

Mìi slirehe a mìsle ŋgiɗ pam asa, ti dehe a nda gà mburma ata sula ya. Wele ata ka, maa dzik à ŋgat sik diŋ, dite mì samata ka, a waya mazlàkà kurum nda ndzer dukw ŋgar. Kinehe tekeɗe, a sasar à zlèk a kurum, à zè a taŋa asa mbaŋa, aɗaba ana a tsaraka meɗè zləm mede kurum ana ika vatwa Mbulum ŋgwal ŋa lele ya.

2 Kurintiya 8:24

Wayum gà mburma ata nda gəzləŋ ilik, dite gà mayahaba gər gà mburma Mbulum ata tə sləraha tar a təv kurum a, ti tsereke taŋa ka, ti sir a dər, dukw ana mì tsik aà tar ŋgwal ŋa nda təv kurum a ka, ndzer kaɗəŋ, pàrsa iɗəm tsa.

2 Kurintiya 8:8

Dukw ana i tsik a kurum i faha ya ka, i fàr aka kurum ndzəɗa na aà məvəla siŋgwe ata ya tsa. Ama i fàfəl aka gər gà mìsle ŋgiɗ ka, dite mà zlak kurum mbaŋa. Aɗaba a sèsiŋ ka, i vile a kurum a vatwa, dite ku weke ma sər dər ka, kà wayum gà asiŋ gà mìsle ŋgiɗ nda ndzer kaɗəŋ a.

FILIPIYA 1:12

A kurum gà damər gà, a sèsiŋ ka, sərum dər aà labara ana a le aà iye i faha ya. Megìse aaha ta gəs iye ya, a zlak ka, ŋgwal bazlam aaha biy Yesuw Kiristi ya ivaɗ, na dite ka, a de a aka miɗ aka miɗ, a ɗe a zləm a.

FILIPIYA 1:16

Ta ge dər kataya ka, aɗaba ana ta waya iye, tə sər, Mbulum a slər iye a faha ka, dite i tsik a ŋgwal bazlam ana biy Yesuw Kiristi ya, a mburma, i ɗif a ter a à ndzer ŋana ya.

FILIPIYA 1:5

I gewar kəkaaha ka, aɗaba kàa gewakwa ba, kà zlàkawum iye aà megemir metsìkè bazlam ŋgwal ŋana, aà gər pat ana malahalah ŋa, kà nwim gà mburma Mbulum a, haa kinehe ya.

FILIPIYA 1:7

Ŋgwal ŋa lele na iye ihər i dzele a kamala taŋa ya, dite i ndze a ka, ndzəɗakkà na agəra kurum a. Aɗaba kà dwimiŋ gər lele. Aɗaba kurum nda gà iye tserdze ka, Mbulum aka ge a kwa ŋgwal ŋa, na dite ki zlèkwim a iye ana gədzə̀zlzla mandza ŋa i daŋgay a, dite i təv ana i tsikewa ŋgwal bazlam ana biy Yesuw Kiristi ika miɗ seriye, i ɗif a à ndzer ŋana ya mbaŋa.

FILIPIYA 2:20

Wura a riŋ i faha na a dzele a gà gər aka megemir Yesuw Kiristi kamala iye ya ilik tsidze, say ŋgat ilik. Ŋgat ka, a waya mazlàkà kurum ndzer.

1 TIMUTE 1:18

Kər kinehe ka, kamala kəla gà ya, Timute. Yàa miyak aba à bazlam aaha a ahər yak a, kamala ana gà ɓəzla məma à guma Mbulum ti tsik piŋŋe ndakahər yak a. Dzala aka bazlam tar ata lele, ma ne dukw ahər yak. Dite megemir yak ma da aka miɗ aka miɗ nda ŋgwal ŋa.

1 TIMUTE 1:2

I wetseha wakita aaha ka, a kər Timute ana kà ne kəla gà ndzer a, aɗaba kàa gəs Yesuw nda gəzləŋ yak ilik. Gà Mbulum Tsir kwa nda Yesuw Kiristi BATSAH kwa ŋa ta gik ŋgwal, ka ndza a tar are tsehe, dite ta vəlak matasla yam a gəzləŋ zayya lele.

1 TIMUTE 4:6

Na ki ɗif a à bazlam ata a gà na ti ne gà damər yak ika vatwa Mbulum a ka, ki ne a mala megemir Yesuw Kiristi ŋgwal ŋa ndzer. Dite gà bazlam Mbulum ana kə̀ gə̀sakwa, nda gà guma ŋgwal ŋa ana ki zezem a kamala dukw mezime ana kər riŋ ihər ki zim a kəla pat a ka, tì sìkèhek a à ndzəɗa yak aka miɗ aka miɗ.

2 TIMUTE 1:2

I wetseha ka, a kər Timute ana kà ne kəla gà, i waya kər nda ndzer a. Gà Mbulum Tsir kwa nda Yesuw Kiristi BATSAH kwa ŋa ta gik ŋgwal, ka ndza a tar are tsehe, dite ta vəlak matasla yam a gəzləŋ zayya lele.

2 TIMUTE 3:10

Ama kər ka, kàa gəs dukw ana i dzeŋgewa a mburma ya, kàa zazam lele. Dite kàa zazam mede gà ana i dawa i liwiŋ gà mburma Mbulum a, nda dukw ana a sèsiŋ i gewa i huɗ mege megemir gà ya mbaŋa. Dite megìse gà ana i gəs Mbulum nda gəzləŋ a, nda miveve ga, dite nda mawàyà mburma ana i waya ya tekeɗe, kàa ge tèrihhwè asa mbaŋa. Mendze gà ana i mà aba à arəv ɓəŋɓəŋ ika miɗ Mbulum a,

TITUS 1:4

I wetseha ka, a kər Titus ana kər kà ne kəla gà, kà nema ilik i təv megìse ana kə̀ gə̀sama Mbulum a ya. I heme a a Mbulum Tsir kwa nda Yesuw Kiristi ana ŋgat mala məmbə̀là à kwa ya, ta gek ŋgwal ŋa, ta vəlak matasla yam a gəzləŋ zayya lele.