Wele ana a zla daala awiya ŋa ya ka, daala ata ka, biy ŋgar dukw ŋgar. Ama masla zal dəm ata ka, mehìtsè ŋa i təv ŋgar, a riŋ à dze a zləm a mifefile masla ŋgar ata a tsiker a ya. Aka tsaraka kataya ka, a ŋgeye a ba hinne. Kamala taŋa ya, iye tekeɗe, maŋgayaba aka rah a gəzləŋ ga kinehe ka, hinne mbaŋa.
FILIPIYA 2:2 - Bible Zulgo2 Aɗaba taŋa na kinehe i ge a kurum a kamkam a: Wayum ba ika magər kurum ilik ilik tserdze. Kamala taŋa ya, ndzum ka, madzala gà gər kurum ma ge ka, ilik. Bazlam kurum tekeɗe, ma ge ka, ilik mbaŋa. Na kàa gwim kamala taŋa ya ka, i ŋgeye a ba i gəzləŋ ga ndzəɗakkà. အခန်းကိုကြည့်ပါ။ |
FILIPIYA 2:2
28 ပူးပေါင်းရင်းမြစ်များ
Gà damər gà, kinehe ka, bazlam gà aka ndəv a faha. Ndzum zayzay lele. Gəsum ahəm aà dukw ana i tsik a kurum a lele, dite ka simwim aba ika vatwa Mbulum. Bazlam kurum ma ge ka, ilik pəra. Ndzum ika magər kurum ka, zayzay lele. Na ki ndzwim a kataya ka, Mbulum ana ŋgat mala mawàyà kwa ya, nda məvəla a kwa matasla yam a gəzləŋ a ka, a ndze a i təv kurum mbaŋa.
Aɗaba taŋa na i wetse a kurumaha wakita ŋgiɗ ata ya. Taŋa ka, avukw ana i dehe a a təv kurum zləmana ya. Na mege i daha a təv kurum akahər ata ka, ki vilwimiŋ a matsəɓatsəɓ a gəzləŋ ivaɗ. Ama ana ka, say kurum ivaɗ na ki vilwimiŋ a maŋgayaba a gəzləŋ zləmana ya. Ama i sər ndzer, na iye riŋ nda gà maŋgayaba ka, kurum tserdze tekeɗe, ki ndzwim a nda maŋgayaba mbaŋa.
Ama mede ŋgar ana a dara ya ɗekɗek tsa. A mà a məraha à arəv ka, nda bazlam ana a tsik a mər a mbaŋa. A tsik a mər ka, meme na kà mùmaraha à arəv a. A gwaɗa a mər asa ka, a sàs a kurum aà meŋgetiŋ asa zləmana ŋa, nda gà na kurum riŋ ihər ki dzelwim a gà gər aka dukw kurum ana ki gwim ŋgwala tsiye ya. Dite a sàs a kurum hinne na ki wiywimiŋ a ba, ki geywim a ika iye ya nda təv gà ɓəzla mene are gà ana ti niŋ a ya. I təv ana i tsaraka taŋa ya ka, i səkah à maŋgayaba hinne asa kuɗa.
Dite kurum asa mbaŋa na ki tsikwim a ter a bazlam ana a vile a mesife a mburma ya ya. Na kàa gwim kamala taŋa ya ka, a pat ana Yesuw Kiristi à mère a ya ka, i ŋgeye a ba ika miɗ ŋgar, aɗaba kurum. Aɗaba i sir a dər, megemir gà ana i ge nda mawura ba ŋa tserdze ya ka, i ya ba ka, taf masakəŋa tsa.
Sərum dər ka, ku mege iye riŋ i təv kurum tsa, iye diriŋ aà kurum a tekeɗe, madzala gà gər gà ka, a riŋ i təv kurum kəla pat. I ŋgaya ba hinne, aɗaba ana i tsaraka ka, ki zezemwim a Mbulum tèrihhwè ndaka vatwa ŋa lele, dite gəzləŋ kurum ibam, a ndze a ɓəŋɓəŋ i təv megìse kurum ana kə̀ gəsum Yesuw Kiristi ya ya.
Ama kurum kinehe ka, gà damər mər, say mìi ge a kəkaaha a Mbulum kəla pat, aɗaba kurum. Ŋgat ŋa na waya kurum a. Aɗaba a pala kurum ka, daga aà gər ana aka ge gər ahəɗ zukw tsiye, na dite ka, a mbil a à kurum nda ndzəɗa Mezite Mesife ŋgar ana a ne à kurum gà mburma ŋgar a. A mbil a à kurum ka, aɗaba ana kə̀ gəsum dukw ana ndzer a mbaŋa ya.
ကြော်ငြာတွေ