FILIPIYA 2:20 - Bible Zulgo

²⁰ Wura a riŋ i faha na a dzele a gà gər aka megemir Yesuw Kiristi kamala iye ya ilik tsidze, say ŋgat ilik. Ŋgat ka, a waya mazlàkà kurum ndzer.

FILIPIYA 2:20 ပူးပေါင်းရင်းမြစ်များ

Yuhana 10:13

A vel a ka, aɗaba ana madzala gà gər ŋgar ka, aka dukw maya ba ŋgar ɗekɗek, a dzele a gà təmaŋ tsiye.

Yuhana 12:6

Tsaatsa a tsik bazlam ata kataya ka, aɗaba ana gà ɓəzla matawak ti ndzer are tsehe ya tsa. Ama aɗaba ana ŋgat mala akəl, a gəsawa kìywa ana tə dzawa aɗəm siŋgwe ya ka, a ndzə̀kawa ihər a zaakwa zaakwa ya.

RUMA 15:5

I heme a Mbulum, mala məmàha à arəv a mburma, nda məvəla tar ndzəɗa, na dite ta mir aba a dzəŋdzəŋ a. I hemer a ka, i waya mə vəl a kurum madzala gà gər ilik ndəɓəts a təv ilik ŋa, ki zezemwim a dukw Yesuw Kiristi ana a ge akahər ata ya,

1 Kurintiya 16:10

Na Timute aka ndzeha a təv kurum ka, gəsum ŋgat lele, na dite a ge a magəɗa tsiye. Aɗaba ŋgat ka, a gewa mege megemir BATSAH kwa ŋa kamala ana iye i gewa ya mbaŋa.

FILIPIYA 2:2

Aɗaba taŋa na kinehe i ge a kurum a kamkam a: Wayum ba ika magər kurum ilik ilik tserdze. Kamala taŋa ya, ndzum ka, madzala gà gər kurum ma ge ka, ilik. Bazlam kurum tekeɗe, ma ge ka, ilik mbaŋa. Na kàa gwim kamala taŋa ya ka, i ŋgeye a ba i gəzləŋ ga ndzəɗakkà.

FILIPIYA 2:22

Ama Timute ka, kà sərum mede ŋgar ana ŋgwal ŋa ya. Mər nda ŋgat məma, mì tsikewa bazlam ŋgwal ŋa ana biy Yesuw Kiristi ya, a mburma. A zlàkawa iye aà megemir kamala kəla ana à zlèk a tsir ŋgar a.

KULUSIYA 4:11

Yesuw ana tə zalar Yustus a, a ge a kurumaha wusa mbaŋa. Gà mburma ata makər a ɗekɗek, na tar ika magər gà Yahuda, tar riŋ mìi ge akaba a megemir nda gà iye, aɗaba mekwere Əbay Mbulum a. Tàa zlak iye ka, hinne.

1 TIMUTE 1:2

I wetseha wakita aaha ka, a kər Timute ana kà ne kəla gà ndzer a, aɗaba kàa gəs Yesuw nda gəzləŋ yak ilik. Gà Mbulum Tsir kwa nda Yesuw Kiristi BATSAH kwa ŋa ta gik ŋgwal, ka ndza a tar are tsehe, dite ta vəlak matasla yam a gəzləŋ zayya lele.

1 TIMUTE 4:6

Na ki ɗif a à bazlam ata a gà na ti ne gà damər yak ika vatwa Mbulum a ka, ki ne a mala megemir Yesuw Kiristi ŋgwal ŋa ndzer. Dite gà bazlam Mbulum ana kə̀ gə̀sakwa, nda gà guma ŋgwal ŋa ana ki zezem a kamala dukw mezime ana kər riŋ ihər ki zim a kəla pat a ka, tì sìkèhek a à ndzəɗa yak aka miɗ aka miɗ.

2 TIMUTE 1:5

I dzalawa gà gər ka, aka megìse yak ana kə̀ gəs Mbulum nda gəzləŋ ilik, nda ndzer ŋa ya mbaŋa. Gà batsah məmər yak Luwisa nda mama yak Afinike na tə lah aà magəsa Mbulum nda gəzləŋ ilik kamala taŋa ya ya. Ti tikewa madzala gà gər tar ka, aka ŋgat kəla pat. Ama i sər ndzer, kər tekeɗe ka, kər riŋ nda medzibe megìse ata mbaŋa.

2 TIMUTE 3:10

Ama kər ka, kàa gəs dukw ana i dzeŋgewa a mburma ya, kàa zazam lele. Dite kàa zazam mede gà ana i dawa i liwiŋ gà mburma Mbulum a, nda dukw ana a sèsiŋ i gewa i huɗ mege megemir gà ya mbaŋa. Dite megìse gà ana i gəs Mbulum nda gəzləŋ a, nda miveve ga, dite nda mawàyà mburma ana i waya ya tekeɗe, kàa ge tèrihhwè asa mbaŋa. Mendze gà ana i mà aba à arəv ɓəŋɓəŋ ika miɗ Mbulum a,