FILIPIYA 2:19 - Bible Zulgo

¹⁹ Na Yesuw BATSAH kwa ŋa a waya ka, i dzala, i gwa, i ti slirehe a Timute a təv kurum bise, na dite i təv ana à mère a a təv ga ya ka, a dere a, a ɗifiŋ a dər, meme na kàa ndzum a. Dite à mìŋehe a à arəv kamala na a mà a kurum dərraha ya mbaŋa.

FILIPIYA 2:19 ပူးပေါင်းရင်းမြစ်များ

Mata 12:21

Ama gà mburma ana ika gər ahəɗ a tserdze, ti tike a madzala gà gər tar ka, a təv ŋgar ilik.»*fc*

Gà Ɓəzla Meslire 16:1

Aləka gà Pul ta mah ba i fataya, tə daya a gà kwite Derbe nda Listira. Ti ndzeha a fata ka, tàa le aà mala magəsa Yesuw duwa a riŋ, zləm ŋgar Timute. Wele ata, na a wa ŋgat ka, dəm gà Yahuda. Mama ŋgar ata ibam, mala magəsa Yesuw mbaŋa. Ama tsir ŋgar kə̀la ka, gà girek.

RUMA 15:12

Ama Ezaya, mala məma à guma Mbulum ana akahər ata ya, a tsik mbaŋa asa ka, a gwa: «Wura a riŋ ilik i gwala Yasa a dere a, à pèt a aba mba. A dere a ka, aà makwàrà gà na gà Yahuda tsiye mbaŋa. Tar tekeɗe, ti dzele a dukw ana Mbulum a tsik i sida ya, a gwa, i ge a nda ahər ŋgar a.»*fe*

RUMA 16:21

Taŋa Timute ana mìi ge a megemir məma ya, a ge a kurumaha wusa asa. Gà ɓəza gà ma gà, gà Lukiyus nda Yasun, nda gà Susipatarus ta ge a kurumaha wusa mbaŋa.

1 Kurintiya 4:17

A sèsiŋ ka, ki gwim a kamala taŋa ya. Aɗaba taŋa na i sləraha Timute a təv kurum mbaŋa ya. Dite ma daha ka, mə̀ mà aka meɗìfè kurum à mede gà ana i dawa ika vatwa Yesuw Kiristi ya. Dukw ana i dzeŋge a kurum a ya ka, kamala ana i dzeŋgewa a gà mburma tserdze, ku mege i ŋga ya mbaŋa. Ŋgat ka, kəla gà ana mandərkwasla ŋa ika vatwa Mbulum a. Dite ŋgat asa ka, a ge a megemir Mbulum ndaka vatwa ŋa lele asa mbaŋa.

EFESIYA 1:13

Kurum tekeɗe ibam ka, i təv ana kàa tsarakum bazlam ŋgwal ŋana ndzer, kà sərum ka, ki ta mbilwim a dər a ka, kə̀ gəsum Yesuw Kiristi nda gəzləŋ kurum mbaŋa. Kərga taŋa ya, Mbulum aka ge aà kurum lambà nda Mezite Mesife ŋgar ana a gwa ka, i ta vile a kurum a ya, aɗaba ana kurum mandza ŋa i təv ilik ŋa nda gà Yesuw Kiristi ata ya.

FILIPIYA 1:1

Na a wetse wakita aaha ka, iye Pul, mər nda Timute ana mər gà ɓəzla meslire Yesuw Kiristi ya. Mì wetseha ka, a kurum gà mburma Mbulum ana i Filipiya, kurum riŋ mandza ŋa i təv ilik ŋa nda gà Yesuw Kiristi ya. Mì wetseha ka, a gà bàba ŋa ana ika magər kurum a, dite a gà ɓəzla mazlàkà kurum gà mburma Mbulum tserdze mbaŋa.

FILIPIYA 2:18

Kurum tekeɗe, ŋgeywim ba. Kamala taŋa ya, ki ŋgeyekwe a ba tserdze a təv ilik ŋa.

FILIPIYA 2:28

Aɗaba taŋa i waya hinne na i mèhe a à ŋgat a təv kurum bise ya. Aləka kàa ŋgatumar, aka màha ka, ki ŋgeywim a ba, na dite i dəba ŋa ya, iye tekeɗe ka, i dzele a duwa asa tsiye.

1 TESALUNIKE 3:2

Kurum kà sərum, Timute ka, damər kwa ana mər ihər mìi ge akaba a megemir nda gà ŋgat a. Mər nda gà ŋgat ka, mì tsikewa bazlam ŋgwal ŋa ana aka gər Yesuw Kiristi ya. Mì sləraha ŋgat a təv kurum ka, dite mà zlak kurum, mə̀ mà a kurumaha à arəv, dite ka, ki ŋgetwim a ndzəɗa ika vatwa Mbulum ɓəŋɓəŋ lele.

1 TESALUNIKE 3:5

Aɗaba taŋa, i təv ana i sər, kurum ihər ki sèwèrwim a are ya ka, i sle aà magəsa gəzləŋ asa tsa. Kamala taŋa ya, i sləraha Timute a təv kurum ka, na dite i sir a dər, meme na ki ndzwim a ya ya. Wànà megìse kurum ana kə̀ gəsum Yesuw Kiristi nda gəzləŋ kurum ana, a de a aka miɗ aka miɗ a, tsəna, Əbay sitene aka bana kurum a. Na bəla kataya ka, taŋa megemir mər ana mì ge ika magər kurum a, a ne ka, taf masakəŋa.

2 TESALUNIKE 1:3

Gà damər mər, ku mege meme tekeɗe, say mìi ge a kəkaaha a Mbulum kəla pat aɗaba kurum. Taŋa ka, ŋgwal ŋa na mìi ge a kamala taŋa ya, aɗaba megìse kurum ana kə̀ gəsum Mbulum nda gəzləŋ kurum a ka, a riŋ à sìkèh a hinne ya. Dite mawàyà ba kurum ana ki weywim a ba ika magər kurum a tekeɗe, a riŋ a de a aka miɗ aka miɗ kamala taŋa ya mbaŋa ya.

2 TIMUTE 1:12

Aɗaba taŋa na kinehe i sèwèr a are kamala naha ya. Ama ka, i ge a magəɗa ɓav tsa. Aɗaba i sər na wele ana i gəs ŋgat nda gəzləŋ gà ya. Dite i sər ndzer asa ka, dukw ana aka viliŋ a ahər a ka, a kesle a lele, haa a pat ana a ta ge seriye ya.

YAKUBA 4:15

Ŋgulum ki gweɗwim a ivaɗ ka: «Mege Mbulum a vile a mər a vatwa ka, mìi ndze a nda mesife mər, mìi ge a naha, kige tsa mìi ge a naaka.»

1 PIYER 1:21

Kə̀ gəsum Mbulum nda gəzləŋ kurum ka, aɗaba ŋgat, ŋgat ana Mbulum a mbəl dərra i məməta ya, dite a vəlar mezlibe ana gà mburma tì zlibe a à ŋgat hinne ya. Aɗaba taŋa ki slwim a aà məvəla gəzləŋ kurum a Mbulum ilik, na dite ki sirwim a dər ka, a ta mbil a kurum mbaŋa ya.